Recent Movies

ಸಿನೆಮಾ

Share This Article To your Friends

Showing posts with label ಕಂಪ್ಲೀಟ್ ಸ್ಟೋರಿಗಳು. Show all posts
Showing posts with label ಕಂಪ್ಲೀಟ್ ಸ್ಟೋರಿಗಳು. Show all posts

ಪೆಟ್ರೋಲ್ ಇಲ್ಲದೆ ಓಡುತ್ತೆ ಈ ವಿಮಾನ!

ಇಂಧನವೇ ಇಲ್ಲದೇ ಆಕಾಶದಲ್ಲಿ ಹಾರಾಡುತ್ತೆ ವಿಮಾನ.. ಸೂರ್ಯನ ಬೆಳಕನ್ನೇ ಶಕ್ತಿಯಾಗಿ ಪರಿವರ್ತಿಸುತ್ತೇ ಆ ವಿಮಾನ.. ಇಬ್ಬರು ಸೋದರ ಕನಸಿನ ಕೂಸು, ಈಗ ಜಗತ್ತನ್ನೇ ತಿರುಗಿ ನೋಡುವಂತೆ ಮಾಡಿದೆ. ಜಗತ್ತಿನಲ್ಲೆಡೆ ತೀವ್ರ ಸಂಚಲನ ಮೂಡಿಸಿದ ಆ ಅಚ್ಚರಿಯ ವಿಮಾನ ಇವತ್ತು ಮಧ್ಯರಾತ್ರಿ ಭಾರತಕ್ಕೆ ಬಂದಿಳೀತಿದೆ. ಆ ವಿಮಾನದ ಹಿಂದಿನ ರೋಚಕ ಕಥೆ ಇಲ್ಲಿದೆ ನೋಡಿ

ವಿಮಾನ.. ಅದು ರೈಟ್​ ಬ್ರದರ್ಸ್ ಜಗತ್ತಿನ ಜನಕ್ಕೆ ಕೊಟ್ಟ ಬಹುಮಾನ.. ಅಂದಿನ ಕಾಲದಲ್ಲಿ ಅದು ವೈಮಾನಿಕ ಲೋಕದ ಅತಿ ದೊಡ್ಡ ಸಂಶೋಧನೆಯಾಗಿತ್ತು.. ಆದ್ರೆ ಈವತ್ತು, ಅದಕ್ಕಿಂತಲೂ ಅಚ್ಚರಿಯ ಸಂಶೋಧನೆ ಮಾಡಿದ್ದಾರೆ ವಿಜ್ಞಾನಿಗಳು.. ಇಂಧನವೇ ಇಲ್ಲದೇ ಆಕಾಶದಲ್ಲಿ ಹಾರಾಡಬಲ್ಲ ಅಚ್ಚರಿಯ ವಿಮಾನವನ್ನು ಕಂಡು ಹಿಡಿದಿದ್ದಾರೆ..

ಇದೇ.. ಇಂಧನವೇ ಇಲ್ಲದೇ ಆಕಾಶದಲ್ಲಿ ನಿರಾತಂಕವಾಗಿ ಹರಾಡಿ ಜಗತ್ತನ್ನೇ ಅಚ್ಚರಿಯಲ್ಲಿ ಮುಳುಗೋಹಾಗೇ ಮಾಡಿದ ಹೊಸ ವಿಮಾನ.. ಇಂಧನ ಇಲ್ಲದೇ ಕೇವಲ ಸೂರ್ಯನ ಶಕ್ತಿಯನ್ನೇ ಬಳಸಿಕೊಂಡು ಹಾರಾಟ ನಡೆಸೋ ಈ ವಿಮಾನ, ಈಗ ಜಗತ್ತನ್ನ ಸುತ್ತೋಕೆ ಸಿದ್ಧವಾಗಿದೆ. ಇವತ್ತು ಮಧ್ಯರಾತ್ರಿ ಬೆಂಗಳೂರಿಗೆ ಬಂದಿಳಿಯುತ್ತೆ ಈ ಅಚ್ಚರಿಯ ವಿಮಾನ...

ಆವತ್ತು ಇಬ್ಬರು ರೈಟ್​ ಬ್ರದರ್ಸ್​ ಆಕಾಶದಲ್ಲಿ ಹಾರಾಡೋ ವಿಮಾನ ತಯಾರಿಸಿ, ಜಗತ್ತನ್ನೇ ನಿಬ್ಬೆರಗುಗೊಳಿಸಿದ್ರು.. ಆದ್ರೆ ಇವತ್ತು ಕೂಡ ಇಬ್ಬರು ವಿಜ್ಞಾನಿಗಳು ಈ ಹೊಸ ವಿಮಾನವನ್ನ ಕಂಡು ಹಿಡಿದಿದ್ದಾರೆ.. ಅವ್ರೇ ಸ್ವಿಟ್ಜರ್​ ಲ್ಯಾಂಡಿನ ಬೆರ್​​ಟ್ರಾಂಡ್​​ ಪಿಕ್ಕಾರ್ಡ್‌ ಮತ್ತು ಌಂಡ್ರೆ ಬೋರ್ಶ್‌ಬಗ್‌.. ಈ ಇಬ್ಬರು ವಿಜ್ಞಾನಿಗಳ ಕನಸಿನ ಫಲವಾಗಿ ಇವತ್ತು ಈ ದೈತ್ಯ ವಿಮಾನ ಆಕಾಶದಲ್ಲಿ ಹಾರಾಡಿ ಜಗತ್ತನ್ನೇ ಅಚ್ಚರಿಯಲ್ಲಿ ಮುಳುಗುವಂತೆ ಮಾಡ್ತಿದೆ..

ಇಂಧನ ಇಲ್ದೇ ವಿಮಾನ ಹಾರುತ್ತೇ ಅನ್ನೋದಕ್ಕೆ ಸಾಕ್ಷಿಯಾಗಿದೆ ಇಲ್ಲಿ ಹಾರ್ತಾ ಇರೋ ವಿಮಾನಾ.. ಈ ವಿಮಾನದ ಹೆಸ್ರು ‘ಸೋಲಾರ್​ ಇಂಪಲ್ಸ್​-2’.. ಇದು ಇಂದನ ಇಲ್ಲದೇ, ಬರೀ ಸೂರ್ಯನ ಶಾಖದಿಂದ ಆಕಾಶದಲ್ಲಿ ಹಾರುತ್ತೆ.. ಹೊಸದೇನಾದ್ರೂ ಹುಟ್ಟು ಹಾಕಿ ಜಗತ್ತೇ ತನ್ನತ್ತ ತಿರುಗಿ ನೋಡ್ಬೇಕು ಅನ್ನೋ ಮಹತ್ವಾಕಾಂಕ್ಷೆ ಇದ್ದ ಈ ಇಬ್ಬರು ಸಾಹಸಿ ಪೈಲಟ್​ಗಳು, ಈ ವಿಮಾನದ ಸಂಶೋಧನೆಗೆ  ತಯಾರಾಗಿ ನಿಂತ್ರು..




ಮೊದಲಿಗೆ ಸಂಶೋಧನೆಯಲ್ಲಿ ಮುಳುಗಿದ ಬೆರ್​​ಟ್ರಾಂಡ್​​ ಪಿಕ್ಕಾರ್ಡ್‌ ಮತ್ತು ಌಂಡ್ರೆ ಬೋರ್ಶ್‌ಬಗ್‌, ನಂತರದಲ್ಲಿ ಯುವ ವಿಜ್ಞಾನಿಗಳ ತಂಡವನ್ನೇ ಕಟ್ಟಿಕೊಂಡು, 2003 ರಲ್ಲಿ ಈ ವಿಮಾನದ ತಯಾರಿಗೆ ಸಿದ್ಧವಾಗ್ತಾರೆ.. ಯುವ ತಂಡವನ್ನು ಕಟ್ಟಿಕೊಂಡು ಮೊದಲಿಗೆ ಈ ಸೋಲಾರ್​​ ವಿಮಾನದ ರೂಪು ರೇಷೆಯನ್ನ ರೆಡಿ ಮಾಡ್ತಾರೆ.. ವಿಮಾನದ ಕಂಪ್ಲೀಟ್​ ನೀಲ ನಕ್ಷೆಯನ್ನು ತಯಾರಿಸ್ತಾರೆ..  ಮೊದಲಿಗೆ ಪೈಲೆಟ್ ಒಬ್ಬನೇ ವಿಮಾನದಲ್ಲಿ ಕೂತ್ಕೊಳ್ಳೋಕೆ ಅನುಕೂಲವಾಗೋ ಥರ ಸೀಟಿಂಗ್​ ವ್ಯವಸ್ಥೆ ಮಾಡ್ತಾರೆ..

ಮೊದಲಿಗೆ ವಿಮಾನದ ಇಂಜಿನ್​ ಅನ್ನ ತಯಾರು ಮಾಡ್ತಾರೆ.. ಅದ್ರಲ್ಲಿ ಪೈಲಟ್ ಕೂತ್ಕೊಳ್ಳೋಕೆ ಮತ್ತು ಮಲಗೋದಕ್ಕೆ ಅನುಕೂಲವಾಗೋ ಥರ, ವಿಶಾಲವಾದ ಜಾಗವನ್ನ ಮೀಸಲಿಡ್ತಾರೆ.. ಆಮ್ಲಜನಕದ ಕೊರತೆಯುಂಟಾದ್ರೆ, ಉಸಿರಾಟಕ್ಕೆ ತೊಂದರೆಯಾಗದೇ ಇರಲಿ ಅನ್ನೋ ಉದ್ದೇಶಕ್ಕಾಗಿ, ವಿಮಾನದಲ್ಲಿ ಆಮ್ಲಜನಕದ ಪೂರೈಕೆ ಕೂಡ ಮಾಡಲಾಗುತ್ತೆ..

ಇನ್ನು ಪೈಲಟ್​ಗೆ ಆಯಾಸವಾದ್ರೆ, ಆತ ಅದೇ ಸೀಟನ್ನ ಹಿಂದಕ್ಕೆ ಬಾಗಿಸಿ ವಿಮಾನದಲ್ಲೇ ನಿದ್ದೇ ಮಾಡ್ಬಹುದು..ಇದಾದ ನಂತರ, ವಿಮಾನಕ್ಕೆ ಬೇಕಾದ ಆಧುನಿಕ ತಂತ್ರಜ್ಞಾನಗಳನ್ನು ಅಳವಡಿಸಲಾಗುತ್ತೆ.. ವಿಮಾನದ ಪ್ರತಿಯೊಂದು ಭಾಗವನ್ನೂ, ತೂಕ ಮಾಡಿನೇ ಅಳವಡಿಸಲಾಗುತ್ತೆ.. ಯಾಕಂದ್ರೆ, ಒಂದು ಗ್ರಾಂ ಹೆಚ್ಚು ಕಡಿಮೆ ಇದ್ರೂ, ಅದು ವಿಮಾನದ ಹಾರಾಟದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತೆ.. ಅದಕ್ಕೆ ತುಂಬಾ ಸೂಕ್ಷ್ಮವಾಗಿ ಈ ವಿಮಾನವನ್ನ ತಯಾರಿಸಲಾಗುತ್ತೆ.. ಇಂಜಿನ್​ ಭಾಗ ರೆಡಿಯಾದ್ಮೇಲೇ ವಿಮಾನದ ರೆಕ್ಕೆಗಳ ತಯಾರಿಕೆಗೆ ಮುಂದಾಗ್ತಾರೆ ವಿಜ್ಞಾನಿಗಳು.. ಇದೇ ಕಣ್ರಿ.. ವಿಜ್ಞಾನಿಗಳಿಗೆ ಸವಾಲಿನ ಕೆಲಸ ಅಂದ್ರೆ.. ಯಾಕಂದ್ರೆ, ಇಂಧನವಿಲ್ಲದೇ ಈ ವಿಮಾನ ಆಕಾಶದಲ್ಲಿ ಹಾರಾಡೋಕೆ ಸಹಾಯಕವಾಗೋದೇ ಈ ರೆಕ್ಕೆಗಳಿಂದ.. ಅದಕ್ಕಾಗಿ ಈ ರೆಕ್ಕೆಗಳನ್ನು ಕಣ್ಣಲ್ಲಿ ಕಣ್ಣಿಟ್ಟು ಜಾಗರೂಕತೆಯಿಂದ ತಯಾರಿಸ್ತಾರೆ..

ಸೋಲಾರ್​ ವಿಮಾನದ ಜೀವಾನೇ ಈ ರೆಕ್ಕೆಗಳು.. ಈ ಸೌರ ಕೋಶಗಳೇ, ಸೂರ್ಯನ ಶಕ್ತಿಯನ್ನು ಹೀರಿಕೊಂಡು, ವಿಮಾನದ ಇಂಜಿನ್​ಗೆ ಅದನ್ನ ರವಾನೆ ಮಾಡುತ್ತೆ.. ಆ ಸೌರ ಶಕ್ತಿಯಿಂದಾನೇ, ಈ ವಿಮಾನ ಆಕಾಶದೆತ್ತರಕ್ಕೆ ನಿರಾತಂಕವಾಗಿ ಹಾರುತ್ತೆ.. ಆಧುನಿಕ ತಂತ್ರಜ್ಞಾನದ ಇಂಜಿನ್​​, ಸೌರಶಕ್ತಿಯನ್ನು ಹೀರುವ ರೆಕ್ಕೆಗಳನ್ನು ಹೊತ್ತುಕೊಂಡ ವಿಮಾನ ಹಾರಾಟಕ್ಕೆ ಸಿದ್ಧವಾಗಿ ನಿಲ್ಲುತ್ತೆ.. 2003 ರಲ್ಲಿ ಮೊದಲ ಸೌರ ವಿಮಾವನ್ನು ತಯಾರಿಸಲು ಮುಂದಾದ ಬೆರ್​​ಟ್ರಾಂಡ್​​ ಪಿಕ್ಕಾರ್ಡ್‌ ಮತ್ತು ಌಂಡ್ರೆ ಬೋರ್ಶ್‌ಬಗ್‌ ತಂಡ, 2009 ರಲ್ಲಿ ಮೊದಲ ಬಾರಿಗೆ ಸ್ವಿಟ್ಜರ್​ ಲ್ಯಾಂಡ್​ನಲ್ಲಿ 26 ಗಂಟೆಗಳ ಕಾಲ ನಿರಂತರವಾಗಿ ಹಾರಾಟ ನಡೆಸುತ್ತೆ.. ಇದಾದ ನಂತರ ಸ್ವಲ್ಪ ಸುಧಾರಣೆ ತಂದು, ‘ಸೋಲಾರ್​ ಇಂಪಲ್ಸ್​​-2’ ವಿಮಾನವನ್ನು ಯಶಸ್ವಿಯಾಗಿ ತಯಾರಿಸಿದ್ದಾರೆ. ಈಗ ಆ ವಿಮಾನ ಜಗತ್ತಿನಾದ್ಯಂತ ಹಾರಾಡಿ, ಜಗತ್ತಿನ ಜನರನ್ನ ನಿಬ್ಬೆರಗಾಗುವಂತೆ ಮಾಡ್ತಿದೆ.

ಇವತ್ತು ಮಧ್ಯರಾತ್ರಿ ಭಾರತಕ್ಕೆ ಬಂದಿಳೀತಿರೋ ಈ ಸೋಲಾರ್​ ವಿಮಾನದ ತೂಕ ಎಷ್ಟಿದೆ ಗೊತ್ತಾ..? ಅದನ್ ಕೇಳಿದ್ರೆ ನಿಜಕ್ಕೂ ನೀವು ಶಾಕ್ ಆಗ್ತೀರ.. ಇನ್ನು ಆ ವಿಮಾನದ ರೆಕ್ಕೆಗಳ ಬಗ್ಗೆ ಕೇಳಿದ್ರೆ, ಅಬ್ಬಬ್ಬಾ ಅಂತೀರ.. ಸೋಲಾರ್​ ವಿಮಾನದ ಹಿಂದಿನ ರೋಚಕ ಕಥೆ ಮುಂದಿದೆ ಓದಿ..
-----------------------------------------
ಈ ಸೋಲಾರ್​ ವಿಮಾನದ ಬಗ್ಗೆ ಕೇಳಿದ್ರೆ ನೀವು ನಿಜಕ್ಕೂ ಅಚ್ಚರಿ ಪಡ್ತೀರ.. ಯಾಕಂದ್ರೆ, ಆ ಕಥೇನೇ ರೋಚಕವಾಗಿದೆ. ಇಂಧನ ಇಲ್ಲದೇನೇ ಆಕಾಶದಲ್ಲಿ ಹಾರಾಟ ನಡೆಸುತ್ತೆ.. ಅದೂ ಹಗಲಲ್ಲಿ ಮಾತ್ರ ಅಲ್ಲ.. ರಾತ್ರಿ ಟೈಮಲ್ಲೂ ಈ ವಿಮಾನ ನಿರಾತಂಕವಾಗಿ, ಆಕಾಶದಲ್ಲಿ ಹಾರಾಡುತ್ತೆ..

ಸೋಲಾರ್​ ಶಕ್ತಿಯನ್ನು ಬಳಸಿಕೊಂಡು ಹಾರಾಡ್ತಿರೋ ಈ ವಿಮಾನ ಜಗತ್ತಿನಾದ್ಯಂತ ಸದ್ದು ಮಾಡ್ತಿದೆ. ಇಂಧನದ ಕೊರತೆ ಎದುರಿಸ್ತಿರೋ ಆಧುನಿಕ ಜಗತ್ತಿನಲ್ಲಿ, ಇಂಥಾ ಸೋಲಾರ್​ ವಿಮಾನ ಒಂದು ವಿಶಿಷ್ಟ ಮೈಲುಗಲ್ಲಾಗಿ ಪರಿಣಮಿಸಿದೆ. ಈ ಸೋಲಾರ್ ಇಂಪಲ್ಸ್​-2 ವಿಮಾನದ ರೆಕ್ಕೆಗಳು ಬೃಹದಾಕಾರವಾಗಿದೆ ಕಣ್ರಿ.. ಒಂದಲ್ಲ ಎರಡಲ್ಲ ಇದರ ರೆಕ್ಕೆಗಳು ಬರೋಬ್ಬರಿ 72 ಮೀಟರ್​ ಉದ್ದವಾಗಿದೆ.. ಅಂದ್ರೆ, ಸಾಮಾನ್ಯ ಬೋಯಿಂಗ್ ವಿಮಾನದ ರೆಕ್ಕೆಗಿಂತ ದೊಡ್ಡದಾಗಿದೆ. ಇನ್ನು ಈ ವಿಮಾನದ ತೂಕ 2.3 ಟನ್ ಅಷ್ಟೇ ಕಣ್ರಿ.. ಅಂದ್ರೆ, ಒಂದು ಕಾರಿನ ತೂಕಕ್ಕೆ ಸಮನಾಗಿದೆ ಈ ಸೋಲಾರ್ ವಿಮಾನ.. ಬೇರೆ ವಿಮಾನಗಳಿಗಿಂತ ತುಂಬಾನೇ ಕಡಿಮೆ ತೂಕ ಹೊಂದಿದೆ..

ಇನ್ನು 72 ಮೀಟರ್​ ಉದ್ದವಿರುವ ಈ ರೆಕ್ಕೆಗಳು ಸಂಪೂರ್ಣವಾಗಿ ಸೌರ ಕೋಶಗಳಿಂದ ನಿರ್ಮಾಣ ಮಾಡಲಾಗಿದೆ. ಸುಮಾರು 17248 ಸೌರ ಕೋಶಗಳನ್ನು ಈ ರೆಕ್ಕೆಗಳಲ್ಲಿ ಅಳವಡಿಸಲಾಗಿದೆ. ಈ ಸೌರ ಕೋಶಗಳು ಸೂರ್ಯನ ಶಾಖವನ್ನು ಹೀರಿ, ಹಿಡಿದಿಟ್ಟುಕೊಂಡು, ಇಂಜಿನ್​ಗೆ ಶಕ್ತಿ ನೀಡುತ್ತದೆ. ಇನ್ನು ಹಿಂಭಾಗದಲ್ಲಿರುವ ರೆಕ್ಕೆ ಕೂಡ ಸೌರ ಕೋಶಗಳಿಂದ ಕೂಡಿದ್ದು, ಸೌರ ಶಕ್ತಿಯನ್ನು ಹಿಡಿದಿಟ್ಟುಕೊಳ್ಳುತ್ತೆ..

ಇನ್ನು ಇದ್ರ ಮಧ್ಯಭಾಗ ಫೈಬರ್​ನಿಂದ ಕೂಡಿದೆ. ಪೈಲಟ್ ಕೂತ್ಕೊಳ್ಳೋದ್ರ ಹಿಂಭಾಗದಲ್ಲಿ 6 ಆಕ್ಸಿಜನ್ ಸಿಲಿಂಡರ್​​ಗಳಿರುತ್ತೆ. ಇದು ಪೈಲಟ್​ನ ಉಸಿರಾಟಕ್ಕೆ ಸಹಾಯಕವಾಗುತ್ತೆ. ಇದ್ರಲ್ಲಿ ಇಬ್ಬರು ಪೈಲಟ್​ಗಳು ಕೂತ್ಕೊಳ್ಳೋಕೆ ಅವಕಾಸ ಕಲ್ಪಿಸಲಾಗಿದೆ. ಒಬ್ಬರು ಕೂತ್ಕೊಂಡು ವಿಮಾನ ಓಡಿಸ್ತಿದ್ರೆ, ಮತ್ತೊಬ್ಬ ಪೈಲೆಟ್​ ಹಿಂದೆ ನಿದ್ದೆ ಮಾಡ್ತಿರ್ತಾನೆ.. ಅದಕ್ಕಾಗಿ ಹಿಂಭಾಗದಲ್ಲಿ ಜಾಗ ಕಲ್ಪಿಸಲಾಗಿದೆ. ಏನಾದ್ರೂ ಎಮರ್ಜನ್ಸಿ ಇದ್ರೆ, ಮಲಗಿದ್ದ ಪೈಲಟ್​ನನ್ನ ಎಚ್ಚರಿಸೋದಕ್ಕೆ, ಆತನ ಕೈನಲ್ಲಿ ಒಂದು ರಿಸ್ಟ್ ವಾಚ್ ಇರುತ್ತೆ.. ಇನ್ನು ಸೀಟಿನ ಹಿಂಭಾಗದಲ್ಲಿ ಲಗೇಜ್​ ಬ್ಯಾಗ್​ಗಳನ್ನು ಇಡೋದಕ್ಕೆ ಜಾಗ ಇದೆ..


ಇನ್ನು ಈ ಸೋಲಾರ್​ ವಿಮಾನ ಹಗಲು ಹೊತ್ತಲ್ಲಿ, ಸೂರ್ಯನ ಬಿಸಿಲಿನಿಂದಾಗಿ, ಗರಿಷ್ಠ 140 ಕಿಮೀ ವೇಗದಲ್ಲಿ ಮುನ್ನುಗುತ್ತೆ.. ಆದ್ರೆ ರಾತ್ರಿ ಸಮಯದಲ್ಲಿ ಸೂರ್ಯನ ಬೆಳಕು ಇರೋದಿಲ್ಲ.. ಆದ್ರೂ, ಹಗಲಲ್ಲಿ ಶೇಖರಿಸಿಕೊಂಡಿರೋ ಸೂರ್ಯನ ಬೆಳಕನ್ನೇ ಬಳಸಿಕೊಂಡು, 35 ಕಿಮಿ ವೇಗದಲ್ಲಿ ಹಾರುತ್ತೆ.. ಒಟ್ಟಾರೆ ಈ ವಿಮಾನದ ಸರಾಸರಿ ವೇಗ 70 ಕಿಮೀ. ಇನ್ನು ಈ ವಿಮಾನಕ್ಕೆ ಒಟ್ಟು ನಾಲ್ಕು ಚಕ್ರಗಳಿವೆ.. ಮುಂದೆ ಒಂದು ಚಕ್ರವದ್ದು, ಅದಕ್ಕೆ ಆಧಾರ ಅನ್ನುವಂತೆ ಮತ್ತೆರಡು ಚಕ್ರಗಳು ಅದರ ಪಕ್ಕದಲ್ಲೇ ಇವೆ.. ಇದ್ರ ಜೊತೆಗೆ, ಹಿಂಬದಿಯಲ್ಲಿರೋ ಅಡ್ಡ ರೆಕ್ಕೆಯ ಕೆಳಭಾಗದಲ್ಲಿ ಒಂದು ಚಕ್ರವಿದೆ.

ಇನ್ನು ಈ ವಿಮಾನಕ್ಕೆ, ಒಟ್ಟು ನಾಲ್ಕು ಫ್ಯಾನ್​ಗಳಿವೆ.. ಅದ್ರ ಹಿಂಭಾಗದಲ್ಲಿ ಎಲೆಕ್ಟ್ರಿಕ್​ ಇಂಜಿನ್​​ ಅನ್ನ ಅಳವಡಿಸಲಾಗಿದೆ. ನಾಲ್ಕು ಮೀಟರ್​​ ಉದ್ದವಾಗಿರೋ ಫ್ಯಾನ್​ ರೆಕ್ಕೆಗಳು ತಿರುಗಿದಾಗ, ಈ ಸೌರ ವಿಮಾನದ ಹಾರಾಟಕ್ಕೆ ಬೇಕಾದ ಶಕ್ತಿ ಉತ್ಪಾದನೆಯಾಗುತ್ತೆ. ಒಂದಲ್ಲ ಎರಡಲ್ಲ.. ಸಾಕಷ್ಟು ವೈಶಿಷ್ಟ್ಯತೆಗಳಿಂದ ಕೂಡಿದೆ ಈ ಸೋಲಾರ್ ವಿಮಾನ.. ಇಷ್ಟೋಂದು ವಿಭಿನ್ನವಾದ ಈ ವಿಮಾವನ್ನು ತಯಾರಿಸೋ ಮೂಲಕ, ಜಗತ್ತಿನಲ್ಲೇ ಸುದ್ದಿ ಮಾಡಿದ್ದಾರೆ ಈ ವಿಜ್ಞಾನಿಗಳು..

ವಿಭಿನ್ನವಾಗಿ ಯೋಚಿಸೋರನ್ನ ಹುಚ್ಚ ಅಂತಾರೆ.. ಆ ಆಲೋಚನೆ ವೈಜ್ಞಾನಿಕವಾಗಿ ಸಫಲವಾದ್ರೆ, ಅವನನ್ನೇ ವಿಜ್ಞಾನಿ ಅಂತಾರೆ.. ಇದು ಈ ಇಬ್ಬರು ವಿಜ್ಞಾನಿಗಳ ಬದುಕಲ್ಲೂ ನಿಜ ಆಗಿದೆ ಕಣ್ರಿ.. ಮೊದಲಿಗೆ ಇಂಧನ ಇಲ್ದೇ ಹಾರಾಡೋ ವಿಮಾನ ಕಂಡ್ ಹಿಡೀತೀವಿ ಅಂತ ಅಂದಾಗ, ಜನ್ರು ಇವ್ರನ್ನ ಹುಚ್ಚ ಅಂದುಕೊಂಡಿದ್ರಂತೆ.. ಆದ್ರೆ ಈಗ ತಮ್ಮ ಸಾಧನೆ ಏನು ಅನ್ನೋದನ್ನ, ಇಡೀ ಜಗತ್ತಿಗೆ ತೋರಿಸಿದ್ದಾರೆ.

ಸಂಶೋಧಕ ಆಂಡ್ರೆ ಬೋರ್ಶ್‌ಬಗ್‌ ಹೇಳಿದ್ದೇನು?
------------------------------------
ಡಿಯರ್ ಫ್ರೆಂಡ್ಸ್​.. ವೆಲ್​ಕಂ.. ನಾನು ಪ್ರತಿಯೊಂದು ಬಾರಿ ಈ ವಿಮಾ ನೋಡಿದಾಗೆಲ್ಲಾ, ನನಗೆ ನನ್ನ ಬಾಲ್ಯದ ನೆನಪಾಗುತ್ತೆ. ನಿಮಗೂ ಆಗುತ್ತೆ ಅಂತ ಭಾವಿಸ್ತೀನಿ. ಇದೊಂಥರ ಡಿಸ್ನಿಯಲ್ಲಿ ಬರೋ ಅನಿಮೇಷನ್ ಕಾರ್ಟೂನ್ ಥರ ಇದೆ. ಆನೆಮರಿ ಮೊದಲು ಜನ್ಮತಾಳಿದಾಗ, ಜನರು ಅದನ್ನ ನೋಡಿ ಅಪಹಾಸ್ಯ ಮಾಡ್ತಾರೆ. ಆದ್ರೆ ಅದು ದೊಡ್ಡದಾಗಿ ಬೆಳೆದು ನಿಂತಾಗ, ಅದರ ಸಾಮರ್ಥ್ಯ ಗೊತ್ತಾಗುತ್ತೆ


ಯಸ್.. ನಿಜ.. ಇವ್ರು ಸಂಶೋಧನೆಗೆ ನಿಂತಾಗ ಬಹಳಷ್ಟು ಜನ್ರು ಇವ್ರನ್ನ ಅಪಹಾಸ್ಯ ಮಾಡಿದ್ರು.. ಇವ್ರಿಂದ ಏನ್ ಸಾಧ್ಯವಾಗುತ್ತೆ ಬಿಡ್ರಿ ಅಂತ ಇವ್ರನ್ನ ಕಡೆಗಣಿಸಿದ್ರು.. ಆದ್ರೆ ಆ ಎಲ್ಲಾ ಅವಮಾನಗಳನ್ನು ಮೆಟ್ಟಿನಿಂತು ತಮ್ಮ ಸಾಮರ್ಥ್ಯ ಎನು ಅಂತ ತೋರಿಸಿಕೊಟ್ಟಿದ್ದಾರೆ. ಆವತ್ತು ಅಪಹಾಸ್ಯ ಮಾಡಿದ್ದ ಜನ್ರೇ ಇವತ್ತು ಇವ್ರನ್ನು ಮಹಾನ್ ವಿಜ್ಞಾನಿಗಳು ಅಂತ ಜೈಕಾರ ಹಾಕ್ತಿದ್ದಾರೆ. ಇವ್ರ ಸಾಧನೆಯನ್ನ ಮೆಚ್ಚಿ ಕೊಂಡಾಡ್ತಿದ್ದಾರೆ.. ಇದಕ್ಕೆ ಕಾರಣ ಇವರ ಶ್ರಮದ ಫಲವಾಗಿ ಜನ್ಮತಾಳಿದ, ಇಂಧನ ರಹಿತ ಸೋಲಾರ್​ ವಿಮಾನ..

ಅಪಹಾಸ್ಯ ಮಾಡಿದವರ ಎದುರಲ್ಲೇ, ಜಗತ್ತೇ ತಿರುಗಿ ನೋಡುವಂಥ ಸಾಧನೆ ಮಾಡಿದ್ದಾರೆ ಈ ವಿಜ್ಞಾನಿಗಳು.. ಇವರ ಕನಸಿನ ಕೂಸು ಭಾರತದಲ್ಲೂ ಹಾರಾಟ ನಡೆಸಿದೆ. ಮುಂದೆ ಓದಿ ಆ ವಿಷ್ಯ
--------------------------------
ಈ ಸೋಲಾರ್​ ವಿಮಾನ ಈಗ ಜಗತ್ತಿನ ಜನರನ್ನು ತನ್ನತ್ತ ತಿರುಗಿ ನೋಡುವಂತೆ ಮಾಡಿದೆ. ಶಿಂಡ್ಲರ್​​ ಗ್ರೂಪ್​ ನಿರ್ಮಿಸಿದ ಜಗದ್ವಿಖ್ಯಾತ ವಿಮಾನ ಇದು.. ಬೆರ್​​ಟ್ರಾಂಡ್​​ ಪಿಕ್ಕಾರ್ಡ್‌ ಮತ್ತು ಌಂಡ್ರೆ ಬೋರ್ಶ್‌ಬಗ್‌ ತಂಡ 2003 ರಿಂದ ಸುರಿಸಿದ ಬೆವರಿನ ಫಲ ಕಣ್ರಿ ಈ ವಿಮಾನ.. ಇಂಧನದ ಕೊರತೆ ಎದುರಿಸ್ತಿರೋ ಜಗತ್ತಿನಲ್ಲಿ, ಈ ವಿಮಾನ ಒಂದು ಅದ್ಭುತ ಸಂಶೋಧನೆಯಾಗಿದೆ. ವೈಮಾನಿಕ ಲೋಕದಲ್ಲಿ ಇದೊಂದು, ಮೈಲುಗಲ್ಲಾಗಿದೆ.

ಹೀಗೆ ಸೌರಶಕ್ತಿಯನ್ನು ಬಳಸಿಕೊಂಡು ಹಾರಾಡೋ ಈ ವಿಮಾನದ ಬಗ್ಗೆ ಜನರಲ್ಲಿ ಅರಿವು ಮೂಡಿಸೋ ಉದ್ದೇಶ ಈ ವಿಜ್ಞಾನಿಗಳದ್ದು.. ಹೀಗಾಗಿ ಈಗ ವಿಶ್ವ ಪರ್ಯಟೆನೆಗೆ ಮುಂದಾಗಿದ್ದಾರೆ.. ಅದೂ ತಾವು ತಯಾರಿಸಿರೋ ಈ ಸೋಲಾರ್​ ವಿಮಾನದಲ್ಲೇ.. ರಾತ್ರಿ ಹೊತ್ತಲ್ಲಿ, ಆಕಾಶದಲ್ಲಿ ನಕ್ಷತ್ರದಂತೆ ಮಿನುಗೋ ಈ ವಿಮಾನದಲ್ಲಿ, ರಾತ್ರಿಯಲ್ಲೂ ಹಾರುತ್ತೆ ಅನ್ನೋದ್ರಲ್ಲಿ ಡೌಟೇ ಇಲ್ಲ.. ಸೂಕ್ಷ್ಮ ಲೈಟ್​ಗಳ ವ್ಯವಸ್ಥೆ ಇರೋ ಈ ವಿಮಾನ ಸತತ ಐದು ದಿನಗಳ ಕಾಲ ನಿರಂತರವಾಗಿ ಹಾರಾಡುತ್ತೆ... ಹೀಗಾಗಿ ತಾವು ತಯಾರಿಸಿರೋ ಇದೇ ವಿಮಾನವನ್ನ ಹತ್ತಿ, ಜಗತ್ತನ್ನ ಸುತ್ತಲು ರೆಡಿಯಾಗೇಬಿಟ್ಟಿದ್ದಾರೆ.

ವಿಜ್ಞಾನ ಲೋಕದ ಈ ಆವಿಷ್ಕಾರದ ಬಗ್ಗೆ ಜಗತ್ತಿನ ಜನರಲ್ಲಿ ಅರಿವು ಮೂಡಿಸಬೇಕು.. ಅದ್ರಲ್ಲೂ ಇಂಧನದ ಕೊರತೆ ಇರೋ ಜಾಗತಿಕ ಪರಿಸ್ಥಿತಿಯಲ್ಲಿ ಪರ್ಯಾಯ ವ್ಯವಸ್ಥೆಯಾಗಿ ಜನ್ಮತಾಳಿದ ಈ ವಿಮಾನದ ಬಗ್ಗೆ ಜನರಲ್ಲಿ ಅರಿವು ಮೂಡಿಸಬೇಕು ಅನ್ನೋದು ಇವ್ರ ಆಸೆ..  ಆರಂಭದಲ್ಲಿ ನಾವು ಇಂಥದ್ದೊಂದು ವಿನೂತನ ಸಂಶೋಧನೆಗೆ ಕೈ ಹಾಕಿದ್ದೀವಿ ಅಂದಾಗ ಯಾರೂ ಇವ್ರ ಸಹಕಾರಕ್ಕೆ ಬರಲೇ ಇಲ್ಲ.. ಎಷ್ಟೋ ಪ್ರಯತ್ನಗಳ ಫಲವಾಗಿ ಇದೀಗ ಕೆಲವು ಸಂಸ್ಥೆಗಳ ಪ್ರಾಯೋಜಕತ್ವದಲ್ಲಿ ಈ ಸೋಲಾರ್ ವಿಮಾನ ತಯಾರಾಗಿದೆ.

ಆದ್ರೆ ಇಂಥ ಸೋಲಾರ್​ ವಿಮಾನಗಳು ಜನರ ಓಡಾಟಕ್ಕೆ ಅನುಕೂಲವಾಗುವಂತೆ ಮಾಡ್ಬೇಕು.. ಆದ್ರೆ ಅಷ್ಟೋಂದು ವಿಮಾನಗಳ ತಯಾರಿಕೆ ಸುಲಭದ ಮಾತಲ್ಲ.. ಹೀಗಾಗಿ ಜಗತ್ತಿನಾದ್ಯಂತ ಇರೋ ಎಲ್ಲಾ ದೇಶಗಳ ಸಹಾಯ ಬೇಡೋ ಉದ್ದೇಶ ಕೂಡ ಇವ್ರಲ್ಲಿದೆ. ಅರಬ್​ ಸಂಯುಕ್ತ ಸಂಸ್ಥಾನದ ಅಬುದಾಬಿಯಲ್ಲಿ ತಮ್ಮ ವಿಮಾನ ಹತ್ತಿ  ಹೊರಟಿದ್ದಾರೆ.

ಮಾರ್ಚ್​ 9, 2015 ನೇ ತಾರೀಕು ಬೆಳಿಗ್ಗೆ 3 ಗಂಟೆಗೆ ಅಬುದಾಬಿಯಿಂದ ಹೊರಟ ಈ ವಿಮಾನ, 733 ಕಿಮೀ ದೂರದಲ್ಲಿರೋ ಒಮನ್ ಪ್ರದೇಶದ ಮಸ್ಕಟ್​​ ಅನ್ನ ಕೇವಲ 13 ಗಂಟೆಗಳಲ್ಲಿ ತಲುಪಿದೆ. ಮಸ್ಕಟ್​ಗೆ ಬಂದಿಳಿದ ಈ ವೈಮಾನಿಕ ಸಾಧಕರಿಗೆ ಭರಪೂರ ಸ್ವಾಗತ ಕೋರಿದ್ರು ಅಲ್ಲಿನ ವಿಜ್ಞಾನಿಗಳು.. ಇನ್ನು ಮಸ್ಕಟ್​ನಿಂದ ಹೊರಟು ನಿನ್ನೆನೇ ಭಾರತದ ಅಹಮದಾಬಾದ್​ಗೆ ಬಂದಿಳೀಬೇಕಿತ್ತು.. ಆದ್ರೆ ಮಸ್ಕಟ್​​ನಲ್ಲಿ ಹವಾಮಾನ ವೈಪರಿತ್ಯದಿಂದಾಗಿ, ವಿಮಾನ ಹೊರಡೋದು ತಡವಾಯ್ತು.. ನಂತರ ಮಸ್ಕಟ್​​ನಿಂದ ಭಾರತಕ್ಕೆ ಬಂದಿಳೀತು..

ಇನ್ನು ಭಾರತದಲ್ಲಿ ಎರಡು ದಿನಗಳ ಕಾಲ ನೆಲೆಸಿದ ಈ ವಿಮಾನದ ನಿರ್ಮಾತೃಗಳು.. ನಂತರ ಇಲ್ಲಿನ ಎನ್​ಜಿಓ ಮತ್ತು ಬಿಸಿನೆಸ್​ ಮ್ಯಾನ್​ಗಳು ಹಾಗೂ ವಿದ್ಯಾರ್ಥಿಗಳೊಂದಿಗೆ ಸಮಾಲೋಚನೆ ಮಾಡಿದ್ರು, ನಂತರ ಅಹಮದಾಬಾದ್​ನಿಂದ ಗಂಗಾನದಿಯ ಮಾರ್ಗವಾಗಿ ವಾರಣಾಸಿ ತಲುಪಿದ್ರು..

ಗಂಗಾನದಿಯ ಮೇಲೆ ಈ ವಿಮಾನ ಹಾರಾಟ ಮಾಡೋ ಮೂಲಕ, ಗಂಗಾಮಾತೆಯ ದರ್ಶನ ಪಡೆಯೋದು, ಈ ವಿಜ್ಞಾನಿಗಳ ಆಶಯವಾಗಿತ್ತು. ವಾರಣಾಸಿಯಿಂದ ಮಯನ್ಮಾರ್​ ತಲುಪಿತು. ಅಲ್ಲಿಂದ ಚೀನಾದ ಚಾಂಗ್​ಕಿಂಗ್​​ಗೆ ತೆರಳಿತು.. ನಂತರ ಚೀನಾದ ನಾಂಜಿಂಗ್ ಪ್ರದೇಕ್ಕೆ ತೆರಳಿ, ಫ್ಯಾಸಿಫಿಕ್ ಸಾಗರದ ಮಾರ್ಗವಾಗಿ ಹವಾಯಿ ದ್ವೀಪವನ್ನು ತಲುಪಿತು ಎಂದು ತಿಳಿದು ಬಂದಿದೆ.

ನಂತರ ಅಮೆರಿಕ ಸಂಯುಕ್ತ ಸಂಸ್ಥಾನದ ಫಿಯೋನಿಕ್ಸ್, ನ್ಯೂಯಾರ್ಕ್​ ಮಾರ್ಗವಾಗಿ ಅಟ್ಲಾಂಟಿಕ್ ಸಾಗರವನ್ನು ದಾಟಿ ಯೂರೋಪ್​ ಮತ್ತು ಆಫ್ರಿಕಾ ಖಂಡವನ್ನ ತಲುಪಲಿದೆ. ನಂತರ ಅಲ್ಲಿಂದ ಅಬುದಾಬಿಗೆ ವಾಪಸ್ಸಾಗಲಿದೆ.

ಹೀಗೆ ಅರಬ್​ನ ಅಬುದಾಬಿಯಿಂದ ಹೊರಟ ಈ ಸೌರ ವಿಮಾನ, ಒಟ್ಟು 35 ಸಾವಿರ ಕಿಮೀ ಪ್ರಯಾಣ ಮಾಡಿ ಮತ್ತೆ ಅಬುದಾಬಿಯನ್ನು ತಲುಪುತ್ತೆ.. ಬರೀ ವಿಶ್ವ ಸುತ್ತೋದು ಮಾತ್ರ ಇವ್ರ ಉದ್ದೇಶವಾಗಿದ್ದಿದ್ರೆ, 25 ದಿನಗಳಲ್ಲಿ ಜಗತ್ತನ್ನು ಸುತ್ತಿ ಬರ್ತಿತ್ತು.. ಆದ್ರೆ ಅಲ್ಲಿನ ಜನ್ರಿಗೆ ಈ ತಂತ್ರಜ್ಞಾನದ ಬಗ್ಗೆ ಅರಿವು ಮೂಡಿಸೋ ಉದ್ದೇಶ ಇವ್ರದ್ದು.. ಹೀಗಾಗಿ ಜಗತ್ತಿನ ಜನರಲ್ಲಿ ಜಾಗೃತಿ ಮೂಡಿಸ್ತಾ, ಜಗತ್ತನ್ನು ಒಂದು ರೌಂಡ್ ಹಾಕಬೇಕು ಅಂದ್ರೆ, ಇವ್ರಿಗೆ 5 ತಿಂಗಳುಗಳೇ ಬೇಕಾಗುತ್ತೆ ಅಂತ ಅಂದಾಜಿಸಲಾಗಿದೆ.

ಸಂಶೋಧಕ ಬೆರ್​​ಟ್ರಾಂಡ್​​ ಪಿಕ್ಕಾರ್ಡ್‌ ಹೇಳಿದ್ದೇನು?
-------------------------------------------
10 ವರ್ಷಗಳ ಹಿಂದೆ ಈ ಪ್ರಾಜೆಕ್ಟ್ ಶುರು ಮಾಡುವ ಮೊದಲು, ಈ ಬಗ್ಗೆ ಹಲವರ ಮುಂದೆ ಪ್ರಪೋಸಲ್ ಇಟ್ಟಿದ್ದೆವು. ಇದನ್ನು ಕೇಳಿದ ತಕ್ಷಣವೇ ಅವ್ರಿಂದ ತಕ್ಷಣ ಪ್ರತಿಕ್ರಿಯೆ ಬಂತು.. ಅವರು ಹೇಳಿದ್ರು ಇದು ಅಸಾಧ್ಯವಾದದ್ದು ಅಂತ


ಯಸ್.. ಈ ಪ್ರಾಜೆಕ್ಟ್ ಶುರುವಾಗೋದಕ್ಕೆ ಮೊದಲು ಇವ್ರು ಯಾರನ್ನು ಭೇಟಿ ಮಾಡಿ ಇದ್ರ ಬಗ್ಗೆ ಪ್ರಪೋಸಲ್ ಇಟ್ರೂ, ಅವ್ರೆಲ್ಲಾ ಹೇಳಿದ್ದು ಒಂದೆ.. ಇದು ಸಾಧ್ಯ ಇಲ್ಲ.. ಈ ಪ್ರಾಜೆಕ್ಟ್​ ವರ್ಕೌಟ್​ ಆಗೋದೇ ಇಲ್ಲ ಅಂತ.. ಆದ್ರೆ ಆಗಲ್ಲ ಅಂದವರ ಮುಂದೇನೇ ಆಗುತ್ತೆ ಅಂತ ಸಾಧಿಸಿ ತೋರಿಸಿದ್ದಾರೆ ಈ ಛಲವಾದಿಗಳು.. ಆ ಮೂಲಕ ಅಸಾಧ್ಯವಾದದ್ದು ಏನೂ ಇಲ್ಲ ಅನ್ನೋದನ್ನು ಇಡೀ ಜಗತ್ತಿಗೆ ಸಾರಿ ಹೇಳಿದ್ದಾರೆ. ಸಾಧಿಸೋ ಛಲವಿರೋ ಯುವ ವಿಜ್ಞಾನಿಗಳಿಗೆ ಸ್ಫೂರ್ತಿಯಾಗಿದ್ದಾರೆ. ತಮ್ಮ ಸಾಧನೆಯಿಂದ ಜಗತ್ತೇ ತಮ್ಮತ್ತ ತಿರುಗಿ ನೋಡುವಂತೆ ಮಾಡಿದ್ದಾರೆ.. ಮುಂದಿನ ದಿನಗಳಲ್ಲಿ ಜನ್ರು ಕಾರ್​ನಲ್ಲಿ ಓಡಾಡೋ ಬದಲು, ಖರ್ಚೇ ಇಲ್ಲದಂತೆ ಈ ಸೋಲಾರ್ ವಿಮಾನದಲ್ಲಿ ಓಡಾಡೋಹಾಗೇ ಆದ್ರೂ ಅಚ್ಚರಿ ಇಲ್ಲಾ..

ಇವ್ರಿಂದ ಏನ್ ಮಾಡೋಕೆ ಆಗುತ್ತೆ ಬಿಡ್ರಿ ಅಂತ ಅಂದವರಿಗೆ, ತಮ್ಮ ಸಾಧನೆಯ ಮೂಲಕ ಉತ್ತರ ಕೊಟ್ಟಿದ್ದಾರೆ ಈ ವಿಜ್ಞಾನಿಗಳು.. ಇವ್ರ ಸಾಧನೆ, ಆಧುನಿಕ ಯುಗದಲ್ಲಿ ಒಂದು ಕ್ರಾಂತಿಯಾಗಿ ಮಾರ್ಪಟ್ಟಿದೆ. ಮುಂದಿನ ದಿನಗಳಲ್ಲಿ ಸೋಲಾರ್ ವಿಮಾನದ ಹಾರಾಟ, ಭಾರತ ಸೇರಿದಂತೆ ಜಗತ್ತಿನ ದೇಶಗಳಲ್ಲಿ ಶುರುವಾಗಲಿದೆ ಅಂತ, ಅಂತಾರಾಷ್ಟ್ರೀಯ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ. ನಿಜಕ್ಕೂ ಈ ಸಾಧಕರಿಗೆ ಸಲಾಂ ಹೇಳಲೇ ಬೇಕು

ಸಾಯೋ ಮುನ್ನ ಪ್ರಭಾ ಹೇಳಿದ್ದೇನು?

ಏನಾದ್ರೂ ಮಹತ್ವದ್ದನ್ನ ಸಾಧಿಸಬೇಕು ಅನ್ನೋ ಮನಸ್ಥಿತಿ ಆಕೆಯದ್ದು.. ಆ ಮಹತ್ವಾಕಾಂಕ್ಷೆನೇ ಆಕೆಯನ್ನು ಆಸ್ಟ್ರೇಲಿಯಾಗೆ ಕರ್ಕೊಂಡು ಹೋಗಿತ್ತು.. ಆದ್ರೆ ಸಿಡ್ನಿ ಹಂತಕರ ಕೈನಲ್ಲಿ, ಆಕೆ ಬರ್ಬರವಾಗಿ ಹತ್ಯೆಗೀಡಾದ್ಳು.. ಹತ್ಯೆಗೂ ಮುನ್ನ ಆಕೆ ತನ್ನ ಗಂಡನಿಗೆ ಹೇಳಿದ ಆ ಕೊನೆ ಮಾತು ಏನ್ ಗೊತ್ತಾ..? ಇಲ್ಲಿದೆ ಓದಿ

ಆಸ್ಟ್ರೇಲಿಯಾದ ಸಿಡ್ನಿ.. ಜಗತ್ತಿನ ಜನರನ್ನು ತನ್ನತ್ತ ಸೆಳೆಯೋ ಮಾಯಾನಗರಿ.. ಇಲ್ಲಿಗೆ ನಾನಾ ಕನಸುಗಳನ್ನು ಹೊತ್ಕೊಂಡು, ಜಗತ್ತಿನ ಮೂಲೆ ಮೂಲೆಯಿಂದ ಜನ ಬರ್ತಾರೆ ಕಣ್ರಿ.. ಹೀಗೆ ನೂರಾರು ಕನಸುಗಳನ್ನು ಹೊತ್ಕೊಂಡು ಆಸ್ಟ್ರೇಲಿಯಾದ ಮಣ್ಣಿಗೆ ಕಾಲಿಟ್ಟ ಭಾರತದ ನಾರಿಯನ್ನು, ಇದೇ ನೆಲದಲ್ಲಿ ಬರ್ಬರವಾಗಿ ಹತ್ಯೆ ಮಾಡಲಾಗಿದೆ..


ಮಾರ್ಚ್​ 8, 2015 ನೇ ತಾರೀಕು ಇಡೀ ಜಗತ್ತೇ ವಿಶ್ವ ಮಹಿಳಾ ದಿನಾಚರಣೆಯಲ್ಲಿ ಮುಳುಗಿ ಹೋಗಿತ್ತು.. ಆದ್ರೆ ಅದ್ರ ಹಿಂದಿನ ದಿನಾನೇ, ಮಂಗಳೂರಿನ ಮಗಳು ಪ್ರಭಾ ಅರುಣ್​ ಕುಮಾರ್​, ಆಸ್ಟ್ರೇಲಿಯಾದ ಸಿಡ್ನಿಯಲ್ಲಿ ಬರ್ಬರವಾಗಿ ಹತ್ಯೆಗೀಡಾಗಿದ್ದಾರೆ..

ಬದುಕಿನಲ್ಲಿ ಅದೆಷ್ಟೋ ಕಷ್ಟನಷ್ಟಗಳನ್ನು ಎದುರಿಸಿ, ಏನಾದ್ರೂ ಸಾಧಿಸಿ ನನ್ನ ನೆಲದ ಗೌರವ ಹೆಚ್ಚಿಸಬೇಕು ಅನ್ನೋ ಛಲ ಇತ್ತು ಕಣ್ರಿ.. ತನ್ನ ಮಗಳ ಭವಿಷ್ಯವನ್ನು ಉಜ್ವಲವಾಗಿ ರೂಪಿಸೋ ಕನಸು ಕಂಡಿದ್ಳು.. ಆದ್ರೆ ಸಿಡ್ನಿ ಹಂತಕರ ಕ್ರೌರ್ಯಕ್ಕೆ ಸಿಲುಕಿ, ಈಕೆ ಕನಸುಗಳೆಲ್ಲಾ ಕಮರಿಹೋಗಿವೆ..

ಪ್ರಭಾ ಅರುಣ್​ ಕುಮಾರ್​​ ಹತ್ಯೆಯ ಆ ಕರುಣಾಕನಕ ಕಥೆಯನ್ನು ಕೇಳಿದ್ರೆ, ನಿಮ್ಮ ಕಣ್ಣಂಚಲ್ಲಿ ನೀರು ಹರಿಯೋದು ಸತ್ಯ ಕಣ್ರಿ.. ಯಾಕಂದ್ರೆ, ಆಕೆ ಕಂಡಿದ್ದ ಕನಸುಗಳು, ಆಕೆಯ ಕಣ್ಣಲ್ಲೇ ಇದ್ದವು.. ಪ್ರಭಾ ಅರುಣ್​ ಕುಮಾರ್ ಹತ್ಯೆಯ ಬಗ್ಗೆ ಹೇಳೋದಕ್ಕಿಂತ ಮೊದ್ಲು, ಇವ್ರ ಹಿಸ್ಟರೀನ ಒಮ್ಮೆ ನೀವು ಕೇಳ್ಲೇಬೇಕು ಕಣ್ರಿ.. ಯಾಕಂದ್ರೆ, ಇವ್ರದ್ದು ಅಪರೂಪದ ವ್ಯಕ್ತಿತ್ವ.. ಬದುಕಿನಲ್ಲಿ ಅಂದುಕೊಂಡಿದ್ದನ್ನ ಸಾಧಿಸೇ ತೀರ್ತೀನಿ ಅನ್ನೋ ಮನಸ್ಥಿತಿ ಇವ್ರದ್ದು.. ದಕ್ಷಿಣ ಕನ್ನಡ ಜಿಲ್ಲೆಯ ಕಲ್ಲಡ್ಕದ ಅಮ್ಟೂರಿನಲ್ಲಿ ಹುಟ್ಟಿದ ಪ್ರಭಾಶೆಟ್ಟಿ, ಓದಿನಲ್ಲೂ ಪ್ರತಿಭಾವಂತೆ..

ಆಟ ಪಾಟದ ಜೊತೆ ತುಂಟಾಟ ಆಡ್ಕೊಂಡೆ ಬೆಳೆದ್ರು.. ತಮ್ಮನಿಗೆ ತಿದ್ದಿ ಬುದ್ದಿ ಹೇಳೋ ಗುರುವಾಗಿದ್ಳು.. ಗುರು ಹಿರಿಯರಿಗೆ ಅಚ್ಚುಮೆಚ್ಚಿನ ಮಗಳಾಗಿದ್ಳು.. ಎಲ್ರನ್ನೂ ಗೌರವದಿಂದ ಕಾಣೋ ದೊಡ್ಡ ಮನಸ್ಸಿನ ಹೆಣ್ಮಗಳು.. ಓದಿನ ಬೆನ್ನತ್ತಿದ ಪ್ರಭಾ ಶೆಟ್ಟಿ, ಸೂಳ್ಯಾದ ಕೆವಿಜಿ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಕಂಪ್ಯೂಟರ್​ ಸೈನ್ಸ್​ಗೆ ಸೇರ್ಕೋತಾರೆ.. 1995 ರಲ್ಲಿ ಯಶಸ್ವಿಯಾಗಿ ಡಿಗ್ರಿಯನ್ನ ಪಾಸ್ ಮಾಡ್ತಾರೆ ಕಣ್ರಿ.. ಓದಿಗೆ ತಕ್ಕಂತೆ ಒಂದು ಖಾಸಗೀ ಕಂಪೆನಿಯಲ್ಲಿ ಒಳ್ಳೇ ಕೆಲಸ ಕೂಡ ಸಿಗುತ್ತೆ..

ಎದೆ ಎತ್ತರಕ್ಕೆ ಬೆಳೆದು ನಿಂತ ಮಗಳಿಗೆ ಮದುವೆ ಮಾಡ್ಬೇಕು ಅಂತ ನಿರ್ಧರಿಸಿದ ಪ್ರಭಾ ಪೋಷಕರು, ಬೆಂಗಳೂರಿನ ಅರುಣ್​​ ಕುಮಾರ್​ ಜೊತೆ ಮದುವೆ ಮಾಡ್ತಾರೆ.. 2002 ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಪ್ರಭಾ ಮತ್ತು ಅರುಣ್ ಕುಮಾರ್, ಬೆಂಗಳೂರಿನ ಬಾಪೂಜಿ ನಗರದಲ್ಲಿರೋ ಇದೇ ಮನೇನಲ್ಲೇ ವಾಸವಿರ್ತಾರೆ

ಮದುವೆಗೂ ಮುನ್ನ ಪ್ರಭಾ ಶೆಟ್ಟಿಯಾಗಿದ್ದವರು, ಮದುವೆಯಾದ್ಮೇಲೆ ಪ್ರಭಾ ಅರುಣ್ ಕುಮಾರ್​ ಆಗಿ ಬದಲಾಗ್ತಾರೆ.. ಬರೀ ಇಷ್ಟೆ ಬದಲಾಗಿದ್ರೆ ಚೆನ್ನಾಗಿರ್ತಿತ್ತೇನೋ ಕಣ್ರೀ.. ಆದ್ರೆ ವಿಧಿಯ ಆಟ ಬಲು ಘೋರವಾಗಿತ್ತು,.. ಅದಿಕ್ಕೇ ನೋಡಿ.. ಮದುವೆಯಾದ್ಮೇಲೆ, ಪ್ರಭಾ ಅರುಣ್​​ ಕುಮಾರ್​  ತಮ್ಮ ಹೆಸರಿನ ಜೊತೆಗೆ ತಾವು ಕೆಲಸ ಮಾಡ್ತಿದ್ದ ಸಂಸ್ಥೆಯನ್ನೂ ಬದಲಿಸಿಬಿಟ್ಟಿದ್ರು..

ಪತಿ ಅರುಣ್ ಕುಮಾರ್​ ಖಾಸಗೀ ಸಂಸ್ಥೆಯಲ್ಲಿ ಮ್ಯಾನೇಜರ್ ಆಗಿ ಕೆಲಸ ಮಾಡ್ತಿದ್ದಾರೆ. ಹೆಚ್ಚಾಗಿ ಓದಿದ ಪ್ರಭಾಗೂ ಕೂಡ, ಏನಾದ್ರೂ ಸಾಧಿಸೋ ಛಲವಿತ್ತು.. ಅದಿಕ್ಕೇನೇ ಉತ್ತಮ ಅವಕಾಶಕ್ಕಾಗಿ ಕಾಯ್ತಾ ಇದ್ರು.. ಅದೇ ಸಮಯಕ್ಕೇ ಸರಿಯಾಗಿ ಒಂದು ಖಾಸಗೀ ಸಂಸ್ಥೆಯಿಂದ ಆಫರ್​ ಬಂದಿತ್ತು ಕಣ್ರಿ.. ಆ ಆಫರ್​ ನೀಡಿದ್ದು, ‘ಮೈಂಡ್​​ ಟ್ರೀ’ ಅನ್ನೋ ಮಲ್ಟಿ ನ್ಯಾಷನಲ್ ಕಂಪೆನಿ..

ಮದುವೆಯಾದ್ಮೇಲೆ ಆಕೆಗೆ ಹೊಸ ಕಂಪೆನಿಯಲ್ಲಿ ಕೆಲಸ ಸಿಕ್ತು.. ಅದು ಆಕೆ ಬದುಕಲ್ಲಿ ಒಂದಷ್ಟು ಹೊಸ ಭರವಸೆಗಳನ್ನು ನೀಡಿದ್ವು.. ಆದ್ರೆ, ಕೊನೆಗೆ ಆಕೆ ಬದುಕಿನ ಭರವಸೆಗಳನ್ನೇ ಸುಟ್ಟು ಬೂದಿ ಮಾಡಿತ್ತು.. ಆ ರೋಚಕ ಕಥೆ ಮುಂದಿದೆ
--------------------------------------------------
ಪ್ರಭಾ ಅರುಣ್​​ ಕುಮಾರ್​ ಅವ್ರ ಝಖಾಸಗೀ ಬದುಕು ಚೆನ್ನಾಗೇ ಇತ್ತು. ಖಾಸಗೀ ಸಂಸ್ಥೆಯಲ್ಲಿನ ಬದುಕು ಕೂಡ ಒಂದ್ ಲೆಕ್ಕದಲ್ಲಿ ಚೆನ್ನಾಗೇ ನಡೀತಿತ್ತು.. ಆದ್ರೆ ನಾಲ್ಕು ವರ್ಷಗಳ ಹಿಂದೆ ವಿಧಿ ಅವ್ರ ಮನೆಗೆ ಎಂಟ್ರಿ ಕೊಟ್ಟಿದ್ದ.. ನಾಲ್ಕು ವರ್ಷಗಳ ಹಿಂದೆ ಏನಾಯ್ತು..? ಇಲ್ಲಿದೆ ನೋಡಿ.. ಆ ರೋಚಕ ಸ್ಟೋರಿ..


2002ರಲ್ಲಿ ಒಂಟಿ ಜೀವನ ಸಾಕಾಗಿ ಅರುಣ್​ ಜಪೊತೆ ಜೀವನ ಹಂಚಿಕೊಂಡ್ರು ಈ ಪ್ರಭಾ.. ಮದುವೆಯಾದ ನಂತರ, ಅವ್ರು ಬಂದು ಸಂಸಾರ ಶುರುವಿಟ್ಟುಕೊಂಡಿದ್ದು, ಬೆಂಗಳೂರಿನ ಮನೆಯಲ್ಲಿ.. ಎಲ್ಲಾನೂ ಚೆನ್ನಾಗೇ ಇತ್ತು. ಗಂಡ ಅರುಣ್ ಕುಮಾರ್ ಕೂಡ ಹೆಂಡತಿಯ ಪ್ರತಿಯೊಂದು ಹೆಜ್ಜೆಗೂ ಸಾಥ್​ ನೀಡ್ತಿದ್ರು.. ಹೆಂಡತಿಯ ಕನಸುಗಳಿಗೆ, ನೀರೆರೆದು ಪೋಷಿಸ್ತಿದ್ರು.. ಆಕೆ ಸಾಧನೆಗೆ, ಬೆನ್ನೆಲುಬಾಗಿ ನಿಂತಿದ್ರು.. ಇದೇ ವಿಷ್ಯಕ್ಕೇ ಕಣ್ರಿ.. ಪ್ರಭಾಗೆ ಅರುಣ್ ಅಂದ್ರೆ ಪಂಚಪ್ರಾಣ..

ವೆಚ್ಚಕ್ಕೆ ಹೊನ್ನಿತ್ತು.. ವಾಸಕ್ಕೆ ಬೆಂಗಳೂರಲ್ಲಿ ಮನೆಯಿತ್ತು.. ದುಡಿಯೋಕೆ ಕೆಲಸಾನೂ ಇತ್ತು,.. ಜೊತೆಗೆ ಬುದ್ದಿವಂತಿಕೆ ಇವ್ರ ಬದುಕಲ್ಲಿ ಹಾಸುಹೊಕ್ಕಾಗಿತ್ತು.. ಗಂಡ ಒಂದ್ಕಡೆ.. ಹೆಂಡ್ತಿ ಮತ್ತೊಂದ್ಕಡೆ ಕೆಲಸ ಮಾಡ್ತಿದ್ರು.. ಕೈತುಂಬ ಸಂಬಳ ಬರ್ತಿತ್ತು.. ಇಚ್ಛೆಯನರಿತು ಬಾಳುವ ಸತಿಪತಿಗಳ ಸಂಸಾರ ಸ್ವರ್ಗಕ್ಕೆ ಕಿಚ್ಚು ಹಚ್ಚುವಂತಿತ್ತು..

ಇವ್ರ ಸುಖ ಸಂಸಾರದ ಪ್ರೀತಿಗೆ ಸಾಕ್ಷಿಯಾಗಿ, ಪುಟ್ಟ ಹೆಣ್ಣುವಿಗೂ ಜನ್ಮ ನೀಡ್ತಾರೆ.. ಯಾವುದಕ್ಕೂ ಕಮ್ಮಿ ಆಗಿರಲಿಲ್ಲ ಇವ್ರ ಸಂಸಾರ.. ದೇವ್ರು ಒಂದ್ ಲೆಕ್ಕದಲ್ಲಿ ಕೇಳಿದ್ದಕ್ಕಿಂತ್ಲೂ ಜಾಸ್ತಿನೇ ಕೊಟ್ಟಿದ್ದ.. ಬದುಕು ಚೆನ್ನಾಗಿದೆ ಅನ್ನೋಷ್ಟ್ರಲ್ಲಿ, ಮತ್ತೊಂದು ಭರವಸೆಯ ಬೆಳಕು ಪ್ರಭಾರ ಮನೆ ಬಾಗಿಲು ತಟ್ಟಿತ್ತು..

ಒಂದು ಹೆಣ್ಣುಮಗುವಿಗೆ ತಾಯಿಯಾಗಿದ್ದ ಪ್ರಭಾಗೆ, ಎಂಟು ವರ್ಷಗಳ ಹಿಂದೆ ಮೈಂಡ್ ಟ್ರೀ ಅನ್ನೋ ಸಾಫ್ಟ್​ವೇರ್​ ಸಂಸ್ಥೆಯಿಂದ ಕೆಲಸದ ಆಫರ್ ಬಂತು ಕಣ್ರಿ.. ಇದೇ ಈಕೆ ಬದುಕಲ್ಲಿ ಮರೆಯಲಾಗದ ಘಟನೆ..

2002ರಲ್ಲಿ ದಕ್ಷಿಣ ಕನ್ನಡ ಜಿಲ್ಲೆ ಬಂಟ್ವಾಳ ತಾಲೂಕಿನ ಕಲ್ಲಡ್ಕ ಸಮೀಪ ಅಮ್ಟೂರು ಗ್ರಾಮದ ಪ್ರಭಾ ಹಾಗೂ ಬೆಂಗಳೂರಿನ ಅರುಣ್‌ ಕುಮಾರ್‌ ವಿವಾಹವಾಗಿದ್ದು, ಈ ದಂಪತಿಗೆ 9 ವರ್ಷದ ಮೇಘಾ ಎಂಬ ಹೆಸರಿನ ಮಗಳಿದ್ದಾಳೆ. ಅರುಣ್‌ ಕುಮಾರ್‌ ಆಟೋಮೊಬೈಲ್‌ ಎಂಜಿನಿಯರ್‌ ಆಗಿದ್ದು, ನಗರದ ಖಾಸಗಿ ಕಂಪೆನಿಯಲ್ಲಿ ಉನ್ನತ ಹುದ್ದೆಯಲ್ಲಿದ್ದಾರೆ. ಸುಳ್ಯದಲ್ಲೇ ಬಿಸಿಎ ವ್ಯಾಸಂಗ ಮುಗಿಸಿದ ಆಕೆ, ಖಾಸಗಿ ಕಂಪೆನಿಯಲ್ಲಿ ಉದ್ಯೋಗಕ್ಕೆ ಸೇರಿದ್ದರು. ಮದುವೆ ಬಳಿಕ ಮೈಂಡ್‌ ಟ್ರಿ ಎಂಬ ಸಾಫ್ಟ್ವೇರ್‌ ಕಂಪೆನಿಯಲ್ಲಿ ಅವರಿಗೆ ಉದ್ಯೋಗ ಸಿಕ್ಕಿತು. ಈ ಕಂಪೆನಿಯೇ ಆಸ್ಟ್ರೇಲಿಯಾಗೆ ಕೆಲಸಕ್ಕೆ ನಿಯೋಜಿಸಿದ್ದು, ಕಳೆದ ಎಂಟು ವರ್ಷಗಳಿಂದ ಆಕೆ ವಿದೇಶದಲ್ಲಿ ನೆಲೆಸಿದ್ದರು. ವರ್ಷಕ್ಕೊಮ್ಮೆ ಆಸ್ಟ್ರೇಲಿಯಾದಿಂದ ತವರಿಗೆ ಬರುತ್ತಿದ್ದ ಪ್ರಭಾ, ಕೆಲ ದಿನಗಳು ಕುಟುಂದದೊಂದಿಗೆ ಕಾಲ ಕಳೆದು ಮರಳುತ್ತಿದ್ದರು.

ಕೆಲಸ ಮುಗಿಸಿಕೊಂಡು ಮನೆಗೆ ವಾಪಸ್ ಬರುತ್ತಿದ್ದಾಗ ಹಾದಿಯಲ್ಲಿದ್ದ ಉದ್ಯಾನದ ಬಳಿ ದುಷ್ಕರ್ಮಿಗಳು ಶನಿವಾರ ರಾತ್ರಿ ಪ್ರಭಾ ಅವರ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿದ್ದಾರೆ. ಇರಿತದಿಂದ ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಅವರು, ಸಾವು ಬದುಕಿನ ಹೋರಾಟ ನಡೆಸುವ ವೇಳೆಯಲ್ಲಿ ತಮ್ಮ ಬಂಧುಗಳಿಗೆ ಕರೆ ಮಾಡಿ, ತಮ್ಮ ಮೇಲೆ ಆದ ದಾಳಿಯನ್ನು ತಿಳಿಸಿದ್ದಾರೆ. ಹಲ್ಲೆ ಸ್ಥಳದಿಂದ ಪ್ರಭಾ ಅವರ ಮನೆ ಕೇವಲ 300 ಮೀಟರ್ ದೂರದಲ್ಲಿತ್ತು. ಇದೊಂದು ಭಯಾನಕ ದಾಳಿ ಎಂದು ಸಿಡ್ನಿ ಪೊಲೀಸರು ಬಣ್ಣಿಸಿದ್ದು ಹಂತಕರ ಹುಡುಕಾಟಕ್ಕೆ ತೀವ್ರ ಪ್ರಯತ್ನ ನಡೆಸಿದ್ದಾರೆ.

ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಪ್ರಭಾ ಅವರನ್ನು ಅವರ ಕುಟುಂಬದ ಮಿತ್ರರೊಬ್ಬರು ಕಂಡು ಕೂಡಲೇ ಆಸ್ಪತ್ರೆಗೆ ದಾಖಲಿಸಿದರು. ಆದರೆ ಅಷ್ಟರಲ್ಲಾಗಲೇ ಅವರು ತೀವ್ರ ರಕ್ತ ಸ್ರಾವದಿಂದ ಸಾವನ್ನಪ್ಪಿದ್ದರು.

‘ರಾತ್ರಿ ವೇಳೆ ಕಚೇರಿ ವಾಹನದಲ್ಲಿ ಮನೆಗೆ ಹೋಗುವುದಕ್ಕೆ ಆಕೆ ಮುಜುಗರ ಪಡುತ್ತಿದ್ದರು. ನೀವು ನಡೆದುಕೊಂಡು ಹೋಗುವ ಪರ‌್ರಮಟ್ಟ ಉದ್ಯಾನ ತುಂಬ ಅಪಾಯಕಾರಿ, ಅಲ್ಲಿ ನಿಮ್ಮನ್ನು ತಡೆದು 2-3 ಡಾಲರ್‌ಗೆ ಪೀಡಿಸುವವರು ಇರುತ್ತಾರೆ ಎಂದು ಎಚ್ಚರಿಸಿದ್ದೆ ' ಎಂದು ಪ್ರಭಾ ನಿಕಟವರ್ತಿಯೊಬ್ಬರು ತಿಳಿಸಿದ್ದಾರೆ.

ಒಬ್ಬರು ಇಲ್ಲವೇ ಅನೇಕರು ಅವರ ಮೇಲೆ ದಾಳಿ ಮಾಡಿರುವ ಸಾಧ್ಯತೆ ಇದೆ ಎಂದಿರುವ ಪೊಲೀಸರು, ಈ ದುರ್ಘಟನೆ ಬಗ್ಗೆ ಮಾಹಿತಿ ಇರುವವರು ಕೂಡಲೇ ತಿಳಿಸಬೇಕು ಎಂದು ಸಾರ್ವಜನಿಕರಿಗೆ ಮನವಿ ಮಾಡಿಕೊಂಡಿದ್ದಾರೆ.

ನನ್ನನ್ನು ಬಿಟ್ಟು ಬಿಡಿ ಎಂದರೂ ಕರುಣೆ ತೋರಲಿಲ್ಲ
ನನ್ನನ್ನು ಬಿಟ್ಟು ಬಿಡಿ.. ದಯಮಾಡಿ ನನ್ನನ್ನು ಮನೆಗೆ ಹೋಗಲು ಬಿಡಿ, ಏನೂ ಮಾಡ್ಬೇಡಿ, ಈ ಚೀಲ ತೆಗೆದುಕೊಳ್ಳಿ, ನಿಮಗೆ ಬೇಕಾದ್ದನ್ನು ತೆಗೆದುಕೊಳ್ಳಿ,''- ಹೀಗೆಂದು ದುಷ್ಕರ್ಮಿಗಳನ್ನು ಪ್ರಭಾ ಅಂಗಲಾಚಿ ಬೇಡಿಕೊಂಡಿದ್ದರು. ಆದರೆ ಅವರನ್ನು ಸುತ್ತಿವರೆದಿದ್ದ ದುಷ್ಕರ್ಮಿಗಳಿಗೆ ಕೊಂಚವೂ ಕರುಣೆ ಹುಟ್ಟಲಿಲ್ಲ. ಕೆಲವೇ ನಿಮಿಷಗಳಲ್ಲಿ ಅವರ ಮೊಬೈಲ್ ಸ್ತಬ್ಧವಾಯಿತು,''- ಎಂದು ಪ್ರಭಾ ಅವರ ಕೊನೆಯ ಮಾತುಗಳನ್ನು ಅವರ ಸೋದರ ಸಂಬಂಧಿ ತ್ರಿಜೇಶ್ ಜಯಚಂದ್ರ ಹಂಚಿಕೊಂಡರು. 'ಸಾಮಾನ್ಯವಾಗಿ ನಮ್ಮ ಅತ್ತೆ ಕಚೇರಿ ಬಿಟ್ಟ ಕೂಡಲೇ ಮಾವನಿಗೆ ಕರೆ ಮಾಡುತ್ತಿದ್ದರು. ಶನಿವಾರ ಕರೆ ಮಾಡುತ್ತಲೇ ಅತ್ತಲಿನ ದನಿ ನಿಂತು ಹೋಯಿತು' ಎಂದು ಜಯಚಂದ್ರ ಕಂಬನಿಗರೆದರು.

ಕಾರಣ ನಿಗೂಢ: ‘ಆ ಉದ್ಯಾನದಲ್ಲಿ ಜನಾಂಗೀಯ ದಾಳಿಗಳು ಸದಾಕಾಲ ನಡೆಯುತ್ತವೆ ಎಂದು ನನ್ನ ಗೆಳೆಯನೊಬ್ಬ ಹೇಳಿದ್ದ. ಇದೊಂದು ಜನಾಂಗೀಯ ದಾಳಿಯೇ ಇಲ್ಲವೇ ದರೋಡೆಯೇ ಎಂಬುದು ತಿಳಿಯುತ್ತಿಲ್ಲ. ಪೊಲೀಸರು ಆಕೆಯನ್ನು ಗುರುತಿಸಿದಾಗ ಅವರು ರಕ್ತದ ಮಡುವಿನಲ್ಲಿ ಬಿದ್ದಿದ್ದರು,'' ಎಂದು ಪ್ರಭಾ ಅವರ ಮೈದುನ ಜಿ. ಮೋಹನ್ ತಿಳಿಸಿದ್ದಾರೆ.

ಇದೊಂದು ಭಯಾನಕ ದಾಳಿ'' ಎಂದು ಸಿಡ್ನಿ ಪೊಲೀಸರು ಬಣ್ಣಿಸಿದ್ದು ಹಂತಕರ ಹುಡುಕಾಟಕ್ಕೆ ತೀವ್ರ ಪ್ರಯತ್ನ ನಡೆಸಿದ್ದಾರೆ. ಒಬ್ಬರು ಇಲ್ಲವೇ ಅನೇಕರು ಅವರ ಮೇಲೆ ದಾಳಿ ಮಾಡಿರುವ ಸಾಧ್ಯತೆ ಇದೆ ಎಂದಿರುವ ಪೊಲೀಸರು, ಈ ದುರ್ಘಟನೆ ಬಗ್ಗೆ ಮಾಹಿತಿ ಇರುವವರು ಕೂಡಲೇ ತಿಳಿಸಬೇಕು ಎಂದು ಸಾರ್ವಜನಿಕರಿಗೆ ಮನವಿ ಮಾಡಿಕೊಂಡಿದ್ದಾರೆ.

ಇಡೀ ವಿಶ್ವ ಮಹಿಳಾ ದಿನಾಚರಣೆಗೆ ಸಜ್ಜಾಗುತ್ತಿದ್ದಾಗ ಬೆಂಗಳೂರಿನ ಮಹಿಳೆಯೊಬ್ಬರು ಆಸ್ಟ್ರೇಲಿಯಾದಲ್ಲಿ ಬರ್ಬರವಾಗಿ ಕೊಲೆಯಾಗಿರುವ ಸಂಗತಿ ಬರಸಿಡಿಲಿನಂತೆ ಬಂದೆರಗಿದೆ. ಸ್ವಾಭಿಮಾನಿ ಮತ್ತು ಮಹತ್ವಾಕಾಂಕ್ಷೆಯ ಹೆಣ್ಣುಮಗಳು ಕಣ್ತುಂಬ ತುಂಬಿಕೊಂಡಿದ್ದ ಕನಸುಗಳನ್ನು ಹೊತ್ತುಕೊಂಡೇ ದುಷ್ಕರ್ಮಿಗಳಿಂದ ಹತ್ಯೆಯಾಗಿದ್ದಾರೆ.

ದಕ್ಷಿಣ ಕನ್ನಡ ಜಿಲ್ಲೆಯ ಕಲ್ಲಡ್ಕದ ಅಮ್ಟೂರಿನ ಪ್ರಭಾಶೆಟ್ಟಿ (41) ಆಸ್ಟ್ರೇಲಿಯಾದ ಸಿಡ್ನಿಯಲ್ಲಿ ಮನೆಯಿಂದ 300 ಮೀಟರ್ ಅಂತರದಲ್ಲಿ ಹತ್ಯೆಯಾಗಿದ್ದಾರೆ. ಘಟನೆ ನಡೆದಾಗ ಅಲ್ಲಿ ರಾತ್ರಿ 8.30. ಬಾರತೀಯ ಕಾಲಮಾನದಲ್ಲಿ ಶನಿವಾರ ಮಧ್ಯಾಹ್ನ 3.30ರ ಸುಮಾರು.

ಬಾಲ್ಯದಿಂದಲೂ ಬಹಳ ಛಲ ಮತ್ತು ಮಹತ್ವಾಕಾಂಕ್ಷೆಯಿಂದಲೇ ಓದಿ ಬೆಳೆದ ಪ್ರಭಾ ಅವರು ಸ್ವಂತ ಸಾಮರ್ಥ್ಯದಿಂದಲೇ ತನಗೆ ಬೇಕಾದ್ದೆಲ್ಲವನ್ನೂ ಗಳಿಸುತ್ತಾ ತಾನು ಕಂಡ ಕನಸುಗಳನ್ನೆಲ್ಲಾ ಸಾಕಾರಗೊಳಿಸಿಕೊಳ್ಳುತ್ತಾ ಬೆಳೆದರು. ಇನ್ನೊಂದು ಕನಸು ಮಾತ್ರ ಬಾಕಿ ಇತ್ತು. ಸ್ವಂತದ್ದೊಂದು ಸಾಫ್ಟ್‌ವೇರ್ ಕಂಪನಿಯನ್ನು ಭಾರತ ಇಲ್ಲವೇ ಆಸ್ಟ್ರೇಲಿಯಾದಲ್ಲೇ ತೆರೆಯುವ ಕನಸಿತ್ತು. ಇತ್ತೀಚೆಗೆ ಯಾವಾಗ ಕರೆ ಮಾಡಿದರೂ ಅದರ ಬಗ್ಗೆಯೇ ಹೆಚ್ಚೆಚ್ಚು ಮಾತಾಡುತ್ತಿದ್ದರು. ಅಷ್ಟರಲ್ಲಿ ಈ ಘಟನೆ ನಡೆದುಬಿಟ್ಟಿದೆ. ಪ್ರಭಾ ಅವರ ಹತ್ತಿರದ ಸಂಬಂಧಿ ಎಸ್‌ಸಿ ಜಯಚಂದ್ರ ತಮಗೆ ಗೊತ್ತಿರುವ ಆಕೆಯ ವ್ಯಕ್ತಿತ್ವವನ್ನು ವಿವರಿಸಿದರು.

ಮಗಳಿಗಿನ್ನೂ ವಿಷಯ ಗೊತ್ತಿಲ್ಲ...
ಸುಳ್ಯ ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಕಂಪ್ಯೂಟರ್ ಸೈನ್ಸ್ ಪದವೀಧರೆ ಆಗಿದ್ದ ಪ್ರಭಾ ಅವರು ಬಸವೇಶ್ವರನಗರದ ಖಾಸಗಿ ಕಂಪನಿ ಉದ್ಯೋಗಿ ಜಿ.ಅರುಣ್‌ಕುಮಾರ್ ಅವರನ್ನು ಮದುವೆಯಾಗಿದ್ದು 5ನೇ ತರಗತಿ ಓದುತ್ತಿರುವ ಮಗಳಿದ್ದಾಳೆ. ಶನಿವಾರ ಆಸ್ಟ್ರೇಲಿಯಾಗೆ ಹೊರಟು ನಿಂತಾಗ ಪತಿ ಅರುಣ್ ಕುಮಾರ್‌ಗೆ ಪ್ರಭಾ ಅವರನ್ನು ದರೋಡೆಕೋರರು ರಸ್ತೆಯಲ್ಲಿ ಅಡ್ಡಗಟ್ಟಿ ಹಲ್ಲೆ ನಡೆಸಿದ್ದಾರೆ ಎನ್ನುವುದಷ್ಟೇ ಗೊತ್ತಿತ್ತು. ಅವರು ಸಿಡ್ನಿಯಲ್ಲಿ ಇಳಿದು ಆಸ್ಪತ್ರೆ ಬಳಿಗೆ ಹೋದಾಗಲೇ ಅವರಿಗೆ ಪತ್ನಿ ಬದುಕಿಲ್ಲ ಎನ್ನುವುದು ಗೊತ್ತಾಗಿದ್ದು. ಅಲ್ಲಿಯವರೆಗೂ ಅರುಣ್ ಅವರಿಗೆ ಉಳಿದ ಸಂಬಂಧಿಗಳು ವಿಷಯ ತಿಳಿಸಿರಲಿಲ್ಲ. ಭಾನುವಾರ ಸಂಜೆ ಇಡೀ ವಿಶ್ವಕ್ಕೆ ವಿಷಯ ಗೊತ್ತಾಗಿದ್ದರೂ ಮಗಳು ಮೇಘನಾಳಿಗೆ ಇನ್ನೂ ವಿಷಯ ಗೊತ್ತಿರಲಿಲ್ಲ. ಚಂದ್ರಾಲೇಔಟ್‌ನ ಚಿಕ್ಕಮ್ಮನ ಮಡಿಲಿಗೆ ಅಂಟಿಕೊಂಡು ಕುಳಿತಿದ್ದ ಮೇಘನಾಳಿಗೆ ವಿಷಯ ಹೇಗೆ ತಿಳಿಸುವುದು ಎನ್ನುವ ಸಂಕಟ ಅಲ್ಲಿದ್ದವರನ್ನೆಲ್ಳಾ ಆವರಿಸಿತ್ತು.

ಬಸವೇಶ್ವರನಗರದ ಅರುಣ್ ಮನೆಯಲ್ಲಿ ಇವರ ತಾಯಿ ಇಳಿವಯಸ್ಸಿನ ಸುಲೋಚನಮ್ಮ ಅವರನ್ನು ಮತ್ತೊಬ್ಬ ಮಗ ಪ್ರಶಾಂತ್ ಸಂತೈಸುತ್ತಿದ್ದರು. ಸೊಸೆಯ ದೇಹವನ್ನು ಬೆಂಗಳೂರಿಗೆ ತರುವವರೆಗೂ ಮನೆಯ ಹಿರಿಯರಿಗೆ ವಿಷಯ ತಿಳಿಸಬಾರದು ಎಂದು ಮನೆಯವರೆಲ್ಲಾ ಯೋಚಿಸಿದ್ದರಾದರೂ ರಾಷ್ಟ್ರ ಮತ್ತು ಅಂತಾರಾಷ್ಟ್ರೀಯ ವಾಹಿನಿಗಳಲ್ಲಿ ಸುದ್ದಿ ಪ್ರಸಾರವಾದಾಗ ಏನೂ ಮಾಡಲಾಗಲಿಲ್ಲ ಎಂದು ಅರುಣ್ ಅವರ ಬಾವ ಜಯಚಂದ್ರ ತಿಳಿಸಿದರು.

ಪ್ರಭಾ ಅವರ ಅಣ್ಣ ಶಂಕರ್ ಶೆಟ್ಟಿ ಪರ್ತ್‌ನಲ್ಲೇ ವೈದ್ಯರಾಗಿದ್ದಾರೆ. ಇನ್ನೊಬ್ಬ ತಮ್ಮ ನಿಖಿಲ್ ಬೆಂಗಳೂರಿನ ಖಾಸಗಿ ಕಂಪನಿಯಲ್ಲಿ ಸಾಫ್ಟ್‌ವೇರ್ ಎಂಜಿನಿಯರ್ ಆಗಿದ್ದಾರೆ. ಕೊನೆಯ ತಮ್ಮ ಶಿವ ಪ್ರಸಾದ್ ಮಾತ್ರ ಅಕ್ಕ ಪ್ರಭಾ ಅವರ ಮಾತಿನಂತೆ ಊರಲ್ಲೇ ಉಳಿದು ತೋಟದ ಕೆಲಸ ಮಾಡುತ್ತಾ ತಂದೆ ತಾಯಿಯರ ಯೋಗಕ್ಷೇಮ ನೋಡಿಕೊಳ್ಳುತ್ತಿದ್ದಾರೆ.

2013 ಡಿಸೆಂಬರ್ ಕಡೆಯ ಭೇಟಿ
ವರ್ಷಕ್ಕೊಮ್ಮೆ ಮಾತ್ರ ಬೆಂಗಳೂರಿಗೆ ಬರುತ್ತಿದ್ದ ಪ್ರಭಾ ಅವರು ಕಡೆಯ ಬಾರಿ ಬಂದಿದ್ದು 2013ರ ಡಿಸೆಂಬರ್‌ನ ಕ್ರಿಸ್‌ಮಸ್‌ಗೆ. ಆ ನಂತರ ಮತ್ತೆ ಬರಲು ಆಗಿರಲಿಲ್ಲ. ಭಾರತದಲ್ಲಿ ಅದರಲ್ಲೂ ಕರ್ನಾಟಕದಲ್ಲಿ ಮಹತ್ವವಾದ್ದೇನಾದರೂ ಸಾಧಿಸಬೇಕು. ಆದಷ್ಟು ಬೇಗ ಬಂದುಬಿಡುತ್ತೇನೆ ಎಂದು ಮನೆ ಮಂದಿಗೆಲ್ಲಾ ಹೇಳಿ ಹೋಗಿದ್ದ ಪ್ರಭಾ ಮತ್ತೆ ಬರಲಿಲ್ಲ ಎನ್ನುವ ನೋವು ಇಡೀ ಕುಟುಂಬವನ್ನು ಆವರಿಸಿತ್ತು.

ಕಮರಿತು ಪ್ರಭಾರ ಕೊನೆ ಆಸೆ
ಎಂಜಿನಿಯರಿಂಗ್ ಪದವಿ ಪಡೆದ ತಕ್ಷಣ ಲಿಂಕ್ ಎನ್ನುವ ಕಂಪನಿಯಲ್ಲಿ ಕೆಲ ಸಮಯ ಕೆಲಸ ಮಾಡಿದ ನಂತರ ಮೈಂಡ್‌ಟ್ರಿ ಕಂಪನಿ ಸೇರಿದ್ದ ಪ್ರಭಾ 2012ರಲ್ಲಿ ಆಸ್ಟ್ರೇಲಿಯಾಗೆ ವರ್ಗಾವಣೆಗೊಂಡಿದ್ದರು. 2013ಕ್ಕೇ ವಾಪಸ್ ಬರಬೇಕಿತ್ತು. ಆದರೆ ಒಂದು ವರ್ಷ ಕಂಪನಿಯೇ ಅವರನ್ನು ಮುಂದುವರೆಸಿತ್ತು. 2014ಕ್ಕೆ ವಾಪಸ್ ಬರುವ ತಯಾರಿ ಆಗಿತ್ತಾದರೂ ಮತ್ತೊಂದು ವರ್ಷ ಮುಂದುವರೆಸಿದ ಕಾರಣಕ್ಕೆ 2015ರ ಏಪ್ರಿಲ್‌ಗೆ ವಾಪಾಸ್ ಬರುವ ತೀರ್ಮಾನ ಮಾಡಿದ್ದರು. ಮಗು ಮತ್ತು ಗಂಡನನ್ನು ಬಿಟ್ಟು ಇನ್ನೂ ಇಲ್ಲಿರುವುದು ತುಂಬಾ ಕಷ್ಟ ಎಂದು ಕನವರಿಸುತ್ತಿದ್ದ ಪ್ರಭಾ, 'ಇನ್ನೊಂದೆರಡು ತಿಂಗಳು ಮಗಳೇ ಅಲ್ಲೇ ಬಂದು ನಿನ್ನ ಜತೆಗೇ ಇದ್ದುಬಿಡುತ್ತೇನೆ' ಎಂದು ಪ್ರಾಮಿಸ್ ಮಾಡಿದ್ದರು...ಇದಷ್ಟೆ ಮಗಳು ಮೇಘನಾಳಿಗೆ ಗೊತ್ತಿರುವುದು.

ಇವು ದುಡ್ಡಲ್ಲೇ ಕಟ್ಟಿದ ದೇಗುಲಗಳು

ಭಾರತ ಬಡ ರಾಷ್ಟ್ರ ಅಂತ ಅಂದುಕೊಳ್ಳೋರಿಗೆ, ಇವತ್ತಿನ ಸ್ಟೋರಿ ನೋಡಿದ್ರೆ ಅಸಲಿ ವಿಷ್ಯ ಗೊತ್ತಾಗುತ್ತೆ.. ಯಾಕಂದ್ರೆ, ಭಾರತದ ದೇವರಲ್ಲಿ ಇರೋ ದುಡ್ಡು ಬೇರೆ ಯಾವ ದೇಶದಲ್ಲೂ ಇಲ್ಲಾ.. ಅದಿಕ್ಕೇ ನೋಡಿ.. ದೇಗುಲವನ್ನೇ ದುಡ್ಡಿನಿಂದ ಅಲಂಕಾರ ಮಾಡ್ತಾರೆ ಭಕ್ತರು.. ಒಂದಲ್ಲ ಎರಡಲ್ಲ.. ಸಾವಿರ ರೂಪಾಯಿಗಳಿಂದ್ಲೇ ಗೋಡೆಗಳಿಗೆ ಶೃಂಗಾರ.. ಕೋಟಿ ಕೋಟಿ ರೂಪಾಯಿಗಳಿಂದ ಮಹಾಲಕ್ಷ್ಮಿಗೆ  ಅಲಂಕಾರ..

ಯಸ್.. ಭಾರತ ಬಡರಾಷ್ಟ್ರ.. ಭಾರತದಲ್ಲಿರೋರೆಲ್ಲಾ ಬಡವರು ಅನ್ನೋರು, ಖಂಡಿತ್ವಾಗ್ಲೂ ಇವತ್ತಿನ ಸ್ಟೋರಿಯನ್ನ ಕಂಪ್ಲೀಟಾಗಿ ಓದ್ಲೇಬೇಕು.. ಯಾಕಂದ್ರೆ ಭಾರತಕ್ಕೆ ಬಡ ರಾಷ್ಟ್ರ ಅನ್ನೋ ಹಣೆ ಪಟ್ಟಿ, ಬರೀ ಹೆಸರಲ್ಲಿ ಮಾತ್ರ ಇದೆ.. ಆದ್ರೆ ಭಾರತ ನಿಜ್ವಾಗ್ಲೂ ಬಡರಾಷ್ಟ್ರ ಅಲ್ವೇ ಅಲ್ಲ.. ಕೋಟಿ ಕೋಟಿ ದುಡ್ಡನ್ನು ದೇವರಿಗೆ ದಾನ ಕೊಡೋಷ್ಟು ಶ್ರೀಮಂತರಿರೋ, ಸಿರಿವಂತ ರಾಷ್ಟ್ರ ಕಣ್ರಿ ನಮ್ಮ ಭಾರತ ದೇಶ....

ಹೌದು.. ಒಂದಲ್ಲ ಎರಡಲ್ಲ.. ಕೋಟಿ ಕೋಟಿ ಕರೆನ್ಸಿಯಲ್ಲಿ ದೇವರಿಗೆ ಅಲಂಕಾರ ಮಾಡೋ ಜನ್ರು ಇರೋದು ನಮ್ಮ ಭಾರತದಲ್ಲೇ.. ಅದ್ರಲ್ಲೂ ದಕ್ಷಿಣ ಭಾರತದಲ್ಲೇ ಜಾಸ್ತಿ.. ಬೆಳಗಾಗೆದ್ದು, ದುಡ್ಡು ಕೊಡಮ್ಮ ತಾಯಿ ಬೇಡ್ಕೊಳ್ಳೋ ಭಕ್ತರು, ಅದೇ ದೇವರಿಗೆ ದುಡ್ಡಲ್ಲೇ ಅಲಂಕಾರ ಮಾಡಿರೋ ಒರಿಜಿನಲ್ ಕಥೆ ಇದೆ.. ಬೆಲೆದುಡ್ಡಿನ ಅಧಿದೇವತೆ ಅಂದ್ರೇನೇ ಲಕ್ಷ್ಮಿ ಕಣ್ರಿ.. ಆದ್ರೆ ಅದೇ ಲಕ್ಷ್ಮಿಗೆ ದುಡ್ಡು ನೀಡೋಷ್ಟು ಸಿರಿವಂತ ಭಕ್ತರು ನಮ್ಮ ನೆಲದಲ್ಲಿದ್ದಾರೆ ಅನ್ನೋದಕ್ಕೆ ಇಲ್ಲಿದೆ ನೋಡಿ ಒಂದು ಸಾಕ್ಷಿ..


ನೋಡ್ರಿ.. ಎಲ್ ನೋಡಿದ್ರೂ ಬರೀ ದುಡ್ಡೆ.. ದುಡ್ಡಿನ ಅಧಿದೇವತೆಯನ್ನು ದುಡ್ಡಿನಿಂದ್ಲೇ ಅಲಂಕಾರ ಮಾಡಿದ್ದಾರೆ ಭಕ್ತರು.. ಇದು ಉತ್ತರ ಭಾರತದಲ್ಲಿರೋ ಮಹಾಲಕ್ಷ್ಮಿ ದೇವಸ್ಥಾನ... ದುಡ್ಡಿನ ದೇವತೆಯಾಗಿರೋ ಲಕ್ಷ್ಮಿಗೆ ನಾನಾ ಅವತಾರಗಳಿವೆ.. ಉತ್ತರ ಭಾರತದಲ್ಲಿ ಈ ಮಹಾತಾಯಿಯನ್ನು 9 ಅವತಾರಗಳಲ್ಲಿ ಪೂಜಿಸಲಾಗುತ್ತೆ.. ನವರಾತ್ರಿ ಸಂದರ್ಭದಲ್ಲಿ ದುಡ್ಡಿನ ದೇವತೆಯನ್ನು ಇದೇ ರೀತಿ ದುಡ್ಡಿನಿಂದ್ಲೇ ಅಲಂಕರಿಸಲಾಗುತ್ತೆ..

ಬರೀ ದೇವಿಯನ್ನು ಮಾತ್ರ ಅಲ್ಲಾ ಕಣ್ರಿ.. ದೇವಿ ಇರೋ ಈ ಇಡೀ ದೇವಸ್ಥಾನವನ್ನೇ ದುಡ್ಡಿನಿಂದ ಮುಚ್ಚಿ ಬಿಡ್ತಾರೆ.. ಬಣ್ಣ ಬಣ್ಣದ ಕಲರ್ ಪೇಪರ್​ಗಳಿಂದ ಗೋಡೆಯನ್ನು ಸಿಂಗಾ ಮಾಡೋ ಹಾಗೇ, ಕೋಟಿ ಕೋಟಿ ರೂಪಾಯಿಗಳನ್ನು, ಸಾವಿರ ರೂಪಾಯಿ ನೋಟುಗಳಿಂದ್ಲೇ ಸಿಂಗಾರ ಮಾಡಲಾಗುತ್ತೆ. ನೀವು ಈ ದೇವಸ್ಥಾನಕ್ಕೆ ಬಂದರೆ ಸಾಕು ಕಣ್ರಿ,... ನೆಲಾನೇ ಕಾಣ್ಸೋದಿಲ್ಲ.. ಕಣ್ಣು ಹಾಯಿಸಿದ ಕಡೆ ಎಲ್ಲಾ ಬರೀ ದುಡ್ಡು ದುಡ್ಡು ದುಡ್ಡು..

ಬಡ ರಾಷ್ಟ್ರ ಅಂತ ಕರೆಸಿಕೊಳ್ಳೋ ಭಾರತದಲ್ಲಿ, ಇದೊಂಥರ ಅಚ್ಚರಿನೇ ಕಣ್ರಿ.. ಇಲ್ಲಿಗೆ ಬರೋ ಭಕ್ತರು ಈ ಮಹಾಮಾತೆಗೆ ತಮ್ಮ ದುಡ್ಡಿನಿಂದ ಸಿಂಗರಿಸಿ ಹೋಗ್ತಾರೆ ಕಣ್ರಿ.. ಬಂದೋರೆಲ್ಲಾ ಸಾವಿರಾರು ರೂಪಾಯಿಗಳನ್ನು ದೇವಿಗೆ ನೀಡಿ ಹೋಗ್ತಾರೆ. ಅದ್ರ ಜೊತೆಗೆ ಸುತ್ತಮುತ್ತಲಿನ ವ್ಯಾಪಾರಿಗಳು, ಈ ಮಾತೆಯನ್ನ ಅಲಂಕಾರಿಸೋದಕ್ಕೆ ಅಂತಲೇ, ಲಕ್ಷಾಂತರ ರೂಪಾಯಿಗಳನ್ನ ನೀಡ್ತಾರೆ..

ಇದೊಂದೇ ಅಲ್ಲ ಕಣ್ರಿ.. ಇದಕ್ಕಿಂತ ಮೀರಿಸೋದ ದುಡ್ಡಿನ ದೇವಸ್ಥಾನಗಳು ನಮ್ಮ ಭಾರತದಲ್ಲಿವೆ. ಅದ್ರಲ್ಲೂ ನಮ್ಮ ಕರ್ನಾಟಕಕ್ಕೆ ಹೊಂದಿಕೊಂಡೇ ಇರೋ ಆಂಧ್ರ ಮತ್ತು ತೆಲಂಗಾಣದಲ್ಲೂ, ದುಡ್ಡಿನ ದೇವಿಯನ್ನ ದುಡ್ಡಿನಿಂದಲೇ ಅಲಂಕರಿಸಲಾಗುತ್ತೆ..




ಇಲ್ನೋಡಿ.. ಇದು ಆಂಧ್ರದಲ್ಲಿರೋ ದುರ್ಗಾ ಮಾತೆಯ ದೇವಸ್ಥಾನ ಕಣ್ರಿ.. ಇಲ್ಲೂ ಕೂಡ ಮಹಾಮಾತೆಯನ್ನು ದುಡ್ಡಿನಿಂದ ಅಲಂಕರಿಸಲಾಗಿದೆ. ಆಂಧ್ರ ಅಂದ್ರೆ ಕೇಳ್ಬೇಕಾ..? ಇಲ್ಲಿರೋದು ಕೋಟಿ ಕುಳಗಳು.. ಹಬ್ಬ ಹರಿದಿನ ಬಂದ್ರೆ ಸಾಕು.. ಬರೀ ದೇವಿಯ ಮೂರ್ತಿಯನ್ನು ಮಾತ್ರವಲ್ಲ.. ಗೋಡೆಗಳು ಸೇರಿದಂತೆ, ಇಡೀ ದೇವಸ್ಥಾನವನ್ನೇ, ದುಡ್ಡಿನಿಂದ ಅಲಂಕಾರ ಮಾಡಲಾಗುತ್ತೆ.. ಪ್ರತಿಯೊಂದು ಗೋಡೆಗಳು, ಮೇಲ್ಛಾವಣಿ ಎಲ್ಲಾನೂ ನೋಟುಗಳಿಂದ್ಲೇ ಡೆಕೋರೇಷನ್ ಮಾಡಲಾಗುತ್ತೆ. ಬರೀ ಸಾವಿರ ರೂಪಾಯಿಗಳನ್ನ ಲೆಕ್ಕಾ ಹಾಕಿದ್ರೇನೇ, 30 ಲಕ್ಷ ಆಗುತ್ತೆ ಕಣ್ರಿ..

ಸ್ಥಳೀಯ ವ್ಯಾಪಾರಿಗಳು ಮತ್ತು ಭಕ್ತರು ಕೊಟ್ಟಿರೋ ದುಡ್ಡನ್ನು, ಹೀಗೆ ಅಲಂಕಾರಕ್ಕಾಗಿ ಬಳಸಲಾಗುತ್ತೆ ಕಣ್ರಿ.. ದೇವಿಯನ್ನ ಈ ರೀತಿ ದುಡ್ಡಿನಿಂದ ಅಲಂಕಾರ ಮಾಡಿದ್ರೆ, ಆಕೆ ಮನಸ್ಸು ಕರಗುತ್ತಂತೆ ಕಣ್ರಿ.. ಹೀಗೆ ಅಲಂಕಾರ ಮಾಡಿದ ಭಕ್ತರ ಮನೆಯಲ್ಲಿ ಸದಾ ನೆಲೆಸಿರ್ತಾಳೆ ಅನ್ನೋದು ಭಕ್ತರ ನಂಬಿಕೆ.. ಅದಿಕ್ಕೆ ನೋಡಿ.. ಲಕ್ಷ್ಮಿಯನ್ನು ಕರೆನ್ಸಿ ನೋಟಗಳಿಂದ್ಲೇ ಸಿಂಗಾರಗೊಳಸಿಲಾಗಿದೆ.

ಬರೀ ಇಷ್ಟನ್ನೇ ನೋಡಿ ಶಾಕ್ ಆಗ್ಬೇಡಿ.. ಇದಕ್ಕಿಂತ ರೋಚಕವಾದ ದುಡ್ಡಿನ ದೇಗುಲಗಳು ನಮ್ಮ ನೆಲದಲ್ಲಿವೆ. ಅವುಗಳನ್ನೇನಾದ್ರೂ ನೀವು ನೋಡಿದ್ರೆ, ಒಂದ್ ಕ್ಷಣ ಅವಕ್ಕಾಗಿ ಬಿಡ್ತೀರ.. ಮುಂದೆ ಓದಿ
------------------------------
ಆಂಧ್ರದಲ್ಲಿರೋ ಬಹುತೇಕರು ದುಡ್ಡಿನ ಕುಳಗಳೇ.. ಆಂಧ್ರ ಮಣ್ಣಲ್ಲಿ ದುಡ್ಡಿನ ಗಿಡಾನೇ ಬೆಳೆಯುತ್ತೆ ಅನ್ಸುತ್ತೆ.. ಅದಿಕ್ಕೆ ಹೂವಿನ ಗಿಡದಿಂದ ಹೂ ತಂದು ದೇವ್ರಿಗೆ ಇಡೋ ಬದ್ಲು, ದುಡ್ಡಿನ ಗಿಡದಿಂದ ದುಡ್ಡನ್ನು ತಂದು, ದೇವ್ರನ್ನ ಅಲಂಕರಿಸ್ತಾರೆ.. ಆಂಧ್ರದಲ್ಲಿರೋ ಆ ದುಡ್ಡಿನ ದೇಗುಲಗಳ ಅಚ್ಚರಿಯ ಸ್ಟೋರಿ ಇಲ್ಲಿವೆ ಓದಿ.

ಆಂಧ್ರ ಮತ್ತು ತೆಲಂಗಾಣ ಪ್ರದೇಶಗಳು ಅಂದ್ರೇನೇ ಹಾಗೆ ಕಣ್ರಿ.. ದೇವರನ್ನು ದುಡ್ಡಿನಿಂದ ಅಲಂಕರಿಸೋ ಭಕ್ತರು ಇಲ್ಲಿ ಎಥೇಚ್ಚವಾಗಿದ್ದಾರೆ. ದಸರಾ ಹಬ್ಬ ಬಂತು ಅಂದ್ರೆ, ಲಕ್ಷ್ಮಿ ದೇವಿಯನ್ನು ದುಡ್ಡಿನಿಂದ ಸಿಂಗರಿಸಿ ಪೂಜೆ ಮಾಡ್ತಾರೆ.. ಒಂಭತ್ತು ದಿನಗಳ ಕಾಲ ಇಲ್ಲಿ ಮಹಾಲಕ್ಷ್ಮಿಯನ್ನು ವಿವಿಧ ಬಗೆಯಾಗಿ ಬಣ್ಣ ಬಣ್ಣದ ನೋಟುಗಳಿಂದ ಸಿಂಗರಿಸಿ ಸಂತುಷ್ಟರಾಗ್ತಾರೆ ಭಕ್ತರು..


ಇಲ್ನೋಡಿ.. ಇದು ಆಂಧ್ರಾದ ಅಮಲಾಪುರಂನಲ್ಲಿರೋ ಕನ್ನಿಕಾ ಪರಮೇಶ್ವರಿ ದೇವಸ್ಥಾನ...ಇಲ್ಲೂ ಅಷ್ಟೇ ಕಣ್ರಿ.. ಐಶ್ವರ್ಯ ಲಕ್ಷ್ಮಿಯನ್ನು, ಐಶ್ವರ್ಯದಿಂದಲೇ ಅಭಿಷೇಕ ಮಾಡಿದ್ದಾರೆ.. ಈ ಕನ್ನಿಕಾ ಪರಮೇಶ್ವರಿಯನ್ನು ಬರೀ ದುಡ್ಡಿನಿಂದಲೇ ಸಿಂಗಾರಿಸಲಾಗಿದೆ. ಮೇಲೆ ನೋಡಿ.. ಹಬ್ಬ ಹರಿದಿನಗಳಲ್ಲಿ ಕಲರ್ ಪೇಪರ್​ಗಳನ್ನು ಕಟ್ ಮಾಡಿ ಡೆಕೋರೇಷನ್ ಮಾಡೋ ಹಾಗೇ, ಗರಿ ಗರಿ ನೋಟುಗಳಿಂದ ದೇವಸ್ಥಾನವನ್ನು ಡೆಕೋರೇಟ್ ಮಾಡಿದ್ದಾರೆ. ಅದೂ ಒಂದಲ್ಲ ಎರಡಲ್ಲಾ ಕಣ್ರಿ... ಬರೋಬ್ಬರಿ 1 ಕೋಟಿ 80 ಲಕ್ಷ ರೂಪಾಯಿ ಗರಿ ಗರಿ ನೋಟುಗಳಿಂದ, ದುಡ್ಡಿನ ದೇವತೆಯನ್ನು  ಸಿಂಗರಿಸಲಾಗಿದೆ.


ಇಲ್ನೋಡ್ರೀ.. ರಾಶಿ ರಾಶಿಯಾಗಿ ಜೋಡಿಸಲಾಗಿರೋ ಗರಿ ಗರಿ ನೋಟುಗಳನ್ನ ನೋಡಿ.. ರಿಸರ್ವ್​ ಬ್ಯಾಂಕ್​ನಲ್ಲೂ ಇಷ್ಟೋಂದು ದುಡ್ಡನ್ನ ಹೀಗೆ ಜೋಡಿಸ್ತಾರೋ ಇಲ್ಲೋ ಗೊತ್ತಿಲ್ಲ.. ಆದ್ರೆ ಆಂಧ್ರಾದಲ್ಲಿ ದೇವರಿಗಾಗಿ ಭಕ್ತರು ಜೋಡಿಸಿರೋ ದುಡ್ಡಿದು..ಇದು ಮೆಹಬೂಬ್ ನಗರದಲ್ಲಿರೋ ಕನ್ನಿಕಾ ಪರಮೇಶ್ವರಿ ದೇವಸ್ಥಾನ.. ಇಲ್ಲೂ ಕೂಡ ಈ ಮಹಾಮಾತೆಯನ್ನು ದುಡ್ಡಿನಿಂದ ಸಿಂಗರಿಸಲಾಗಿದೆ.. ಒಂದು ಇಂಚು ಕೂಡ ಜಾಗ ಇಲ್ಲದಂಗೆ, ಹಣದಿಂದ ಮುಚ್ಚಿದ್ದಾರೆ ಕಣ್ರಿ ಈ ದೇವಿಯನ್ನ..

ಒಂದು ಕೋಟಿ ಅಲ್ಲ.. ಎರಡು ಕೋಟಿನೂ ಅಲ್ಲ.. ಮೂರರಿಂದ ನಾಲ್ಕು ಕೋಟಿಯಷ್ಟು ಹಣವನ್ನು, ಇಲ್ಲಿ ಸಾಲಾಗಿ ಜೋಡಿಸಲಾಗಿದೆ ಕಣ್ರಿ... ಇದ್ರ ಜೊತೆಗೆ ಇಲ್ಲಿಗೆ ಬರೋ ಭಕ್ತರು ಕೂಡ ತಮ್ಮಲ್ಲಿರೋ ನೋಟುಗಳನ್ನು ಈ ದೇವಿಗೆ ಸಮರ್ಪಿಸಿ ಹೋಗ್ತಾರೆ.. ಆ ನೋಟುಗಳೂ ಕೂಡ, ಈ ದೇಗುಲದ ಗೋಡೆ ಗೋಡೆಗಳಲ್ಲಿ ಸಿಂಗಾರಗೊಂಡು, ದೇವಿಯ ಐಶ್ವರ್ಯವನ್ನು ಹೆಚ್ಚಿಸುತ್ತೆ.. ಜೊತೆಗೆ, ದೇಗುಲದ ಅಂದವನ್ನೂ ಹೆಚ್ಚಿಸುತ್ತೆ.. ಇಷ್ಟೇ ಅಲ್ಲ, ಲಕ್ಷ್ಮಿಯನ್ನು ಆರಾಧಿಸೋ ಭಕ್ತರು ದುಡ್ಡಿನ ಅಧಿದೇವತೆಯನ್ನು ನವರಾತ್ರಿಗಳಲ್ಲಿ ಹೀಗೆ ದುಡ್ಡಿನಿಂದ ಅಲಂಕರಿಸಿ ದೇವಿಯ ಕೃಪೆಗೆ ಪಾತ್ರರಾಗ್ತಾರೆ.. ಆದ್ರೆ ವಿಘ್ನ ವಿನಾಶಕನನ್ನು ದುಡ್ಡಿನಿಂದ ಅಲಂಕಾರ ಮಾಡಲಾಗುತ್ತೆ..




ಇಲ್ನೋಡಿ.. ಗಣೇಶನನ್ನ ಹೇಗೆ ದುಡ್ಡಿನಿಂದ ಅಲಂಕಾರ ಮಾಡಿದ್ದಾರೆ ಅಂತ... ನೂರರಿಂದ ಹಿಡ್ದು, ಸಾವಿರ ರೂಪಾಯಿ ನೋಟುಗಳಿಂದ ಈ ಗಣೇಶನನ್ನ ಸಿಂಗರಿಸಲಾಗಿದೆ.

ಅಂದ್ಹಾಗೆ ಈ ದೃಶ್ಯಗಳು ಕಂಡು ಬಂದಿದ್ದು ಗುಂಟೂರಿನಲ್ಲಿ ಕಣ್ರಿ.. ನವರಾತ್ರಿಗಳಲ್ಲಿ ಲಕ್ಷ್ಮಿಯನ್ನು ದುಡ್ದಡಿನಿಂದ ಸಿಂಗರಿಸೋ ಭಕ್ತರು, ಗಣೇಶನನ್ನು ಗಣೇಶ ಚೌತಿಯ ಟೈಮಲ್ಲಿ ದುಡ್ಡಿನಿಂದ ಅಲಂಕಾರ ಮಾಡ್ತಾರೆ. ಮೇಲ್ ನೋಡ್ರಿ.. ಗಣೇಶನನ್ನ ಇರಿಸಲಾಗಿರೋ ಚಪ್ಪರ ಕೂಡ ದುಡ್ಡಿಂದೆ ಕಣ್ರಿ.. ಅಷ್ಟೇ ಅಲ್ಲ, ಅಕ್ಕ ಪಕ್ಕ ಅಲಂಕಾರಕ್ಕೆ ಅಂತ ಜೋಡಿಸಿರೋದು ಕೂಡ, ಗರಿ ಗರಿ ನೋಟುಗಳನ್ನೇ..ಗಣೇಶನ ಕಿರೀಟ ಕೂಟ, ಗರಿ ಗರಿ ನೋಟಿನಿಂದ ಅಲಂಕರಿಸಲಾಗಿದೆ. ಚಕ್ರದಂತೆ ಕಾಣೋ ಅಲಂಕಾರಿಕ ಜಾಗವನ್ನೂ ನೋಟುಗಳಿಂದ್ಲೇ ಜೋಡಿಸಲಾಗಿದೆ.

ಇನ್ನು ಇದೇ ಥರ ಗಣೇಶನನ್ನು ದುಡ್ಡಿನಿಂದ ಅಲಂಕಾರ ಮಾಡಿರೋ ಮತ್ತೊಂದು ದೇಗುಲ ಇದೇ ಭಾಗದ ಅದಿಲಾಬಾದ್​ನಲ್ಲಿದೆ.. ಇಲ್ನೋಡಿ.. ಗಣೇಶನ ಹಣೆಯನ್ನ, 20 ರೂಪಾಯಿ, 500 ರೂಪಾಯಿ ಮತ್ತು ಒಂದು ಸಾವಿರ ರೂಪಾಯಿಗಳ ನೋಟುಗಳಿಂದ ಸಿಂಗರಿಸಲಾಗಿದೆ.

ಬರೀ ನೋಟುಗಳು ಮಾತ್ರ ಅಲ್ಲ.. ನಾಣ್ಯಗಳಿಂದಲೂ ಗಣೇಶನನ್ನು ಅಲಂಕರಿಸ್ತಾರೆ ಇಲ್ಲಿನ ಭಕ್ತರು..ರಾಶಿ ರಾಶಿ ಅಸಲಿ ನೋಟುಗಳಿಂದ ಅಲಂಕೃತನಾಗಿರೋ ಗಣೇಶನನ್ನ ನೋಡೋಕೆ ಒಂಥರ ಆನಂದ ಕಣ್ರಿ.. ಅದಿಕ್ಕೇನೇ.. ಈ ಗಣೇಶನನ್ನ ನೋಡೋಕೆ, ದೂರದೂರಿಂದ ಸಾಕಷ್ಟು ಸಂಖ್ಯೆಯಲ್ಲಿ ಭಕ್ತರು ಬರ್ತಾರೆ.. ಕ್ಯೂನಲ್ಲಿ ನಿತು ಗಣೇಶನ ದರ್ಶನ ಪಡೀತಾರೆ.

ಇಷ್ಟೇ ಅಲ್ಲ.. ವಿಘ್ನ ನಿವಾರಕ ವಿನಾಯಕನನ್ನು ದುಡ್ಡಿನಿಂದ ಸಿಂಗರಿಸೋ ಭಕ್ತರು ತಮಿಳುನಾಡಿನಲ್ಲೂ ಇದ್ದಾರೆ ಕಣ್ರಿ.. ಇಲ್ಲಿನ ಕುಂಭ ಕೋಣಂನಲ್ಲಿರೋ ವಿನಾಯಕನಿಗೆ ದುಡ್ಡಿನಿಂದ ಅಲಂಕಾರ ಮಾಡ್ತಾರೆ ಭಕ್ತರು.. ಬರೀ ಭಾರತದ ರೂಪಾಯಿಗಳು ಮಾತ್ರವಲ್ಲ.. ಅಮರಿಕನ್ ಡಾಲರ್ಗಳಿಂದಲೂ ಕುಂಭಕೋಣಂನ ಗಣೇಶ ಅಲಂಕಾರಗೊಳ್ತಾನೆ..

ನಿಮಗೆ ಗೊತ್ತಿಲ್ಲದ ಅದೆಷ್ಟೋ ದುಡ್ಡಿನ ದೇಗುಲಗಳು ನಿಮ್ಮ ನಡುವೇನೇ ಇವೆ.. ಆ ದೇಗುಲಗಳನ್ನು ನಿಮಗೆ ದರ್ಶನ ಮಾಡಿಸ್ತೀವಿ.. ಮುಂದೆ ಓದಿ..
------------------
ದೇಹಿ ಅಂತ ಬೇಡಿದ ಭಕ್ತರಿಗೆ, ಆ ಧನ ಲಕ್ಷ್ಮಿ ಒಲೀತಾಳೆ.. ಕೆರೆಯ ನೀರನ್ನು ಕೆರೆಗೆ ಚೆಲ್ಲಿ ವರವ ಪಡಿಯಿರೋ ಅನ್ನೋ ಹಾಗೇ, ದೇವರು ಕೊಟ್ಟ ದುಡ್ಡನ್ನು ದೇವ್ರಿಗೆ ಸಮರ್ಪಿಸಿ ಧನ್ಯರಾಗ್ತಾರೆ ಭಕ್ತರು.. ಹೀಗೆ ಮಾಡಿದ್ರೆ ನಿಜಕ್ಕೂ ದೇವಿಯ ಕೃಪೆಗೆ ಪಾತ್ರರಾಗಬಹುದಾ..? ಇಲ್ಲಿದೆ ನೋಡಿ ಒಂದು ರೋಚಕ ಕಥೆ..

ಭಕ್ತಿಯ ಪರಾಕಾಷ್ಟೆ ತಲುಪಿದ ಭಕ್ತರು, ದೇವರಿಗಾಗಿ ಏನು ಬೇಕಾದ್ರೂ ಮಾಡ್ತಾರೆ. ಇವ್ರ ನಿಷ್ಕಲ್ಮಶ ಬಕ್ತಿ ಆ ದೇವಿಗೆ ಇಷ್ಟವಾಯ್ತು ಅಂದ್ರೆ, ಅಂಥವರ ಮನೆಯಲ್ಲಿ ಈ ಮಹಾಲಕ್ಷ್ಮಿ ನೆಲೆಸ್ತಾಳೆ ಅನ್ನೋ ನಂಬಿಕೆ ಇದೆ. ಹೀಗೆ ದೇವರನ್ನು ಅಲಂಕರಿಸಿ ಪೂಜಿಸಿದವರಿಗೆ ಒಳ್ಳೇದ್ ಕೂಡ ಆಗಿದ್ಯಂತೆ.. ಅದಕ್ಕಾಗಿನೇ.. ಭಕ್ತರು ಹೀಗೆ ದುಡ್ಡಿನ ಅಧಿದೇವತೆಯನ್ನು ದುಡ್ಡಿನಿಂದಲೇ ಸಿಂಗರಿಸ್ತಿರೋದು..

ಆಂಧ್ರದ ಬಹುತೇಕ ಪ್ರದೇಶಗಳಲ್ಲಿ ಮತ್ತು ತಮಿಳುನಾಡಿನ ಕೆಲವು ಪ್ರದೇಶಗಳಲ್ಲಿ ಈ ರೀತಿ ದುಡ್ಡಿನಿಂದ ದೇವರನ್ನು ಅಲಂಕರಿಸೋ ಪದ್ಧತಿ ಇದೆ. ಉತ್ತರ ಭಾರತದ ಕೆಲ ಪ್ರದೇಶಗಳಲ್ಲೂ, ಇಂಥ ಸಂಪ್ರದಾಯವಿದೆ.



ಇನ್ನು ಇದು ಆಂಧ್ರದಲ್ಲಿರೋ ಮತ್ತೊಂದು ದೇವಸ್ಥಾನ.. ವಾಸವೀ ದೇವಿಯ ಅವತಾರದಲ್ಲಿ ನೆಲೆಸಿದ್ದಾಳೆ ಸಾಕ್ಷಾತ್​ ದುರ್ಗಾ ಮಾತೆ.. ನವರಾತ್ರಿ ಸಂದರ್ಭದಲ್ಲಿ, ಈ ದುರ್ಗಾ ಮಾತೆಯನ್ನು ಹೀಗೆ ನೋಟುಗಳಿಂದ ಅಲಂಕರಿಸಲಾಗುತ್ತೆ ಕಣ್ರಿ.. ನೋಟುಗಳನ್ನೇ ಸೀರೆಯಂತೆ ಸಿಂಗರಿಸಿ, ದೇವಿಗೆ ಅಲಂಕಾರ ಮಾಡಲಾಗಿದೆ..  ಹಿಂದೆ ಇರೋ ಚಕ್ರವೂ ನೋಟುಗಳಿಂದಲೇ ಡೆಕೋರೇಟ್ ಮಾಡಲಾಗಿದೆ. ಈ ದೇವಿ ನೆಲೆಸಿರೋ ದೇವಸ್ಥಾನದ ಪ್ರತಿಯೊಂದು ಭಾಗದಲ್ಲೂ ಇರೋದು ನೋಟುಗಳೇ ಕಣ್ರಿ.. ಕೋಟಿ ಕೋಟಿ ನೋಟುಗಳ ನಡುವೆ ರಾರಾಜಿಸುವಂತೆ ನೆಲೆಸಿದ್ದಾಳೆ ಈ ಮಹಾ ಮಾತೆ.. ದುಡ್ಡಿ ನಡುವೆ ಸಿಂಗಾರಗೊಂಡ ದುರ್ಗಾ ಮಾತೆಯನ್ನು ನೋಡೋದಕ್ಕೆ, ಇಲ್ಲಿಗೆ ಸಾವಿರಾರು ಪ್ರಮಾಣದಲ್ಲಿ ಭಕ್ತರು ಆಗಮಿಸ್ತಾರೆ. ದೇವಿಯ ರ್ದಶನ ಪಡೆದು ಪುನೀತರಾಗ್ತಿದ್ದಾರೆ.

ಇನ್ನು ಪಶ್ಚಿಮ ಗೋದಾವರಿ ಜಿಲ್ಲೆಯಲ್ಲಿರೋ ದುರ್ಗಾಮಾತೆಗೂ ಹಣದ ಅಲಂಕಾರ ಮಾಡ್ತಾರೆ.. ಇಲ್ಲಿ ನೆಲೆಸಿರೋ ದೇವಿಯನ್ನ  ಸುಮಾರು 20 ಲಕ್ಷಕ್ಕಿಂತಲೂ ಹೆಚ್ಚಿನ ನೋಟುಗಳಿಂದ ಅಲಂಕಾರ ಮಾಡಿದ್ದಾರೆ. ಅದೇ ನೋಟುಗಳಿಂದಲೇ, ಮಹಾಮಾತೆಗೆ ಮಂಟಪ ಕಟ್ಟಿ, ಅದರೊಳಗೆ ಆಕೆಯನ್ನ ಪ್ರತಿಷ್ಟಾಪಿಸಿದ್ದಾರೆ..

ಇನ್ನು ವಾರಂಗಲ್​​ನಲ್ಲೂ ದುರ್ಗಾದೇವಿಯನ್ನು ಹೀಗೇ ಅಲಂಕಾರ ಮಾಡ್ತಾರೆ ಕಣ್ರಿ. ನೂರರಿಂದ 1 ಸಾವಿರ ರೂಪಾಯಿಗಳ ನೋಟುಗಳನ್ನು ಹಾರ ಮಾಡಿ ದೇವಿಗೆ ಅರ್ಪಿಸಲಾಗುತ್ತೆ.. ದೇವಿಯ ಮಂಟಪದಿಂದ ಹಿಡಿದು, ಅಲ್ಲಿ ಸಿಂಗರಿಸಲಾಗಿರೋ ಎಲ್ಲಾ ಜಾಗಗಳೂ, ದುಡ್ಡಿನಿಂದಲೇ ಮುಚ್ಚಿಕೊಂಡಿದೆ..

ಇವೆಲ್ಲಾ ನೋಡಿದ್ರೆ, ನಿಜಕ್ಕೂ ಅಚ್ಚರಿಯಾಗುತ್ತೆ ಕಣ್ರಿ.. ಹೀಗೆ ದೇವರ ಹೆಸರಲ್ಲಿ ದೇಗುಲವನ್ನು ದುಡ್ಡಿನಿಂದ ಸಿಂಗರಿಸೋದು ಒಂದು ರೀತಿಯ ಅಚ್ಚರಿಯಾದ್ರೆ, ಮತ್ತೊಂದು ಮಹದಚ್ಚರಿ ಏನ್ ಗೊತ್ತಾ..? ಈ ಯಾವ ದೇಗುಲದಲ್ಲೂ, ಕಳ್ಳರ ಕರಿ ನೆರಳು ಬಿದ್ದಿಲ್ಲ..

ಭಕ್ತರು ತನಗರ್ಪಿಸಿದ ಸಂಪತ್ತನ್ನ, ಈ ದೇವಿಯೇ ಕಾಪಾಡಿಕೊಳ್ತಿದ್ದಾಳೆ. ಅದ್ರ ಜೊತೆಗೆ, ತಮ್ಮಲ್ಲಿರೋ ಸಂಪತ್ತನ್ನು ಹೀಗೆ ದಾನವಾಗಿ ಕೊಡೋ ಮನಸ್ಥಿತಿ ಇರೋ ಉದಾರ ವ್ಯಕ್ತಿಗಳನ್ನು, ಮನಸಾರೆ ಆಶೀರ್ವದಿಸ್ತಿದ್ದಾಳೆ..

ದುಡ್ಡಿನ ದೇಗುಲ ನಿರ್ಮಿಸಿ, ಅದರಲ್ಲಿ ದುಡ್ಡಿನ ಅಧಿದೇವತೆಯನ್ನು ಪ್ರತಿಷ್ಟಾಪಿಸಿದ್ರೆ, ಒಳ್ಳೇದಾಗುತ್ತೆ ಅನ್ನೋ ನಂಬಿಕೆ ಇದೆ. ಇದ್ರಿಂದ ಒಳಿತನ್ನ ಕಂಡವರೂ ಇದ್ದಾರೆ. ಅದಕ್ಕೇನೇ ವಿಶೇಷ ಸಂದರ್ಭಗಳಲ್ಲಿ, ಹೀಗೆ ದೇವರನ್ನು ದುಡ್ಡಿನಿಂದ ಅಲಂಕರಿಸಿ ಕಣ್ತುಂಬಿಕೊಳ್ತಾರೆ ಭಕ್ತರು..

ವಿಜಯ್​ ಮಲ್ಯ ಸಾಲ ಎಷ್ಟಿದೆ ಗೊತ್ತಾ?

 
ಸಾಲ ಅನ್ನೋದು ಶೂಲ ಅನ್ನೋ ಮಾತಿದೆ. ಆದ್ರೆ ಸಾಲದ ಶೂಲ ಭಾರತದ ಮದ್ಯದ ದೊರೆಯ ಪಾಲಿಗೆ, ಸುಖದ ಸುಪ್ಪತ್ತಿಗೆಯೇ ಆಗಿಬಿಟ್ಟಿದೆ. ವಿಜಯ್ ಮಲ್ಯಗೆ ಇಂದು ದೇಶದ ಅತಿದೊಡ್ಡ ಸಾಲಗಾರ ಅನ್ನೋ ಅಪಖ್ಯಾತಿ ಬೆನ್ನು ಬಿದ್ದಿದೆ. ವಿಜಯ್ ಮಲ್ಯ ಸಾಲದ ಸುಳಿಯಲ್ಲಿ ಸಿಲುಕಿದ್ದು ಹೇಗೆ..? ಮಲ್ಯಗೆ ಸಾಲಕೊಟ್ಟ ಬ್ಯಾಂಕ್​ಗಳ ಪರಿಸ್ಥಿತಿ ಇಂದು ಹೇಗಿದೆ ಇಲ್ಲಿದೆ ನೋಡಿ..

ವಿಜಯ್ ಮಲ್ಯ... ಭಾರತದ ಆಗರ್ಭ ಶ್ರೀಮಂತರೆಲ್ಲರನ್ನೂ ತಕ್ಕಡಿಯ ಒಂದು ಕಡೆ ತೂಗಿದ್ರೆ, ವಿಜಯ್ ಮಲ್ಯರನ್ನ ಮತ್ತೊಂದು ಕಡೆ ತೂಗಬೇಕು. ಮಲ್ಯ ಖದರ್​ ಅಂತದ್ದು. ಭಾರತದ ಕುಬೇರರ ಕುಳಗಳಲ್ಲಿ ಮಲ್ಯ ಹೆಸರು ಹೇಳ್ತಿದ್ದ ಹಾಗೆ ಹುಟ್ಟೋ ಥ್ರಿಲ್ಲೇ ಬೇರೆ. ಮಲ್ಯ ಸ್ಪೆಷಾಲಿಟಿಯೇ ಅಂತದ್ದು.

ಸಂಪತ್ತಿನ ಸೂರ್ಯ ಮುಳುಗದ ಸಾಮ್ರಾಜ್ಯದಲ್ಲಿ ರಾಜನಾಗಿ ಮೆರೆದಾಡ್ತಿರೋದು ವಿಜಯ್​ ಮಲ್ಯ ಹೆಗ್ಗಳಿಕೆ. ಮಲ್ಯ ಕೈಯಿಟ್ಟ ಕಡೆಯಲ್ಲೆಲ್ಲಾ ಸಂಪತ್ತಿನ ಸುರಿಮಳೆಯೇ ಆಗಿದೆ.  ಚಿನ್ನದ ಚಮಚವನ್ನ ಬಾಯಲ್ಲೇ ಇಟ್ಟುಕೊಂಡು ಹುಟ್ಟಿದ ಮಲ್ಯ ಇಂದು ವಿಶ್ವದ ಮದ್ಯದ ದೊರೆಯಾಗಿ ಬೆಳೆದುನಿಂತಿದ್ದಾರೆ. ಮಲ್ಯ ಒಡೆತನದ ಯುನೈಟೆಡ್ ಬ್ರೇವರೀಸ್ ಇಂದು ವಿಶ್ವದಲ್ಲೇ ಎರಡನೇ ಅತಿದೊಡ್ಡ ಮದ್ಯ ಸರಬರಾಜು ಕಂಪನಿಯಾಗಿ ಬೆಳೆದು ನಿಂತಿದೆ.

ಕೋಲ್ಕತ್ತಾದಲ್ಲಿ ಡಿಸೆಂಬರ್ 18, 1955ರಲ್ಲಿ ಖ್ಯಾತ ಉದ್ಯಮಿ ವಿಠ್ಠಲ್ ಮಲ್ಯ ಹಾಗು ಲಲಿತಾ ರಾಮಯ್ಯ ಮಗನಾಗಿ ಮಲ್ಯ ಜನಿಸಿದ್ರು. ಕೊಲ್ಕತ್ತಾದ ಸೆಂಟ್ ಕ್ಸೇವಿಯರ್ ಕಾಲೇಜಿನಲ್ಲಿ ಬಿಕಾಂ ಮುಗಿಸಿದ ಮಲ್ಯ, 1975ರಲ್ಲಿ ಅಪ್ಪನ ಬ್ಯುಸಿನೆಸ್ ಸಾಮ್ರಾಜ್ಯದ ವಿಸ್ತರಣೆಗೆ ನಿಂತ್ರು. 1983ರಲ್ಲಿ ಯುನೈಟೆಡ್​ ಬ್ರೇವರೀಸ್ ಗ್ರೂಪ್ ಅನ್ನೋ ಸಾಮ್ರಾಜ್ಯ ಹುಟ್ಟುಹಾಕಿದ ಮಲ್ಯಗೆ ಕೇವಲ 28 ವರ್ಷ. ಅಂದಿನಿಂದ ಮಲ್ಯ ಮುಟ್ಟಿದ್ದೆಲ್ಲವೂ ಚಿನ್ನ. ಯಶಸ್ಸು, ಕೀರ್ತಿ, ಹಣ ಅನ್ನೋದು ಮಲ್ಯಗೆ ಸ್ವತಃ ಕುಬೇರನೇ ದಯಪಾಲಿಸಿದ ವರದಂತೆ ಆಗಿಬಿಡ್ತು.   

ಮಲ್ಯ ಅಂದ್ರೆ ಕೇವಲ ಅಷ್ಟೇ ಅಲ್ಲ. ಅವರೊಬ್ಬ ಪಕ್ಕಾ ಬ್ಯುಸಿನೆಸ್ ಮ್ಯಾನ್. ಯುಬಿ ಗ್ರೂಪ್​, ಕಿಂಗ್ ಫಿಷರ್​ ಏರ್​ಲೈನ್ಸ್​, ಕಿಂಗ್ ಫಿಶರ್ ಬಿಯರ್​, ಸೇರಿದಂತೆ ಅನೇಕ ವ್ಯವಹಾರಗಳನ್ನ ಕಟ್ಟಿ ಬೆಳೆಸಿದ ರೀತಿಯೇ ಹೇಳುತ್ತೆ. ಮಲ್ಯ ಅದೆಂತಾ ಚಾಣಾಕ್ಷ ಉದ್ಯಮಿ ಅಂತಾ.  60 ಮದ್ಯ ಮಾರಾಟ ಕಂಪನಿಗಳಿ ಇಂದು ಮಲ್ಯ ಒಡೆತನದ ಯುಬಿ ಗ್ರೂಪ್​ನ ಅಧೀನದಲ್ಲಿವೆ ಅಂದ್ರೆ ಅದು ಮಲ್ಯ ಅದೆಂತಾ ಮಾಸ್ಟರ್​ ಮೈಂಡ್ ಅನ್ನೋದು ಗೊತ್ತಾಗುತ್ತೆ.

ಇದೆಲ್ಲದರ ಜೊತೆಗೆ ಮಲ್ಯ ಪಕ್ಕಾ ಶೋಕಿಲಾಲಾ ಕೂಡ. ಪ್ರತಿವರ್ಷವೂ ಮಲ್ಯ ಕಿಂಗ್ ಫಿಷನ್ ಕ್ಯಾಲೆಂಡರ್ ಗರ್ಲ್​ ಹಂಟಿಗ್ ನಡೆಸೋದು, ಮಲ್ಯ ಹಾಬಿ. ಹೈಪ್ರೊಫೈಲ್ ಪಾರ್ಟಿಗಳಲ್ಲಿ, ಪೇಜ್​3 ಈವೆಂಟ್​ಗಳಲ್ಲಿ ಚಿಗರೆಯಂತಾ ಹುಡುಗಿಯರೊಂದಿಗೆ ಸೊಂಟ ಬಳಸಿ ನಿಲ್ಲೋದೇ ಮಲ್ಯ ತುಂಟತನಕ್ಕೆ ಸಾಕ್ಷಿ.

ಆಗರ್ಭ ಶ್ರೀಮಂತರಿಗೆ ಇರುವಂತಾ ಕೆಲ ಪ್ರತಿಷ್ಠಿತ ಶೋಕಿಗಳು ಕೂಡ ಮಲ್ಯಗಿವೆ. ಕಿಂಗ್​ ಫಿಶರ್​ ಡರ್ಬಿ ಟೀಮ್ , ಹಾಗು ಮೆಕ್​ ಡೊನಾಲ್ ಟರ್ಬಿ ಟೀಮ್ ಅಂದ್ರೆ ಕುದುರೆ ಸವಾರಿ ತಂಡಗಳಿಗೆ ಮಲ್ಯ ಮಾಲೀಕರು. ಅಲ್ಲದೇ ಸಿಗ್ನೇಚರ್ ಗಾಲ್ಫ್ ಟೂರ್ನಿಮೆಂಟಿಗೆ ಕೂಡ ಮಲ್ಯ ಪ್ರಮುಖ ಪ್ರಾಯೋಜಕರು. ಮೋಹನ್ ಬಾಗನ್ ಹಾಗು ಈಸ್ಟ್ ಬೆಂಗಾಲ್ ಫುಟ್ ಬಾಲ್ ಕ್ಲಬ್ ಗಳನ್ನ ಕೂಡ ಮಲ್ಯ ಘನತೆಗೆ ಸಾಕ್ಷಿ. 

ಇದರ ಹೊರತಾಗಿ ಇಂಡಿಯನ್ ಪ್ರೀಮಿಯರ್ ಲೀಗ್​ನ ಬೆಂಗಳೂರು ರಾಯಲ್ ಚಾಲೆಂಜರ್ಸ್ ತಂಡ ಕೂಡ ಮಲ್ಯ ಒಡೆತನದಲ್ಲಿದೆ. ಇದರ ಜೊತೆಗೆ ಮಲ್ಯ ಸಾಮ್ರಾಜ್ಯದ ಹೊಳಪು ಹೆಚ್ಚಿಸಿರೋದು ಫಾರ್ಮುಲಾ ಒನ್ ರೇಸಿಂಗ್ ಟೀಮ್​. ಭಾರತಕ್ಕೆ ಫಾರ್ಮುಲಾ ಒನ್ ಟೀಮ್ ಪರಿಚಯಿಸಿದ ಕ್ರೆಡಿಟ್​ ಮಲ್ಯಗೆ ಸಲ್ಲಬೇಕು.

ಚಿನ್ನದ ಚಮಚವನ್ನ ಬಾಯಲ್ಲೇ ಇಟ್ಟುಕೊಂಡು ಹುಟ್ಟಿದ ಮಲ್ಯಾಗೆ ಶುಕ್ರದೆಸೆ ಜೀವನದ ಬಹುತೇಕ ಕಾಲದವರೆಗೂ ಇತ್ತು. ಮಲ್ಯ ಸಾಮ್ರಾಜ್ಯದಲ್ಲಿ ಸೂರ್ಯ ಎಂದೆಂದಿಗೂ ಮುಳುಗೋದೇ ಇಲ್ಲವೇನೋ ಅನ್ನುವಷ್ಟು ವೈಭೋವೋಪೇತನಾಗಿ ಬದುಕ್ತಿರೋ ಮಲ್ಯ ಸ್ಥಿತಿ ಬದಲಾಗಿದೆ. ಮಲ್ಯ ಕುಂಡಲಿಯಲ್ಲಿ ಗ್ರಹಗಳ ಪಥ ಬದಲಾಗಿದೆ. ಮಲ್ಯ ಪಾಲಿಗೆ ಶುಕ್ರದೆಸೆ ಎಂದೋ ಮುಗಿದು ಇದೀಗ ಅವರ ಬಾಳಲ್ಲಿ ರಾಹುಕಾಲ ನಡೀತಿದೆ. ಒಂದು ಕಾಲದ ಭಾರತದ ಅತಿ ಶ್ರೀಮಂತ ಉದ್ಯಮಿ ಇಂದು ಭಾರತದ ನಂಬರ್1 ಸಾಲಗಾರ ಎನಿಸಿಕೊಂಡಿದ್ದಾರೆ.
ವಿಜಯ್ ಮಲ್ಯ ಪಾಲಿನ ವಿಜಯ ದಿವಸಗಳು ಮುಗಿದು ಯಾವುದೋ ಕಾಲವಾಗಿದೆ. ಈಗ ಮಲ್ಯ ದೇಶದ ನಂಬರ್1 ಸಾಲಗಾರ ಅನ್ನೋ ಹಣೆಪಟ್ಟಿ ಹೊತ್ತುಕೊಂಡಿದ್ದಾರೆ. ಮಲ್ಯ ಪಾಲಿನ ದುರ್ಗತಿಗೆ ಕಾರಣವಾಗಿದ್ದು ಅವರದ್ದೇ ಮತ್ತೊಂದು ಉದ್ಯಮದಿಂದ. 
----------------------------
ಮಲ್ಯ ಒಡೆತನದ ಕಿಂಗ್ ಫಿಷರ್ ಏರ್​ಲೈನ್ಸ್​ ಹಾರಾಟ ಮಲ್ಯ ಸಾಮ್ರಾಜ್ಯಕ್ಕೆ ಕಲಶಪ್ರಾಯವಾಗಿತ್ತು. ಖಾಸಗಿ ವಿಮಾನಯಾನದಲ್ಲಿ ಕಿಂಗ್​ಫಿಷರ್​ ಸಾಕಷ್ಟು ಹೆಸರನ್ನೂ ಮಾಡಿತ್ತು. ಆದ್ರೆ ನಂತರದ ದಿನಗಳಲ್ಲಿ ಕಿಂಗ್​ಫಿಷರ್ ಏರ್​ಲೈನ್ಸ್​ ಹಾರಿದಷ್ಟು ಎತ್ತರಕ್ಕೆ ವಿರುದ್ಧವಾಗಿ ಪಾತಾಳಕ್ಕಿಳಿಯಿತು. ಅದರ ಜೊತೆಗೆ ಮಲ್ಯ ಸಾಮ್ರಾಜ್ಯದ ಅಧಃಪತನವೂ ಶುರುವಾಯ್ತು. ಎಲ್ಲದರ ಟೋಟಲ್ ಎಫೆಕ್ಟೇ ಇಂದು ಅವರನ್ನ ದೇಶದ ನಂಬರ್1 ಸಾಲಗಾರನನ್ನಾಗಿಸಿವೆ.



ಖಾಸಗಿ ವಿಮಾನಯಾನಕ್ಕೂ ಅಡಿಯಿಟ್ಟ ಮದ್ಯದ ದೊರೆ
ಮಲ್ಯ ಘನತೆ ಹೆಚ್ಚಿಸಿತು ಕಿಂಗ್ ಫಿಶರ್ ಏರ್​ಲೈನ್ಸ್​

ಕಿಂಗ್ ಫಿಶರ್​ ಬ್ರ್ಯಾಂಡ್​ ಮದ್ಯ ಮಾರುಕಟ್ಟೆಯಲ್ಲಿ ಶಿಖರ ಸೂರ್ಯನಾಗಿ ಹೊಳೆಯುತ್ತಿದ್ದ. ಕಿಂಗ್ ಫಿಶರ್​ ಉತ್ಪನ್ನಗಳಿಗೆ ಜನರು ಕೂಡ ಫಿದಾ ಆಗಿಬಿಟ್ಟಿದ್ರು. ವಿಶ್ವ ಮಾರುಕಟ್ಟೆಯಲ್ಲಿ ಕಿಂಗ್ ಫಿಶರ್​ನ ಎರಡನೇ ಸ್ಥಾನವನ್ನ ಅಲ್ಲಾಡಿಸುವಂತಾ ಮತ್ತೊಂದು ಉತ್ಪನ್ನವೇ ಇರಲಿಲ್ಲ. ಹೀಗಿರುವಾಗ್ಲೇ ಮಲ್ಯ ಭಾರತದ ದೇಶೀಯ ಮಾರುಕಟ್ಟೆಯಲ್ಲಿ ಮತ್ತೊಂದು ಬೃಹತ್ ಉದ್ಯಮಕ್ಕೆ ಬಂಡವಾಳ ಹೂಡಿಬಿಟ್ರು. ಹಾಗೆ ಅವರು ಬಂಡವಾಳ ಹೂಡಿದ್ದೇ ಕಿಂಗ್ ಫಿಶರ್ ಏರ್​ಲೈನ್ಸ್​ಗೆ.

2003ರಲ್ಲಿ ಕಿಂಗ್ ಫಿಶರ್ ಏರ್​ಲೈನ್ಸ್​ ಕಾರ್ಯಾರಂಭ ಮಾಡ್ತು. ವಿಮಾನಯಾನ ಶುರುಮಾಡೋದಕ್ಕೆ ಸರ್ಕಾರದ ಅನುಮತಿ ಸೇರಿದಂತೆ ಇತರೆ ಕಾರ್ಯಗಳೆಲ್ಲಾ ಮುಗಿದು ಮೇ 9, 2005ರಂದು ಕಿಂಗ್ ಫಿಶರ್ ತನ್ನ ದೇಶೀಯ ಹಾಗು ಅಂತರಾಷ್ಟ್ರೀಯ ವಿಮಾನಯಾನ ಸೇವೆ ಆರಂಭಿಸಿಯೇ ಬಿಡ್ತು.

ದೇಶೀಯ ವಿಮಾನಯಾನ ಸೇವೆಯಲ್ಲಿ ಸರ್ಕಾರ ಪ್ರಯಾಣಿಕರಿಗೆ ನೀಡ್ತಿದ್ದಕ್ಕಿಂತಲೂ ಹೆಚ್ಚಿನ ಸೌಲಭ್ಯವನ್ನ ಮಲ್ಯ ಕಿಂಗ್​ಫಿಶರ್​ ಏರ್​ಲೈನ್ಸ್​ನಲ್ಲಿ ನೀಡಿದ್ರು. ಪ್ರಯಾಣದ ವೆಚ್ಚದಲ್ಲೂ ಕೂಡ ಅಂತರ ಕಾಯ್ದುಕೊಳ್ತು. ಮಲ್ಯ ಉಪಯೋಗಿಸಿದ ಮಾರ್ಕೆಟಿಂಗ್ ಸ್ಟ್ರಾಟಜಿಗಳು ಚೆನ್ನಾಗಿಯೇ ವರ್ಕೌಟ್ ಆಗಿತ್ತು. ದೇಶದ ಆಂತರಿಕ ವಿಮಾನಯಾನ ಸಾರಿಗೆ ವ್ಯವಸ್ಥೆಯಲ್ಲಿ ಕಿಂಗ್ ಫಿಶರ್ ಎರಡನೇ ಸ್ಥಾನಕ್ಕೆ ಜಿಗಿದುಬಿಡ್ತು.

ಕಿಂಗ್​ಫಿಶರ್​ ರೆಡ್, ಕಿಂಗ್ ಫಿಶರ್ ಕ್ಲಾಸ್ ಹಾಗು ಕ್ಲಬ್​ ವಿಮಾನಗಳು ಬ್ಯುಸಿನೆಸ್ ಟೈಕೂನ್​ಗಳನ್ನೂ ಸೂಜಿಗಲ್ಲಿನಂತೆ ಸೆಳೆದ್ವು. ಬೆಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವನ್ನೇ ನೆಲೆಯಾಗಿ ಹೊಂದಿದ್ದ  ಕಿಂಗ್ ಫಿಶರ್ ಏರ್​ಲೈನ್​ ಮುಂಬೈ, ಕೋಲ್ಕತ್ತ, ದೆಹಲಿ ಸೇರಿದಂತೆ ಮಹಾನಗರಗಳಲ್ಲಿ ಸಂಚರಿಸ್ತಿತ್ತು. ಅದರ ಜೊತೆಜೊತೆಗೆ ಬೆಂಗಳೂರುನಿಂದ ಲಂಡನ್​ಗೂ ಕೂಡ ವಿಮಾನಯಾನ  ಸೇವೆ ಆರಂಭಿಸಲಾಗಿತ್ತು.

ಮೊದಲೇ ಮಲ್ಯ ಐಷಾರಾಮಿ ಉದ್ಯಮಿ. ವಿಶ್ವದ ನಂಬರ್2 ಮದ್ಯದ ದೊರೆ. ಮಲ್ಯ ವೈಭೋಗಕ್ಕೆ ಪ್ರತೀಕವಾಗಿ ಒಂದು ಎ3 ಅನ್ನೋ ಐಷಾರಾಮಿ ವಿಮಾನಯಾನವನ್ನ ಶುರುಮಾಡಿದ್ರು. ಕಿಂಗ್​ಫಿಶರ್ ಏರ್​ಲೈನ್ಸ್ ಹಾರಿದಷ್ಟೂ ಎತ್ತರಕ್ಕೆ ಮಲ್ಯ ಕೀರ್ತಿ ಪತಾಕೆಗಳು ಹಾರಿದ್ವು. ಸುಮಾರು ಆರು ವರ್ಷಗಳ ಕಾಲ ಕಿಂಗ್​ಫಿಶರ್ ಏರ್​ಲೈನ್ಸ್​ ಆಗಸದಲ್ಲೂ ಕಿಂಗ್ ಆಗಿಬಿಡ್ತು. ಆದ್ರೆ 2011ರ ಡಿಸೆಂಬರ್​ನಲ್ಲಿ ಕಿಂಗ್​ಫಿಶರ್​ ಏರ್​ಲೈನ್ಸ್​ಗೆ ಕಷ್ಟಕಾಲ ಶುರುವಾಯ್ತು.

ಆರ್ಥಿಕ ಸಂಕಷ್ಟಕ್ಕೆ ಒಳಗಾಯ್ತು ಕಿಂಗ್​ ಫಿಶರ್​ ಏರ್​ಲೈನ್ಸ್
ಮದ್ಯದ ದೊರೆಗೂ ಬಂತು ಇದರಿಂದ ದುರ್ಗತಿ

2011ರಲ್ಲಿ ಷೇರು ಮಾರುಕಟ್ಟೆಯಲ್ಲಿ ಬದಲಾದ ಸನ್ನಿವೇಶಗಳು ಕಿಂಗ್​ಫಿಶರ್​ ಸ್ಥಿತಿಗತಿ ಬದಲಾಗೋದಕ್ಕೂ ಕಾರಣವಾದ್ವು. ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತ, ತೈಲ ಮಾರುಕಟ್ಟೆಯಲ್ಲಿ ಕಚ್ಚಾತೈಲ ದರ ಹೆಚ್ಚಾದ ಹಿನ್ನೆಲಯಲ್ಲಿ ಕಿಂಗ್​ಫಿಶರ್ ಏರ್​ಲೈನ್ಸ್​ಗೆ ಆದಾಯಕ್ಕೆ  ಹೊಡೆತ ಬಿತ್ತು.  ಕಿಂಗ್​ಫಿಶರ್ ಏರ್​ಲೈನ್ಸ್ ಆರ್ಥಿಕ ದುಸ್ಥಿತಿಯ ನಡುವೆಯೇ ಹಾರಾಟ ನಡೆಸಿತ್ತು. ಆದ್ರೆ ಅದು ಕೇವಲ ಅಲ್ಪಾವಧಿಯಷ್ಟೇ ಆಗಿತ್ತು.

2012ರ ಅಕ್ಟೋಬರ್​ನಲ್ಲಿ ಕಿಂಗ್​ಫಿಶರ್​ ಏರ್​ಲೈನ್ಸ್​ ಆರ್ಥಿಕ ದಿವಾಳಿತನದ ಕುರುಹುಗಳು  ಒಂದೊಂದಾಗಿ ಜಗಜ್ಜಾಹೀರಾದ್ವು. ಮಲ್ಯ ತಮ್ಮ ಏರ್​ಲೈನ್ಸ್ ಸಿಬ್ಬಂದಿಗಳಿಗೆ ಸಂಬಳವನ್ನೇ ನೀಡದಂತಾ ಸ್ಥಿತಿಗೆ ತಲುಪಿದ್ರು. ಅಲ್ಲದೇ ಸೂಕ್ತ ಕಾರಣವನ್ನ ನೀಡದೆ ಏಕಾಏಕಿ ಅನೇಕ ನೌಕರರನ್ನ ಸೇವೆಯಿಂದ ವಜಾಗೊಳಿಸಿದ್ರು. ಇದರಿಂದ ಸಿಟ್ಟಿಗೆದ್ದ ಕಿಂಗ್​ಫಿಶರ್​ ಏರ್​ಲೈನ್ಸ್​ ಸಿಬ್ಬಂದಿಗಳು ಮಾಲೀಕರ ವಿರುದ್ಧವೇ ಪ್ರತಿಭಟನೆಗಿಳಿದ್ರು. ಸುಮಾರು ಆರು ತಿಂಗಳ ವೇತನ ಬಾಕಿ ಉಳಿಸಿಕೊಳ್ಳುವಂತಾಯ್ತು. ನಾಗರಿಕ ವಿಮಾನಯಾನ ಮಹಾ ನಿರ್ದೇಶನಾಲಯ ಕಿಂಗ್​ಫಿಶರ್​ ಏರ್​ಲೈನ್ಸ್​ಗೆ ಷೋ ಕಾಸ್ ನೊಟೀಸ್ ಜಾರಿ ಮಾಡಿದ್ರೂ, ಅದಕ್ಕೆ ಸೂಕ್ತ ಪ್ರತಿಕ್ರಿಯೆ ದೊರೆಯಲಿಲ್ಲ.

ಹಾರಾಟ ನಿಲ್ಲಿಸಿತು ಕಿಂಗ್​ಫಿಶರ್ ಏರ್​ಲೈನ್ಸ್​
ಮಲ್ಯ ಹೆಗಲಿಗೆ ಬಿತ್ತು ಕೋಟಿ ಕೋಟಿ ಸಾಲದ ಹೊರೆ

ಯಾವಾಗ ಈ ಸಮಸ್ಯೆ ಬಗೆಹರಿಯಲಾರದು ಅಂತಾ ಗೊತ್ತಾಯ್ತೋ ಕೂಡ್ಲೇ ಡಿಸಿಜಿಎ ಕಿಂಗ್​ಫಿಶರ್ ಏರ್​ಲೈನ್ಸ್​ ಪರವಾನಗಿಯನ್ನ ರದ್ದುಗೊಳಿಸ್ತು. ದೇಶೀಯ ಹಾಗು ವಿದೇಶಿ ವಿಮಾನಯಾನಾ ಹಾರಾಟವನ್ನ 2013ರ ಫೆಬ್ರವರಿಯಲ್ಲಿ ನಿಲ್ಲಿಸಲಾಯ್ತು. ಕಿಂಗ್​ಫಿಶರ್​ ಏರ್​ಲೈನ್ಸ್​ಗೆ 2014ರ ಫೆಬ್ರವರಿಯಲ್ಲಿ ಕಿಂಗ್​ಫಿಶರ್​ ಸಿಇಓ ಹುದ್ದೆಗೆ ರಾಜೀನಾಮೆಯನ್ನೂ ನೀಡಿದ್ರು. ಅಲ್ಲಿಗೆ ಕಿಂಗ್​ಫಿಶರ್​ ಏರ್​ಲೈನ್ಸ್​ ರೆಕ್ಕೆಪುಕ್ಕಗಳು ಸಂಪೂರ್ಣವಾಗಿ ಕತ್ತರಿಸಲ್ಪಟ್ವು. 

ಕಿಂಗ್​ ಫಿಶರ್​ ಏರ್​​ಲೈನ್ಸ್  ಹಾರಾಟ ನಿಲ್ಲಿಸಿದ ಮೇಲೂ ಮಲ್ಯಗೆ ಕಷ್ಟಗಳು ತಪ್ಪಲಿಲ್ಲ. ಅಸಲಿಗೆ ಮಲ್ಯ ಸಾಮ್ರಾಜ್ಯಕ್ಕೆ ಕತ್ತಲು ಕವಿಯೋಕೆ ಆರಂಭವಾಗಿದ್ದೇ ಇಲ್ಲಿಂದ. ಕಿಂಗ್​ಫಿಶರ್​ ವಿಮಾನಯಾನ ನಿಲ್ಲಿಸಿದ ಬೆನ್ನಿಗೇ ಮಲ್ಯ ಮೇಲೆ ಸುಮಾರು 4000 ಕೋಟಿ ರೂಪಾಯಿ ಸಾಲದ ಹೊರೆ ಬಿತ್ತು.

ಲಕ್ಷಾಂತರ ಕೋಟಿ ರೂಪಾಯಿಗೆ ಒಡೆಯರಾಗಿದ್ದ ಮಲ್ಯ ಸಾವಿರಾರು ಕೋಟಿಗಳಿಗೆ ಸಾಲಗಾರನೂ ಆದ್ರು. ಮಲ್ಯರನ್ನ ನಂಬಿ ಸಾಲ ಕೊಟ್ಟ ಬ್ಯಾಂಕ್​ಗಳೇ ಇಂದು ದೇಹಿ ಅನ್ನೋ ಸ್ಥಿತಿಗೆ ಬಂದು ನಿಂತಿವೆ. ಕೊಟ್ಟವನು ಕೋಡಂಗಿ ಇಸ್ಕೊಂಡವನು ಈರಭದ್ರ ಅನ್ನೋ ಗಾದೆ ಮಲ್ಯ ವಿಚಾರದಲ್ಲಿ ನಿಜವಾಗಿದೆ. 
--------------------
ಕಿಂಗ್​ ಫಿಶರ್​ ಏರ್​ಲೈನ್ಸ್ ಕೊಟ್ಟ ಹೊಡೆತದ ಬಿಸಿ, ಇತರೆ ಉದ್ಯಮಗಳಿಗೂ ತಾಕಿತ್ತು. ವಿಮಾನಯಾನಕ್ಕಾಗಿ ಮಾಡಿದ ಸಾಲ ತೀರಿಸೋದಕ್ಕಾಗಿ ಮಲ್ಯ ಖಾಸಗಿ ಆಸ್ತಿಗಳನ್ನೇ ಮಾರಬೇಕಾಯ್ತು. ದೇವರ ಮೊರೆ ಹೋದ್ರು ಮಲ್ಯ ಕಷ್ಟದ ದಿನಗಳು ದೂರಾಗಲಿಲ್ಲ. ಮಲ್ಯರನ್ನ ನಂಬಿ ಸಾಲ ಕೊಟ್ಟ ಬ್ಯಾಂಕ್​ಗಳ ಸ್ಥಿತಿಯೂ ಇಂದು ಅಧೋಗತಿ ತಲುಪಿದೆ.

ಸಾಲದಲ್ಲೂ ಕಿಂಗ್ ಆದ್ರು ವಿಜಯ್​ ಮಲ್ಯ
ಕಷ್ಟ ಪರಿಹಾರಕ್ಕೆ ದೇವರಲ್ಲಿ ಮೊರೆ ಇಟ್ಟ ಮದ್ಯದ ದೊರೆ

ವಿಜಯ್ ಮಲ್ಯ ಪಾಲಿನ ವಿಜಯ ಕಿಂಗ್​ಫಿಶರ್​ ಏರ್​ಲೈನ್ಸ್ ಜೊತೆಜೊತೆಗೆ ಮುಗಿದುಹೋಗಿತ್ತು. ಕಿಂಗ್​ಫಿಶರ್ ಏರ್​ಲೈನ್ಸ್ ಸುಮಾರು 12,000 ಕೋಟಿ ರೂಪಾಯಿ ಸಾಲದ ಹೊರೆಯನ್ನ ಮದ್ಯದ ದೊರೆಯ ಹೆಗಲಿಗೆ ಕಟ್ಟಿತ್ತು. ಮಲ್ಯ ಉದ್ದಿಮೆಗಳ ಸಾಮ್ರಾಜ್ಯಕ್ಕೆ ಇದರಿಂದ ದೊಡ್ಡ ಹೊಡೆತ ಬಿತ್ತು. ಮಲ್ಯ ಖಾಸಗಿ ಆಸ್ತಿಗಳನ್ನೇ ಆಪೋಶನ ತೆಗೆದುಕೊಳ್ಳೋ ಮಟ್ಟಕ್ಕೆ ಮಲ್ಯ ಪಾಲಿಗೆ ಸಾಲ ಶೂಲವಾಯ್ತು.

ಈ ಸಾಲದ ಸುಳಿ ಹಾಗು ಕಷ್ಟದ ದಿನಗಳಿಂದ ಹೇಗೆ ಹೊರಗೆ ಬರೋದು ಅನ್ನೋದೇ ಮಲ್ಯಗೆ ಯಕ್ಷಪ್ರಶ್ನೆಯಾಗಿಬಿಡ್ತು. ಆ ವೇಳೆಯಲ್ಲೇ ಮಲ್ಯ ಕಂಡಕಂಡ ದೇವರಿಗೆಲ್ಲಾ ಕೈ ಮುಗಿದ್ರು. ತಿರುಪತಿ, ಸೇರಿದಂತೆ ದೇಶದ ಅನೇಕ ದೇವಾಲಯಗಳಿಗೆ ತೆರಳಿದ್ರು. ತಮ್ಮ ಕಷ್ಟ ಪರಿಹರಿಸುವಂತೆ ದೇವರಿಗೆ ಮೊರೆ ಇಟ್ಟರು. ಇದರಿಂದ ಕಷ್ಟ ಪರಿಹಾರವಾಗುತ್ತೆ ಅಂತಾ ನಂಬಿದ್ದ ಮಲ್ಯ ಅದಕ್ಕೆ ಪ್ರತಿಯಾಗಿ ಭಾರೀ ಹರಕೆಗಳನ್ನೂ ಮಲ್ಯ ಮಾಡಿಕೊಂಡ್ರು.

ಆದ್ರೆ ಯಾವ ದೇವರು ಕೂಡ ಮಲ್ಯ ಆರ್ಥಿಕ ಸಂಕಷ್ಟವನ್ನ ಪರಿಹರಿಸಲಿಲ್ಲ. ಅದರ ಬದಲಾಗಿ ಮಲ್ಯ ಸಾಲದ ಹೊರೆ ಮತ್ತಷ್ಟು ಹೆಚ್ಚಾಯ್ತು. ಮದ್ಯ ದೊರೆಯ ಇಡೀ ಸಾಮ್ರಾಜ್ಯವನ್ನೇ ಮಾರಿದ್ರೂ ಆ ಸಾಲ ತೀರೋದಿಲ್ಲ ಅನ್ನೋ ಲೆಕ್ಕಾಚಾರ ಬ್ಯಾಂಕ್​ಗಳೇ ಹಾಕಿಕೊಂಡ್ವು.

ಮಲ್ಯಗೆ ಸಾಲ ಕೊಟ್ಟಿದ್ವು 17 ಸಾರ್ವಜನಿಕ ಬ್ಯಾಂಕ್​ಗಳು
ಆಸ್ತಿ ಹರಾಜಿಗಿಟ್ಟರೂ ತೀರಲಿಲ್ಲ ದೊರೆಯ ಸಾಲ  

ವಿಜಯ್ ಮಲ್ಯರ ಲೋಹದ ಹಕ್ಕಿಯ ಹಾರಾಟಕ್ಕೆ ಸುಮಾರು 17 ಸಾರ್ವಜನಿಕ ಬ್ಯಾಂಕ್​ಗಳು ಅವರು ಕೇಳಿದಷ್ಟು ಸಾಲ ಕೊಟ್ಟಿದ್ವು. ಸ್ಟೇಟ್​ ಬ್ಯಾಂಕ್ ಆಫ್ ಇಂಡಿಯಾ, ಐಡಿಬಿಐ, ಪಂಜಾಬ್ ನ್ಯಾಷನಲ್ ಬ್ಯಾಂಕ್​ ಸೇರಿದಂತೆ 17 ಬ್ಯಾಂಕ್​ಗಳು ಮಲ್ಯಗೆ ಸುಮಾರು 12,000 ಕೋಟಿ ಸಾಲವನ್ನ ನೀಡಿದ್ವು. ಮಲ್ಯ ಒಡೆತನದ ಕೆಲವು ಸ್ಥಿರಾಸ್ತಿಗಳು, ಮಲ್ಯ ಒಡೆತನದ ಕಂಪನಿಗಳ ಷೇರುಗಳು ಹಾಗು ಮಲ್ಯರ ವೈಯಕ್ತಿಕ ಗ್ಯಾರಂಟಿಯ ಮೇಲೆ ಸಾಲ ನೀಡಲಾಗಿತ್ತು. ಆ ಬಳಿಕ ಮಲ್ಯ ಕಂಪನಿಯ ಷೇರುಗಳನ್ನ ಮಾರಾಟ ಮಾಡಿ ತಮ್ಮ ಸಾಲದ ಮೊತ್ತ ಸರಿದೂಗಿಸಿಕೊಳ್ಳೋಕೆ ನೋಡಿದ್ವು.

ಮಲ್ಯ ಹೆಸರಿನಲ್ಲಿ ಗೋವಾದಲ್ಲಿದ್ದ ವಿಲ್ಲಾ ಹಾಗು ಮುಂಬೈನಲ್ಲಿದ್ದ ಖಾಸಗಿ ಆಸ್ತಿಗಳನ್ನೂ ಹರಾಜಿಗಿಟ್ರೂ ಸಾಲ ತೀರಲಿಲ್ಲ. ಈ ನಡುವೆ ಬಹಿರಂಗವಾದ ಮತ್ತೊಂದು ವಿಚಾರವೆಂದ್ರೆ ಮಲ್ಯ ಒಂದೇ ಆಸ್ತಿಯ ಮೇಲೆ ಮೂನ್ನಾಲ್ಕು ಬ್ಯಾಂಕ್​ಗಳು ಸಾಲ ನೀಡಿದ್ವು. ಹಾಗಾಗಿ ಯಾವ ಬ್ಯಾಂಕ್ ಆ ಆಸ್ತಿಯನ್ನ ಮುಟ್ಟುಗೋಲು ಹಾಕಿಕೊಳ್ಳಬೇಕು ಅನ್ನೋ ಗೊಂದಲ ನಿರ್ಮಾಣವಾಯ್ತು.

ಸಾವಿರ ಕೋಟಿ ಸಾಲವಿದ್ರೂ ಮದ್ಯ ದೊರೆ ನಿರುಮ್ಮಳ
ಸಾಲ ಕೊಟ್ಟ ಬ್ಯಾಂಕ್​ಗಳಿಗೇ ಎದುರಾಯ್ತು ದುಸ್ಥಿತಿ


ಸ್ಥಿರ ಹಾಗು ಚರಾಸ್ಥಿಗಳನ್ನ ಹರಾಜಿಗಿಟ್ಟು ಸಾಲ ಮರುಪಾವತಿಸಿಕೊಂಡ್ರೂ, ಮಲ್ಯ ಇನ್ನೂ 4000 ಕೋಟಿ ರೂಪಾಯಿ ಸಾಲಕ್ಕೆ ಹೊಣೆಗಾರ. ಹೀಗಿದ್ರೂ ಕೂಡ ಮಲ್ಯ ವೈಭವಗಳು ಕಡಿಮೆಯಾಗಿಲ್ಲ. ಮದ್ಯದ ದೊರೆಯಾಗಿದ್ದಾಗ ಮಲ್ಯ ನಡೆಸ್ತಿದ್ದ ಶೋಕಿ ಜೀವನಕ್ಕೂ, ಈಗಿನ ಸಾಲಗಾರ ಮಲ್ಯ ಜೀವನಕ್ಕು ಏನೂ ವ್ಯತ್ಯಾಸವಿಲ್ಲ. ಮೊದಲಿನಷ್ಟೇ ನಿರುಮ್ಮಳರಾಗಿ ಮಲ್ಯ ದಿನಕಳೀತಾ ಇದಾರೆ. ಆದ್ರೆ ಮಲ್ಯ ವರ್ತನೆಯಿಂದ ನಿಜಕ್ಕೂ ಚಿಂತೆಗೆ ಬಿದ್ದಿರೋದೇ ಸಾಲ ಕೊಟ್ಟ ಬ್ಯಾಂಕ್​ಗಳು.

ಮಲ್ಯರಿಗೆ ಸಾಲ ನೀಡಿದ 17 ಬ್ಯಾಂಕ್​ಗಳ ಮ್ಯಾನೇಜರ್​ಗಳು ಈಗ ನಿವೃತ್ತರಾಗಿದ್ದಾರೆ. ಹೊಸದಾಗಿ ಬಂದಿರೋ ಬ್ಯಾಂಕ್ ಮ್ಯಾನೇಜರ್​ಗಳಿಗೆ ಬ್ಯಾಲೆನ್ಸ್​ ಶೀಟ್ ಕ್ಲಿಯರ್ ಮಾಡುವಂತೆ ಮಲ್ಯರ ಮನವೊಲಿಸೋದೇ ದೊಡ್ಡ ಸವಾಲು. ಸಾಲ ವಸೂಲಾತಿ ಹೇಗೆ ಅನ್ನೋ ಪೂರ್ವಾಪರ ಯೋಜನೆಗಳಿಲ್ಲದೆ ಸಾಲ ಕೊಟ್ಟ ಬ್ಯಾಂಕ್​ಗಳೇ ಇಂದು ಮಲ್ಯ ಎದುರು ಅಕ್ಷರಶಃ ದೇಹಿ ಅನ್ನೋ ಸ್ಥಿತಿಯನ್ನ ಎದುರಿಸ್ತಿವೆ.

ಸಾಲ ತೆಗೆದುಕೊಂಡು ಅದನ್ನ ತೀರಿಸದೇ ಇರೋದು ಮಾತ್ರ ಮಲ್ಯ ಮಾಡಿದ ತಪ್ಪು ಅನ್ನೋ ಹಾಗೆ ಕಾಣಿಸ್ತಿಲ್ಲ. ಯಾಕಂದ್ರೆ ಮಲ್ಯಗೆ ಸಾಲ ಕೊಟ್ಟ ಬ್ಯಾಂಕ್​ಗಳು ಕೂಡ ಕಾನೂನು ಉಲ್ಲಂಘನೆ ಮಾಡಿರೋ ಸ್ಪಷ್ಟ ನಿದರ್ಶನಗಳು ಮೇಲ್ನೋಟಕ್ಕೆ ಕಾಣಿಸ್ತಿವೆ. ಒಂದೇ ಆಸ್ತಿಯ ಮೇಲೆ ಮೂರು ನಾಲ್ಕು ಬ್ಯಾಂಕ್​ಗಳು ಸಾಲ ಕೊಟ್ಟಿರೋದೇ ಹೇಳುತ್ತೆ ಬ್ಯಾಂಕ್​ಗಳು ಕೂಡ ಇಲ್ಲಿ ಮೋಸದ ಆಟವಾಡಿವೆ ಅಂತಾ.

ಒಟ್ಟಿನಲ್ಲಿ ಮಲ್ಯಗೆ ಕೊಟ್ಟ ಸಾಲವನ್ನ ಇಂದು ಹೇಗೆ ಮರುಪಾವತಿಸಿಕೊಳ್ಳಬೇಕು ಅನ್ನೋದೇ ಇಂದು ಬ್ಯಾಂಕ್​ಗಳ ಮುಂದಿರೋ ಬಗೆಹರಿಯದ ಸಮಸ್ಯೆ. ಬ್ಯಾಂಕ್​ಗಳನ್ನ ದುಸ್ಥಿತಿಗೆ ದೂಡಿರೋ ಮಲ್ಯ ಮಾತ್ರ ತಮ್ಮ ಎಂದಿನ ಶೋಕಿಯಲ್ಲೇ ದಿನ ಕಳೀತಿದಾರೆ. ಇದಕ್ಕೆ ಅಲ್ವಾ ಹೇಳೋದು ಕೊಟ್ಟವನು ಕೋಡಂಗಿ. ಈಸ್ಕೊಂಡೋನು ಈರಭದ್ರ ಅಂತಾ.

ಒಂದು ಕಾಲದ ಮದ್ಯದ ದೊರೆ ಇಂದು ಸಾಲದಲ್ಲೂ ದೊರೆ. ಮಲ್ಯ ಸಾಲ ತೀರಿಸ್ತಾರೋ ಇಲ್ವೋ. ಆದ್ರೆ ಅವರ ಕಲರ್​ಫುಲ್ ಜೀವನಕ್ಕೆ ಮಾತ್ರ ಎಂದಿಗೂ ಚ್ಯುತಿ ಬಂದಿಲ್ಲ. ಸಾಲದಲ್ಲೂ ಸರ್ದಾರನಾಗಿಯೇ ಮಲ್ಯ ದಿನಕಳೀತಾ ಇದಾರೆ.

ಭಾರತದ ಮೊದಲ ಮಹಿಳಾ ಕಮಾಂಡರ್​!

ಮಹಿಳೆ ಅಂದ್ರೆ ಬರೀ ಅಡಿಗೆ ಮನೆಗೆ ಮಾತ್ರ ಸೀಮಿತ ಅಲ್ಲ.. ಅವಕಾಶ ಸಿಕ್ರೇ ಆಕೆ ಎಂಥ ದಿಟ್ಟ ಮಹಿಳೆಯಾಗಿ ಯಶಸ್ಸು ಗಳಿಸ್ತಾಳೆ ಅನ್ನೋದನ್ನ ತೋರಿಸೋದಕ್ಕೆ, ಇವತ್ತಿನ ಸ್ಟೋರಿಯನ್ನ ಹೊತ್ತು ತಂದಿದ್ದೀವಿ. ಶತೃಗಳನ್ನು ಸದೆಬಡಿಯೋ ವೀರರನ್ನು ದೇಶಕ್ಕೆ ನೀಡ್ತಾ ಇರೋ ಓರ್ವ ಸಾಹಸಿಯ ಕಥೆ ಇದು.. ಆಕೆ ಬದುಕೇ ಒಂದು ರೋಚಕತೆಯಿಂದ ಕೂಡಿದೆ.

ಯಸ್.. ಇವತ್ತು ನಾವ್ ನಿಮಗೆ ಹೇಳೋಕೆ ಹೊರಟಿರೋಸ್ಟೋರಿ ಅಂತಿಂಥದ್ದಲ್ಲ ಕಣ್ರಿ.. ಇಡೀ ಜಗತ್ತಿಗೆ ಭಾರತದ ಪವರ್ ಏನು ಅನ್ನೋದನ್ನು ತೋರಿಸೋಕೆ ಹೊರಟಿರೋ ರೋಚಕ ಸ್ಟೋರಿ ಇದೆ. ಅದ್ರಲ್ಲೂ ಭಾರತದ ಮಹಿಳೆ ಎಂಥ ದಿಟ್ಟ ಮಹಿಳೆ ಅನ್ನೋದನ್ನು ತೋರಿಸೋ ರೊಮಾಂಚಕಾರಿಯಾದ ಸ್ಟೋರಿ ಕಣ್ರಿ..

ದೇಶ ಕಾಯೋ ಕೆಲ್ಸಕ್ಕೆ ಸೇರ್ಬೇಕಾದ್ರೆ, ಗಟ್ಟಿ ಗುಂಡಿಗೆ ಇರಬೇಕು.. ಯಾವ ಟೈಮಲ್ಲಿ ಶತೃಗಳು ಎಲ್ಲಿ ದಾಳಿ ನಡೆಸ್ತಾರೋ ಗೊತ್ತಾಗೋದಿಲ್ಲ.. ಶತೃಗಳಿಗೆ ಮಣ್ಣು ಮುಕ್ಕಿಸೋ ಖದರ್​ನ ಜೊತೆಗೆ ಎಂಟೆದೆ ಭಂಟನಂಥ ಗುಂಡಿಗೆ ಇರಬೇಕು.. ಆಗ್ಲೇ ದೇಶ ಕಾಯೋ ಸೈನಿಕನಾಗೋದಕ್ಕೆ ಸಾಧ್ಯವಾಗೋದು.. ಆವತ್ತು ಮುಂಬೈ ತಾಜ್ ಹೊಟೆಲ್​​ ಮೇಲೆ ಉಗ್ರರು ದಾಳಿ ಮಾಡಿದಾಗ, ಈ ಎಂಟೆದೆ ಭಂಟರೇ ಉಗ್ರರನ್ನು ಮಟ್ಟ ಹಾಕಿದ್ದು.. ಕೈನಲ್ಲಿ ಎಕೆ47 ಹಿಡ್ಕೊಂಡು, ಹೆಲಿಕಾಪ್ಟರ್​ನ ಹಗ್ಗದಿಂದ ತಾಜ್ ಹೊಟೆಲ್​ ಮೇಲಿಳಿದು ಕಾರ್ಯಾಚರಣೆ ನಡೆಸಿದ್ರು.. ಇವ್ರು ಇಡೋ ಪ್ರತಿ ಹೆಜ್ಜೇನೂ ಚಾಣಾಕ್ಷತನೆಯಿಂದ ಕೂಡಿರುತ್ತೆ ಕಣ್ರಿ.. ಉಗ್ರರ ತಂತ್ರಕ್ಕೆ ಪ್ರತಿತಂತ್ರ ಹೂಡೋ ಟ್ರಿಕ್ಸ್ ಇವ್ರಿಗೆ ಗೊತ್ತಿರುತ್ತೆ.. ಆ ತಂತ್ರಗಳನ್ನು ಬಳಸಿಕೊಂಡೇ 2008 ರಲ್ಲಿ ನಡೆದ ಮುಂಬೈ ದಾಳಿಯಲ್ಲಿ, ನಮ್ಮ ಕಮಾಂಡೋಸ್​​ ಉಗ್ರರನ್ನು ಮಟ್ಟ ಹಾಕಿದ್ದು..

ನಮ್ಮ ದೇಶವನ್ನು ಇಂಚಿಂಚಾಗಿ ಕಾಪಾಡ್ತಿರೋ ಇಂಥಾ ಬ್ರಿಲಿಯಂಟ್​ ಕಮಾಂಡೋಗಳನ್ನು ಹುಟ್ಟು ಹಾಕಿದ್ದು ಒಬ್ಬ ಲೇಡಿ ಕಣ್ರಿ... ಅವ್ರೇ ಸೀಮಾ ರಾವ್​..!

ಯಸ್.. ಸೇನೆ ಸೇರ್ಬೇಕು ಅಂದ್ರೆ ಗುಂಡಿಗೆ ಗಟ್ಟಿ ಇರ್ಬೇಕು.. ಆದ್ರೆ ಎಂಟೆದೆ ಭಂಟರನ್ನೇ ನಡುಗಿಸಿದ ವೀರ ವನಿತೆ ಈ ಸೀಮಾ ರಾಯ್​... ಇವತ್ತು ನಮ್ಮ ದೇಶವನ್ನು ಕಾಪಾಡ್ತಾ ಇರೋ ಭಾರತದ ಕಮಾಂಡೋಗಳಿಗೆ ಟ್ರೈನಿಂಗ್ ಕೊಟ್ಟಿರೋ ಒನ್ ಅಂಡ್ ಓನ್ಲಿ ಲೇಡಿ ಕಮಾಂಡರ್​ ಇವ್ರು.. ನಮ್ಮ ದೇಶದಲ್ಲೇ ಈ ಮಹಿಳೇ ಥರ ಯಾರೂ ಇಲ್ಲ.. ಮಹಿಳಾ ಸಮಾಜವೇ ಹೆಮ್ಮೆ ಪಡೋ ಈ ಮಹಿಳಾ ಮಣಿ, ಭಾರತದ ಮೊಟ್ಟ ಮೊದಲ ಮಹಿಳಾ ಕಮಾಂಡರ್​ ಟ್ರೈನರ್​...

ಸಿಂಹ ಇವ್ರು.. ಶತೃಗಳು ಅಪ್ಪಿ ತಪ್ಪಿ ಇವ್ರ ಕೈಗೆ ಸಿಕ್ಕುಬಿಟ್ರೆ, ಅವ್ರ ಎದೆ ಬಗೆದು ಬಿಡೋ ವೀರ ವನಿತೆ.. ಭಾರತದ ಸಾವಿರಾರು ಯೋಧರಿಗೆ ಹೋರಾಟದ ಟ್ರಿಕ್ಸ್ ಕಲಿಸಿದ ಎಂಟೆದೆ ಗುಂಡಿಗೆ ಇರೋ ಭಾರತದ ದಿಟ್ಟ ಮಹಿಳೆ ಈ ಸೀಮಾ ರಾಯ್​..

ಶತೃಗಳ ಜೊತೆ ಸೆಣೆಸಾಡೋ ಸೈನಿಕರ ಕೆಲಸ ಅಂದ್ರೆನೇ ಸಾವಿನ ಜೊತೆ ಆಡೋ ಜೂಟಾಟ ಇದ್ದಂಗೆ ಕಣ್ರಿ.. ಇಂಥ ಸೈನಿಕರಿಗೇ ಶತೃಗಳನ್ನು ಮಟ್ಟ ಹಾಕೋ ಟ್ರಿಕ್ಸ್​ಗಳನ್ನ ಕೊಡೋ ಮಟ್ಟಕ್ಕೆ ಈ ಸೀಮಾ ರಾವ್​ ಬೇಳೆದಿದ್ದಾರೆ. ಕಳೆದ 18 ವರ್ಷಗಳಿಂದ ಸಾವಿರಾರು ಯೋಧರಿಗೆ ಮಾರ್ಷಲ್ ಆರ್ಟ್ಸ್​​​​ ಟ್ರಿಕ್ಸ್​ನ ಜೊತೆಗೆ ಶತೃಗಳನ್ನು ಮಣ್ಣು ಮುಕ್ಕಿಸೋದರ ಬಗ್ಗೆ ಕಮಾಂಡೋಗಳಿಗೆ ತರಬೇತಿ ನೀಡ್ತಿದ್ದಾರೆ.. ಭಾರತದ ದಿಟ್ಟ ವ್ಯಕ್ತಿತ್ವದ ಈ ಮಹಿಳೆಯ ಕಡೆ, ಈಗ ಇಡೀ ಜಗತ್ತೇ ತಿರುಗಿ ನೋಡ್ತಿದೆ ಕಣ್ರಿ..

ಇವ್ರು ಈ ಮಟ್ಟಕ್ಕೆ ಬೆಳೆದಿರೋದೇ ಒಂದು ರೋಚಕ ಕಥೆ ಇದೆ ಕಣ್ರಿ.. ನಿಜ್ವಾಗ್ಲೂ ನೀವು ಅದನ್ನು ಕೇಳಿದ್ರೆ, ಒಂದು ಕ್ಷಣ ಅಬ್ಬಬ್ಬಾ ಅಂದು ಬಿಡ್ತೀರ.. ಸೀಮಾ ರಾಯ್​​ ಈ ಮಟ್ಟಕ್ಕೆ ಬೆಳೆಯೋದಕ್ಕೆ ಕಾರಣಾನೇ ಇವ್ರ ತಂದೆ ಕಣ್ರಿ.. ಅವ್ರು ದೇಶದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದವ್ರು.. ಅವ್ರ ಮಗಳಾದ ಸೀಮಾ ರಾಯ್​ಗೆ, ದೇಶಪ್ರೇಮ ಅನ್ನೋದು ರಕ್ತದ ಕಣದಲ್ಲೇ  ಬಂದ್ಬಿಟ್ಟಿದೆ..

ಈ ಸೀಮಾ ರಾವ್​ ಓದಿದ್ದು ವೈದ್ಯಕೀಯ ಶಿಕ್ಷಣ ಕಣ್ರಿ.. ಲಂಡನ್​ನಲ್ಲಿ ಎಂಬಿಎ ಕೂಡ ಮಾಡಿದ್ರು.. ಫಾರಿನ್​ಗೆ ಹೋಗಿ ಆರಾಮಾಗಿ ಸೆಟ್ಲ್​ ಅಗಿ, ಲಕ್ಷ ಲಕ್ಷ ಸಂಬಳ ತಗೊಂಡಿ ಇರಬಹುದಾಗಿತ್ತು.. ಆದ್ರೆ, ಅದೆಲ್ಲವನ್ನೂ ಬಿಟ್ಟು ಭಾರತದ ಮಾತೆಯ ವೀರ ಯೋಧರಿಗೆ, ತರಬೇತಿ ನೀಡೋಕೆ ಮುಂದಾದ್ರು..

ನಿಮ್ಗೆ ಗೊತ್ತಿಲ್ದೇ ಇರೋ ಇನ್ನೊಂದ್ ವಿಷ್ಯಾ ಇದೆ ಕಣ್ರಿ.. ಒಂದ್​ ಸಣ್ಣ ಉಪಕಾರ ಮಾಡಿದ್ರೂ, ಅದಕ್ಕೆ ಪ್ರತಿಫಲ ಮಾಡೋ ಕಾಲ ಇದು.. ಆದ್ರೆ ಯಾವ ಪ್ರತಿಫಲಾನೂ ಇಲ್ಲದೇ ಸಾವಿರಾರು ಕಮಾಂಡೋಗಳಿಗೆ ಟ್ರೀನಿಂಗ್ ನೀಡಿದ್ದಾರೆ. 18 ವರ್ಷಗಳ ಕಾಲ ಕಮಾಂಡೋಗಳಿಗೆ ಟ್ರೈನಿಂಗ್ ನೀಡಿದ ಸೀಮಾ ರಾವ್​, ಸರ್ಕಾರದಿಂದ ಒಂದ್ ಪೈಸೆ ದುಡ್ಡು ಕೂಡ ಇಸ್ಕೊಂಡಿಲ್ಲ..

ಯಾವ ಗೌರವ ಧನಾನೂ ಇಲ್ಲದೇ, ನಿಸ್ವಾರ್ಥ ಮನಸ್ಸಿನಿಂದ, ಭಾರತವನ್ನು ಕಾಪಾಡೋ ವೀರರಿಗೆ ತನ್ನಿಂದಾದ ಟ್ರಿಕ್ಸ್್ಗಳನ್ನು ಹೇಳಿಕೊಟ್ಟಿದ್ದಾರೆ. ನಾನು ಮಹಿಳೆ ಅನ್ನೋ ಕಟ್ಟುಪಾಡಿನ ಬಾರ್ಡರ್​ ದಾಟಿ ಬಂದು, ದೇಶ ಕಾಯೋ ದಿಟ್ಟ ಯೋಧರನ್ನು ಹುಟ್ಟು ಹಾಕ್ತಿದ್ದಾರೆ ಸೀಮಾ ರಾಯ್​.. ತಮ್ಮ ಸೇವೆಗೆ ದುಡ್ಡು ಕೂಡ ಪಡೆಯದೇ, ನಿಸ್ವಾರ್ಥ ದೇಶಸೇವೆ ಮಾಡಿದ್ದಾರೆ. ಆದ್ರೆ ನಿಜ ಜೀವನದಲ್ಲಿ ಆಕೆ ಅನುಭವಿಸಿದ ಪರಿಸ್ಥಿತಿ ಇದ್ಯಲ್ಲಾ.. ನಿಜಕ್ಕೂ ಯಾರಿಗೂ ಬೇಡ ಅನ್ಸುತ್ತೆ.. ಆ ಕರುಣಾಜನಕ ಕಥೆ ಮುಂದಿದೆ ಓದಿ..
------------------------------------
ಸೀಮಾ ರಾವ್​​ ಓದಿದ್ದು ಎಂಬಿಬಿಎಸ್.. ಮನಸ್ಸು ಮಾಡಿದ್ರೆ, ಕೈತುಂಬಾ ಸಂಬಳ ಬರೋ ಕೆಲಸ ನೋಡ್ಕೊಂಡು, ಫಾರಿನ್​ನಲ್ಲಿ ಸೆಟ್ಲ್​ ಆಗಬಹುದಿತ್ತು. ಆದ್ರೆ, ತಂದೆಯಿಂದ ಬಂದ ದೇಶ ಪ್ರೇಮ, ಆಕೆಯನ್ನು ಭಾರತದ ಸೇವೆಗೆ ಅಣಿಯಾಗುವಂತೆ ಮಾಡಿತ್ತು..

ಓದಿನಲ್ಲೂ ಸೀಮಾ ರಾವ್​ ಭೇಷ್ ಅನ್ನಿಸಿಕೊಂಡಾಕೆ ಕಣ್ರಿ.. ಎಂಬಿಬಿಎಸ್​, ಎಂಬಿಎ ಓದಿದ್ದಾರೆ. ಇದಾದ ನಂತರ, ಮಿಲಿಟರಿ ಸೈನ್ಸ್​ ಅನ್ನೂ ಅರೆದು ಕುಡಿದಿದ್ದಾರೆ.. ಕಾನೂನಿನಲ್ಲಿ ಪಿಹೆಚ್​ಡಿ ಮಾಡಿ, ಡಾಕ್ಟರ್​ ಸೀಮಾ ರಾವ್ ಅಂತ ಬಿರುದಾಂಕಿತರಾಗಿದ್ದಾರೆ.. ಕರಾಟೆ, ಮಾರ್ಷಲ್​ ಆರ್ಟ್​ನಲ್ಲಂತೂ, ಇವ್ರನ್ನು ಮೀರಿಸೋರು ಯಾರೂ ಇಲ್ಲ.. ಇದೇ ಇವ್ರಿಗೆ ವರವಾಗಿದ್ದು..

ಮಿಲಿಟರಿ ತಂಡದಲ್ಲಿ ಗಂಡಭೇರುಂಡನಾಗಿ ಹೋರಾಡಿದ ದೀಪಕ್ ರಾಯ್​ ಜೊತೆ ಸೀಮಾರಾಯ್​ ಮದುವೆಯಾಗುತ್ತೆ ಕಣ್ರಿ.. ಇವ್ರ ಈ ಸಾಧನೆಗೆ ಬೆನ್ನೆಲುಬಾಗಿ ನಿಲ್ತಾರೆ ದೀಪಕ್ ರಾಯ್.. 90 ರ ದಶಕದಲ್ಲಿ ಒಬ್ಬ ಸಂಪನ್ಮೂಲ ವ್ಯಕ್ತಿಯಾಗಿ ಸೇನೆಗೆ ಸೇರಿಕೊಳ್ತಾರೆ.. ಆ ಮೂಲಕ, ಭಾರತದ ಮೊದಲ ಲೇಡಿ ಕಮಾಂಡೋ ಟ್ರೈನರ್ ಆಗಿ ತಮ್ಮ ಸೇವೆ ಆರಂಭಿಸ್ತಾರೆ..

ಯುದ್ಧಭೂಮಿಯಲ್ಲಿ ಶತೃ ಹೂಡುವ ತಂತ್ರಕ್ಕೆ ಹೇಗೆ ಪ್ರತಿ ತಂತ್ರ ಹೂಡ್ಬೇಕು ಅನ್ನೋ ಟ್ರಿಕ್ಸ್ ಅನ್ನ ಹೇಳಿಕೊಟ್ಟಿದ್ದಾರೆ. ವೈಮಾನಿಕ ಸಾಹಸದಲ್ಲೂ ಶೌರ್ಯ ಮರೆದಿದ್ದಾರೆ.. ಕೈನಲ್ಲಿ ಯಾವ ಆಯುಧ ಇಲ್ದೇ ಇದ್ರೂ, ಶತೃ ಎದುರಾದಾಗ, ಆತನನ್ನ ಹೇಗೆ ಕ್ಷಣಾರ್ಧದಲ್ಲಿ ನೆಲಕ್ಕುರುಳಿಸಬೇಕು ಅನ್ನೋ ಟ್ರಿಕ್ಸ್​ಗಳು ಸೀಮಾರಾಯ್​ಗೆ ಚೆನ್ನಾಗಿ ಗೊತ್ತಿದೆ. ಆ ತಂತ್ರಗಳನ್ನು ಕಮಾಂಡೋಗಳಿಗೆ ಕಲಿಸಿಕೊಟ್ಟಿದ್ದಾರೆ.

ಇನ್ನು ಸ್ಕೈ ಡೈವಿಂಗ್​ನಲ್ಲೂ ಸೀಮಾರಾಯ್​ಗೆ ಸರಿ ಸಾಟಿ ಯಾರೂ ಇಲ್ಲ ಕಣ್ರಿ.. ಹಾರೋ ವಿಮಾನದಿಂದ ನೆಲಕ್ಕೆ ಜಿಗಿದು, ಸಾಹಸ ಮೆರೆಯೋ ಎಂಟೆದೆ ಗುಂಡಿಗೆ ಇವ್ರದ್ದು.. ಬೆಟ್ಟ ಗುಡ್ಡಗಳಲ್ಲಿ, ಪವರ್ತಾರೋಹಣದಲ್ಲೂ, ಹಿಗ್ಗಿನಿಂದಲೇ ಮುನ್ನುಗ್ಗೋ ಛಲಗಾತಿ ಇವ್ರು..

ಮಹಿಳೆಯಾಗಿದ್ರೂ, ಇವ್ರು ಕಮಾಂಡೋಗಳಿಗೆ ನೀಡ್ತಿರೋ ಟ್ರೈನಿಂಗ್​ ತುಂಬಾನೇ ಮಹತ್ವದ್ದಾಗಿದೆ ಕಣ್ರಿ. ಅದ್ರಲ್ಲೂ 2008 ರಲ್ಲಿ ಮುಂಬೈ ಮೇಲೆ ದಾಳಿ ನಡೆದಾಗ, ಸೀಮಾ ರಾಯ್​ ತರಬೇತಿ ನೀಡಿದ ಕಮಾಂಡೋ ಪಡೆಯ ಸಾಹಸ ನಿಜಕ್ಕೂ ಮೆಚ್ಚಲೇ ಬೇಕು.. ಅದಿಕ್ಕೇ.. ಇವ್ರ ಸಾಹಸ ಪ್ರವೃತ್ತಿಯನ್ನು ಕಂಡ ಭಾರತ ಸೇನೆ, ಡಾ.ಸೀಮಾರಾವ್​ ಮತ್ತು ಪತಿ ದೀಪಕ್​ ರಾವ್​ ಅವ್ರನ್ನ ಗೌರವಿಸ್ತು. ಭಾರತದ ಎಲ್ಲಾ ರಾಜ್ಯಗಳಲ್ಲಿರೋ ಕಮಾಂಡೋ ಪಡೆಗೆ ಟ್ರೈನಿಂಗ್ ನೀಡೋದಕ್ಕೆ ಇವರನ್ನ ನೇಮಿಸಿತು..

ಸೇನಾ ಮುಖಂಡರ ಆದೇಶದ ಅನ್ವಯ ರಾಜ್ಯಗಳಲ್ಲಿರೋ ಕಮಾಂಡೋಪಡೆಗೆ ತರಬೇತಿ ನೀಡೋದಕ್ಕೆ ಅಂತ ಅಣಿಯಾತ್ತು ಈ ಸೀಮಾ ರಾವ್​​ ತಂಡ..
----------------------------------------------
ಭಾರತ ಸೇನೆಯಲ್ಲಿ 18 ವರ್ಷಗಳ ನಿಸ್ವಾರ್ಥ ಸೇವೆ
20 ರಾಜ್ಯಗಳಲ್ಲಿನ ಕಮಾಂಡೋಗಳಿಗೆ ತರಬೇತಿ
15 ಸಾವಿರ ಕಮಾಂಡೋಗಳಿಗೆ ಹೇಳಿಕೊಟ್ರು ಟ್ರಿಕ್ಸ್
----------------------------------------------

ಭಾರತ ಸೇನೆಯಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಸೇವೆ ಸಲ್ಲಿಸಿದ ಸೀಮಾ ರಾವ್, ಒಟ್ಟು 18 ವರ್ಷಗಳ ಕಾಲ ಕಮಾಂಡೋಗಳಿಗೆ ಮಾರ್ಷಲ್ ಆರ್ಟ್ಸ್​​ ಟ್ರಿಕ್ಸ್​ಗಳನ್ನು ಹೇಳಿ ಕೊಟ್ಟಿದ್ದಾರೆ. ಸುಮಾರು 20 ರಾಜ್ಯಗಳಲ್ಲಿರೋ 15 ಸಾವಿರಕ್ಕೂ ಹೆಚ್ಚು ಕಮಾಂಡೋಗಳನ್ನು ಟ್ರೈನಪ್ ಮಾಡಿದ್ದಾರೆ.

ಗನ್ ಹಿಡ್ಕೊಂಡು ಎದುರಾಳಿ ಗುಂಡಿಗೆ ಸೀಳೋದೂ ಗೊತ್ತು., ಬರೀ ಗೈನಲ್ಲಿ ಎದುರಾಳಿಯ ಎದೆ ಬಗೆಯೋದು ಗೊತ್ತು.. ಆಧುನಿಕ ಯುದ್ಧ ತಂತ್ರಜ್ಞಾನಗಳ ಬಳಕೆ ಕೂಡ ಇವ್ರಿಗೆ ಕರಗತವಾಗಿತ್ತು. ಈ ಎಲ್ಲಾ ಟ್ರಿಕ್ಸ್​​ಗಳನ್ನು ಯುದ್ಧಭೂಮಿಯಲ್ಲಿ ನಿಂತು ಭಾರತ ಮಾತೆಯ ರಕ್ಷಣೆಗಾಗಿ ಹೋರಾಟ ಮಾಡ್ತಿರೋ ವೀರ ಯೋಧರಿಗೆ ಹೇಳಿ ಕೊಟ್ಟಿದ್ದಾರೆ.

ಸೀಮಾರಾವ್​ಗೆ ಗೊತ್ತಿಲ್ದೇ ಇರೋ ವಿಷ್ಯಾನೇ ಇಲ್ಲಾ.. ಅವ್ರು ಒಂದು ಕಾಲದಲ್ಲಿ ಬ್ಯೂಟಿ ಕ್ವೀನ್ ಆಗಿದ್ರು. ಸೇನಾ ಕಮಾಂಡರ್ ಆದ್ರು.. ಆಮೇಲೆ ಲೇಖಕರೂ ಆದ್ರು.. ಇಷ್ಟೆಲ್ಲಾ ವ್ಯಕ್ತಿತ್ವವುಳ್ಳ ಸೀಮಾರಾವ್​ ಪರಿಸ್ಥಿತಿ ಈಗ ಹೇಗಿದೆ ಗೊತ್ತಾ..? ಆ ಸ್ಟೋರಿ ಕೇಳಿದ್ರೆ, ನಿಜಕ್ಕೂ ನೀವು ಕಣ್ಣೀರ್ ಹಾಕ್ತೀರ.. ಆ ಸ್ಟೋರಿ ಮುಂದಿದೆ ಓದಿ..
------------------------------------------------------------------
ಸೀಮಾ ಬಗ್ಗೆ ನೀವು ತಿಳ್ಕೊಬೇಕಾದಂಥ ಇನ್ನೊಂದು ಇಂಟ್ರೆಸ್ಟಿಂಗ್ ವಿಷ್ಯಾ ಇದೆ.. ಅದೇನಪ್ಪಾ ಅಂದ್ರೆ, ಸೀಮಾರಾವ್ ಕೇವಲ ಸೇನಾ ಕಮಾಂಡರ್ ಟ್ರೈನರ್ ಮಾತ್ರವಲ್ಲ.. ಬ್ಯೂಟಿ ಕ್ವೀನ್ ಕೂಡ ಹೌದು.. ಪದಗಳನ್ನು ಅದ್ಬುತವಾಗಿ ಪೋಣಿಸೋ ಸಾಹಿತಿ ಕೂಡ ಹೌದು.. ಆದ್ರೆ ಸೇನೆಗೆ ಮಾತ್ರವೇ ತಮ್ಮ ಸಂಪೂರ್ಣ ಬದುಕನ್ನು ಮುಡಿಪಿಟ್ಟಿದ್ರು.. ಆದ್ರೆ ಅವ್ರ ಪರಿಸ್ಥಿತಿ ಈಗ ಹೇಗಿದೆ ಗೊತ್ತಾ..? ಮುಂದೆ ಓದಿ

ಸೀಮಾರಾವ್ ಅಂತಿಂಥ ಹೆಣ್ಣಲ್ಲ.. ಮಹಿಳಾ ಮಾಣಿಕ್ಯ ಕಣ್ರಿ.. ಭಾರತದಂಥ ರಾಷ್ಟರರದಲ್ಲಿ ಮಿಲಿಟರಿ ಸೈನಿಕರಿಗೆ ತರಬೇತಿ ನೀಡೋ ಸಾಮರ್ಥ್ಯ ಇವ್ರಿಗೆ ಇದೆ ಅಂದ್ರೆ, ಇವ್ರ ತಾಕತ್ತು ಎಂಥದ್ದು ಅಂತ ಗೊತ್ತಾಗುತ್ತೆ..

ಇವ್ರು ಬರೀ ಸೇನಾ ಕ್ಷೇತ್ರದಲ್ಲಿ ಮಾತ್ರ ಹೆಸರಾಗಿಲ್ಲ ಕಣ್ರಿ. ಬ್ಯೂಟಿ ಕ್ಷೇತ್ರದಲ್ಲೂ ಮಿಂಚಿದ್ದಾರೆ.. ರೂಪದರ್ಶಿಯಾಗಿ ಕೂಡ, ತಮ್ಮನ್ನು ತಾವು ಗುರ್ತಿಸಿಕೊಂಡಿದ್ರು ಈ ಸೀಮಾ ರಾವ್​.. ಆದ್ರೆ ದೇಶಸೇವೆ ಅನ್ನೋದು ಇವ್ರನ್ನು ಕಮಾಂಡೋ ಟ್ರೈನರ್​ ಆಗಿ ಮಾಡ್ತು ಕಣ್ರಿ.. ಅದಿಕ್ಕೆ ಬಣ್ಣದ ಲೋಕವನ್ನು ಬಿಟ್ಟು, ವೈದ್ಯಕೀಯ ಪದವಿಯನ್ನು ಪಕ್ಕಕ್ಕಿಟ್ಟು, ಕಮಾಂಡೋಗಳಿಗೆ ತಂತ್ರಗಳನ್ನು ಕಲಿಸಿಕೊಡೋ ಶಕ್ತಿಯಾಗಿ ನಿಂತುಬಿಟ್ರು..

ಸೀಮಾ ರಾವ್​ ಶಿಷ್ಯನ ಜೊತೆ ಯಾವ ಶತೃವಾದ್ರೂ ಯುದ್ಧಕ್ಕೆ ಇಳಿದ ಅಂದ್ರೆ, ಆತನ ಮೈಮೂಳೆಗಳು ಕ್ಷಣಮಾತ್ರದಲ್ಲು ಪುಡಿ ಪುಡಿಯಾಗ್ತಿದ್ದಿದ್ದು ಗ್ಯಾರಂಟಿ ಕಣ್ರಿ.. ಬರೀ ಕೈನಲ್ಲೇ ಇದ್ರೂ, ಶತೃ ತನ್ನ ಆಯುದ್ಧ ತೆಗೆಯೋಷ್ಟ್ರಲ್ಲಿ ಮಣ್ಣು ಮುಕ್ಕಿಸಿಬಿಡ್ತಾರೆ..

ಇಂಥಾ ಹಲವಾರು ಟ್ರಿಕ್ಸ್್​ಗಳನ್ನು ಸೀಮಾರಾಯ್ ಕಮಾಂಢೋಗಳಿಗೆ ಹೇಳಿಕೊಟ್ಟಿದ್ದಾರೆ. ಇಷ್ಟೇ ಅಲ್ಲ, ತನ್ನಲ್ಲಿರೋ ತಂತ್ರಗಾರಿಕೆಯನ್ನ ಮುಂದಿನ ಜನಾಂಗಕ್ಕೂ ತಿಳಿಸ್ಬೇಕು ಅಂತ, ಪುಸ್ತಕದ ರೂಪದಲ್ಲಿ ಅದನ್ನು ಅಚ್ಚೊತ್ತಿದ್ದಾರೆ. ಮಾರ್ಷಲ್ ಆರ್ಟ್ಸ್​ ಮತ್ತು ತಂತ್ರಗಾರಿಕೆ ಜೊತೆಗೆ ಹಲವಾರು ಪುಸ್ತಕಗಳನ್ನ ಬರೆದಿದ್ದಾರೆ ಈ ಸೀಮಾ ರಾವ್​..

ಇವ್ರ ಈ ಸೇವೆಗೆ ರಾಷ್ಟ್ರಪತಿ ಪದಕ ಒಲಿದು ಬಂದಿದೆ. ಭಾರತದ ದಿಟ್ಟ ಮಹಿಳೆಯ ಸಾಹಸವನ್ನು ಕಂಡು ಬೆರಗಾದ ಅಮೆರಿಕ ಮತ್ತು ಮಲೇಷಿಯಾದಂಥ ದೇಶಗಳೂ ಕೂಡ, ಇವ್ರನ್ನ ಸನ್ಮಾನಿಸಿವೆ. ದೇಶಕ್ಕಾಗಿ ಇಷ್ಟೆಲ್ಲಾ ಸೇವೆ ಮಾಡಿದ ಈ ಸಾಹಸಿ, ಪರಿಸ್ಥಿತಿ ಈಗ ಅಧೋಗತಿ ತಲುಪಿದೆ.. ಈಗ್ಲೋ ಆಗ್ಲೋ ಅನ್ನೋ ಜೀವ ಭಯದಲ್ಲಿ ಸೀಮಾ ರಾವ್​ ಬದುಕ್ತಿದ್ದಾರೆ ಕಣ್ರಿ.

ತಮ್ಮ 18 ವರ್ಷದ ತರಬೇತಿಯಲ್ಲಿ, ಯಾರೂ ಮಾಡಲಾಗದ ಟ್ರಿಕ್ಸ್​​ಗಳನ್ನು ಮಾಡಿದ್ದಾರೆ. ಸಾವಿರಾರು ಕಮಾಂಡೋಗಳಿಗೆ ಅದನ್ನ ಹೇಳಿಕೊಟ್ಟಿದ್ದಾರೆ. ಆದ್ರೆ ಈ ವೇಳೆ, ಸೀಮಾರಾವ್ ತಲೆಗೆ ಗಂಭೀರವಾದ ಪೆಟ್ಟು ಬಿದ್ದಿದೆ ಕಣ್ರಿ.. ಅದು ಈಗ ಅವ್ರನ್ನ ಕಾಡ್ತಾ ಇದೆ.. ಅಷ್ಟೇ ಅಲ್ಲ, ದೇಹದ ಕೆಲವು ಮೂಳೆಗಳು ಮುರಿದು ಹೋಗಿವೆ. ಇದ್ರ ಜೊತೆಗೆ ಅಮ್ನೇಷಿಯಾ ಅನ್ನೋ ಖಾಯಿಲೆ ಇವರನ್ನ ಕಿತ್ತು ತಿಂತಾ ಇದೆ.

ಇನ್ನು ಇವ್ರ ಪತಿ ದೀಪಕ್​ ರಾವ್​​ ಆದ್ರೂ ಇವ್ರನ್ನ ನೋಡ್ಕೋತಾರೆ ಅಂತ ಅಂದ್ರೆ, ಅವ್ರಿಗೂ ಆ ದೇವ್ರು ಖಾಯಿಲೆಗಳ ಸರಮಾಲೆ ನೀಡಿದ್ದಾನೆ. ದೀಪಕ್​ ರಾವ್​ ಅವ್ರ ಒಂದು ಕಣ್ಣು ಈಗ ಕಾಣ್ತಾ ಇಲ್ಲ ಕಣ್ರಿ.. ಮೊಣಕಾಲಿನ ಸಮಸ್ಯೆ ಕೂಡ ಅವ್ರನ್ನ ಬಾಧಿಸ್ತಾ ಇದೆ..

ದೇಶಕ್ಕಾಗಿ ಬದುಕನ್ನೇ ಮುಡಿಪಿಟ್ಟ ಈ ದಂಪತಿಗಳ ಪರಿಸ್ಥಿತಿ ಈಗ ನಿಜಕ್ಕೂ ಅಯ್ಯೋ ಅನ್ನೋ ಥರ ಇದೆ ಕಣ್ರಿ,..  ತಮ್ಮ ಸೇವೆಗೆ ಸರ್ಕಾರದಿಂದ ಒಂದು ರೂಪಾಯಿ ಹಣವನ್ನೂ ಪಡೆಯದೇ, ದೃಶ ಪ್ರೇಮ ಮೆರೆದ ಈ ದಂಪತಿಗಳು ಆದಷ್ಟು ಬೇಗ ಚೇತರಿಸಿಕೊಳ್ಳಲಿ..

ನೋಡಿದ್ರಲ್ಲಾ.. ಭಾರತದ ದಿಟ್ಟ ಮಹಿಳೆಯ ಸಾಹಸದ ಕಥೆಯನ್ನ.. ಅವಕಾಶ ಕೊಟ್ರೆ, ಜಗತ್ತೇ ಮೆಚ್ಚುವಂತೆ ಬೆಳೀತೀನಿ ಅನ್ನೋದಕ್ಕೆ, ಸೀಮಾ ರಾವ್​ ಬದುಕೇ ಸಾಕ್ಷಿ.. 18 ವರ್ಷಗಳ ಕಾಲ ನಿಸ್ವಾರ್ಥ ಸೇವೆ ಸಲ್ಲಿಸಿದ ಈ ದಂಪತಿಗಳು ಆದಷ್ಟು ಬೇಗ ಚೇತರಿಸಿಕೊಳ್ಳಲಿ ಅನ್ನೋದೇ ನಮ್ಮ ಆಶಯ..

ಮಗನ್ನೇ ಕತ್ತರಿಸಿ ತಾಯಿಗೆ ತಿನ್ನಿಸಿದರು

ಐಸಿಸ್​ ಉಗ್ರರು.. ಭೂಮಿಯ ಮೇಲೆ ಹುಟ್ಟಿರೋ ಯಮನ ಏಜೆಂಟರು.. ಅವ್ರ ಮನಸ್ಥಿತಿ ಎಂಥ ವಿಕೃತವಾಗಿದೆ ಅನ್ನೋದು ನಿಮ್ಗೇ ಗೊತ್ತಿಲ್ಲ.. ಇವತ್ತು ಆ ಭೀಕರ ಮತ್ತು ವಿಕೃತ ಮನಸ್ಥಿತಿಯನ್ನು ಬಿಚ್ಚಿಡ್ತೀವಿ.. ಅದನ್ನು ನೋಡಿದ್ರೆ, ನಿಜಕ್ಕೂ ನೀವು ಬೆಚ್ಚಿ ಬೀಳ್ತೀರ.. ಮಗನನ್ನೇ ತುಂಡು ತುಂಡಾಗಿ ಕತ್ತರಿಸಿ, ತಾಯಿಗೆ ತಿನ್ನಿಸಿದ್ದಾರೆ.
---------------------------------------------------
ಜಗತ್ತನ್ನೇ ಬೆಚ್ಚಿ ಬೀಳಿಸಿದೆ ಐಸಿಸ್ ಉಗ್ರರ ಅಟ್ಟಹಾಸ..!
ಮಗನನ್ನ ಕಡಿದು ಬೇಯಿಸಿ ತಾಯಿಗೆ ತಿನ್ನಿಸಿದ ಉಗ್ರರು..!
ಇದು ಪ್ರತಿಯೊಬ್ಬ ತಾಯಿಯೂ ನೋಡಲೇಬೇಕಾದ ಸ್ಟೋರಿ..!
---------------------------------------------------

ಯಸ್​... ಈ ಸ್ಟೋರಿ ನಿಜಕ್ಕೂ ತುಂಬಾ ಭೀಕರವಾಗಿದೆ.. ಯಾಕಂದ್ರೆ ಮನುಷ್ಯ ಕುಲವನ್ನೇ ಬೆಚ್ಚಿ ಬೀಳಿಸಿದ ಐಸಿಸ್ ಉಗ್ರರ ಅಟ್ಟಹಾಸದ ಸ್ಟೋರಿ ಇದು.. ಅದ್ರಲ್ಲೂ ಹೆತ್ತ ಕರುಳನ್ನೇ ಕಿವುಚುವಂಥ ಭಯಾನಕ ಕಥೆ..

ಐಸಿಸ್ ಉಗ್ರರು ಅಂದ್ರೇನೇ ಇಡೀ ಜಗತ್ತು ಬಿಚ್ಚಿ ಬೀಳುತ್ತೆ.. ಇರಾಕ್​ ಮತ್ತು ಸಿರಿಯಾದ ಮೂಲೆಯಲ್ಲಿ ಅಟ್ಟಹಾಸಗೈತಾ ಇರೋ ಈ ಉಗ್ರರು, ಇಡೀ ಜಗತ್ತಿನಾದ್ಯಂತ ರಕ್ತಪಾತ ಮಾಡೋಕೆ ಪಣ ತೊಟ್ಟಿದ್ದಾರೆ. ಸಿಕ್ಕ ಸಿಕ್ಕವರ ರುಂಡ ಕತ್ತರಿಸಿ, ರಕ್ತದೋಕುಳಿಯಾಡ್ತಿದ್ದಾರೆ...

ಕರುಣೆ ಅನ್ನೋದು ಇವ್ರಿಗೆ ಲೆಕ್ಕಕ್ಕಿಲ್ಲ.. ಇವ್ರ ಡಿಕ್ಷನರಿಯಲ್ಲಿರೋ ಒನ್ ಅಂಡ್ ಓನ್ಲಿ ಪದ ಅಂದ್ರೆ, ಅದು ಕ್ರೌರ್ಯ ಕಣ್ರಿ.. 2000 ರಲ್ಲಿ ಶುರುವಾದ ಈ ಸಂಘಟನೆ, ಜಸ್ಟ್ 2 ವರ್ಷದ ಹಿಂದಷ್ಟೇ ಐಸಿಸ್ ಅಂತ ಹೆಸರು ಬದಲಾಯಿಸಿಕೊಂಡು, ಜಗತ್ತಿನಾದ್ಯಂತ ವಿಕೃತ ರಕ್ತಪಾತಕ್ಕೆ ಮುಂದಾಗಿದೆ. ಜಗತ್ತನ್ನೇ ಮುಸ್ಲಿಂಮಯ ಮಾಡ್ಬೇಕು ಅಂತ ಹೊರಟಿರೋ ಈ ಉಗ್ರರು, ಇದಕ್ಕೆ ಧರ್ಮ ಯುದ್ಧ ಅಂತ ಹೆಸರಿಟ್ಟು ಇಡೀ ಭೂಮಂಡಲವನ್ನೇ ಸ್ಮಶಾನ ಮಾಡೋಕೆ ಹೊರಟಿದ್ದಾರೆ.. ಮೊದಲಿಗೆ ಈ ಕಿರಾತಕರ ಕೈಗೆ ಸಿಕ್ರೆ, ಇವ್ರು ಕೊಡೋ ಟಾರ್ಚರ್​ ಅಂತಿಂಥದ್ದಲ್ಲ.. ಬೇಕಾಬಿಟ್ಟಿ ಅವ್ರ ಮೇಲೆ ಹಲ್ಲೆ ಮಾಡಿ, ಆಮೇಲೆ ಅವ್ರ ಸಾವಿಗೆ ಮುಹೂರ್ತ ಫಿಕ್ಸ್ ಮಾಡ್ತಾರೆ. ಆಮೇಲೆ ಕೇಸರಿ ಬಣ್ಣದ ಬಟ್ಟೆ ತೊಡಿಸಿ ಅವ್ರನ್ನ ಕತ್ತು ಕೂಯ್ದು ಹತ್ಯೆ ಮಾಡೋದೇ ಇವ್ರ ಸ್ಟೈಲ್​..

ಅಮೆರಿಕದ ಪತ್ರಕರ್ತರು, ಮಿಲಿಟರಿ ಸೈನಿಕರು ಇವ್ರ ಕೈಗೆ ಸಿಕ್ರೇ, ಸ್ವಲ್ಪಾನೂ ಕರುಣೇನೇ ಇಲ್ದೇ ಅವರ ಕತ್ತನ್ನ ಕತ್ತರಿಸಿ ಹಾಕ್ತಾರೆ.. ಆ ಮೂಲಕ, ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮಾಗೆ ಎಚ್ಚರಿಕೆ ಸಂದೇಶ ನೀಡ್ತಿದ್ದಾರೆ.

ಜಪಾನ್, ರಷ್ಯಾ, ಬ್ರಿಟನ್​ನ ಪ್ರಜೆಗಳು ಈ ಐಸಿಸ್ ಉಗ್ರರ ಕೈಗೆ ಸಿಕ್ಕು, ನರಳಿ ನರಳಿ ಪ್ರಾಣ ಬಿಟ್ಟಿದ್ದಾರೆ ಕಣ್ರಿ.. ಯಾವ ದೇಶದವರು ಇವ್ರ ಕೈಗೆ ಸಿಕ್ಕರೂ, ಅವ್ರ ಕತ್ತನ್ನು ಬರ್ಬರವಾಗಿ ಸೀಳು ಹಾಕ್ತಾರೆ ಈ ಐಸಿಸ್ ಉಗ್ರರು.. ಇದೆಲ್ಲದಕ್ಕಿಂತ ಬಹಳ ಘೋರವಾದ ವಿಕೃತ ಸಾವು ಅಂದ್ರೆ, ಅದು ಜೋರ್ಡಾನಿಯನ್ ಪ್ರದೇಶದ ಈ ಪೈಲಟ್​ದು ಕಣ್ರಿ.. ಐಸಿಸ್ ಉಗ್ರರ ವಿರುದ್ಧ ಅಮೆರಿಕದ ಸೇನೆ ಜೊತೆಗೆ ಕಾರ್ಯಾಚರಣೆಗೆ ಇಳಿದಿದ್ದ ಈ ಪೈಲಟ್​ನನ್ನ, ಐಸಿಸ್ ಉಗ್ರರು ಜೀವಂತವಾಗಿ ಸುಟ್ಟು ಹಾಕಿದ್ರು..

ಇನ್ನು ಇದಕ್ಕಿಂತ ಭಯಾನಕವಾಗಿ ಹತ್ಯೆಯಾಗಿದ್ದು, ಈಜಿಪ್ಟ್​​ನ ಈ 21 ಮಂದಿ ಕ್ರಿಶ್ಚಿಯನ್ನರು.. ಇದೇ ಫೆಬ್ರವರಿ 15 ನೇ ತಾರೀಕು ಕಣ್ರಿ.. ಇವರನ್ನು ಲಿಬಿಯಾದ ಕರಾವಳಿ ತೀರಕ್ಕೆ ಕರ್ಕೊಂಡ್ ಹೋಗಿ, ಸಾಮೂಹಿಕವಾಗಿ ಕತ್ತು ಕೂಯ್ದು 21 ಮಂದಿಯ ಹತ್ಯೆ ಮಾಡಿದ್ದಾರೆ. ಇನ್ನು ಇವ್ರ ವಿರುದ್ಧ ಕಾರ್ಯಾಚರಣೆಗೆ ಇಳಿದಿದ್ದ ಸಿರಿಯಾದ 250 ಕ್ಕೂ ಹೆಚ್ಚು ಸೈನಿಕರನ್ನು ಕೂಡ ಐಸಿಸ್ ಉಗ್ರರು ಸುಮ್ನೇ ಬಿಟ್ಟಿಲ್ಲ.. ಅವ್ರೆಲ್ಲರನ್ನೂ ಬಂಧಿಸಿ, ಅವ್ರ ಬಟ್ಟೆ ಬಿಚ್ಚಿ ಪೆರೇಡ್ ಮಾಡಿಸಿದೆ. ಆಮೇಲೆ ಅವ್ರನ್ನು ಸಾಮೂಹಿಕವಾಗಿ ಅರೆಬೆತ್ತಲೆಯಾಗಿ ಒಂದ್ಕಡೆ ಮಲಗಿಸಿ, ಗುಂಡು ಹಾರಿಸಿದ್ದಾರೆ. ಉಗ್ರರ ಗುಂಡಿಗೆ ಬಲಿಯಾದ 250 ಮಂದಿ ಸೈನಿಕರನ್ನು, ಅಲ್ಲೇ ಹಳ್ಳ ತೋಡಿ ಮಣ್ಣಲ್ಲಿ ಮುಚ್ಚಿ ಬಿಟ್ಟಿದ್ದಾರೆ.

ಇಷ್ಟಕ್ಕೆ ಮುಗಿಯೋದಿಲ್ಲ ಕಣ್ರಿ ಈ ಐಸಿಸ್ ಉಗ್ರರ ಪಾಪದ ಕೆಲಸಗಳು.. ಇದಾದ ಜಸ್ಟ್ ಎರಡೇ ದಿನಕ್ಕೆ, ಮತ್ತೆ 45 ಮಂದಿಯನ್ನ ಜೀವಂತವಾಗಿ ಸುಟ್ಟು ಹಾಕಿದೆ. ಇರಾಕ್​ ಮಿಲಿಟರಿ ಸೈನಿಕರನ್ನು ಬಂಧಿಸಿದ ಐಸಿಸ್ ಉಗ್ರರು, ಅವರನ್ನು ಬೋನ್​ನಲ್ಲಿ ಕೂಡಿ ಹಾಕಿ, ಅವರ ಬದುಕಿಗೇ ಬೆಂಕಿ ಇಟ್ಟಿದ್ದಾರೆ.  ಕೇವಲ ಇರಾಕ್​ನಲ್ಲಿ ಬೇರು ಬಿಟ್ಟಿದ್ದ ಈ ಐಸಿಸ್ ಉಗ್ರರು, ಈಗ ಸಿರಿಯಾವನ್ನೂ ತಮ್ಮ ವಶಕ್ಕೆ ತೆಗೆದುಕೊಂಡಿದ್ದಾರೆ ಕಣ್ರಿ.. ಹೀಗೇ ದಿನದಿಂದ ದಿನಕ್ಕೆ, ತಮ್ಮ ಉಗ್ರ ಸಾಮ್ರಾಜ್ಯವನ್ನು ಜಗತ್ತಿನಾದ್ಯಂತ ವಿಸ್ತರಿಸೋದಕ್ಕೆ ಸಜ್ಜಾಗಿದ್ದಾರೆ.

ತಮ್ಮ ಎದುರಾಳಿಯನ್ನು ಕತ್ತು ಕೂಯ್ದು ಹತ್ಯೆ ಮಾಡೋದು.. ಬೋನ್​ನಲ್ಲಿ ಕೂಡಿ ಹಾಕಿ ಜೀವಂತವಾಗಿ ಬೆಂಕಿ ಇಟ್ಟು ಸಾಯಿಸೋದು... ಎಲ್ಲರನ್ನೂ ಸಾಮೂಹಿಕವಾಗಿ ಮಲಗಿಸಿ, ಗುಂಡು ಹಾರಿಸೋದು.. ಮತ್ತು ಆ ಭೀಕರ ಮತ್ತು ಭಯಾನಕ ಘಟನೆಯನ್ನು ವಿಡಿಯೋ ಮಾಡಿ, ಜಗತ್ತನ್ನು ಬೆಚ್ಚಿ ಬೀಳಿಸೋದು ಐಸಿಸ್ ಉಗ್ರರ ಪೈಶಾಚಿಕ ಕೃತ್ಯಕ್ಕೆ ಸಾಕ್ಷಿ ಕಣ್ರಿ.. ಇಂಥ ವಿಕೃತ ಮನಸ್ಥಿತಿಯವ್ರು ಈ ಐಸಿಸ್ ಉಗ್ರರು..

ಇದಕ್ಕಿಂತ ಭೀಕರ ಮತ್ತು ವಿಕೃತ ಮನಸ್ಥಿತಿ ಈ ಐಸಿಸ್ ಉಗ್ರರದ್ದು ಅನ್ನೋದಕ್ಕೆ, ಮತ್ತೊಂದು ಘಟನೆ ಸಾಕ್ಷಿಯಾಗಿ ನಿಂತಿದೆ. ಸ್ವಂತ ಮಗನನ್ನೇ ತುಂಡು ತುಂಡಾಗಿ ಕತ್ತರಿಸಿ, ಹೆತ್ತ ತಾಯಿಗೆ ಊಟಕ್ಕೆ ಕೊಟ್ಟ ಘನ ಘೋರ ಘಟನೆ ಕೂಡ ನಡೆದಿದೆ. ಐಸಿಸ್ ಉಗ್ರರ ಅಟ್ಟಹಾಸ ಮತ್ತು ವಿಕೃತ ಮನಸ್ತಿತಿ ಯಾವ ಮಟ್ಟಕ್ಕೆ ಇದೆ ಅದ್ರೆ, ಸ್ವಂತ ಮಗನನನ್ನು ತುಂಡು ತುಂಡಾಗಿ ಕತ್ತರಿಸಿ, ಅದನ್ನು ಆತನ ತಾಯಿಗೆ ಊಟಕ್ಕೆ ಬಡಿಸಿದ್ದಾರೆ. ಅಸಲಿಗೆ ಆ ಘಟನೆ ನಡೆದಿದ್ದು ಹೇಗೆ? ಮುಂದೆ ಓದಿ
--------------------------------------------

ಒಂದ್ ಪಕ್ಷ ದೇಹಿ ಅಂಥ ಬೇಡ್ಕೊಂಡ್ರೆ, ಸಾಕ್ಷಾತ್ ಆ ಯಮ ಕೂಡ ಕರಗಿ ಬಿಡ್ಬೋದೇನೋ.. ಆದ್ರೆ ಈ ಐಸಿಸ್ ಉಗ್ರರು ಮಾತ್ರ, ಯಮನಿಗಿಂತಲೂ ಡೇಂಜರಸ್​.. ತನ್ನ ಕರುಳ ಕುಡಿಯನ್ನೇ ತುಂಡು ತುಂಡಾಗಿ ಕತ್ತರಿಸಿ, ತಾನು ಹೆತ್ತ ತಾಯಿಗೇ ಊಟಕ್ಕೆ ಕೊಟ್ಟು ವಿಕೃತಿ ಮೆರೆದ ರಕ್ತಪಿಪಾಸುಗಳು.. ಆ ಮನ ಕಲುಕುವ ಘೋರ ಘಟನೆ ಇಲ್ಲಿದೆ ನೋಡಿ..

ಹೌದು... ಈ ಐಸಿಸ್ ಉಗ್ರರು ಯಮನಿಗಿಂತಲೂ ವಿಕೃತ ಮನಸ್ಥಿತಿಯವ್ರು.. ಒಂದ್ ಪಕ್ಷ ಯಮನಿಂದ ಬಚಾವ್ ಆಗ್ಬಹುದೇನೋ.. ಆದ್ರೆ ಈ ಐಸಿಸ್ ಉಗ್ರರ ಕೈಗೆ ಸಿಕ್ರೇ.. ಖಂಡಿತ ನರಕಕ್ಕಿಂತಲೂ ಘೋರ ಜಗತ್ತನ್ನು ತೋರಿಸಿ ಬಿಡ್ತಾರೆ.. ಇಂಚಿಂಚಾಗಿ.. ಭೀಕರವಾಗಿ ಕೊಂದು, ವಿಕೃತ ಮನಸ್ಥಿತಿಯನ್ನ ಮೆರೀತಾರೆ.. ಇವ್ರ ವಿಕೃತಮ ಮನಸ್ಥಿತಿಯನ್ನು ಇಡೀ ಜಗತ್ತಿಗೆ ಬಿಚ್ಚಿಟ್ಟ ವ್ಯಕ್ತಿ ಅಂದ್ರೆ, ಅದು ಇವ್ನೇ.. ಯಾಸಿರ್​​ ಅಬ್ದಲ್ಲಾ..




ಈತನ ಹೆಸ್ರು ಯಾಸಿರ್ ಅಬ್ದುಲ್ಲಾ.. ಬ್ರಿಟನ್​ ಪ್ರಜೆಯಾದ ಈತ ಕುದಿರ್ಶ್​​ ಹೋರಾಟಗಾರ.. ಐಸಿಸ್ ಉಗ್ರರ ಚಲನವಲನಗಳನ್ನ ಸೂಕ್ಷ್ಮವಾಗಿ ಗಮನಿಸ್ತಿದ್ದ ಈತನಿಗೆ, ಒಂದು ತಾಯಿಯ ಕರುಣಾಜನಕ ಕಥೆ ಐಸಿಸ್ ಉಗ್ರರ ವಿಕೃತ ಮನಸ್ಥಿತಿಯನ್ನು ಬಿಚ್ಚಿಟ್ಟಿದೆ.

ಯಸ್.. ಇತ್ತೀಚೆಗಷ್ಟೇ ಇರಾಕ್‍ನ ಹಳ್ಳಿಯೊಂದರ ಮೇಲೆ ಐಸಿಸ್ ಉಗ್ರರು ದಾಳಿ ನಡೆಸಿದ್ರು ಕಣ್ರಿ.. ಈ ವೇಳೆ ಅಲ್ಲಿದ್ದ ಕುರ್ದಿಶ್ ಜನಾಂಗದ ಹಲವರನ್ನು ಹೊತ್ತೊಯ್ದಿದ್ದರು. ಹೀಗೆ ಜನರನ್ನು ಹೊತ್ತೊಯ್ದ ಐಸಿಸ್ ಉಗ್ರರು, ಅವ್ರನ್ನೆಲ್ಲಾ ಜೈಲಿನಲ್ಲಿಟ್ಟು ಬಂಧಿಸಿಟ್ಟಿದ್ರು.. ಆದ್ರೆ ತಾಯಿ ಕರುಳು ಕೇಳ್ಲಿಲ್ಲ ಕಣ್ರಿ.. ಹೇಗಾದ್ರೂ ಮಾಡಿ ತನ್ನ ಕರುಳ ಕುಡಿಯನ್ನು ಬಿಡಿಸ್ಬೇಕು ಅಂತ ಗಟ್ಟಿ ನಿರ್ಧಾರ ಮಾಡಿದ್ರು.. ಐಸಿಸ್ ಉಗ್ರರು ಭಯಾನಕ ಭೀಬಿತ್ಸ ಮನಸ್ಸಿನವರು ಅಂತ ಗೊತ್ತಿದ್ರೂ, ತನ್ನ ಮಗನಿಗಾಗಿ, ಸೀದಾ ಐಸಿಸ್ ಉಗ್ರರ ಕಾರ್ಯಸ್ಥಾನವಾದ ಮಸೂಲ್‍ಗೆ ಬಂದು ಬಿಟ್ಟಿದ್ಳು..

ಇರಾಕ್ ಮತ್ತು ಸಿರಿಯಾದಲ್ಲಿ ರಕ್ತ ಹರಿಸ್ತಿರೋ ರಕ್ತ ಪಿಪಾಸುಗಳ ಹತ್ರ ಬಂದು, ಸ್ವಾಮಿ ನನ್ನ ಕರುಳ ಕುಡೀನ ನನಗೆ ಕೊಟ್ಬಿಡಿ ಅಂತ ಅಂಗಲಾಚಿ ಬೇಡ್ಕೊಂಡಿದ್ದಾಳೆ ಕಣ್ರಿ.. ಎಷ್ಟೇ ಅದ್ರೂ ಹೆತ್ತ ಕರುಳು.. ಇಂದಲ್ಲಾ ನಾಳೆ ಬಾಡಿ ಹೋಗೋ ತನ್ನ ಜೀವಕ್ಕಿಂತ, ಬಾಳಿ ಬದುಕಬೇಕಾದ ತನ್ನ ಮಗನ ಜೀವ ಮುಖ್ಯ ಅಂತ, ಈ ಕ್ರೂರಿಗಳ ಹತ್ರ ಬಂದು, ಕಾಲಿಗೆ ಬಿದ್ದು ಬೇಡ್ಕೊಂಡಿದ್ದಾಳೆ.. ಈ ತಾಯಿಯ ಕಣ್ಣೀರಿಗೆ ಕರಗಿದಂತೆ ನಟಿಸಿದ ಐಸಿಸ್ ಉಗ್ರರು, ಆಕೆಯನ್ನು ಸಮಾಧಾನ ಮಾಡೋ ನಾಟ್ಕ ಆಡಿದ್ದಾರೆ..

ಅಮ್ಮಾ.. ನೀವು ದೂರದಿಂದ ಬಂದಿದ್ದೀರಿ.. ಸ್ವಲ್ಪ ಇಲ್ಲೇ ಕೂತ್ಕೊಂಡು ರೆಸ್ಟ್ ಮಾಡಿ.. ಹೊಟ್ಟೆ ತುಂಬಾ ಊಟ ಮಾಡಿ.. ಆಮೇಲೆ ನಾವು ನಿಮ್ಮ ಮಗನನ್ನ ನಿಮಗೆ ಒಪ್ಪಿಸ್ತೀವಿ ಅಂತ ಹೇಳಿದ್ದಾರೆ.. ಪಾಪ ಕಿರಾತಕರು ಹೇಳಿದ ಮಾತನ್ನ ನಂಬಿದ ಆ ತಾಯಿ ಕರುಳು, ಅಲ್ಲೇ ಕೂತ್ಕೊಂಡು ರೆಸ್ಟ್ ತಗೊಳ್ತಾ ಇದ್ಳು ಕಣ್ರಿ.. ಅಷ್ಟ್ರಲ್ಲೇ ಐಸಿಸ್ ಉಗ್ರರು ಈ ತಾಯಿಗೆ ಕಾಫಿ ಟೀ ತಂದು ಕೊಡ್ತಾರೆ.. ಅದಾದ ನಂತರ ಊಟಕ್ಕೆ ಮಾಂಸದ ಅಡುಗೇನ ತಂದಿಡ್ತಾರೆ..


ಅಪ್ಪಾ ಇದೆಲ್ಲಾ ನಂಗೆ ಬೇಕಿಲ್ಲ.. ನಂಗೆ ನನ್ ಮಗ ಬೇಕು.. ದಯವಿಟ್ಟು ನನ್ ಮಗನನ್ನ ನಂಗೆ ಕೊಟ್ಬಿಡಿ ಅಂತ ಕೇಳಿದಾಗ, ಐಸಿಸ್ ಉಗ್ರರು ಏನ್ ಹೇಳ್ತಾರೆ ಗೊತ್ತೇನ್ರಿ..? ನೀವು ದೂರದಿಂದ ಬಂದು ಸುಸ್ತಾಗಿದ್ದೀರ.. ಊಟ ತಿಂಡಿ ಮಾಡಿ.. ಆಮೇಲೆ ನಿಮ್ಮ ಮಗನನ್ನ ಕರ್ಕೊಂಡು ಬಂದು ಬಿಡ್ತೀವಿ ಅಂತ ಹೇಳಿದ್ದಾರೆ.. ಉಗ್ರರು ಇಷ್ಟೋಂದು ಉಪಚಾರ ಮಾಡ್ತಿರೋದನ್ನು ನೋಡಿ, ಇವ್ರಲ್ಲೂ ಒಳ್ಳೇವ್ರಿದ್ದಾರೆ ಅಂತ ಅಂದುಕೊಂಡಿತ್ತು ಕಣ್ರಿ ಆ ತಾಯಿ ಕರುಳು.. ದೂಸ್ರಾ ಮಾತಾಡದೇ, ಅವ್ರು ತಂದಿಟ್ಟಿದ್ದ ಮಾಂಸದ ಅಡುಗೆಯನ್ನು ಹೊಟ್ಟೆ ತುಂಬಾ ತಿಂದಿದ್ದಾಳೆ..

ಊಟ ಮುಗಿದ ನಂತರ,  ತನ್ನ ಮಗನನ್ನು ತೋರಿಸಿ ಅಂತ ಕೇಳಿದ್ದಾಳೆ ಈ ತಾಯಿ.. ಆಗ ಈ ವಿಕೃತ ಮನಸ್ಥಿತಿಯ ಉಗ್ರರು ಏನ್ ಹೇಳಿದ್ರು ಗೊತ್ತೇನ್ರಿ..? ಅಯ್ಯೋ ಮುದುಕಿ.. ನಿನ್ನ ಮಗನನ್ನ ಈಗ ನೀನೇ ತಿಂದ್ಯಲ್ಲ.. ನಿನ್ನ ಮಗನನ್ನ ನೀನೇ ತಿಂದು, ಈಗ ನನ್ ಮಗನನ್ನ ತೋರಿಸಿ ಅಂತ ಹೇಳಿದ್ರೆ, ನಾವೆಲ್ಲಿಂದ ತೋರಿಸ್ಲಿ ಅಂತ ಹೇಳಿ, ಗಹಗಹಿಸಿ ನಕ್ಕು ಬಿಟ್ರಂತೆ..




ಸ್ವಂತ ಕರುಳ ಕುಡಿಯನ್ನೇ ತುಂಡು ತುಂಡಾಗಿ ಕತ್ತರಿಸಿ, ಮಾಂಸದ ಅಡುಗೆ ಮಾಡಿ, ಅದನ್ನ ಆತನ ಹೆತ್ತ ತಾಯಿಗೇ ತಿನ್ನಿಸಿ, ವಿಕೃತ ಮೆರೆದಿದ್ರು ಈ ಐಸಿಸ್ ಉಗ್ರರು..ತಾನು ಹೆತ್ತ ಮಗನನ್ನ ತಾನೇ ತಿಂದು ಬಿಟ್ಟಿದ್ದೀನಿ ಅಂತ ಗೊತ್ತಾಗ್ತಿದ್ದಂತೆ, ಆ ತಾಯಿ ಉಸಿರೇ ನಿಂತು ಹೋಗಿತ್ತು ಕಣ್ರಿ ಒಂದ್ ಕ್ಷಣ.. ಐಸಿಸ್ ಉಗ್ರರು ಎಂಥಾ ವಿಕೃತ ಮನಸ್ತಿತಿಯವ್ರು ಅನ್ನೋದಕ್ಕೆ ಈ ಒಂದು ಘಟನೆನೇ ಸಾಕ್ಷಿ ಕಣ್ರಿ.. ಇಡೀ ಜಗತ್ತಿನಲ್ಲಿ ಸ್ವಂತ ಕಂದಮ್ಮನನ್ನು ಬೇಯಿಸಿ ತಿಂದ ಮೊಟ್ಟ ಮೊದಲ ಘಟನೆ ಇದು.. 

ಆ ತಾಯಿ ಈ ಘಟನೆಯನ್ನು ಯಾಸಿರ್​ ಅಬ್ದುಲ್ಲಾಗೆ ಹೇಳಿ ಕಣ್ಣೀರಿಟ್ಟಿದ್ಳು.. ಈ ಘನ ಘೋರವಾದ ಕಥೆ ಕೇಳಿದ ಅಬ್ದುಲ್ಲಾಗೇ ನಿಜಕ್ಕೂ ಕರುಳೇ ಕಿತ್ತು ಬಂದಿತ್ತು.. ವಿಕೃತ ಮನಸ್ಥಿತಿಯ ರಕ್ತ ಪಿಪಾಸುಗಳನ್ನ ಸದೆ ಬಡೀಬೇಕು ಅಂತ ಆಗ್ಲೇ ನಿರ್ಧಾರ ಮಾಡಿದ್ರು ಕಣ್ರಿ,..  ಆ ಕ್ಷಣದಿಂದ್ಲೇ ಸೇನೆಯ ಜೊತೆ ಸೇರಿ, ಐಸಿಸ್ ವಿರುದ್ಧದ ಹೋರಾಟಕ್ಕೆ ಇಳಿದು ಬಿಟ್ಟಿದ್ರು..


ಇದೊಂದೇ ಅಲ್ಲ.. 2011 ರಲ್ಲಿ ಒಂದು ಘಟನೆ ನಡೆದಿತ್ತು.. ಐಸಿಸ್ ಉಗ್ರರ ಕೈಗೆ ಸಿಕ್ಕ ವ್ಯಕ್ತಿಯನ್ನ, ತುಂಬಾನೇ ವಿಕೃತವಾಗಿ ಹಿಂಸಿಸಿದ್ರು.. ನೀವೇನಾದ್ರೂ ಆ ದೃಶ್ಯ ನೋಡಿದ್ರೆ, ನಿಜಕ್ಕೂ ಬೆಚ್ಚಿ ಬೀಳ್ತೀರ.. ಮುಂದೆ ಓದಿ
------------------------------
ಮಗನನ್ನು ಕಡಿದು ಹೆತ್ತ ತಾಯಿಗೆ ತಿನ್ನಿಸಿದ ವಿಕೃತ ಮನಸ್ಥಿತಿಯವ್ರು ಐಸಿಸ್ ಉಗ್ರರು.. ಆದ್ರೆ ಅವ್ರ ವಿಕೃತಿ ಇಷ್ಟಕ್ಕೆ ನಿಲ್ಲೋದಿಲ್ಲ.. ಇದಕ್ಕಿಂತಲೂ ಭಯಾನಕವಾದ ವಿಕೃತ ಮನಸ್ಥಿತಿಯನ್ನು ಬಿಚ್ಚಿಡೋ ಸ್ಟೋರಿ ಮುಂದಿದೆ ಓದಿ

ಭೂಲೋಕದಲ್ಲಿ ಯಮನ ಏಜೆಂಟರಂತೆ ಗುರ್ತಿಸಿಕೊಂಡಿರೋ ಐಸಿಸ್ ಉಗ್ರರು ತುಂಬಾನೇ ಡೇಂಜರಸ್ ಕಣ್ರಿ.. ಇವ್ರ ಅಟ್ಟಹಾಸಕ್ಕೆ ನಲುಗಿದ ಜೀವಗಳ ಬಗ್ಗೆ ಲೆಕ್ಕಾನೇ ಇಲ್ಲ.. ಗಂಡಸ್ರು.. ಹೆಂಗಸ್ರೂ ಯಾರ್ ಸಿಕ್ಕಿದ್ರೂ ಇವ್ರು ಬಿಡೋದಿಲ್ಲ ಕಣ್ರಿ.. ಚಿತ್ರ ವಿಚಿತ್ರವಾಗಿ ಅವ್ರ ಜೀವ ಹಿಂಡ್ತಾರೆ.. ಮಗನನ್ನು ಕೊಂದು ತಾಯಿಗೆ ತಿನ್ನಿಸಿದ ಘೋರ ಮನಸ್ಥಿತಿಯ ಉಗ್ರರು 2011 ರಲ್ಲಿ ಇದಕ್ಕಿಂತಲೂ ವಿಕೃತ ಕೆಲಸ ಮಾಡಿದ್ರು..

ಬ್ರೆಂಡನ್​​ ಹಿಗ್ಗಿಂ ಬಾಥಮ್ ಎಂಬಾತ ಗ್ರಹಚಾರ ಕೆಟ್ಟು 2011 ರಲ್ಲಿ ಉಗ್ರರ ಕೈಗೆ ಸಿಕ್ಕಾಕೋತಾನೆ.. ಆಗ ಆತನ ಮುಖವನ್ನು ಕೂಯ್ದು ಬಿಡ್ತಾರೆ.. ಇಷ್ಟಕ್ಕೆ ಮುಗಿಯೋದಿಲ್ಲ.. ಈತನ ಕಿವಿಯನ್ನ ಕತ್ತರಿಸಿ, ಈತನಿಗೆ ತಿನ್ನಿಸಿ ವಿಕೃತಿ ಮೆರೆದಿದ್ದಾರೆ..

ಇನ್ನು ಐಸಿಸ್ ಉಗ್ರರ ಕೈಗೆ ಸಿಕ್ಕ ಈಕೆ ಕೈನಿಂದಲೇ, ತನ್ನ ಮಕ್ಕಳ ಚರ್ಮ ಸುಲಿಸಿದ್ದಾರೆ ಕಿರಾತಕರು.. ಮತ್ತೊಮ್ಮೆ, ವ್ಯಕ್ತಿಯೋರ್ವನ ಕೈ ಬೆರಳುಗಳನ್ನು ತುಂಡು ತುಂಡಾಗಿ ಕತ್ತರಿಸಿ, ಬರ್ಗರ್​ನಲ್ಲಿ ಇಟ್ಟು ಆತನಿಗೆ ತಿನ್ನೋದಕ್ಕೆ ಕೊಟ್ಟಿರೋ ಉದಾಹರಣೆ ಕೂಡ ಇದೆ.

ಇಂಥಾ ವಿಕೃತ ಮನಸ್ಥಿತಿಯ ಐಸಿಸ್ ಉಗ್ರರ ನಡುವೇನೇ ಈಗ ಒಳಜಗಳ ಶುರುವಾಗಿದೆ. ತಮ್ಮ ತನುವಿನ ದಾಹಕ್ಕಾಗಿ ಹೆಣ್ಣುಮಕ್ಕಳನ್ನ ಸಪ್ಲೈ ಮಾಡಿ ಅಂತ, ಐಸಿಸ್ ನಾಯಕನ ವಿರುದ್ಧ ಕಿಡಿ ಕಾರ್ತಿದ್ದಾರೆ..

ಹೌದು.. ಇದು ನಿಜ.. ಐಸಿಸ್ ಉಗ್ರರ ಕಾಮಾಂಧತೆ ಮಿತಿ ಮೀರಿದೆ. ತಮ್ಮನ್ನು ತಾವು ಕಂಟ್ರೋಲ್ ಮಾಡ್ಕೊಳ್ಳೋಕೆ ಅಗದ ಮಟ್ಟಿಗೆ ಅವರ ಮನಸ್ಥಿತಿ ವಿಕೃತವಾಗಿದೆ. ಅದಿಕ್ಕಾಗಿ ತಮ್ಮ ಕಾಮದಾಹವನ್ನು ನೀಗಿಸೋಕೆ ಹುಡುಗಿಯರನ್ನು ಸಪ್ಲೈ ಮಾಡಿ ಅಂತ ಪಟ್ಟು ಹಿಡಿದಿದ್ದಾರೆ..

ಉಗ್ರರ ಕಾಮದಾಹವನ್ನು ನೀಗಿಸೋದಕ್ಕೆ ಮುಂದಾಗಿರೋ ಐಸಿಸ್​​ ನಾಯಕರು ಮಹಿಳೆಯರನ್ನು ಹೊತ್ತೊಯ್ತಿದೆ. ಸಿಕ್ಕ ಸಿಕ್ಕವರನ್ನು ಹೊತ್ತೊಯ್ದು, ಐಸಿಸ್​ ಉಗ್ರತಾಣದಲ್ಲಿರೋ ವೇಶ್ಯಾಗೃಹದಲ್ಲಿ ಬಂಧಿಸಿಡಲಾಗ್ತಿದೆ. ಹೀಗೆ ಐಸಿಸ್ ಉಗ್ರರ ಕಾಮತೃಷೆಗಾಗಿ ಜಗತ್ತಿನಾದ್ಯಂತ ಇರೋ ಸುಂದರ ಮಹಿಳೆಯರನ್ನು ಟಾರ್ಗೆಟ್ ಮಾಡಲಾಗ್ತಿದೆ. ನೀವು ನಂಬ್ತೀರೋ ಬಿಡ್ತೀರೋ ಗೊತ್ತಿಲ್ಲ ಕಣ್ರಿ.. ಇದುವರೆಗೂ ಸುಮಾರು 15 ಸಾವಿರಕ್ಕೂ ಹೆಚ್ಚು ಹೆಣ್ಣುಮಕ್ಕಳನ್ನು ಐಸಿಸ್ ಉಗ್ರರು ಹೊತ್ತೊಯ್ದು, ತಮ್ಮ ಕಾಮತೃಶೆಗಾಗಿ ಬಳಸಿಕೊಳ್ತಿದ್ದಾರೆ..

ಅಷ್ಟೇ ಅಲ್ಲ.. ಸಾಮಾಜಿಕ ಜಾಲ ತಾಣದ ಮೂಲಕಾನೂ ಹೆಣ್ಣುಮಕ್ಕಳನ್ನ ಬಲಿ ಹಾಕ್ತಿದ್ದಾರೆ ಕಣ್ರೀ ಈ ಕಿರಾತಕರು.. ಧರ್ಮದ ಹೆಸರ್ ಹೇಳ್ಕೊಂಡು, ಹೆಣ್ಣುಮಕ್ಕಳ ಬದುಕನ್ನೇ ಬರ್ಬಾದ್ ಮಾಡ್ತಿದ್ದಾರೆ.. ನೀವು ನಿಮ್ಮ ದೇಹಾನ ಧರ್ಮದ ರಕ್ಷಣೆಗಾಗಿ ಹೋರಾಡ್ತಿರೋ ಐಸಿಸ್​ ಉಗ್ರರ ಜೊತೆ ಹಂಚಿಕೊಂಡ್ರೆ, ನೀವು ಡೈರೆಕ್ಟಾಗಿ ಸ್ವರ್ಗಕ್ಕೆ ಹೋಗ್ತೀರ.. ನಿಮಗೆ ಮುಕ್ತಿ ಸಿಗುತ್ತೆ ಅಂತೆಲ್ಲಾ ಪುಂಗಿ ಬಿಟ್ಟು, ಮುಗ್ಧ ಮನಸ್ಸುಗಳನ್ನು, ಅಮಾಯಕ ಹೆಣ್ಣುಮಕ್ಕಳನ್ನು, ತಮ್ಮ ಕಡೆ ಸೆಳೀತಾ ಇದೆ..

ಇದನ್ನು ನಂಬ್ಕೊಂಡು ಅದೆಷ್ಟೋ ಮುಗ್ಧ ಹೆಣ್ಣುಮಕ್ಕಳು ಐಸಿಸ್ ಉಗ್ರ ಸಂಘಟನೆಗೆ ಸೇರ್ಕೊಂಡಿದ್ದಾರೆ ಕಣ್ರಿ.. ತಂದೆ ತಾಯಿಯನ್ನು ಬಿಟ್ಟು, ಭವಿಷ್ಯದ ಕನಸುಗಳನ್ನು ಸುಟ್ಟು, ಅಲ್ಲಾನ ಹೆಸರಲ್ಲಿ ಈ ಉಗ್ರರು ತೋಡಿದ ಬಾವಿಗೆ ಬಿದ್ದಿದ್ದಾರೆ.

ಇಲ್ಲಿಗೆ ಬಂದ್ಮೇಲೆ ಗೊತ್ತಾಗಿದೆ ಕಣ್ರಿ.. ತಾವು ಎಂಥಾ ದೊಡ್ಡ ಕಿರಾತಕರ ಕೈಗೆ ಸಿಕ್ಕಾಕೊಂಡಿದ್ದೀವಿ ಅಂತ.. ಆದ್ರೆ ಎನ್ ಮಾಡೋದು..? ಇವ್ರಿಂದ ಬಿಡಿಸಿಕೊಂಡು ಹೋಗೋದು ಅಷ್ಟು ಸುಲಭದ ಕೆಲಸವಲ್ಲ.. ಹೀಗಾಗಿ, ತಮ್ಮ ಬದುಕಿನ ಘೋರ ಘಟನೆಯನ್ನು ನೆನೆಸಿಕೊಂಡು, ಉಗ್ರರ ವಿಕೃತ ಕಾಮದ ಮನಸ್ಥಿತಿಗೆ ನಲುಗಿ, ಇಂದಿಗೂ ಕಣ್ಣೀರು ಹಾಕ್ತಿದ್ದಾರೆ.

ಹೆಣ್ಣುಮಕ್ಕಳನ್ನ ಕಿಡ್ನ್ಯಾಪ್ ಮಾಡಿ ತಮ್ಮ ಕಾಮ ತೃಷೆಗೆ ಬಳಸಿಕೊಳ್ಳೋ ಈ ಕಿರಾತಕರು, ಗಂಡಸರನ್ನೂ ಕಿಡ್ನ್ಯಾಪ್ ಮಾಡ್ತಾರೆ. ಅದು ಯಾಕೆ ಗೊತ್ತಾ..? ಆ ಕಥೆ ನಿಜಕ್ಕೂ ಇದೆಲ್ಲದಕ್ಕಿಂತ ಭೀಕರ.. ನೀವು ನಂಬ್ತೀರೋ ಬಿಡ್ತೀರೋ ಗೊತ್ತಿಲ್ಲ... ಗಂಡಸರನ್ನು ಕಿಡ್ನ್ಯಾಪ್ ಮಾಡಿ, ಅವ್ರನ್ನೂ ಕೂಡ ತಮ್ಮ ಲಾಭಕ್ಕೆ ಬಳಸಿಕೊಳ್ತಾರೆ ಕಣ್ರೀ ಇವ್ರು.. ಗಂಡಸರನ್ನು ತುಂಡು ತುಂಡಾಗಿ ಕತ್ತರಿಸಿ, ಅವರ ದೇಹದ ಕಣಕಣವನ್ನೂ ಮಾರ್ಕೊಂಡು ದುಡ್ಡು ಮಾಡ್ತಿದ್ದಾರೆ..

ಯಸ್.. ಹೀಗೆ ಕುತ್ತಿಗೆ ಕತ್ತರಿಸಿ, ಗುಂಡು ಹಾರಿಸಿ ಅಮಾಯಕರನ್ನು ಕೊಲೆ ಮಾಡಿದ ನಂತರ, ಅವರ ದೇಹವನ್ನು ತುಂಡು ತುಂಡಾಗಿ ಕತ್ತರಿಸಲಾಗುತ್ತೆ.. ಆ ಮೇಲೆ ಅವ್ರ ದೇಹದ ಅಂಗಾಂಗಳನ್ನು ಸಪರೇಟ್ ಮಾಡಲಾಗುತ್ತೆ.. ಕಣ್ಣು.. ಕಿಡ್ನಿ.. ಹೃದಯ ಹೀಗೆ ದೇಹದ ಅಂಗಾಂಗಳನ್ನು ಕತ್ತರಿಸಿ ಹೊರ ದೇಶಗಳಿಗೆ ಕಳಿಸಲಾಗುತ್ತೆ.

ಹೀಗೆ ದೇಹದ ಅಂಗಾಂಗಗಳನ್ನು ಮಾರಿ ಐಸಿಸ್ ಉಗ್ರರು ತಮ್ಮ ಖಜಾನೆ ತುಂಬಿಸಿಕೊಳ್ತಿದ್ದಾರೆ ಕಣ್ರಿ..  ಇದಕ್ಕಿಂತ ನೀಚ ಮತ್ತು ಹೇಯ ಕೌರ್ಯ ಬೇರಿನ್ಯಾವುದಾದರೂ ಇದಿಯೇನ್ರೀ ಈ ಭೂಮಿ ಮೇಲೆ..!

ಇಂಥಾ ಉಗ್ರರನ್ನ ಮಟ್ಟ ಹಾಕೋದು ಅಷ್ಟು ಸುಲಭದ ಕೆಲಸವಲ್ಲ.. ಇರಾಕ್ ಮತ್ತು ಸಿರಿಯಾ ಸರ್ಕಾರಾನೇ ಇವ್ರಿಗೆ ಹೆದರ್​ಕೊಂಡು ಮೂಲೆಲಿ ಕೂತಿದೆ. ಆದ್ರೆ ಇಂಥ ಕ್ರಿಮಿಗಳನ್ನ ಮಟ್ಟ ಹಾಕೋದಕ್ಕೆ, ಅಮೆರಿಕ ಸಜ್ಜಾಗಿದೆ. ಈಗಾಗಲೇ ಪಾಪಿಗಳ ನಾಡಿಗೆ ಲಗ್ಗೆ ಇಟ್ಟ ಅಮೆರಿಕ ಸೇನಾಪಡೆ, ಉಗ್ರರ ಅಡಗುತಾಣಗಳನ್ನು ಹುಡುಕಿ ಹುಡುಕಿ ನಾಶ ಮಾಡ್ತಿದೆ.

ಇವೆಲ್ಲವನ್ನೂ ನೋಡಿದ್ಮೇಲೆ, ಐಸಿಸ್ ಉಗ್ರರಿಗಿಂತ ಭಯಾಕ ಉಗ್ರರು, ಈ ಜಗತ್ತಿನಲ್ಲಿ ಇರಲಿಕ್ಕಿಲ್ಲಾ ಅನ್ಸುತ್ತೆ.. ಇಂಥಾ ಉಗ್ರರನ್ನು ನಾಶ ಮಾಡೋದಕ್ಕೆ ಅಮೆರಿಕ ಸೇನೆ ದಿಟ್ಟ ಹೆಜ್ಜೆ ಇಟ್ಟಿದೆ. ಆದಷ್ಟು ಬೇಗ ಆ ಹೆತ್ತ ತಾಯಿಯ ಕರುಳಿನ ಕೂಗಿಗೆ ಶಾಂತಿ ಸಿಗಲಿ.. ಅದೆಷ್ಟೋ ಅಮಾಯಕರ ನೆತ್ತರು ಹರಿಸಿದ ಉಗ್ರರಿಗೆ ತಕ್ಕ ಶಾಸ್ತಿಯಾಗ್ಲಿ..


ಹಿಂದೂ ದೇವರಿಗೆ ವಿದೇಶಿಗರೇ ವಿಲನ್!

ವಿದೇಶೀ ನೆಲದಲ್ಲಿ ಹಿಂದೂ ದೇವಾಲಯಗಳ ಮೇಲೆ ನಡೀತಿದೆ ಅಟ್ಯಾಕ್.. ಭಾರತದ ಧರ್ಮ ಸಹಿಷ್ಣುತೆ ಬಗ್ಗೆ ಭಾಷಣ ಮಾಡಿದ ಒಬಾಮಾ ನಾಡಲ್ಲೇ, ಹಿಂದೂ ದೇವಾಲಯಗಳ ಮೇಲೆ ನಡೀತಿದೆ ದಾಳಿ. ವಿದೇಶದಲ್ಲಿ ಎಷ್ಟು ಹಿಂದೂ ದೇವಾಲಯಗಳ ಮೇಲೆ ಅಟ್ಯಾಕ್ ಆಗಿದೆ ಗೊತ್ತಾ..?

ಯಸ್.. ಇದು ನಿಜಾ.. ಜಗತ್ತನ್ನು ಕಾಪಾಡೋ ದೇವ್ರಿಗೇ ಈಗ ಕಿಡಿಗೇಡಿಗಳ ಭಯ ಶುರುವಾಗಿದೆ ಕಣ್ರಿ.. ವಿದೇಶದಲ್ಲಿರೋ ಹಿಂದೂ ದೇವಾಲಯಗಳ ಮೇಲೆ ಮೇಲಿಂದ ಮೇಲೆ ದಾಳಿ ನಡೀತಿದೆ. ಗಣರಾಜ್ಯೋತ್ಸವದ ಅತಿಥಿಯಾಗಿ ಭಾರತಕ್ಕೆ ಬಂದಿದ್ದ ಬರಾಕ್ ಒಬಾಮಾ, ಧರ್ಮ ಸಹಿಷ್ಣುತೆನೇ ಭಾರತದ ಶಕ್ತಿ ಅಂತ ಹೇಳಿದ್ರು.. ಈ ನೆಲದ ಧರ್ಮ ಸಹಿಷ್ಣುತೆಯನ್ನು ಮೆಚ್ಚಿದ್ರು.

ಬುದ್ದಿ ಹೇಳೋರೇ ಬದ್ನೇಕಾಯಿ ತಿಂತಾರೆ ಅಂತಾರಲ್ಲಾ.. ಹಾಗಿದೆ ಕಣ್ರೀ ಅಮೆರಿಕದ ನಡೆ.. ಯಾಕಂದ್ರೆ, ಒಬಾಮಾ ನಾಡಲ್ಲೇ ಧರ್ಮಾಂಧರ ದರ್ಬಾರ್ ನಡೀತಿದೆ. ಹಿಂದೂ ದೇಗುಲಗಳ ಮೇಲೆ ಕಿಡಿಗೇಡಿಗಳು ನಿರಂತರವಾಗಿ ದಾಳಿ ನಡೆಸ್ತಾನೇ ಇದ್ದಾರೆ.

ಒಬಾಮಾ ನಾಡಲ್ಲೇ ಹಿಂದೂ ದೇವಾಲಯಗಳ ಮೇಲೆ ದಾಳಿ
ಒಂದೇ ತಿಂಗಳಲ್ಲಿ ಎರಡು ದೇವಾಲಯಗಳ ಮೇಲೆ ಅಟ್ಯಾಕ್

ಯಸ್​.. ನೀವು ನಂಬ್ತೀರೋ ಬಿಡ್ತಿರೋ ಗೊತ್ತಿಲ್ಲ.. ಒಂದೇ ತಿಂಗಳಲ್ಲಿ ಎರಡು ಹಿಂದೂ ದೇವಾಲಯಗಳ ಮೇಲೆ ಕಿಡಿಗೇಡಿಗಳು ದಾಳಿ ನಡೆಸಿದ್ದಾರೆ.

---------------------------------
ದಿನಾಂಕ : 26, ಫೆಬ್ರವರಿ, 2015
ದಾಳಿ : ಸನಾತನ ಧರ್ಮ ಕೇಂದ್ರ
ಸ್ಥಳ : ಕೆಂಟ್​​, ವಾಷಿಂಗ್​ಟನ್​ ಡಿಸಿ
---------------------------------

 ಇಲ್ನೋಡಿ.. ಒಬಾಮಾ ನಾಡಲ್ಲಿರೋ ಹಿಂದೂ ದೇವಸ್ಥಾನದ ಗತಿ ಏನಾಗಿದೆ ಅಂತ.. ಇದು ವಾಷಿಂಗ್​ಟನ್​ ಡಿಸಿಯಲ್ಲಿರೋ ಸನಾತನ ಧರ್ಮ ಕೇಂದ್ರ. ಗುರುವಾರ ರಾತ್ರಿ ದೇವಸ್ಥಾನದಿಂದ ಹೋಗಿದ್ದ ಜನರು, ಶುಕ್ರವಾರ ಬೆಳಿಗ್ಗೆ ವಾಪಸ್ ಬಂದು ನೋಡೋಷ್ಟ್ರಲ್ಲಿ, ಕಿಟಕಿ ಗಾಜುಗಳು ಪುಡಿ ಪುಡಿಯಾಗಿದ್ವು.. ಇಷ್ಟೇ ಅಲ್ಲ, ದೇಗುಲದ ಗೋಡೆ ಮೇಲೆ ‘ಫಿಯರ್​’ ಅಂತ ಬರೆದು ಭಯ ಸೃಷ್ಟಿಸಿದ್ರು ಧರ್ಮಾಂಧರು.. ಇನ್ನು ಈ ಸನಾತನ ಧರ್ಮ ಕೇಂದ್ರದ ಮೇಲೆ ದಾಳಿ ನಡೆಯೋದಕ್ಕಿಂತ ಜಸ್ಟ್ 10 ದಿನ ಮೊದ್ಲು, ಬೇರೊಂದು ಹಿಂದೂ ದೇವಸ್ಥಾನದ ಮೇಲೆ ಅಟ್ಯಾಕ್ ನಡೆದಿತ್ತು..


---------------------------------
ದಿನಾಂಕ : 16, ಫೆಬ್ರವರಿ, 2015
ದಾಳಿ : ಹಿಂದೂ ದೇವಸ್ಥಾನ ಮತ್ತು ಸಾಂಸ್ಕೃತಿಕ ಕೇಂದ್ರ
ಸ್ಥಳ : ಬೋಥೆಲ್ ನಗರ, ವಾಷಿಂಗ್​ಟನ್​ ಡಿಸಿ
---------------------------------

ಫೆಬ್ರುವರಿ 17, 2015 ರ ಶಿವರಾತ್ರಿಗೆ, ಅಮೆರಿಕದ ಹಿಂದೂಗಳೆಲ್ಲಾ ತಯಾರಿ ನಡೆಸಿದ್ರು.. ಬೋಥೆಲ್​​ ನಗರದಲ್ಲಿರೋ ಹಿಂದೂ ದೇವಸ್ಥಾನ ಮತ್ತು ಸಾಂಸ್ಕೃತಕ ಕೇಂದ್ರ ಎಲ್ಲಾ ರೀತಿಯಲ್ಲೂ ಸಿಂಗಾರಗೊಂಡಿತ್ತು. ಆದರೆ ಶಿವರಾತ್ರಿಯ ಹಿಂದಿನ ದಿನಾನೇ ಕಿಡಿಗೇಡಿಗಳು ಅಟ್ಟಹಾಸ ಮೆರೆದಿದ್ರು.. ಕಿಟಕಿ ಗಾಜುಗಳನ್ನು ಪುಡಿ ಮಾಡಿದ್ದಲ್ಲದೇ, ಶಿವನ ಮೂರ್ತಿಯನ್ನು ಧ್ವಂಸಗೊಳಿಸಿದ್ರು ವಿಧ್ವಂಸಕರು..

ಗುಂಡಿನ ದಾಳಿ ನಡೆಸಿದ ಕಿಡಿಗೇಡಿಗಳು ಒಬ್ಬನ ಜೀವವನ್ನೇ ಬಲಿ ತೆಗೆದುಕೊಂಡಿದ್ರು.. ಇನ್ನು ಇಲ್ಲೂ ಕೂಡ ಒಂದು ಸಂದೇಶವನ್ನು ಬರೆದು ಹೋಗಿದ್ರು.. ಅದೇ ಗೆಟ್ ಔಟ್​..


ಯಸ್.. ಹಿಂದೂಗಳನ್ನು ಅಮೆರಿಕ ನೆಲದಿಂದ ಓಡಿಸೋ ಹುನ್ನಾರ ಕಿಡಿಗೇಡಿಗಳದ್ದು ಅನ್ನೋದು ಅಲ್ಲಿ ಸ್ಪಷ್ಟವಾಗಿ ಗೊತ್ತಾಗಿಬಿಟ್ಟಿತ್ತು. ಯಾಕಂದ್ರೆ, ದೇವಸ್ಥಾನದ ಮೇಲೆ ದಾಳಿ ನಡಿಸಿದ ಕಿಡಿಗೇಡಿಗಳು ಗೆಟ್​ ಔಟ್​ ಅಂತ ಬೆರೆದು ಹೋಗಿದ್ರು. ಅದರ ಪಕ್ಕ ನಾಜಿ ಪಂಥದ ಸ್ವಸ್ತಿಕ್​​ ಚಿಹ್ನೆ ಕೂಡ ಇತ್ತು..

ಇನ್ನು ಈ ದೇವಸ್ಥಾನದಿಂದ ಅರ್ಧ ಕಿ.ಮೀ ದೂರ ಇರೋ ಸ್ಕೈ ವೀವ್​​ ಮಿಡಲ್​​ ಸ್ಕೂಲ್​ ಮೇಲೂ ಕಿಡಿಗೇಡಿಗಳು ದಾಳಿ ಮಾಡಿದ್ರು.. ಆ ಸ್ಕೂಲಿನ ಗೋಡೆ ಮೇಲೂ ಒಂದು ಸಂದೇಶ ಇತ್ತು..

ಗೆಟ್ ಔಟ್​​ ಮುಸ್ಲಿಂ ಅನ್ನೋ ಸಂದೇಶ ಬರೆದಿದ್ದ ಕಿಡಿಗೇಡಗಳು, ಅಲ್ಲೂ ಕೂಡ ನಾಜಿ ಪಂಥದ ಸ್ವಸ್ತಿಕ್ ಸಿಂಬಲ್​ ಇತ್ತು..!

---------------------------------
2013-14 ರಲ್ಲೂ ಮುಂದುವರಿದ ದಾಳಿ
ಜಾರ್ಜಿಯಾಯದಲ್ಲಿ ಶಿವನ ಮೂರ್ತಿ ಧ್ವಂಸ
---------------------------------
ಇನ್ನು ಜಾಜಿರ್ಯಾದ ಈ ಶಿವನ ದೇವಸ್ಥಾನದ ಮೇಲೆ, ಈ ಹಿಂದಿನಿಂದಲೂ ವಿಧ್ವಂಸಕರು ಕಣ್ಣು ಹಾಕಿದ್ದಾರೆ. 2013 ರಲ್ಲಿ ಈ ದೇವಸ್ಥಾನದ ಮೇಲೆ ದಾಳಿ ನಡೆದಿತ್ತು. ಆದ್ರೆ ಅಷ್ಟ್ರಲ್ಲೇ ಜಸ್ಟ್ ಮಿಸ್ಸು ಅನ್ನೋ ಹಾಗೇ, ದೊಡ್ಡ ದುರಂತವೊಂದು ತಪ್ಪಿತ್ತು.. ಅಷ್ಟ ಮಾತ್ರಕ್ಕೆ ಪಾತಕಿಗಳು ಸುಮ್ಮನಾಗಲಿಲ್ಲ.. 2014ರ ಆಗಸ್ಟ್ ನಲ್ಲಿ ಮತ್ತೆ ಅಟ್ಯಾಕ್ ಮಾಡಿದ ಕಿಡಿಗೇಡಿಗಳು, ಶಿವನ ಮೂರ್ತಿಯನ್ನು ಧ್ವಂಸಗೊಳಿಸಿದ್ರು.. ಇಲ್ಲೂ ಕೂಡ ಲೋಲ್​, ಹ ಹ ಅಂತ ಕುಹಕದ ನಗೆ ಬೀರುವ ಸಂದೇಶ ಬರೆದಿದ್ರು ಆಗಂತುಕರು

ಒಂದಲ್ಲಾ ಎರಡಲ್ಲ.. ಅಮೆರಕದ ನೆಲದಲ್ಲಿರೋ ಹಿಂದೂ ದೇವಾಲಯಗಳ ಮೇಲೆ ಅಲ್ಲಿನ ಕಿಡಿಗೇಡಿಗಳು ದಾಳಿ ನಡೆಸ್ತಾನೇ ಇದ್ದಾರೆ. ಅವ್ರ ಟಾರ್ಗೆಟ್ ಬರೀ ಹಿಂದೂ ದೇವಸ್ಥಾನಗಳು ಮಾತ್ರವಲ್ಲ.. ಬಹುಸಂಖ್ಯಾತ ಕ್ರಿಶ್ಚಿಯನ್ನರನ್ನು ಹೊರತುಪಡಿಸಿ ಉಳಿದವರೆಲ್ಲರನ್ನೂ ಅಮೆರಿಕದಿಂದ ಹೊರ ಹಾಕೋದೇ ಅವ್ರ ಮೇನ್​​ ಉದ್ದೇಶ ಕಣ್ರಿ.. ಅದಿಕ್ಕೆ, ಸಿಕ್ಕ ಸಿಕ್ಕ ಧರ್ಮ ಕೇಂದ್ರದ ಮೇಲೆ ದಾಳಿ ಮಾಡಿ, ಅದ್ರ ಮೇಲೆ ಗೆಟ್ ಔಟ್​ ಅಂತ ಬರೆದು, ನೀವು ಇಲ್ಲಿಂದ ಹೊರಟು ಹೋಗಿ ಅಂತ ಭಯ ಸೃಷ್ಟಿಸ್ತಿದ್ದಾರೆ.

ಬರೀ ಅಮೆರಿಕ ಮಾತ್ರವಲ್ಲ, ಜಗತ್ತಿನಾದ್ಯಂತ ಹಿಂದೂ ದೇವಾಲಯಗಳಿವೆ. ಆದ್ರೆ ಅವೆಲ್ಲಾ ಎಷ್ಟು ಡೇಂಜರ್ ಜೋನ್​ನಲ್ಲಿವೆ.. ಎಷ್ಟು ಹಿಂದೂ ದೇವಸ್ಥಾನಗಳ ಮೇಲೆ ಭೀಕರ ದಾಳಿ ಆಗಿದೆ ಅನ್ನೋದನ್ನು ಮುಂದೆ ಓದಿ
-----------------------------------------------------
ಜಗತ್ತಿನಾದ್ಯಂತ ಹಿಂದೂ ದೇವಾಲಯಗಳು ವಿಸ್ತಾರಗೊಳ್ಳುತ್ತಲೇ ಇವೆ. ಆದ್ರೆ ಆಧುನಿಕ ಜಗತ್ತಿನಲ್ಲೂ ಘಜ್ನಿ ಮನಸ್ಥಿತಿಯ ಮಂದಿ, ದೇಗುಲಗಳ ಮೇಲೆ ದಾಳಿ ನಡೆಸ್ತಾನೇ ಇದ್ದಾರೆ. ವಿದೇಶಗಳಲ್ಲಿ ಹಿಂದೂ ದೇಗುಲಗಳ ಮೇಲೆ ನಡೀತಿರೋ ಆ ವಿಧ್ವಂಸಕ ಕೃತ್ಯಗಳ ಡೀಟೇಲ್ಸ್ ಇಲ್ಲಿದೆ ನೋಡಿ..

ಅಮೆರಿಕ ಒಂದ್ರಲ್ಲೇ ಒಂದೇ ತಿಂಗಳಲ್ಲಿ ಎರಡು ಹಿಂದೂ ದೇವಾಲಯಗಳ ಮೇಲೆ ದಾಳಿ ನಡೆಸಿ, ಹಿಂದೂಗಳಿಗೆ ಬೆದರಿಕೆ ಹಾಕಿದ್ದಾರೆ. ಆದ್ರೆ ಇದು ಕೇವಲ ಅಮೆರಿಕದಲ್ಲಿ ಮಾತ್ರ ಅಲ್ಲ.. ಜಗತ್ತಿನಾದ್ಯಂತ ಇರೋ ಹಿಂದೂ ದೇವಾಲಯಗಳ ಪರಿಸ್ತಿತಿ ಇದೆ.

----------------------
2013 ರಲ್ಲಿ ಕೆನಡಾದ ದೇಗುಲದ ಮೇಲೆ ದಾಳಿ
ಕಿಡಿಗೇಡಿಗಳಿಂದ ಲಕ್ಷ್ಮಿ ನಾರಾಯಣ ದೇಗುಲ ಧ್ವಂಸ
------------------------


ಇದು ಕೆನಡಾದ ಬ್ರಿಟೀಶ್​ ಕೊಲಂಬಿಯಾದಲ್ಲಿರೋ ಲಕ್ಷ್ಮೀ ನಾರಾಯಣ ದೇವಸ್ಥಾನ.. ಕೆನಡಾದಲ್ಲಿರೋ ಹಿಂದೂಗಳಿಗೆ ಈ ದೇವಸ್ಥಾನವೇ ಹಿಮಾಲಯದ ಕಾಶಿ ಇದ್ದಂಗೆ ಕಣ್ರಿ. ಯಾವುದೇ ಹಬ್ಬ ಹರಿದಿನ ಬಂದ್ರೂ, ಎಲ್ಲಾ ಇಲ್ಲೇ ಸೇರ್ಕೊಂಡು ಆಚರಣೆ ಮಾಡ್ತಾರೆ. ಆದ್ರೆ ಈ ದೇವಸ್ಥಾನದ ಮೇಲೂ ದಾಳಿ ಮಾಡಿದ್ಧಾರೆ ವಿಧ್ವಂಸಕರು..

ಇದು 2013, ಜೂನ್​ 23 ನೇ ತಾರೀಕು ಮಧ್ಯರಾತ್ರಿಯಲ್ಲಿ, ನಡೆದ ವಿಧ್ವಂಸಕ ಕೃತ್ಯ.. ಬೇಸ್​ ಬಾಲ್ ಬ್ಯಾಟ್​ಗಳಿಂದ ದೇವಸ್ಥಾನದ ಕಿಟಕಿ ಗಾಜುಗಳನ್ನು ಧ್ವಂಸಗೊಳಿಸಿದ್ರು ಆಗಂತುಕರು. ಘಟನೆ ವೇಳೆ ಬ್ಯಾಟ್​ನ ಒಂದು ತುಣುಕು ಅಲ್ಲಿ ಬಿದ್ದಿತ್ತು.. ಅದು ದೇವಾಲಯದ ಮೇಲೆ ದಾಳಿ ಮಾಡಿದವರು ಯಾರು ಅನ್ನೋ ಸಾಕ್ಷಿ ಹೇಳಿತ್ತು..
----------------------
2013 ರಲ್ಲಿ ಲಂಡನ್​​ನ ಆದಿಶಕ್ತಿ ದೇವಸ್ಥಾನ ಧ್ವಂಸ
ಸಿಸಿಟಿವಿಯಲ್ಲಿ ಸರೆಯಾಯ್ತು ಆಗಂತುಕನ ಕಳ್ಳಾಟ..!
------------------------

ಇಲ್ನೋಡಿ.. ಇದು ಮಹಾಶಕ್ತಿ ಸ್ವರೂಪಿಣಿಯಾದ ಆಸಿಶಕ್ತಿಯ ದೇವಸ್ಥಾನ.. ಹೀಂದೂ ಮಹಾಮಾತೆಯನ್ನು ಲಂಡನ್​ನಲ್ಲಿ ಪ್ರತಿಷ್ಠಾಪಿಸಿದ ಭಕ್ತರು, ಕಷ್ಟ ಅಂದಾಗೆಲ್ಲಾ ಮಾತೆಯ ಪಾದಕ್ಕೆ ಬಿದ್ದು ಆಶೀರ್ವಾದ ಪಡೀತಿದ್ರು.. ದೇಹಿ ಎಂದು ಬಂದವರಿಗೆ ದಯ ತೋರೋ ದೇವಿಯ ಮೇಲೆ ಆವತ್ತೊಂದಿನ ಆಗಂತುಕ ಎಂಟ್ರಿ ಕೊಟ್ಟಿದ್ದ..

ನೋಡಿ.. ಚೆನ್ನಾಗಿ ನೋಡಿ.. ಕೈನಲ್ಲಿ ಒಂದಷ್ಟು ಸ್ಫೋಟಕಗಳನ್ನು​ ಹಿಡ್ಕೊಂಡು ಕಳ್ ಹೆಜ್ಜೆ ಇಟ್ಕೊಂಡು ಬರ್ತಾ ಇದ್ದಾನಲ್ಲಾ.. ಇವ್ನೇ ಆಗಂತುಕ.. ರಾತ್ರೋ ರಾತ್ರಿ ದೇವಸ್ಥಾನಕ್ಕೆ ನುಗ್ಗಿದ ಕಿಡಿಗೇಡಿ ವ್ಯಕ್ತಿ, ತಾನು ತಂದಿದ್ದ ಸ್ಫೋಟಕಗಳನ್ನು ದೇಗುಲದ ಒಳಗಿಡ್ತಾನೆ.. ಆಮೇಲೆ ಮತ್ತೆ ಹೊರಗೆ ಹೋಗಿ, ಒಂದು ಕ್ಯಾನ್​ನಲ್ಲಿ ಪೆಟ್ರೋಲ್​ ತರ್ತಾನೆ.. ಆ ಪೆಟ್ರೋಲನ್ನು ದೇವಸ್ಥಾನದ ಒಳಗೆ ಮತ್ತು ಸ್ಫೋಟಕ ವಸ್ತುಗಳ ಮೇಲೆ ಸುರಿದು, ಬೆಂಕಿ ಹಚ್ಚಿ ಬಿಡ್ತಾನೆ.. ದೇವಸ್ಥಾನದಲ್ಲಿ ಆಗಂತುಕ ಏನೆಲ್ಲಾ ಮಾಡ್ತಾ ಇದ್ನೋ, ಅವೆಲ್ಲವೂ ದೇವಸ್ಥಾನದ ಸಿಸಿಟಿವಿಯಲ್ಲಿ ರೆಕಾರ್ಡ್ ಆಗ್ತಾ ಇದ್ವು.
2013 ರಲ್ಲಿ ನಡೆದ ಈ ಘಟನೆ, ಲಂಡನ್​ನಲ್ಲಿ ನೆಲೆಸಿರೋ ಹಿಂದೂಗಳಲ್ಲಿ ಆತಂಕ ಸೃಷ್ಟಿಸಿತ್ತು. ಆದ್ರೆ, ಯಾವುದಕ್ಕೂ ಜಗ್ಗದ ಆದಿಶಕ್ತಿಯ ಮಕ್ಕಳು, ಮತ್ತೆ ದೇವಸ್ಥಾನದ ಜೀರ್ಣೋದ್ಧಾರ ಮಾಡಿದ್ದಾರೆ. ಆದ್ರೂ ಮತ್ತೆ ಈ ದೇವಸ್ಥಾನದ ಮೇಲೆ ಅಟ್ಯಾಕ್ ಆಗಬಹುದೇನೋ ಅನ್ನೋ ಆತಂಕದಲ್ಲೇ ದೇವಿಗೆ ಪ್ರತಿನಿತ್ಯ ಪೂಜೆ ನಡೀತಿದೆ.
-----------
ಡಿ.​​ 2011 ರಲ್ಲಿ ಕೃಷ್ಣನ ದೇವಾಲಯದ ಮೇಲೆ ದಾಳಿ
ಡೆನ್ಮಾರ್ಕ್​ನ ಕೂಪನ್​ಹೇಗನ್​ನಲ್ಲಿ ಘಟನೆ
--------------------

ಇನ್ನು ಇಡೀ ಜಗತ್ತನ್ನೇ ಬೆರಳ ತುದಿಯಲ್ಲಿ ಕುಣಿಸಿದ ಶ್ರೀ ಕೃಷ್ಣನನ್ನೂ ವಿಧ್ವಂಸಕರು ಸುಮ್ಮನೇ ಬಿಟ್ಟಿಲ್ಲ.. 2011 ರ ಡಿಸೆಂಬರ್​ನಲ್ಲಿ ಡೆನ್ಮಾರ್ಕ್​ನ ಕೂಪನ್​​ಹೇಗನ್​​ನಲ್ಲಿರೋ ಹರೇ ಕೃಷ್ಣ ದೇವಸ್ಥಾನದ ಮೇಲೆ ಹಾಡ ಹಗಲಲ್ಲೇ ದಾಳಿ ನಡೆದಿತ್ತು..
ಆವತ್ತು ಸಂಜೆ ಟೈಮಲ್ಲಿ, ಎಲ್ಲಾ ಕೃಷ್ಣನ ಭಕ್ತರು ಕೃಷ್ಣನ ಜಪದಲ್ಲಿ ಮಗ್ನರಾಗಿದ್ರು.. ಹರೇ ಕೃಷ್ಣ ಹರೇ ರಾಮ ಅಂತ, ಕೃಷ್ಣನ ನಾಮಸ್ಮರಣೆ ಮಾಡ್ತಿದ್ರು.. ಅದೇ ಟೈಮಲ್ಲಿ, ಹೊರಗಡೆಇಂದ ಕಲ್ಲುಗಳು ನುಗ್ಗಿ ಬಂದವು.. ಕಿಟಕಿ ಗಾಜುಗಳನ್ನು ತೂರಿಕೊಂಡು ಬಂದ ಕಲ್ಲುಗಳು, ಕೃಷ್ಣನ ಭಕ್ತರನ್ನು ಬೆಚ್ಚಿ ಬೀಳಿಸಿತ್ತು..!
----------------
ಮಾರ್ಚ್​ 2011 ರಲ್ಲಿ ಆಸ್ಟ್ರೇಲಿಯಾದಲ್ಲಿ ದಾಳಿ
ಐತಿಹಾಸಿಕ ಹಿಂದೂ ದೇವಾಲಯ ಧ್ವಂಸ..!
--------------
ಇದು ಆಸ್ಟ್ರೇಲಿಯಾದ ನೆಲದಲ್ಲಿರೋ ಶ್ರೀ ಕೃಷ್ಣನ ಐತಿಹಾಸಿಕ ಮಂದಿರ.. ಅಬರ್ನ್​ ಪ್ರದೇಶದಲ್ಲಿರೋ ಈ ಮಂದಿರದ ಮೇಲೂ ಕಿಡಿಗೇಡಿಗಳು ಗುಂಡಿನ ದಾಳಿ ನಡೆಸಿದ್ದಾರೆ. ಮಾಚ್​​ 11, 2011 ರಲ್ಲಿ ಮುಸುಕು ಧಾರಿ ಗನ್​ ಮ್ಯಾನ್​ ಒಬ್ಬ, ಶ್ರೀ ಕೃಷ್ಣನ ಸನ್ನಿಧಾನಕ್ಕೆ ಗುಂಡಿಟ್ಟಿದ್ದ.. ಆ ಆಗಂತುಕ ಹಾರಿಸಿದ ಗುಂಡಿನ ರಭಸಕ್ಕೆ ಸಾಕ್ಷಿಯಾಗಿ ನಿಂತಿದ್ದವು, ದೇವಾಲಯದ ಈ ಗೋಡೆಗಳು..

ಈ ಶ್ರೀ ಮಂದಿರ ಉಗ್ರರ ಹಿಟ್​ ಲಿಸ್ಟ್​ನಲ್ಲಿ ಟಾಪ್​ ಸ್ಥಾನದಲ್ಲಿದೆ ಕಣ್ರಿ.. ಅದಿಕ್ಕೆ 2000 ರಲ್ಲಿ, 2004 ರಲ್ಲಿ ಮತ್ತು 2011 ರಲ್ಲಿ.. ಹೀಗೆ ಹಲವು ಬಾರಿ ಈ ದೇಗುಲದ ಮೇಲೆ ದಾಳಿಯಾಗಿವೆ.ಹೀಗೆ ಸಾಲು ಸಾಲು ದಾಳಿಗಳು, ಹಿಂದೂ ದೇವರ ಮೇಲಿನ ಕಿಡಿಗೇಡಿಗಳ ದಾಳಿಗೆ ಸಾಕ್ಷಿಯಾಗಿ ನಿಂತಿವೆ. ಇಷ್ಟಿದ್ರೂ, ಆಗಂತುಕರಿಗೆ ಹೆದರದೇ, ಹಿಂದೂ ದೇವರನ್ನು ಪ್ರತಿಷ್ಠಾಪಿಸಿ ಪೂಜಿಸ್ತಿದ್ದಾರೆ ಸಾವಿರಾರು ಭಕ್ತರು..

ಕಟ್ಟಾ ವಿರೋಧಿ ಪಾಕಿಸ್ತಾನದಲ್ಲೂ ಹಿಂದೂ ದೇವಾಲಯಗಳಿವೆ. ಅಲ್ಲಿ ನಡೆಯೋ ದೇವಾಲಯಗಳ ದಾಳಿ ಮಾತ್ರ ನಿಜಕ್ಕೂ ಬೆಚ್ಚಿ ಬೀಳಿಸುವಂಥದ್ದು. ಆ ರೋಚಕ ದಾಳಿಯ ಬಗ್ಗೆ ಮುಂದೆ ಓದಿ
-------------------------------------------------------------
ಪಾಕಿಸ್ತಾನ ಭಾರತದ ಕಟ್ಟಾ ವಿರೋಧಿ.. ಅಂಥ ಜಾಗದಲ್ಲಿ ಹಿಂದೂ ದೇವಾಲಯ ಕಟ್ಬೇಕು ಅಂದ್ರೆ, ನಿಜಕ್ಕೂ ಡಬಲ್ ಗುಂಡಿಗೆ ಇರಬೇಕು.. ಯಾಕಂದ್ರೆ, ಅಲ್ಲಿ ಯಾವಾಗ ಏನಾಗುತ್ತೆ ಅನ್ನೋದು ಯಾರಿಗೂ ಗೊತ್ತೇ ಆಗಲ್ಲ.. ಸ್ವಲ್ಪ ಯಾಮಾರಿದ್ರೂ, ಇಡೀ ಪ್ರದೇಶವೇ ಹೊತ್ತಿ ಉರಿದು ಬಿಡುತ್ತೆ..

ಭಾರತದ ಕಟ್ಟಾ ವಿರೋಧಿ ಪಾಕಿಸ್ತಾನದ ನೆಲದಲ್ಲೂ ಸಾಕಷ್ಟು ಹಿಂದೂ ದೇವಾಲಯಗಳಿವೆ. ಇಸ್ಲಾಂ ನಾಡಿನಲ್ಲಿ ಹಿಂದೂ ಧರ್ಮದ ಹೆಜ್ಜೆಗುರುತಗಳಿವೆ.. ಆದ್ರೆ ಇಲ್ಲೇನಾದ್ರೂ ದೇಗುಲಗಳ ಮೇಲೆ ದಾಳಿಗಳು ನಡೆದ್ರೆ, ಅದು ಅತ್ಯಂತ ಭೀಕರ ಮತ್ತು ಭಯಾನಕವಾಗಿರುತ್ತೆ ಕಣ್ರಿ..

ಪಾಕ್​ ನೆಲದಲ್ಲೂ ಹಿಂದೂ ದೇಗುಲಗಳ ಮೇಲೆ ದಾಳಿ
ಅಟ್ಯಾಕ್​​ ನಡೆದಾಗ ಹೊತ್ತಿ ಉರಿಯುತ್ತೆ ಇಡೀ ಊರು!



ಯಸ್​.. ಇದು ಪಾಕಿಸ್ತಾನದ ಘೋರ ದೇಗುಲ ದಾಳಿಗೆ ಸಾಕ್ಷಿ ಕಣ್ರಿ.. ಹಿಂದೂಗಳ ಮೇಲೆ ಸಿಟ್ಟಿಗೆದ್ದ ಕಲ ಪಾಕಿಸ್ತಾನಿ ಗುಂಪುಗಳು, ಹಿಂದೂ ದೇವಾಲಯಕ್ಕೇ ಬೆಂಕಿ ಇಟ್ಟಿರೋ ದೃಶ್ಯ ಇದು.. ಮಾರ್ಚ್​ 16, 2014 ರಲ್ಲಿ ನಡೆದಿರೋ ಈ ದೃಶ್ಯ ಪಾಕ್​ ನೆಲದಲ್ಲಿ ಬದುಕ್ತಾ ಇರೋ ಹಿಂದೂ ಧರ್ಮೀಯರ ಎದೆಯಲ್ಲಿ ಇಂದಿಗೂ ನಡುಕ ಹುಟ್ಟಿಸ್ತಿದೆ. ಇನ್ನು ಹಿಂದೂ ದೇವಾಲಯಗಳನ್ನು ಟಾರ್ಗೆಟ್ ಮಾಡಿದ ಕೆಲ ಗುಂಪುಗಳು, ದೇವಾಲಯ ಕೆಡವೋ ಪ್ರಯತ್ನ ಮಾಡಿದ್ದೂ ಇದೆ.. ಹಿಂದೂ ಧರ್ಮೀಯರ ಪವಿತ್ರ ಗ್ರಂಥ ಭಗವದ್ಗೀತೆಯನ್ನೂ ಸುಟ್ಟು ಹಾಕಿದ್ದಾರೆ ಕೆಲ ಕಿಡಿಗೇಡಿಗಳು..

ಒಂದಲ್ಲ ಎರಡಲ್ಲಾ.. ಪಾಕ್​ನಲ್ಲಿ ಬದುಕ್ತಾ ಇರೋ ಹಿಂದೂ ಧರ್ಮೀಯರಿಗೆ ಇದೊಂಥರ ನರಕವೇ ಆಗ್ಬಿಟ್ಟಿದೆ . ಇದೆಲ್ಲದಕ್ಕಿಂತ ಘನ ಘೋರವಾದ ದೇಗುಲ ದಾಳಿ ನಡೆದಿದ್ದು ಬಾಂಗ್ಲಾದೇಶದಲ್ಲಿ..

2013 ರಲ್ಲಿ ಬಾಂಗ್ಲಾದ ಹಿಂದೂ ದೇವಾಲಯಗಳ ಮೇಲೆ ದಾಳಿ ನಡೆಸಿದ ಆಗಂತುಕರ ತಂಡ, ಇಲ್ಲಿನ 76 ಹಿಂದೂ ಕುಟುಂಬದ ಮೇಲೂ ಅಟ್ಯಾಕ್​ ಮಾಡಿದ್ರು.. ಇದ್ರಲ್ಲಿ ಇಬ್ಬರು ಅಮಾಯಕರು ಬಲಿಯಾಗಿದ್ರು..

ಈ ವೇಳೆ 5 ಹಿಂದೂ ದೇವಾಲಯಗಳನ್ನು ಧ್ವಂಸಗೊಳಿಸ ಮಾಡಿದ್ರು ಕಿಡಿಗೇಡಿಗಳು.. ಬಾಂಗ್ಲಾದಲ್ಲಿ ನಡೆದ ಈ ಡೆಡ್ಲಿಯೆಸ್ಟ್ ಅಟ್ಯಾಕ್​​ ಇಂದಿಗೂ ಮಾಸದ ನೆನಪಾಗಿ, ಇಲ್ಲಿನ ಜನರ ಕಣ್ಣಲ್ಲಿ, ಜೀವಂತ ವ್ಯಥೆಯಾಗಿ ಉಳಿದುಬಿಟ್ಟಿದೆ.

ಘಜ್ನಿ ಕಾಲದಿಂದಲೂ ಹಿಂದೂ ದೇವಾಲಯಗಳ ಮೇಲೆ ದಾಳಿ ನಡೀತಿದೆ. ಆದ್ರೆ, ದೇವಾಕಯಗಳ ನಿರ್ಮಾಣ ಮಾತ್ರ ನಿಲ್ತಿಲ್ಲ.. ದಾಳಿ ನಂತರ, ಮತ್ತೊಮ್ಮೆ ಅದ್ಭುತ ಶಕ್ತಿ ಕೇಂದ್ರವಾಗಿ ದೇಗುಲಗಳು ಎದ್ದು ನಿಲ್ತಿವೆ. ಇದು ನಿಜಕ್ಕೂ ಗ್ರೇಟ್ ಅಲ್ವಾ?

ಈಗಲೂ ಲವ್ ಮಾಡ್ತಿದ್ದಾರೆ ರೇಖಾ-ಅಮಿತಾಬ್​?

ಆತ ಬಾಲಿವುಡ್​ನ ಌಂಗ್ರಿ ಮ್ಯಾನ್.. ಆಕೆ ಹಿಂದಿ ಚಿತ್ರರಂಗದ ಚಿರಯೌವನೆ.. ಅಮಿತಾಭ್​ ಹಾಗೂ ರೇಖಾ ಲವ್​ಸ್ಟೋರಿ ಬಾಲಿವುಡ್​ನ ಮೋಸ್ಟ್ ರೊಮ್ಯಾಂಟಿಕ್​ ಜೋಡಿ.. ಇವತ್ತಿಗೂ ಅಮಿತಾಬ್ ಸಿಕ್ಕೇ ಸಿಗ್ತಾರೆ ಅನ್ನೋ ಆಶಾವಅದದಲ್ಲಿ ಬದುಕು ದೂಡ್ತಿದ್ದಾರೆ. ರೇಖಾ ತನ್ನ ಹಣೆಗೆ ಈಗ್ಲೂ ಕುಂಕುಮ ಇಡೋದು, ಅಮಿತಾಬ್​ಗಾಗಿನೇ ಅಂತೆ..!

ಅಮಿತಾಭ್​-ರೇಖಾ.. ಒಂದು ಕಾಲಕ್ಕೆ ಹಿಂದಿ ಬೆಳ್ಳಿತೆರೆಯನ್ನಾಳಿದ, ಮೋಸ್ಟ್​ ರೊಮ್ಯಾಂಟಿಕ್​ ಜೋಡಿ ಕಣ್ರಿ.. ಅದಕ್ಕಿಂತ ಹೆಚ್ಚಾಗಿ ಈ ಜೋಡಿ ಸುದ್ದಿ ಮಾಡಿದ್ದು, ರಿಯಲ್​ ಲೈಫ್​ ಅಫೇರ್​ನಿಂದ.. ಮೂರು ದಶಕಗಳ ನಂತರವೂ, ಈ ಕುರಿತ ಚರ್ಚೆಗಳು ನಡೀತಾನೆ ಇವೆ.. ಬಾಲಿವುಡ್​ನ ಮೋಸ್ಟ್​ ಸೆನ್ಸೇಷನಲ್​ ಲವ್​ಸ್ಟೋರಿ ಅಂತಲೇ ಕರೆಸಿಕೊಳ್ಳೋ, ಅಮಿತಾಭ್​ ರೇಖಾ ಪ್ರೇಮ್​ಕಹಾನಿ, ಬಾಲಿವುಡ್​ನಲ್ಲಿ ಮತ್ತೆ ಮತ್ತೆ ಸದ್ದು ಮಾಡ್ತಾನೇ ಇರುತ್ತೆ.. ಅಮಿತಾಬ್​ರನ್ನು ಈಗ್ಲೂ ಕೂಡ ಹುಚ್ಚಿಯಂತೆ ಪ್ರೀತಿಸ್ತಿದ್ದಾರಂತೆ ಕಣ್ರಿ ಈ ರೇಖಾ.. ತನ್ನ ಬದುಕಿನ ಕೊನೆ ಕ್ಷಣದಲ್ಲಾದ್ರೂ, ಅಮಿತಾಬ್ ಸಿಗ್ತಾರೆ ಅನ್ನೋ ಆಶಾವಾದದಲ್ಲೇ ನಟಿ ರೇಖಾ ಬದುಕ್ತಾ ಇದ್ದಾರಂತೆ..

ನಟಿ ರೇಖಾ ಈಗ್ಲೂ ತನ್ನ ಹಣೆಗೆ ಕುಂಕುಮ ಇಡೋದು ತನ್ನ ಮನದರಸ ಅಮಿತಾಬ್​​ ಬಚ್ಚನ್​ಗಾಗಿಯಂತೆ..! ಹೀಗಂತ ಹೇಳಿದ್ದು ಬೇರೆ ಯಾರೂ ಅಲ್ಲ, ನಟಿ ರೇಖಾರ ಗೆಳತಿ ದೀಪಾಲಿ ಇಸ್ಸಾರ್​..

ಹೌದು.. ರೇಖಾ ಈಗಲೂ ಅಮಿತಾಬ್​ಗಾಗಿ ಶಬರಿಯಂತೆ ಕಾಯ್ತಾ ಇದ್ದಾರೆ. ಅವ್ರು ಈಗ್ಲೂ ಹಣೆಗೆ ಕುಂಕುಮ ಇಡೋದು ಅಮಿತಾಬ್​ಗಾಗಿನೇ ಅಂತ, ಖಾಸಗೀ ಮ್ಯಾಗಜಿನ್​ಗೆ ನೀಡಿದ ಸಂದರ್ಶನದಲ್ಲಿ, ಹೇಳಿದ್ದಾರೆ ದೀಪಾಲಿ ಇಸ್ಸಾರ್​..

ರೇಖಾ ಬದುಕಿನಲ್ಲಿ ಹಲವಾರು ಗಂಡಸರು ಬಂದು ಹೋದ್ರು.. ಸಪ್ತಪದಿ ತುಳಿದು ಆಕೆಯ ಹಣೆಗೆ ಕುಂಕುಮವಿಟ್ಟ ಮುಖೇಶ್​ ಅಗರ್​ವಾಲ್​ ಕೂಡ, ರೇಖಾ ಜೊತೆ ತುಂಬಾದಿನ ಉಳೀಲಿಲ್ಲ.. ಆದ್ರೆ ಅಮಿತಾಭ್​ ಮಾತ್ರ, ಅದ್ಯಾಕೆ ಆ ಪರಿ ಆಕೆಯನ್ನ ಕಾಡಿದ್ನೋ ಗೊತ್ತಿಲ್ಲ.. ರೇಖಾ ಆತನನ್ನ ಹುಚ್ಚನಂತೆ ಪ್ರೀತಿಸಿದ್ಲು.. ಆತನಿಗಾಗಿ ಹಂಬಲಿಸಿದ್ಲು.. ಅಷ್ಟೇ ಅಲ್ಲ ಇವತ್ತಿಗೂ ಅಮಿತಾಭ್​, ಆಕೆಯ ಹೃದಯ ಸಿಂಹಾಸನದ ರಾಜ.. ಆತನ ಪ್ರೀತಿಗಾಗಿ ಈಗ್ಲೂ ಕಾಯ್ತಾ ಇರೋ ಶಬರಿ ಈಕೆ..

ರೇಖಾ ಮತ್ತು ಬಿಗ್​ಬಿ ನಡುವಿನ ಪ್ರೇಮ್ ಕಹಾನಿಗೆ ಬರೋಬ್ಬರಿ 35 ವರ್ಷಗಳ ದೊಡ್ಡ ಇತಿಹಾಸವೇ ಇದೆ. ಅಮಿತಾಭ್​ ಹಾಗೂ ರೇಖಾ ಒಟ್ಟಿಗೆ ಕಾಣಿಸಿಕೊಂಡಿದ್ದು 1976ರಲ್ಲಿ ತೆರೆಕಂಡ ‘ದೋ ಅಂಜಾನ್​’ ಸಿನಿಮಾದಲ್ಲಿ.. ಈ ಮೊದಲು ಅನೇಕ ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ರೂ, ರೇಖಾಗೆ ಯಶಸ್ಸು ಅನ್ನೋದು ಮರೀಚಿಕೆಯಾಗಿ ಉಳಿದಿತ್ತು. ಆದ್ರೆ ದೋ ಅಂಜಾನೆ ಅಮಿತಾಬ್​ ಮತ್ತು ರೇಖಾಗೆ ದೊಡ್ಡ ಬ್ರೇಕ್ ನೀಡಿತ್ತು. ಇದಾದ ನಂತರ ಜಂಜೀರ್​ ಹಾಗೂ ದೀವಾರ್​ ಸಿನಿಮಾಗಳ ಯಶಸ್ಸು, ಅಮಿತಾಭ್​ರನ್ನ ಌಂಗ್ರಿ ಯಂಗ್​ ಮ್ಯಾನ್​ ಪಟ್ಟಕ್ಕೇರಿಸಿತ್ತು..

ಇದೇ ಟೈಮಲ್ಲೇ ನೋಡಿ, ರೇಖಾಗೆ ಅಮಿತಾಬ್​ ಮೇಲೆ ಮೊಹಬ್ಬತ್ ಶುರುವಾಗಿದ್ದು.. ಆದ್ರೆ ರೇಖಾಗೆ ಅಮಿತಾಬ್​ ಮೇಲೆ ಇಶ್ಕ್​​ ಶುರುವಾದಾಗ, ಅಮಿತಾಭ್​ ಮತ್ತು ಜಯ ಬಾಧುರಿಯ ಮದುವೆಯಾಗಿ ಮೂರು ವರ್ಷವಾಗಿತ್ತು..

ಅಮಿತಾಬ್ ಬಚ್ಚನ್ನೇ ನನ್ನ ಸಿಂಧೂರ ಅಂತ ಅನ್ಕೊಂಡಿದ್ದ ನಟಿ ರೇಖಾ ಹಣೆಗೆ, ಸಿಂಧೂರ ಇಟ್ಟದ್ದು ಮತ್ತೊಬ್ಬ ವ್ಯಕ್ತಿ.. ಆದ್ರೆ, ಆ ಸಿಂಧೂರ ಒಂದು ವರ್ಷ ಕೂಡ ಉಳೀಲಿಲ್ಲ.. ಯಾಕಂದ್ರೆ, ನಟಿ ರೇಖಾ ಬದುಕಲ್ಲಿ ದೊಡ್ಡ ಸುನಾಮಿನೇ ಎದ್ದು ಬಿಟ್ಟಿತ್ತು.. ಆ ರೋಚಕ ಕಥೆ ಮುಂದಿದೆ ಓದಿ
----------------------------------------------------------
ರೇಖಾ ಹುಚ್ಚಿಯಂತೆ ಪ್ರೀತಿಸ್ತಿದ್ಳು ನಿಜ.. ಆದ್ರೆ ಅಮಿತಾಭ್​ ಆಕೆಯ ಪ್ರೀತಿಯನ್ನ ಇವತ್ತಿಗೂ ಬಹಿರಂಗವಾಗಿ ಒಪ್ಪಿಕೊಳ್ಳೋ ಪ್ರಯತ್ನಾನೇ ಮಾಡ್ಲಿಲ್ಲ.. ಆದ್ರೆ ರೇಖಾ ಮಾತ್ರ, ಅಮಿತಾಭ್​ ಮೇಲಿದ್ದ ತನ್ನ ಪ್ರೀತಿಯನ್ನ ಆಗಾಗ ಬಹಿರಂಗಪಡಿಸಿದ್ಧಾರೆ. ಇವತ್ತಿಗೂ ಆತನಿಗಾಗಿನೇ ಕಾಯ್ತಿದ್ದಾಳೆ..

ರೇಖಾ ಮತ್ತು ಅಮಿತಾಭ್​​​ ಲವ್ ಸ್ಟೋರಿಗೆ ಮುನ್ನುಡಿಯಾಗಿದ್ದು 1976ರಲ್ಲಿ ತೆರೆಗೆ ಬಂದ ದೋ ಅಂಜಾನೆ ಸಿನಿಮಾ ಕಣ್ರಿ.. ಇದಾದ ನಂತರ ಗಂಗಾ ಕಿ ಸೌಗಂದ್​, ಮುಕದ್ಧರ್​ ಕಾ ಸಿಖಂದರ್, ಮಿಸ್ಟರ್​ ನಟ್ವರ್​ಲಾಲ್​, ಹೀಗೆ ಸಾಲು ಸಾಲು ಸಿನಿಮಾಗಳು ಬಂದ್ವು.. ಐದು ವರ್ಷಗಳಲ್ಲಿ ಅಮಿತಾಭ್​ ಹಾಗೂ ರೇಖಾ ಜೋಡಿ, ಬರೋಬ್ಬರಿ ಹತ್ತು ಸಿನಿಮಾಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡ್ರು.. ಒಂದ್ ಲೆಕ್ಕದಲ್ಲಿ ಬಾಲಿವುಡ್​ ಮೋಸ್ಟ್​ ರೊಮ್ಯಾಂಟಿಕ್​ ಜೋಡಿ ಅನ್ನಿಸಿಕೊಂಡಿತ್ತು ಈ ಜೋಡಿ..

ಇವರಿಬ್ಬರ ನಡುವಿನ ರೀಲ್ ಲೈಫ್​ ಕೆಮಿಸ್ಟ್ರಿ, ರಿಯಲ್​ ಲೈಫ್​ನಲ್ಲೂ ಮುಂದುವರಿದಿತ್ತು. ಇದು ಜಯಾ ಬಚ್ಚನ್​ರ ಕಣ್ಣನ್ನು ಕೆಂಪಗಾಗಿಸಿತ್ತು. ಈ ಗಾಸಿಪ್​ಗಳಿಂದ ಅಮಿತಾಭ್​ ಮನೆಯಲ್ಲಿ ದೊಡ್ಡ ರಾದ್ದಾಂತವೇ ನಡೆದುಹೋಯ್ತು ಅನ್ನೋದು, ಒಂದು ಮೂಲದ ಮಾಹಿತಿ.. ಈ ಸುದ್ದಿಗೆ ಪುಷ್ಟಿ ನೀಡಿದ್ದು, ರಿಷಿಕಪೂರ್​ ಹಾಗೂ ನೀತು ಸಿಂಗ್​ ಮದುವೆ..

ಹೌದು.. 1979ರಲ್ಲಿ ನಡೆದ ರಿಷಿಕಪೂರ್​ ಹಾಗೂ ನೀತು ಸಿಂಗ್​ ಮದುವೆಯಲ್ಲಿ, ಇಡೀ ಹಿಂದಿ ಚಿತ್ರೋದ್ಯಮವೇ ನೆರೆದಿತ್ತು. ಆದ್ರೆ ಅಲ್ಲಿ ಎಲ್ಲರ ಕಣ್ಣು ಬಿದ್ದದ್ದು ನಟಿ ರೇಖಾ ಹಣೆ ಮೇಲೆ.. ಆವತ್ತು ರೇಖಾ ತನ್ನ ಹಣೆಯ ಮೇಲೆ ಇಟ್ಟಿದ್ದ ಸಿಂಧೂರ ಎಲ್ಲರಲ್ಲೂ ಅಚ್ಚರಿ ಮೂಡಿಸಿತ್ತು..

ಮದುವೆಯಾಗಿರೋ ಹೆಣ್ಣಿನಂತೆ ಸಿಂಧೂರ ಇಟ್ಕೊಂಡು, ಮದುವೆಗೆ ಹೋಗಿದ್ಲು ರೇಖಾ.. ಇದರಿಂದ ರೇಖಾ ಹಾಗೂ ಅಮಿತಾಭ್​ ಮದುವೆಯಾಗಿದ್ದಾರೆ ಅಂತ ಪತ್ರಿಕೆಗಳಲ್ಲಿ ಸುದ್ದಿಯಾಯ್ತು.. ಈ ಬಗ್ಗೆ ಅಮಿತಾಭ್​ ಮಾತ್ರ ಎಲ್ಲಿಯೂ ಬಾಯಿ ಬಿಡ್ಲಿಲ್ಲ.. ಆದ್ರೆ ರೇಖಾ ಅಮಿತಾಭ್​ರನ್ನ ಹುಚ್ಚಿಯಂತೆ ಪ್ರೀತಿಸಿದ್ಲು ಅನ್ನೋದಕ್ಕೆ, ಆಕೆಯ ನಡವಳಿಕೆಯೇ ಸಾಕ್ಷಿ.. ನಾನು ಅಮಿತಾಭ್​ನನ್ನ ಪ್ರೀತಿಸ್ತಿದ್ದೀನಿ ಅನ್ನೋದು ಜಗತ್ತಿಗೆ ಗೊತ್ತಾಗ್ಲಿ ಅಂತಲೇ, ಮ್ಯಾಗಜೀನ್​ಗಳಲ್ಲಿ ಹುಚ್ಚುಚ್ಚಾಗಿ ಸಂದರ್ಶನಗಳನ್ನ ನೀಡ್ತಿದ್ಲು..

1984ರಲ್ಲಿ ರೇಖಾ ಸಂದರ್ಶನ ಪ್ರಕಟಿಸಿದ್ದ ಸ್ಟಾರ್ಡಸ್ಟ್ ಮ್ಯಾಗಜಿನ್​, ರೇಖಾ ತಾಯಿಯಾಗ್ತಿದ್ದಾಳೆ ಎಂಬ ಹೆಡ್​ಲೈನ್​ ಒಂದನ್ನ ಹಾಕಿತ್ತು.. ಇದು ರೇಖಾ ಮತ್ತು ಅಮಿತಾಭ್​ ಗುಟ್ಟಾಗಿ ಮದುವೆಯಾಗಿರಬಹುದಾ ಅನ್ನೋ ಅನುಮಾನಗಳನ್ನು ಹುಟ್ಟು ಹಾಕಿತ್ತು. ಇನ್ನು ಅದೇ ವರ್ಷ ಫಿಲ್ಮ್​ಫೇರ್​ ಮ್ಯಾಗಜೀನ್​ಗೆ ನೀಡಿದ್ದ ಇಂಟರ್​ವ್ಯೂನಲ್ಲಿ, ರೇಖಾ ತನ್ನ ಪ್ರೇಮ ನಿವೇದನೆಯನ್ನು ಹೇಳಿಕೊಂಡಿದ್ಳು.. ‘ನಾನು ಎಷ್ಟೇ ಆದ್ರೂ ಪತ್ನಿಯಲ್ಲ, ಮತ್ತೊಬ್ಬ ಮಹಿಳೆ ತಾನೆ.. ಇಂಥಾ ಮಾತಿನಿಂದ ತಂದೆ ತಾಯಿಗೆ ನಿಜಕ್ಕೂ ನಾಚಿಕೆಯಾಗುತ್ತೆ.. ಯಾವ ತಂದೆ ತಾಯಿಗೆ ತಾನೆ, ಇದರಿಂದ ಬೇಜಾರಾಗಲ್ಲ ಹೇಳಿ.. ಒಟ್ನಲ್ಲಿ ನನ್ನ ಜೀವನದಲ್ಲಿ ಏನ್​ ಆಗುತ್ತೋ, ಅದು ಆತನ ಕಾರಣದಿಂದಾಗಿ ಅನ್ನೋ ಮೂಲಕ, ತನ್ನ ಅಂತರಾಳದ ಭಗ್ನ ಪ್ರೇಮವನ್ನು ಹೊರ ಹಾಕಿದ್ಳು..

ರೇಖಾ ತನ್ನ ಸಿನಿಮಾಗಳಿಂದ ಸುದ್ದಿಮಾಡಿದ್ದಕ್ಕಿಂತ, ಸಿಲ್ಲಿಸಿಲ್ಲಿ ಗಾಸಿಪ್​ಗಳಿಂದ ಸುದ್ದಿಯಾಗಿದ್ದೇ ಹೆಚ್ಚು.. ಒಮ್ಮೆ ನಟ ಕಿರಣ್​ಕುಮಾರ್​ ಜೊತೆಗಿನ ಅಫೇರ್​ನಿಂದಾಗಿ ಸುದ್ದಿಯಾಗ್ತಿದ್ದ ರೇಖಾ, ಮತ್ತೊಮ್ಮೆ ವಿಶ್ವಜೀತ್​ ಜೊತೆಗಿನ ಕಿಸ್ಸಿಂಗ್​ನಿಂದಾಗಿ ಸುದ್ದಿಯಾಗಿದ್ಲು.. ಇದಾಗಿ ಕೆಲ ಸಮಯದ ನಂತರ, ನಟ ವಿನೋದ್​ ಮೆಹ್ರಾರನ್ನ ಮದುವೆಯಾದ್ರು ಎಂಬ ಸುದ್ದಿ ಕೂಡ, ಕಾಡ್ಗಿಚ್ಚಿನಂತೆ ಹರಡಿತ್ತು.. ನಂತರ ವಿನೋದ್​ ಮೆಹ್ರಾ ಜೊತೆ ವಿಚ್ಚೇಧನ ಪಡೆದ ಬಗ್ಗೆಯೂ ಗಾಸಿಪ್​ಗಳಿದ್ವು.. ಆದ್ರೆ ರೇಖಾ ಬದುಕಲ್ಲಿ, ಇಂದಿಗೂ ಭದ್ರವಾಗಿ ಉಳಿದ ಏಕೈಕ ವ್ಯಕ್ತಿ ಅಂದ್ರೆ, ಅದು ಅಮಿತಾಬ್​ ಬಚ್ಚನ್​ ಮಾತ್ರ..!

ಆದ್ರೆ ರೇಖಾ ಏನೇ ಮಾಡಿದ್ರೂ, ಅಮಿತಾಭ್​ ಮಾತ್ರ ಆಕೆಯ ಪಾಲಿಗೆ ದಕ್ಕಲಿಲ್ಲ... ಹೀಗಿದ್ರೂ, ಆಕೆ ಮನಸ್ಸಿನಲ್ಲಿ ಅಮಿತಾಬ್​ ಬಗೆಗಿನ ಪ್ರೀತಿ ಮಾತಯ್ರ ಕಡಿಮೆಯಾಗಲಿಲ್ಲ.. ಪ್ರೀತಿಗಾಗಿ ಪರಿತಪಿಸ್ತಿದ್ದ ಮನಸ್ಸಿಗೆ, ಆಸರೆಯಾದವನೇ, ಮುಖೇಶ್​​ ಅಗರ್​ವಾಲ್​..!

ತನ್ನ ಹಣೆಯ ಸಿಂಧೂರಕ್ಕೆ ಅಮಿತಾಬ್​ ವಾರಸುದಾರನಾಗ್ತಾನೆ ಅಂತ ರೇಖಾ ಕನಸು ಕಟ್ಟಿಕೊಂಡಿದ್ಳು.. ಆದ್ರೆ ಅಂತಿಮವಾಗಿ ರೇಖಾ ಹಣೆಗೆ ಅಧಿಕೃತವಾಗಿ ಸಿಂಧೂರ ಇಟ್ಟಿದ್ದು, ಉದ್ಯಮಿ ಮುಖೇಶ್​ ಅಗರ್ವಾಲ್..

ಮುಖೇಶ್​ ಅಗರ್​ವಾಲ್​​ ಜೊತೆ ರೇಖಾಗೆ ಮದುವೆಯೇನೋ ಆಯ್ತು..? ಆದ್ರೆ, ಒಂದೇ ವರ್ಷದಲ್ಲಿ ಮುಖೇಶ್​ ಅಗರ್​ವಾಲ್​​ ಆತ್ಮಹತ್ಯೆಗೆ ಶರಣಾಗಿದ್ದ. ಯಾಕೆ ಗೊತ್ತಾ..? ಮುಂದೆ ಓದಿ
---------------------------------------------
ಮ್ಯಾನ್ ಪ್ರಪೋಸಸ್.. ಗಾಡಿ ಡಿಸ್ಪೋಸಸ್​ ಅನ್ನೋ ಹಾಗೆ ಆಗಿತ್ತು ರೇಖಾ ಬದುಕು.. ಮುಖೇಶ್​ ಅಗರ್​ವಾಲ್​ ಜೊತೆ ರೇಖಾ ಮದುವೆಯಾಯ್ತು.. ಎಲ್ಲಾನೂ ಸುಖಾಂತ್ಯವಾಯ್ತು ಅನ್ನೋಷ್ಟ್ರಲ್ಲಿ, ದೊಡ್ಡ ಬಿರುಗಾಳಿನೇ ಎದ್ದುಬಿಟ್ಟಿತ್ತು. ಹಣೆಯ ಮೇಲಿನ ಸಿಂಧೂರದ ಅಧಿಪತಿಯೇ ರೇಖಾಗೆ ಇಲ್ಲವಾಗಿಬಿಟ್ಟ..!

ಯಾವ ಹೂವು ಯಾರ ಮುಡಿಗೋ.. ಯಾರ ಒಲವು ಯಾರ ಕಡೆಗೋ ಅನ್ನೋ ಹಾಗೆ, ರೇಖಾ ಬದುಕು ಬರ್ಬರವಾಗಿಬಿಡ್ತು ಕಣ್ರಿ.. ಹುಚ್ಚಿಯಂತೆ ಪ್ರೀತಿಸಿದ ಅಮಿತಾಬ್ ಬಚ್ಚನ್ ಕೂಡ ಈಕೆಗೆ ಒಲೀಲಿಲ್ಲ.. ಇದನ್ನೆಲ್ಲಾ ಮರೀಬೇಕು. ಹೊಸ ಬದುಕು ಕಟ್ಟಿಕೋಬೇಕು ಅಂತ 1990 ರಲ್ಲಿ ಮುಖೇಶ್​ ಅಗರ್​ವಾಲ್​ ಜೊತೆ ರೇಖಾ ವಿವಾಹವಾದ್ರು.. ಅಮಿತಾಭ್​ರ ಪ್ರೀತಿಯ ಹುಡುಕಾಟದಲ್ಲಿದ್ದ ರೇಖಾಗೆ, ಮುಖೇಶ್​ ಮೂಲಕ ಆ ಪ್ರೀತಿ ಸಿಕ್ತು ಅನ್ನುವಷ್ಟರಲ್ಲಿ, ರೇಖಾ ಬದುಕಿನಲ್ಲಿ ಮತ್ತೊಂದು ದುರಂತ ನಡೆದುಹೋಯ್ತು.. ವಿವಾಹವಾದ ಒಂದೇ ವರ್ಷದಲ್ಲಿ, ಮುಖೇಶ್​ ಆತ್ಮಹತ್ಯೆಗೆ ಶರಣಾಗಿದ್ರು..

ರೇಖಾಳ ದುಪಟ್ಟಾದಿಂದಲೇ ಆತ್ಮಹತ್ಯೆ ಮಾಡಿಕೊಂಡಿದ್ದ ಮುಖೇಶ್ ಅಗರ್​ವಾಲ್​.. ನನ್ನ ಸಾವಿಗೆ ಯಾರೂ ಕಾರಣರಲ್ಲ ಅಂತ ಪತ್ರ ಕೂಡ ಬರೆದಿಟ್ಟಿದ್ರು ಕಣ್ರಿ.. ಇದು ರೇಖಾ ಬದುಕಿಗೆ ದೊಡ್ಡ ಹೊಡೆತವನ್ನೇ ನೀಡಿತ್ತು. ಪತಿಯ ಸಾವಿಗೆ ರೇಖಾ ಮೇಲೆನೇ ಗೂಬೆ ಕೂರಿಸಿದ್ರು ಎಲ್ಲರು.. ಯಾಕಂದ್ರೆ ಪತಿ ಆತ್ಮಹತ್ಯೆಗೆ ಶರಣಾಗಿದ್ದ ವೇಳೆ ರೇಖಾ ನ್ಯೂಯಾರ್ಕ್​ನಲ್ಲಿದ್ರು.ಆಕೆ ಅಲ್ಲಿ ಯಾರನ್ನ ಭೇಟಿ ಮಾಡೋಕೆ ಹೋಗಿದ್ರು ಅನ್ನೋದೇ ಇಂದಿಗೂ ಯಕ್ಷ ಪ್ರಶ್ನೆ..!

ಪತಿಯ ಸಾವಿನಿಂದಾಗಿ ಹಣೆಯ ಮೇಲಿದ್ದ ಸಿಂಧೂರವನ್ನೇ ಕಳೆದುಕೊಂಡಳು ರೇಖಾ.. ಇನ್ನೇನು ಆಕೆಯ ಬಾಳಲ್ಲಿ ಸಿಂಧೂರ ಇಡೋದಕ್ಕೆ ಆಗೋದೇ ಅಂತಿದ್ದ ಜನರಿಗೆ ಮತ್ತೆ ಶಾಕ್ ಕೊಟ್ಟಿದ್ದು ಇದೇ ಬೆಡಗಿ..

ಯಸ್.. 2008ರಲ್ಲಿ ಫಿಲ್ಮ್​ಫೇರ್​ ಸಮಾರಂಭಕ್ಕೆ ಬಂದಿದ್ದ ರೇಖಾ, ಆವತ್ತು ಹಣೆ ಮೇಲೆ ಸಿಂಧೂರ ಇಟ್ಕೊಂಡಿದ್ರು.. ರೇಖಾರ ಈ ನಡವಳಿಕೆ ಅಲ್ಲಿ ನೆರೆದಿದ್ದವರಿಗೆ ಶಾಕ್ ನೀಡಿತ್ತು..

ಇನ್ನು ಆ ಸಮಾರಂಭಕ್ಕೆ ನಟ ಅಮಿತಾಭ್​ ಕೂಡ ಬಂದಿದ್ರು.. ಅಮಿತಾಬ್ ಅಲ್ಲಿಗೆ ಬರ್ತಾರೆ ಅಂತ ರೇಖಾಗೆ ಮೊದ್ಲೇ ಗೊತ್ತಿತ್ತು.. ಹೀಗಾಗಿನೇ ತಮ್ಮ ಹಳೆಯ ಪ್ರೇಮದ ನೆನಪಿನ ಕುರುಹಾಗಿ ರೇಖಾ ಸಿಂಧೂರವಿಟ್ಕೊಂಡು ಸಮಾರಂಭಕ್ಕೆ ಬಂದಿದ್ರು..ಇದು ರೇಖಾ ಮತ್ತು ಅಮಿತಾಭ್​​ ನಡುವಿನ ಪ್ರೇಮ್​ಕಹಾನಿ ಇನ್ನೂ ಮುಂದುವರಿದಿದೆ ಅನ್ನೋದಕ್ಕೆ ಪುಷ್ಟಿ ನೀಡಿತ್ತು..

ಅಂದು ರೇಖಾ ಹಣೆಯ ಮೇಲೆ ಪ್ರೇಮದ ಕುರುಹಾಗಿ ಸಿಂಧೂರವಿಟ್ಟದ್ದು ಇದೇ ಅಮಿತಾಬ್​​ ಬಚ್ಚನ್.. ಆವತ್ತಿಂದ ಇವತ್ತಿನ ವರೆಗೂ ತಮ್ಮ ಪ್ರೇಮವನ್ನು ಸಿಂಧೂರದೊಂದಿಗೆ ಕಾಯ್ದುಕೊಂಡು ಬರ್ತಿದ್ದಾರೆ ರೇಖಾ.. ಪತಿ ಮುಖೇಶ್​ ಅಗರ್​ವಾಲ್​ ಸಾವಿನ ನಂತರವೂ ರೇಖಾ ಸಿಂಧೂರ ಇಡೋದನ್ನ ಬಿಟ್ಟಿಲ್ಲ.. ಯಾಕಂದ್ರೆ, ಈಗ ರೇಖಾ ಬದುಕ್ತಾ ಇರೋದು ಅಮಿತಾಬಚ್ಚನ್​​ರ ನೆನಪಿನಲ್ಲಿ.. ಹಣೆ ಮೇಲೆ ಸಿಂಧೂರ ಇಟ್ಕೊಳ್ತಾ ಇರೋದು ಕೂಡ ಅವರ ನೆನಪಿನಲ್ಲೇ..!

ಪ್ರತಿದಿನದ ಕೆಲಸಗಳಲ್ಲಿ ಏನನ್ನೂ ಬೇಕಾದ್ರೂ ಮರೀಬಹುದು ಕಣ್ರೀ ರೇಖಾ.. ಆದ್ರೆ ಅಮಿತಾಭ್​ರನ್ನು ನೆನೆದು ತಮ್ಮ ಹಣೆಯ ಮೇಲೆ ಸಿಂಧೂರವಿಟ್ಟುಕೊಳ್ಳೋದು ಮಾತ್ರ ಮರೆಯೋದಿಲ್ಲ.. ಈಗಲೂ ಇವರಿಬ್ಬರ ಪ್ರೇಮಕ್ಕೆ ಸಾಕ್ಷಿಯಾಗಿ ನಿಂತಿರೋದು ರೇಖಾ ಹಣೇಯ ಮೇಲಿರೋ ಈ ಸಿಂಧೂರ.. ತನ್ನ ಸೌಭಾಗ್ಯವಾಗಿ ಸಿಂಗಾರಗೊಂಡಿರೋದು ಕೂಡ ಇದೇ ಸಿಂಧೂರ..

ಬಿಗ್​​ಬಿ ತನ್ನ ಸಂಸಾರದೊಂದಿಗೆ ಆರಾಮಾಗಿದ್ದಾರೆ. ಆದ್ರೆ ರೇಖಾ ಮಾತ್ರ, ಇವತ್ತಲ್ಲಾ ನಾಳೆ ಆ ಪ್ರೀತಿ ಸಿಗಬಹುದು ಅಂತ 60 ವರ್ಷಗಳಿಂದ ಕಾಯ್ತಾ ಇದ್ದಾರೆ. ಬಿಗ್​ಬಿ ಹೆಸರಿನಲ್ಲೇ ಪ್ರತಿ ದಿನ ಸಿಂಧೂರವಿಟ್ಟುಕೊಳ್ತಿದ್ದಾರೆ. ಆ ಮೂಲಕ, ತನ್ನ ಪ್ರೇಮಿಯ ನೆನಪಿನೊಂದಿಗೆ ಕಲ್ಪನೆಗಳಲ್ಲೇ ಸಂಸಾರ ಮಾಡ್ತಿದ್ದಾರೆ.

ಅರಬ್ಬಿ ಸಮುದ್ರದಲ್ಲಿ ಜಗತ್ತಿನ ಅತಿ ಎತ್ತರದ ಪ್ರತಿಮೆ

ಇತಿಹಾಸದ ಪುಟಗಳಲ್ಲಿ ಅಚ್ಚಳಿಯದಂತೆ ಉಳಿದ ಸ್ವಾಭಿಮಾನಿ ಶಿವಾಜಿ ಮಹಾರಾಜ್​.. ಬ್ರಿಟೀಷರ ಗುಂಡಿಗೆ ನಡುಗಿಸಿದ ಸಾಮ್ರಾಟನೀಗ, ಜಗತ್ತಿನ ಅತಿ ಎತ್ತರದ ಪ್ರತಿಮೆ ಮೂಲಕ ಎದ್ದು ನಿಲ್ಲೋದಕ್ಕೆ ರೆಡಿಯಾಗಿದ್ದಾನೆ. ಆ ಮೂಲಕ, ಜಗತ್ತಿನ ಇತಿಹಾಸದ ಪುಟಗಳಲ್ಲಿ, ಶಿವಾಜಿ ಹೆಸರು ರಾರಾಜಿಸುವಂತೆ ಮಾಡೋದಕ್ಕೆ, ಪ್ಲಾನ್ ಸಿದ್ಧವಾಗಿದೆ.

    ಶಿವಾಜಿ ಮಹಾರಾಜ್​.. ಕಣಕಣದಲ್ಲೂ ಸ್ವಾಭಿಮಾನ ತುಂಬಿಕೊಂಡ ದೇಶಭಕ್ತ.. ಇತಿಹಾಸದ ಪುಟಗಳಲ್ಲಿ ರಾರಾಜಿಸಿದ ಈ ಸಾಮ್ರಾಟ, ಈಗ ಪ್ರತಿಮೆಯ ಮೂಲಕ ಎದ್ದು ನಿಲ್ಲಲ್ಲೋದಕ್ಕೆ ರೆಡಿಯಾಗಿದ್ದಾನೆ. ಅದೂ ಸಣ್ಣ ಪುಟ್ಟ ಪ್ರತಿಮೆಯಲ್ಲ.. ಜಗತ್ತೇ ನಿಬ್ಬೆರಗಾಗುವಂತೆ ಮಾಡುವ, ವಿಶ್ವದ ಅತಿ ಎತ್ತರದ ಪ್ರತಿಮೆಯ ಮೂಲಕ, ಖಡ್ಗ ಹಿಡಿದು ನಿಲ್ಲಲಿದ್ದಾನೆ ಶಿವಾಜಿ..

ಇದುವರೆಗೂ ಜಗತ್ತಿನ ಅತಿ ಎತ್ತರದ ಪ್ರತಿಮೆ ಯಾವುದು ಅಂದ್ರೆ, ಅಮೆರಿಕದಲ್ಲಿ 1886 ರಲ್ಲಿ ನಿರ್ಮಾಣವಾದ ಸ್ಟಯಾಚು ಆಫ್ ಲಿಬರ್ಟಿ ಅಂತ ಎಲ್ರೂ ಹೇಳ್ತಿದ್ರು.. ಯಾಕಂದ್ರೆ ಸ್ಟ್ಯಾಚು ಆಫ್ ಲಿಬರ್ಟಿಯ ಎತ್ತರ ಬರೋಬ್ಬರಿ 305 ಅಡಿ ಎತ್ತರ..

ಆದ್ರೆ ಈ ಸ್ಟ್ಯಾಚು ಆಫ್​ ಲಿಬರ್ಟಿಗೆ ಸಡ್ಡು ಹೊಡೆದು, ಸರ್ದಾರ್​ ವಲ್ಲಭಾಯ್ ಪಟೇಲರ ಪ್ರತಿಮೆಯನ್ನು ಭಾರತದ ಮಣ್ಣಲ್ಲಿ ಶಾಶ್ವತವಾಗಿ ನೆಲೆಯೂರುವಂತೆ ಮಾಡೋಕೆ ಸಿದ್ಧವಾಗಿದ್ದು, ನರೇಂದ್ರ ಮೋದಿ..

ಉಕ್ಕಿನ ಮನುಷ್ಯನ ಪ್ರತಿಮೆಯನ್ನು ಉಕ್ಕಿನಿಂದಲೇ ನಿರ್ಮಾಣ ಮಾಡ್ಬೇಕು ಅಂತ, ದೇಶದ ಮೂಲೆ ಮೂಲೆಗಳಿಂದ ಕಬ್ಬಿಣ ಸಂಗ್ರಹಿಸಿದ್ರು ಮೋದಿ.. ಒಂದಲ್ಲ ಎರಡಲ್ಲ, ಸ್ಟ್ಯಾಚು ಆಫ್​ ಲಿಬರ್ಟಿಗಿಂತ ಎರಡುಪಟ್ಟು ಎತ್ತರ ಅಂದ್ರೆ, 598 ಅಡಿ ಎತ್ತರದಲ್ಲಿ ಉಕ್ಕಿನ ಮನುಷ್ಯನನ್ನು ನಿಲ್ಲಿಸೋದಕ್ಕೆ ಎಲ್ಲಾ ತಯಾರಿ ಕೂಡ ನಡೀತಿದೆ. ಏಕತೆಯ ಪ್ರತೀಕವಾದ ಪಟೇಲರ ಈ ಪ್ರತಿಮೇನೇ ಜಗತ್ತಿನ ಅತಿ ಎತ್ತರದ ಪ್ರತಿಮೆ ಅಂತ, ಇಡೀ ಜಗತ್ತು ಭಾರತದತ್ತ ತಿರುಗಿ ನೋಡಿತ್ತು.

ಆದ್ರೆ ಈಗ ಮತ್ತೆ ಭಾರತದತ್ತ ಜಗತ್ತು ತಿರುಗಿ ನೋಡೋ ಟೈಂ ಬಂದಿದೆ. ಯಾಕಂದ್ರೆ, ಸರ್ದಾರ್ ಪಟೇಲರ ಏಕತಾ ಪ್ರತಿಮೆಗಿಂತ ಎತ್ತರದಲ್ಲಿ, ಛತ್ರಪತಿ ಶಿವಾಜಿಯನ್ನು ನಿಲ್ಲಿಸೋದಕ್ಕೆ ಪ್ಲಾನ್ ರೆಡಿಯಾಗಿದೆ. ಅದೂ ಅರಬ್ಬಿ ಸಮುದ್ರದ ಮಧ್ಯದಲ್ಲಿ..

ಈ ಸ್ಟ್ಯಾಚು ಬಗ್ಗೆ ಹೇಳೋದಕ್ಕಿಂತ ಮೊದಲು, ಈ ದೇಶದ ಮಣ್ಣಿಗಾಗಿ ಹೋರಾಡಿದ, ಸ್ವಾಭಿಮಾನಿ ಸಾಮ್ರಾಟನ ಬಗ್ಗೆ ನಿಮ್ಗೇ ಹೇಳ್ಲೇಬೇಕು ಕಣ್ರಿ,. ಯಾಕಂದ್ರೆ, ಶಿವಾಜಿ ಅಂದ್ರೆ ಕೇವಲ ಒಬ್ಬ ರಾಜ ಮಾತ್ರ ಅಲ್ಲ.. ನಿದ್ರೆಯಲ್ಲೂ ಬ್ರಿಟೀಷರ ಗುಂಡಿಗೆ ನಡುಗಿಸಿದ ಸಾಮ್ರಾಟ..

ಫೆಬ್ರುವರಿ 19 1630 ರಲ್ಲಿ ಮಹಾರಾಷ್ಟ್ರದ ನಜುನಾಘರ್​ನಲ್ಲಿ ಜನಿಸಿದ ಶಿವಾಜಿಗೆ ತಾಯಿ ಜೀಜಾಬಾಯಿನೇ ಜೀವ.. ತಾಯಿ ಹೇಳಿದ ವೀರ ಕಥೆಗಳನ್ನು ಕೇಳಿ ಬೆಳೆದ ಶಿವಾಜಿಗೆ, ದೇಶಭಕ್ತಿ ಮತ್ತು ನಾಯಕತ್ವದ ಗುಣಗಳು ರಕ್ತದ ಕಣ ಕಣದಲ್ಲಿ ಬೆರೆತು ಹೋಗಿತ್ತು. ತನ್ನ ತಾಯ್ನಾಡಿನ ಸುದ್ದಿಗೆ ಬಂದೋರ, ಎದೆ ಬಗೆದು ಬಿಡ್ತಿದ್ದ ವೀರ ಸಾಮ್ರಾಟ ಶಿವಾಜಿ..

ಗುಡ್ಡಗಾಡು ಜನರನ್ನು ಒಂದು ಗೂಡಿಸಿ, ಗೆರಿಲ್ಲ ಯುದ್ಧದ ತಂತ್ರ ಉಪಯೋಗಿಸಿ, ಶತೃಗಳನ್ನು ಸದೆಬಡೀತಾ ಇದ್ದ. ನೀವು ನಂಬ್ತೀರೋ ಬಿಡ್ತೀರೋ ಗೊತ್ತಿಲ್ಲ ಕಣ್ರಿ.. ಶಿವಾಜಿ ಸಾಮ್ರಾಜ್ಯದಲ್ಲಿ ಸೈನಿಕರು ಕಡಿನಮೆ ಇದ್ರೂ, ಯುದ್ಧಕ್ಕೆ ನಿಂತ್ರೆ ಸೋಲ್ತಾ ಇದ್ದದ್ದು ಎದುರಾಳಿಯ ಸೇನೆನೇ..

1659 ರಲ್ಲಿ ಶಿವಾಜಿ ಮೇಲೆ ದಂಡೆತ್ತಿ ಬಂದ ಅಫ್ಜಲ್​ಖಾನ್​​ನಿಂದ ಹಿಡಿದು, ಬಿಜಾಪುರದ ಆದಿಲ್​ಶಾಹಿ, ಮೊಘಲ್​ ಅರಸ ಔರಂಗಜೇಬ್​​ ಸೇನೆಯವರೆಗೆ, ಎಲ್ಲರನ್ನೂ ತನ್ನ ಚಾಣಾಕ್ಷ ಯುದ್ಧನೀತಿಯಿಂದ ಬಗ್ಗು ಬಡಿದು, ತನ್ನ ನೆಲಕ್ಕಾಗಿ ಕೊನೆಯ ಉಸಿರಿರುವವರೆಗೂ ಹೋರಾಡಿದ ಸಾಮ್ರಾಟ..

ಇದೇ ಕಾರಣಕ್ಕಾಗಿ ಶಿವಾಜಿಯ ಇತಿಹಾಸವಿರುವ ನೆಲ್ಲದಲ್ಲಿ ಶಿವಾಜಿಯ ಅತಿ ಎತ್ತರದ ಪ್ರತಿಮೆ ನಿರ್ಮಾಣ ಮಾಡೋ ಮೂಲಕ, ಮಹಾರಾಷ್ಟ್ರ ಮಣ್ಣಲ್ಲಿ ಶಿವಾಜಿಯನ್ನು ಶಾಶ್ವತವಾಗಿ ಎದ್ದುನಿಲ್ಲುವಂತೆ ಮಾಡಲಾಗ್ತಿದೆ. ಇದಕ್ಕೆ ಈಗಾಗ್ಲೇ ರೂಪು ರೇಷೆಗಳು ಸಿದ್ಧವಾಗಿದೆ. ಅರಬ್ಬಿ ಸಮುದ್ರದಲ್ಲಿ ಶಿವಾಜಿಯ ಸಾಮ್ರಾಜ್ಯದ ಅನಾವರಣ ಹೇಗಾಗುತ್ತೆ ಅನ್ನೋದರ ಸಣ್ಣ ಝಲಕ್ ಇಲ್ಲಿದೆ ನೋಡಿ..

ಸ್ಟ್ಯಾಚು ಆಫ್​ ಲಿಬರ್ಟಿಗಿಂತಲೂ ಪಟೇಲರ ಏಕತಾ ಪ್ರತಿಮೆ ದೊಡ್ಡದು.. ಆದ್ರೆ ಶಿವಾಜಿಯ ಪ್ರತಿಮೆ ಅದಕ್ಕಿಂತಲೂ ದೊಡ್ಡದು.. ಜಗತ್ತಿನ ಅತಿ ಎತ್ತರದ ಪ್ರತಿಮೆ ನಿರ್ಮಾಣ ಮಾಡೋದಕ್ಕೆ ಎಷ್ಟು ಸಾವಿರ ಕೋಟಿ ಖರ್ಚಾಗ್ತಿದೆ ಗೊತ್ತಾ..? ಸಮುದ್ರದ ಮಧ್ಯದಲ್ಲಿ ನಿರ್ಮಾಣವಾಗ್ತಿರೋ ಆ ಸ್ಟ್ಯಾಚುವಿನ ವಿಶೇಷತೆ ಏನು..? ಮುಂದೆ ಓದಿ
-------------------------------------------------------
ಅರಬ್ಬೀ ಸಮುದ್ರದ ಶಾಂತ ವಾತಾವರಣದಲ್ಲಿ, ಪಟೇಲರಿಗಿಂತ ಎತ್ತರದಲ್ಲಿ, ಜಗತ್ತಿನ ಅತಿ ಎತ್ತರದ ಪ್ರತಿಮೆಯಾಗಿ ಶಿವಾಜಿ ಮಹಾರಾಜ್ ಎದ್ದುನಿಲ್ಲಿದ್ದಾರೆ. ಒಂದಲ್ಲ ಎರಡಲ್ಲ.. ಬರೋಬ್ಬರಿ 624 ಅಡಿ ಎತ್ತರದಲ್ಲಿ ಶಿವಾಜಿಯ ಸಾಮ್ರಾಜ್ಯದ ಅನಾವರಣವಾಗಲಿದೆ. ಸಮುದ್ರದಲ್ಲಿ ಶಿವಾಜಿ ಪ್ರತಿಮೇನ ಹೇಗೆ ನಿಲ್ಲಿಸ್ತಾರೆ..? ಆ ಸ್ಟ್ಟ್ಯಾಚುನ ವಿಶೇಷತೆ ಏನು..? ಅಲ್ಲಿ ಏನೆಲ್ಲಾ ಇರುತ್ತೆ..? ಅದ್ರ ಕಂಪ್ಲೀಟ್ ಡೀಟೇಲ್​ ಇಲ್ಲಿದೆ ನೋಡಿ.




ಮಹಾರಾಷ್ಟ್ರದ ಮುಂಬೈನಲ್ಲಿ ಶಿವಾಜಿ ಪ್ರತಿಮೆಗೆ ಎಲ್ಲಾ ತಯಾರಿ ನಡೆದಿದೆ. ನಾರಿಮನ್ ಪಾಯಿಂಟ್​ನಿಂದ ನಾಲ್ಕು ಕಿಲೋ ಮೀಟರ್​ ದೂರದ, ಅರಬ್ಬೀ ಸಮುದ್ರದದಲ್ಲಿ, ಶಿವಾಜಿ ಪ್ರತಿಮೆಯನ್ನು ನಿರ್ಮಾಣ ಮಾಡೋದಕ್ಕೆ ಮಹಾರಾಷ್ಟ್ರ ಸರ್ಕಾರ ಮುಂದಾಗಿದೆ.

ಸಮುದ್ರದ ಮಧ್ಯಭಾಗದಲ್ಲಿ ದ್ವೀಪದ ಮಾದರಿ ಪ್ರದೇಶದಲ್ಲಿ ಶಿವಾಜಿಯ ಅತಿ ಎತ್ತರದ 623 ಅಡಿಯ ಸ್ಟ್ಯಾಚು ನಿರ್ಮಾಣಕ್ಕೆ ವೇದಿಕೆ ಸಿದ್ಧವಾಗಿದೆ.

ನಾರಿಮನ್​ ಪಾಯಿಂಟ್​ನಿಂದ ನಾಲ್ಕು ಕಿಮೀ ದೂರದಲ್ಲಿರುವ ಈ ಪ್ರದೇಶದಲ್ಲಿ ಒಂದು ಬೃಹತ್​ ಕಲ್ಲಿದೆ. ಈ ಕಲ್ಲನ್ನು ಆಧಾರವಾಗಿಟ್ಟುಕೊಂಡು, 16 ಹೆಕ್ಟೇರ್​ ಪ್ರದೇಶದಲ್ಲಿ ಶಿವಾಜಿಯ ಪ್ರತಿಮೆ ನಿರ್ಮಾಣ ಮಾಡಲಾಗುತ್ತೆ...

ಇನ್ನು ಇಲ್ಲಿಗೆ ಬರ್ಬೇಕು ಅಂದ್ರೆ ಬೋಟ್​​ನಲ್ಲೇ ಬರಬೇಕಾಗುತ್ತೆ..  ಇಲ್ಲಾ ಅಂದ್ರೆ, ಹೆಲಿಕಾಪ್ಟರ್​ ಮೂಲಕಾನೂ ಬರಬಹುದು..

ಹಚ್ಚ ಹಸುರಿನ ವಿಶಾಲವಾದ ಉದ್ಯಾನವನದ ಜೊತೆಗೆ ನೃತ್ಯವಾಡುವ ನೀರಿನ ಚಿಲುಮೆಯ ಹಿಂಭಾಗದಲ್ಲಿ, ಕುದುರೆ ಏರಿ ಆಕಾಶದೆತ್ತರದಲ್ಲಿ ನಿಂತಿರ್ತಾನೇ ಶಿವಾಜಿ ಮಹಾರಾಜ್..

ಇದ್ರ ಮೇಲೆ ಹೋಗೋದಕ್ಕೂ ದಾರಿ ಇದೆ. ಮೆಟ್ಟಿಲುಗಳನ್ನು ಹತ್ತುವ ಮೂಲಕ, ಮೊದಲ ಮಹಡಿಯನ್ನು ತಲುಪಬಹುದು.. ಅಲ್ಲಿಂದ ಅರಬ್ಬೀ ಸಮುದ್ರದತ್ತ ಕಣ್ಣು ಹಾಯಿಸಿದ್ರೆ, ಮುಂಬೈನ ವಿಹಂಗಮ ನೋಟ ಕಣ್ಣಿಗೆ ಕಾಣುತ್ತೆ.

ಇನ್ನು ಇಲ್ಲಿ 300 ರಿಂದ 400 ಮಂದಿ ಕೂತ್ಕೊಳ್ಳೋಕೆ ಅನುಕೂಲವಾಗುವಂಥ ಬಯಲು ರಂಗ ಮಂದಿರ ಕೂಡ ಇರುತ್ತೆ..

ಇದ್ರ ಒಳಗೆ ಹೋದ್ರೆ, ಶಿವಾಜಿ ಮಹಾರಾಜನ ಸಾಮ್ರಾಜ್ಯದ ಅನಾವರಣವಾಗುತ್ತೆ.. ಪ್ರತಿಯೊಂದು ಗೋಡೆಯೂ ಕೂಡ, ಶಿವಾಜಿ ಬದುಕಿನ ಚಿತ್ರಣವನ್ನು ಇಂಚಿಂಚಾಗಿ ಬಿಚ್ಚಿಡ್ತವೆ ಕಣ್ರಿ...

ಇಷ್ಟೇ ಅಲ್ಲ, ಶಿವಾಜಿ ಸಾಧನೆ ಮತ್ತು ಸಾಮ್ರಾಜ್ಯವನ್ನು ಉಣಬಡಿಸೋದಕ್ಕೆ ಅಲ್ಲಿ ಲೈಬ್ರರಿ ಕೂಡ ಇರುತ್ತೆ.. ಬರೀ ಪುಸ್ತಕದ ಲೈಬ್ರರಿ ಅಲ್ಲ.. ಕಂಪ್ಯೂಟರ್ ಮತ್ತು ಇಂಟರ್​ನೆಟ್ ಸೌಲಭ್ಯವನ್ನು ನೀಡೋ ಮೂಲಕ, ಆ ಲೈಬ್ರರಿಗೆ ಡಿಜಿಟಲ್​ ಟಚ್ ಕೊಡಲಾಗುತ್ತೆ.

ಇನ್ನು ಮೇಲೆ ಹತ್ತೋದಕ್ಕೆ ಮತ್ತು ಇಳಿಯೋದಕ್ಕೆ ಇಲ್ಲಿ ಲಿಫ್ಟ್​ ವ್ಯವಸ್ಥೆ ಕೂಡ ಇರುತ್ತೆ..  ಒಂದ್ಸಲಕ್ಕೆ 10 ರಿಂದ 20 ಜನ ಈ ಲಿಫ್ಟ್​​ನಲ್ಲಿ ಹೋಗ್ಬಬಹುದು..

ಇನ್ನು ಶಿವಾಜಿ ಸಾಮ್ರಾಜ್ಯವನ್ನು ಸಿನಿಮಾ ಮೂಲಕ ಕಣ್ಣಿಗೆ ಕಾಣುವಂತೆ ಬಿಚ್ಚಿಡೋದಕ್ಕೆ, ಅಲ್ಲೊಂದು ಬೃಹತ್​​ ಥಿಯೇಟರ್​ ಕೂಡ ಇರುತ್ತೆ.

ಶಿವಾಜಿ ಕಾಲದ, ಕಲೆ ಮತ್ತು ಸಂಸ್ಕೃತಿಯ ಅನಾವರಣಕ್ಕಾಗಿ, ಮತ್ತೊಂದು ಬಯಲು ರಂಗಮಂದಿರವಿರುತ್ತೆ. ಸಾವಿರಾರು ಮಂದಿ ಕೂತ್ಕೊಳ್ಳೋಕೆ ಅಲ್ಲಿ, ಸ್ಥಳಾವಕಾಶ ಕಲ್ಪಿಸಲಾಗುತ್ತೆ.

ಇವೆಲ್ಲದರ ನಡುವೇನೇ, ಗ್ರಾನೈಟ್​ ಕಲ್ಲುಗಳು ಮತ್ತು ಕಾಂಕ್ರಿಟ್​ನಿಂದ, ಸಮುದ್ರರಾಜನಂತೆ ಶಿವಾಜಿ ಮಹಾರಾಜ್​ ವಿರಾಜಮಾನವಾಗಿ ರಾರಾಜಿಸ್ತಿರ್ತಾನೆ..

ಇನ್ನು ಇಷ್ಟೆಲ್ಲಾ ಅತ್ಯಾಧುನಿಕ ತಂತ್ರಜ್ಞಾನಗಳೊಂದಿಗೆ ನಿರ್ಮಿಸಲಾಗ್ತಿರೋ ಈ ಪ್ರದೇಶಕ್ಕೆ ಕರೆಂಟ್​ ವ್ಯವಸ್ಥೆ ಬೇಕಲ್ಲಾ.. ಅದಿಕ್ಕೆ ಇಲ್ಲಿ ಈ ಬೃಹತ್​ ಫ್ಯಾನ್​ಗಳನ್ನ ಅಳವಡಿಸಲಾಗಿದೆ.. ಇವುಗಳ ಮೂಲಕ, ವಿಂಡ್​ ಪವರ್​ ಉತ್ಪಾದಿಸಿ, ಇಲ್ಲಿಗೆ ಬೇಕಾದ ಕರೆಂಟನ್ನು ಇಲ್ಲೇ ಉತ್ಪಾದಿಸಸಲಾಗುತ್ತೆ..

ಇನ್ನು ಇಷ್ಟೆಲ್ಲಾ ಸೌಕರ್ಯಗಳಿರೋ ಶಿವಾಜಿ ಪಾರ್ಕ್​ ಅನ್ನು ಸಮುದ್ರ ಮಧ್ಯದಲ್ಲಿ ನಿರ್ಮಿಸೋದು ಅಂದ್ರೆ, ಇದೊಂದು ಸವಾಲಿನ ಕೆಲಸಾನೇ ಕಣ್ರಿ.. ಇದಕ್ಕಾಗಿ ಬರೋಬ್ಬರಿ 2 ಸಾವಿರ ಕೋಟಿ ಖರ್ಚಾಗುತ್ತೆ ಅಂತ ಅಂದಾಜಿಸಲಾಗಿದೆ.

ಜಗತ್ತಿನ ಅತಿ ಎತ್ತರದ ಪ್ರತಿಮೆ ಅರಬ್ಬೀ ಸಮುದ್ರದ ಮಡಿಲಲ್ಲಿ ತಲೆ ಎತ್ತಲಿದೆ. ಈ ಶಿವಾಜಿ ಪ್ರತಿಮೆ ನಿರ್ಮಾಣ ಮಾಡೋದೇ ಒಂದು ಸವಾಲಿನ ಕೆಲಸ.. ಆದ್ರೆ ಅದಕ್ಕಿಂತ ದೊಡ್ಡ ಸವಾಲಿನ ಕೆಲಸ ಯಾವುದು ಗೊತ್ತಾ..? ಅದನ್ನು ಉಗ್ರರಿಂದ ರಕ್ಷಣೆ ಮಾಡೋದು.. ಅದಕ್ಕೆ ಅಂತಾನೇ, ದೇಶದಲ್ಲಿ ಯಾರಿಗೂ ಇಲ್ಲದ ವಿಶೇಷ ಭದ್ರತೆ ಕಲ್ಪಿಸಲಾಗಿದೆ.
---------------------------------------------
ಸ್ವಾಭಿಮಾನದ ಪ್ರತೀಕವಾದ ಶಿವಾಜಿ ಮಹಾರಾಜನ ಪ್ರತಿಮೆ ನಿರ್ಮಾಣಕ್ಕೆ, ನೂರೆಂಟು ವಿಘ್ನಗಳು ಎದುರಾಗಿವೆ. ಉಗ್ರರ ಕಾಟದ ಜೊತೆಗೆ ಪರಿಸರವಾದಿಗಳ ವಿರೋಧವನ್ನು  ಕೂಡ ಇದೆ. ಇದ್ರ ಜೊತೆಗೆ ಪ್ರತಿಮೆ  ನಿರ್ಮಾಣಕ್ಕೆ ಬೇಕಾಗೋ 2 ಸಾವಿರ ಕೋಟಿ ಸಂಗ್ರಹಿಸೋದು ಸವಾಲಿನ ವಿಷಯ.. ಅದಕ್ಕಾಗಿ ಸರ್ಕಾರ ಒಂದು ಪ್ಲಾನ್ ಕೂಡ ಮಾಡಿದೆ. ಅದೇನು ಅಂತ ನೋಡಿ ಈ ವರದಿಯಲ್ಲಿ..

16 ಹೆಕ್ಟೇರ್​ ಪ್ರದೇಶದಲ್ಲಿ ಅರಬ್ಬೀ ಸಮುದ್ರದಲ್ಲಿ, ವಿಶೇಷ ಗ್ರಾನೈಟ್​ ಮತ್ತು ಸಿಮೆಂಟ್ ಮೂಲಕ, ಶಿವಾಜಿ ಪ್ರತಿಮೆ ನಿರ್ಮಾಣ ಮಾಡಲಾಗುತ್ತೆ. ಆದರೆ ಇದ್ರಿಂದ ಸಮುದ್ರಜೀವಿಗಳಿಗೆ ತೊಂದರೆಯಾಗುತ್ತೆ ಅಂತ ಪರಿಸರವಾದಿಗಳು ಈ ಶಿವಾಜಿ ಪ್ರತಿಮೆ ನಿರ್ಮಾಣಕ್ಕೆ ವಿರೋಧ ವ್ಯಕ್ತಪಡಿಸ್ತಿದ್ದಾರೆ.

ಇನ್ನು ಪ್ರತಿಮೆ ನಿರ್ಮಾಣಕ್ಕೆ ಮಹಾರಾಷ್ಟ್ರ ಸರ್ಕಾರ ಸ್ವಲ್ಪ ಹಣವನ್ನು ಮೀಸಲಿರಿಸಿದೆ. ಆದ್ರೆ ಅಷ್ಟ್ರಲ್ಲೇ ಪ್ರತಿಮೆ ನಿರ್ಮಾಣ ಮಾಡೋಕೆ ಶಾಧ್ಯವಿಲ್ಲ.. ಯಾಕಂದ್ರೆ, ಅದಕ್ಕೆ 2000 ಕೋಟಿ ಬೇಕು.. ಅದಕ್ಕೆ ಮಹಾರಾಷ್ಟ್ರ ಸರ್ಕಾರ ಒಂದು ಪ್ಲಾನ್ ಮಾಡಿದೆ. ಪಟೇಲರ ಏಕತಾ ಪ್ರತಿಮೆ ನಿರ್ಮಾಣಕ್ಕೆ ದೇಶದ ಜನರಿಂದ ಮೋದಿ ಕಬ್ಬಿಣ ಸಂಗ್ರಹಿಸಿದಂತೆ, ಶಿವಾಜಿ ಪ್ರತಿಮೆ ನಿರ್ಮಾಣಕ್ಕೆ ಜನರ ಸಹಾಯ ಬೇಡಿದೆ. ಜನರ ಸ್ವಾಭಿಮಾನದ ದುಡ್ಡಲ್ಲಿ, ಸ್ವಾಭಿಮಾನಿಯ ಪ್ರತಿಮೆ ನಿರ್ಮಾಣ ಮಾಡ್ಬೇಕು ಅಂತ ಸರ್ಕಾರ ಲೆಕ್ಕಾಚಾರ ಹಾಕಿದೆ.

ಆದ್ರೆ ಪ್ರತಿಮೆ ನಿರ್ಮಾಣದ ಹೆಸರಲ್ಲಿ 2 ಸಾವಿರ ಕೋಟಿ ಖರ್ಚು ಮಾಡ್ತಿರೋದಕ್ಕೆ ಕೆಲವರು ವಿರೋಧಿಸ್ತಿದ್ದಾರೆ. ಅದೇ ದುಡ್ಡಲ್ಲಿ  ಒಂದು ಲಕ್ಷಕ್ಕೂ ಹೆಚ್ಚಿನ ಬಡವರಿಗೆ ಮನೆ ಕಟ್ಟಿಸಿಕೊಡಬಹುದು.. ಇಲ್ಲಾ ಅಂದ್ರೆ, ಅದನ್ನ ಮಹಾರಾಷ್ಟ್ರದ ಅಭಿವೃದ್ಧಿಗೆ ವಿನಿಯೋಗಿಸಿದ್ರೆ, ಮಹಾರಾಷ್ಟ್ರದ ಚಿತ್ರಣಾನೇ ಬದಲಾಗಿಬಿಡುತ್ತೆ.. ಹೀಗಿರುವಾಗ, ಅಷ್ಟೋಂದು ಹಣವನ್ನು ಕೇವಲ ಪ್ರತಿಮೆ ನಿರ್ಮಾಣಕ್ಕೆ ವಿನಿಯೋಗಿಸ್ತಾ ಇರೋದು ಸರಿಯಲ್ಲ ಅಂತಾರೆ ಕೆಲವರು..

ಆದ್ರೆ ಶಿವಾಜಿ ಪ್ರತಿಮೆ ನಿರ್ಮಾಣದ ಹಿಂದೆ ದೊಡ್ಡ ಲೆಕ್ಕಾಚಾರ ಇಟ್ಕೊಂಡಿದೆ ಸರ್ಕಾರ.. 2 ಸಾವಿರ ಕೋಟಿ ಖರ್ಚು ಮಾಡಿ ಪ್ರತಿಮೆ ನಿರ್ಮಾಣ ಮಾಡೋ ಮೂಲಕ, ಮುಂಬೈ ಅನ್ನ ವಿಶ್ವ ವಿಖ್ಯಾತ ಪ್ರವಾಸಿ ತಾಣವಾಗಿ ಮಾಡೋದಕ್ಕೆ ಹೊರಟಿದೆ ಮಹಾರಾಷ್ಟ್ರ ಸರ್ಕಾರ.

ಇನ್ನು ದಿನಕ್ಕೆ 10 ಸಾವಿರ ಮಂದಿ ಇಲ್ಲಿಗೆ ಭೇಟಿ ಕೊಡ್ತಾರೆ ಅಂತ ಅಂದಾಜಿಸಲಾಗಿದೆ.  ದಿನಕಳೆದಂತೆ ಪ್ರವಾಸಿಗರ ಸಂಖ್ಯೆ ಹೆಚ್ಚಾಗುತ್ತೆ. ಇದ್ರಿಂದ, ಮಹಾರಾಷ್ಟ್ರ ಮಾತ್ರವಲ್ಲ, ಕೇಂದ್ರ ಸರ್ಕಾರಕ್ಕೂ ಹೆಚ್ಚಿನ ಆದಾಯ ಬರುತ್ತೆ. ಸ್ಥಳೀಯರಿಗೆ ಉದ್ಯೋಗ ನೀಡೋದರ ಜೊತೆಗೆ ಮತ್ತೊಂದಷ್ಟು ಅಭಿವೃದ್ಧಿ ಯೋಜನೆಗಳಿಗೆ ಈ ಆದಾಯವನ್ನು ವಿನಿಯೋಗಿಸೋ ಲೆಕ್ಕಾಚಾರ ಹೊಂದಿದೆ ಮಹಾರಾಷ್ಟ್ರ ಸರ್ಕಾರ.

ಇನ್ನು ಈ ಶಿವಾಜಿ ಪ್ರತಿಮೆಯನ್ನು 2019 ರೊಳಗೆ ನಿರ್ಮಿಸೋ ಪ್ಲಾನ್ ಇದೆ. ಇದನ್ನು ನಿರ್ಮಿಸೋದು ಎಷ್ಟು ಕಷ್ಟಾನೋ, ಅದಕ್ಕಿಂತ ಕಷ್ಟವಾದ ಕೆಲಸ ಅದನ್ನು ಉಗ್ರರಿಂದ ಕಾಪಾಡೋದು..

ಯಸ್​... ಮುಂಬೈ ಮೇಲೆ ದಾಳಿ ನಡೆಸಿದಂತೆ, ಶಿವಾಜಿ ಪ್ರತಿಮೆ ಮೇಲೂ ಉಗ್ರರು ದಾಳಿ ನಡೆಸಬಹುದು.. ಅದನ್ನ ರಕ್ಷಣೆ ಮಾಡೋದಕ್ಕೆ ಅಂತಾನೇ ದೇಶದಲ್ಲೇ ಯಾರಿಗೂ ಇಲ್ಲದ ಝಡ್​ ಪ್ಲಸ್​ ಪ್ಲಸ್​​ ಸೆಕ್ಯೂರಿಟಿ ನೀಡಲಾಗುತ್ತೆ ಈ ಶಿವಾಜಿ ಪ್ರತಿಮೆಗೆ..

ನೂರಾರು ಕಿಮೀ ದೂರದಲ್ಲಿರುವ ಉಗ್ರರ ಸುಳಿವು ಪತ್ತೆ ಹಚ್ಚಬಲ್ಲ ಆಂಟಿ ರಡಾರ್​ ವ್ಯವಸ್ಥೆ ಮಾಡಲಾಗಿದೆ. ರಾಷ್ಟ್ರೀಯ ಭದ್ರತಾ ದಳ, ಮುಂಬೈ ಪೊಲೀಸ್​ ಪಡೆ ಕೂಡ ಶಿವಾಜಿಯನ್ನು ಕಾಯ್ತಾರೆ. ಇವೆಲ್ಲದರ ಜೊತೆಗೆ ಹೆಜ್ಜೆ ಹೆಜ್ಜೆಗೂ ಸಿಸಿಟಿವಿಗಳನ್ನು ಕೂಡ ಅಳವಡಿಸಲಾಗುತ್ತೆ. ಪರ್ಮನೆಂಟ್​ ಬಂಕರ್​ಗಳನ್ನು ನಿರ್ಮಿಸಲಿದ್ದು, ಸಮುದ್ರ ರಾಜನ ರಕ್ಷಣೆಗೆ, ಅತ್ಯಾಧುನಿಕ ಭದ್ರತೆಯನ್ನು ಕಲ್ಪಿಸಲಾಗಿದೆ.

ಎಲ್ಲವೂ ಅಂದುಕೊಂಡಂತೆ ಆದ್ರೆ, 2019 ರೊಳಗೆ, ಜಗತ್ತಿನ ಅತಿ ಎತ್ತರದ ಪ್ರತಿಮೆ ಮುಂಬೈನ ಅರಬ್ಬಿ ಸಮುದ್ರದಲ್ಲಿ ತಲೆ ಎತ್ತಲಿದೆ. ಸ್ವಾಭಿಮಾನದ ಸಂಕೇತವಾಗಿ ಆಕಾಶದೆತ್ತರದಲ್ಲಿ ಶಿವಾಜಿ ಎದ್ದು ನಿಲ್ಲಲಿದ್ದಾರೆ.

ಕಾಪಾಡಿ ಎಂದು ಕೂಗ್ತಿದ್ದಾಳೆ ಗೊರವನಹಳ್ಳಿ ಲಕ್ಷ್ಮಿ!



ಮಹಾಲಕ್ಷ್ಮಿ.. ಕೇಳಿದ್ದನ್ನು ಕರುಣಿಸೋ ಧನಲಕ್ಷ್ಮಿನೂ ಅವಳೇ.. ಸಂತಾನವನ್ನು ಕರುಣಿಸುವ ಸಂತಾನಲಕ್ಷ್ಮಿಯೂ ಅವಳೇ.. ಅಂಥಾ ಮಹಾಲಕ್ಷ್ಮಿಗೆ ಈಗ ಸಂಕಟ ಶುರುವಾಗಿದೆ. ಗೊರವನ ಹಳ್ಳಿಯಲ್ಲಿ ನೆಲೆಸಿರೋ ಲಕ್ಷ್ಮಿಗೆ ಕೆಲವರು ಕಾಟ ಕೊಡ್ತಿದ್ದಾರೆ. ಐಶ್ವರ್ಯ ಲಕ್ಷ್ಮಿಯ ಐಶ್ವರ್ಯವನ್ನೇ ಕೆಲವರು ಕೊಳ್ಳೇ ಹೊಡೀತಿದ್ದಾರೆ. ಹೀಗಾಗಿ ಎಲ್ಲರಿಗೂ ಒಳ್ಳೇದು ಮಾಡೋ ಲಕ್ಷ್ಮೀನೇ ಈಗ ಸಹಾಯಕ್ಕಾಗಿ ಅಂಗಲಾಚ್ತಿದ್ದಾಳೆ.


ಮಹಾಲಕ್ಷ್ಮಿ.. ಅನಾದಿ ಕಾಲದಿಂದಲೂ ತನ್ನ ಭಕ್ತರ ಕಷ್ಟಗಳನ್ನು ನಿವಾರಿಸುತ್ತಾ ಬಂದಿರೋ, ಭಾಗ್ಯ ಲಕ್ಷ್ಮಿ.. ಗೊರವನ ಹಳ್ಳಿಯಲ್ಲಿ ನೆಲೆಸುವ ಮೂಲಕ, ಗೊರವನ ಹಳ್ಳಿಯನ್ನು ಪುಣ್ಯ ಭೂಮಿಯನ್ನಾಗಿ ಮಾಡಿದ ಮಹಾತಾಯಿ..


ಗೊರವನ ಹಳ್ಳಿ ಮಹಾಲಕ್ಷ್ಮಿ ಅಂದ್ರೆ ಸಾಕು.. ಭಕ್ತಿ ಭಾವ ಉಕ್ಕಿ ಹರಿಯುತ್ತೆ.. ಯಾಕಂದ್ರೆ, ಅಮ್ಮಾ ತಾಯಿ.. ನನ್ನ ಸಂಕಷ್ಟ ದೂರ ಮಾಡಮ್ಮ ಅಂತ ಬೇಡ್ಕೊಂಡ್ರೆ ಸಾಕು.. ಈ ಮಹಾತಾಯಿ ಅವರನ್ನು ಉದ್ಧರಿಸ್ತಾಳೆ.. ಎಲ್ಲರ ಸಂಕಷ್ಟಗಳನ್ನು ನಿವಾರಿಸ್ತಾಳೆ. ಕಲಿಯುಗದಲ್ಲೂ ಕಾಣಿಸಿಕೊಳ್ಳೋ ಈ ಕರುಣಾಮಯಿ, ಕಂಗಾಲದವರಿಗೆ ಕರುಣೆ ತೋರಿ ಕೃಪೆ ನೀಡ್ತಾಳೆ. ಇದೇ ಕಾರಣಕ್ಕೆ, ಲಕ್ಷಾಂತರ ಮಂದಿ ಈ ಗೊರವನಹಳ್ಳಿಗೆ ಬಂದು, ಮಹಾಲಕ್ಷ್ಮಿಯ ಪಾದಕ್ಕೆ ಬಿದ್ದು ಧನ್ಯರಾಗ್ತಾರೆ.


ಆದ್ರೆ ಎಲ್ಲರ ಸಂಕಷ್ಟಗಳನ್ನು ನಿವಾರಿಸೋ ಈ ಮಹಾತಾಯೀನೇ ಈಗ ಸಂಕಷ್ಟದಲ್ಲಿ ಸಿಲುಕಿದ್ದಾಳೆ.. ಕಲಿಯುಗದ ಕರುಣಾಮಯಿನೇ ಈಗ ಕಂಗಾಲಾಗಿದ್ದಾಳೆ..  ಮನುಷ್ಯರು ಮಾಡ್ತಿರೋ ಮೋಸಕ್ಕೆ, ಈ ಮಹಾಮಾತೆ ಮುನಿಸಿಕೊಂಡಿದ್ದಾಳೆ.


ಯಸ್​.. ಗೊರವನಹಳ್ಳಿಗೆ ಬರೋ ಲಕ್ಷಾಂತರ  ಮಂದಿ, ಮಹಾಮಾತೆಗೆ  ತಮ್ಮ ಕೈಲಾದಷ್ಟು ಕಾಣಿಕೆ ಸಮರ್ಪಿಸ್ತಾರೆ. ಹೀಗೆ ಸಮರ್ಪಿಸೋ ಕಾಣಿಕೆ, ವರ್ಷಕ್ಕೆ ಕೋಟಿಗಳ ಲೆಕ್ಕದಲ್ಲಿರುತ್ತೆ.. ಈ ಕೋಟಿ ಕೋಟಿ ಕಾಣಿಕೆಯ ಮೇಲೆ ಕಳ್ಳರ ಕಣ್ಣು ಬಿದ್ದಿದೆ. ಮಹಾಲಕ್ಷ್ಮಿಯ ಐಶ್ವರ್ಯವನ್ನು ಲೂಟಿ ಮಾಡೋದಕ್ಕೆ ಒಳಗೊಳಗೇ ಹುನ್ನಾರ ನಡೀತಿದೆ. ದೇವಿಯ ಮೈಮೇಲಿದ್ದ ಚಿನ್ನಾಭರಣಗಳಿಂದ ಹಿಡಿದು ಕಾಣಿಕೆಯಿಂದ ಬಂದ ಕೋಟಿ ಕೋಟಿ ಹಣಕ್ಕೆ ಕನ್ನ ಹಾಕೋಕೆ ಕೆಲವರು ಸಂಚು ನಡೆಸ್ತಿದ್ದಾರೆ.


ಈ ಗೊರವನಹಳ್ಳಿ ಮಹಾ ಲಕ್ಷ್ಮಿ, ಕಲಿಯುಗದಲ್ಲೂ ತುಂಬಾನೇ ಪವರ್​ಫುಲ್​.. ಅಷ್ಟಕ್ಕೂ ಮಹಾಲಕ್ಷ್ಮಿ ಈ ಗೊರವನಹಳ್ಳಿಯಲ್ಲಿ ಬಂದು ನೆಲೆಸಿದ್ದರ ಹಿಂದೆ ಒಂದು ರೋಚಕ ಕಥೆ ಇದೆ. ಕರುಣೆಯಿಂದ ಬೇಡಿದ್ರೆ ಕೇಳಿದ್ದನ್ನು ಕೊಡ್ತಾಳೆ.. ವಂಚಿಸೋ ಮಂದಿಗೆ ಶಾಪವನ್ನೂ ಕೊಟ್ಟಿರೋ ಇತಿಹಾಸ ಕೂಡ ಇದೆ..


ಅದು ನೂರಾರು ವರ್ಷಗಳ ಹಳೆಯ ಮಾತು.. ತುಮಕೂರಿನ ಕೊರಟಗೆರೆ ತಾಲೂಕಿನ ಗೊರವನಹಳ್ಳಿಯಲ್ಲಿ ಅಬ್ಬಯ ಅನ್ನೋ ವ್ಯಕ್ತಿ ಇದ್ದ. ಒಂದು ದಿನ ಆತನಿಗೆ, ಹೆಣ್ಣಿನ ಅಶರೀರವಾಣಿಯೊಂದು ಕೇಳಿಸ್ತು.. ನಾನು ನಿಮ್ಮ ಮನೆಗೆ ಬರ್ರೀನಿ.. ಕರ್ಕೊಂಡು ಹೋಗು ಅಂತ, ಆ ಅಶರೀರವಾಣಿ  ಹೇಳಿತ್ತು..


ಆ ಆಸರೀರವಾಣಿ ಪದೇ ಪದೇ ಕೇಳಿಸ್ತಾ ಇತ್ತು.. ಇದ್ರಿಂದ ವಿಚಲಿತನಾದ ಅಬ್ಬಯ್ಯ, ತನಗಾದ ಅನುವವನ್ನ ತನ್ನ ತಾಯಿಗೆ ಹೇಳಿದ.. ಇನ್ನೊಮ್ಮೆ ಆ ಅಶರೀರವಾಣಿ ಕೇಳಿಸಿದ್ರೆ, ನೀನು ದೆವ್ವವಾದ್ರೆ, ಅಲ್ಲೇ ಇರು.. ದೇವರಾದ್ರೆ ಬಾ ಅಂತ ಹೇಳು ಅಂತ, ಅಬ್ಬಯ್ಯನ ತಾಯಿ ಹೇಳಿದ್ಳು..


ತಾಯಿಯ ಮಾತಿಗೆ ಒಪ್ಪಿಕೊಂಡ ಅಬ್ಬಯ್ಯ ತನ್ನ ಕೆಲಸವನ್ನು ಮುಂದುವರೆಸಿದ.. ಮತ್ತೆ ಅದೇ ಆಶರೀರವಾಣಿ ಕೇಳಿಸ್ತು ಅನ್ನಯ್ಯನಿಗೆ. ತಾಯಿ ಹೇಳಿದಂತೆ, ದೆವ್ವವಾದ್ರೆ ಬರಬೇಡ.. ದೇವರಾದ್ರೆ ಬಾ ಅಂತ ಹೇಳಿದ.. ಮಹಾಲಕ್ಷ್ಮಿ  ಕೊಳದಿಂದ ಎದ್ದು ಬಂದು, ಅಬ್ಬಯ್ಯನ ಮನೆ ಸೇರಿದ್ಳು.. ಅಂದಿನಿಂದ ಗೊರವನಹಳ್ಳಿ ಪವಿತ್ರ ಪುಣ್ಯ ಕ್ಷೇತ್ರವಾಗಿ ಪರಿವರ್ತನೆಯಾಯ್ತು..


ಅಬ್ಬಯ್ಯ ಮತ್ತವನ ತಾಯಿಯ ಮರಣಾ ನಂತರ ಮಹಾಲಕ್ಷ್ಮಿಯ ಉಸ್ತುವಾರಿ ತೋಟದಪ್ಪನಿಗೆ ಸೇರಿತ್ತು. ಆದ್ರೆ ಆತ ದೇವಿಯನ್ನು ನಿರ್ಲಕ್ಷಿಸೋಕೆ ಶುರು ಮಾಡಿದ. ಅಬ್ಬಯ್ಯನ ಮನೆಯಲ್ಲಿದ್ದ ದೇವಿಯನ್ನು ಈಗಿನ ದೇವಾಲಯವಿರೋ ಜಾಗದಲ್ಲಿ ತಂದು ಪ್ರತಿಷ್ಠಾಪಿಸಿದ. ಆದ್ರೆ ಪೂಜೆ ಪುನಸ್ಕಾರಗಳನ್ನು ಮಾತ್ರ ಮಾಡ್ಲೇ ಇಲ್ಲ.. ಇದ್ರಿಂದ ಮಹಾಮಾತೆ ಲಕ್ಷ್ಮಿ ಮುನಿಸಿಕೊಂಡುಬಿಟ್ಟಳು. ತೋಟದಪ್ಪ ಅನೇಕ ಕಷ್ಟನಷ್ಟಗಳಿಗೆ ತುತ್ತಾಗಬೇಕಾಯ್ತು.. ಅಷ್ಟೇ ಅಲ್ಲ, ಗೊರವನಹಳ್ಳಿಗೂ ಕೂಡ ಗರ ಬಡಿದುಬಿಡ್ತು..



ಇದಾದ ನಂತರ ಗೊರವನಹಳ್ಳಿ ಮಹಾಲಕ್ಷ್ಮಿಗೆ ಪೂಜೆ ಪುನಷ್ಕಾರಗಳನ್ನು ಪ್ರಾರಂಭಿಸಿ, ದೇವಿಗೆ ದೇಗುಲ ಕಟ್ಟಿಸಿದ್ದು, ಇದೇ ಗೊರವನಹಳ್ಳಿಯ ಸೊಸೆ ಕಮಲಮ್ಮ.. 1925 ರ ನಂತರದಲ್ಲಿ ಮಹಾಲಕ್ಷ್ಮಿಯ ದೇಗುಲ ಜೀರ್ಣೋದ್ಧಾರವಾಯ್ತು.. ಗ್ರಾಮಸ್ಥರ ಮನವೊಲಿಸಿ ಕಮಲಮ್ಮನವರು ದೇಗುಲದ ನಿರ್ಮಾಣ ಮಾಡಿದ್ರು.. ಇದ್ರಿಂದಾಗಿ ಮಹಾಲಕ್ಷ್ಮಿ ಸಂತುಷ್ಠಳಾದಳು.. ಬೇಡಿ ಬಂದ ಲಕ್ಷಾಂತರ ಮಂದಿ ಭಕ್ತರನ್ನು ಅನುಗ್ರಹಿಸುವ ಮೂಲಕ, ಎಲ್ಲೆಡೆ ಮನೆ ಮಾತಾದಳು.. ಇದೇ ಕಾರಣಕ್ಕೆ, ಲಕ್ಷಾಂತರ ಮಂದಿ ಈ ಮಹಾಮಾತೆಯನ್ನು ನೋಡೋಕೆ, ಗೊರವನಹಳ್ಳಿಗೆ ಬರ್ತಾ ಇದ್ದಾರೆ.. ಬಂದ ಭಕ್ತರು ಮಹಾಲಕ್ಷ್ಮಿಗೆ ತಮ್ಮ ಕೈಲಾದ ಕಾಣಿಕೆಯನ್ನು ನೀಡಿ ಹೋಗ್ತಾರೆ.. ಚಿನ್ನಾಭರಣಗಳನ್ನು ದೇವಿಗೆ ಅರ್ಪಿಸಿ ಹೋಗ್ತಾರೆ.. ಆದರೆ ಈ ಕಾಣಿಕೆ ಮತ್ತು ಚಿನ್ನಾಭರಣಗಳ ಮೇಲೆ ಕೆಲವರು ಕಣ್ಣು ಹಾಕಿದ್ದಾರೆ. ಐಶ್ವರ್ಯ ಲಕ್ಷ್ಮಿಯ ಐಶ್ವರ್ಯವನ್ನೇ ದೋಚಿದ್ದಾರೆ.


ಸಂಕಷ್ಟ ದೂರ ಮಾಡೋ ಮಹಾಲಕ್ಷ್ಮಿನೇ ಈಗ ಸಂಕಷ್ಟದಲ್ಲಿ ಸಿಲುಕಿದ್ದಾಳೆ. ಅಲ್ಲಿಒನ ಕೆಲವರು ಸಂಚುಕೋರರು ಬರೀ ಕಾಣಿಕೆಯನ್ನು ಮಾತ್ರ ಕೊಳ್ಳೆ ಹೊಡೆದಿಲ್ಲ.. ದೇವಿಯ ಮೈಮೇಲಿದ್ದ ಚಿನ್ನಾಭರಣವನ್ನೂ ಲೂಟಿ ಮಾಡಿದ್ದಾರಂತೆ. ಜನರ ಕಣ್ಣಿಗೆ ಮಣ್ಣೆರಚಬೇಕು ಅಂತ, ದೇವಿಯ ಮೈಮೇಲೆ ನಕಲಿ ಒಡವೆಗಳನ್ನ ಹಾಕಿದ್ದಾರಂತೆ.. ಹಾಗಿದ್ರೆ ದೇವಿಯ ಐಶ್ವರ್ಯವನ್ನು ದೋಚಿದ ಆ ಖದೀಮರು ಯಾರು?  ಮುಂದೆ ಓದಿ
----------------------------------------

ಗೊರವನಹಳ್ಳಿ ಲಕ್ಷ್ಮಿ ದೇಗುಲದಲ್ಲಿ ದೊಡ್ಡ ಗೋಲ್​ಮಾಲ್​ ನಡೀತಿದೆ. ದೇವಿಯ ಚಿನ್ನಾಭರಣಗಳಿಂದ ಹಿಡಿದು, ಭಕ್ತರು ಕೊಟ್ಟ ಕಾಣಿಕೆ ಹಣವನ್ನು ವಂಚಕರು ಗುಳುಂ ಮಾಡ್ತಿದ್ದಾರೆ. ಇದು ಅಲ್ಲಿನ ಗ್ರಾಮಸ್ಥರಿಗೆ ಗೊತ್ತಾಗಿದ್ದೇ ತಡ.. ಅವ್ರೆಲ್ಲಾ ಸಿಡಿದೆದ್ದಿದ್ರು.. ಅಷ್ಟಕ್ಕೂ ಗೊರವನಹಳ್ಳಿ ಲಕ್ಷ್ಮಿ ದೇಗುಲದಲ್ಲಿ ನಡೀತಿರೋ ಗೋಲ್​ಮಾಲ್​ ಆದ್ರೂ ಏನು..? ದೇವಿಯ ಚಿನ್ನಕ್ಕೆ ಕನ್ನ ಹಾಕಿರೋ ಆ ಖತರ್ನಾಕ್​​ ವ್ಯಕ್ತಿಗಳು ಯಾರು..? ಇಲ್ಲಿದೆ ನೋಡಿ ಅದ್ರ ಕಂಪ್ಲೀಟ್​ ಡೀಟೇಲ್​​


ಗೊರವನಹಳ್ಳಿಯ ಲಕ್ಷ್ಮಿ ದೇವಸ್ಥಾನದಲ್ಲಿ ಭಾರೀ ದೊಡ್ಡ ಗೋಲ್​ ಮಾಲ್​ ನಡೀತಿದೆ ಅನ್ನೋದು ನಿಜ ಕಣ್ರಿ.. ದೇವಸ್ಥಾನದ ಆಡಳಿತ ಮಂಡಳಿಯಿಂದ ಹಿಡ್ದು, ಅಲ್ಲಿನ ಕೆಲವು ಪ್ರಭಾವಿಗಳು ದೇಗುಲದ ಸಂಪತ್ತನ್ನ ಲೂಟಿ ಮಾಡೋದಕ್ಕೆ ಟ್ರೈ ಮಾಡ್ತಿದ್ದಾರೆ ಕಣ್ರಿ.. ಬೆಳಗೆದ್ದು ದೇವರಿಗೆ ಕೈಮುಗಿಯೋ ಕಮಿಟಿಯವ್ರೇ, ರಾತ್ರಿ ಆದ್ರೆ ದೇವಿಯ ಚಿನ್ನಾಭರಣಕ್ಕೆ ಕೈ ಹಾಕ್ತಿದ್ದಾರಂತೆ.. ದೇಗುಲಕ್ಕೆ ಬರೋ ಭಕ್ತರು ನೋಡೋ ಕೋಟ್ಯಾಂತರ ರೂಪಾಯಿ ಕಾಣಿಕೆಯನ್ನು ಕೂಡ, ಕಮಿಟಿಯವರು ಗುಳುಂ ಅನಿಸ್ತಿದ್ದಾರಂತೆ..


ನಯವಂಚರ ಕಾಟದಿಂದ ನರಳಾಡ್ತಿರೋ ಮಹಾಲಕ್ಷ್ಮಿ ಈಗ ಸಂಕಷ್ಟದಲ್ಲಿದ್ದಾಳೆ. ತನ್ನ ಆಸ್ತಿ ಮತ್ತು ಚಿನ್ನಾಭರಣಗಳನ್ನು ಲೂಟಿ ಮಾಡ್ತಿರೋದನ್ನು ಕಂಡು, ಕಾಪಾಡಿ ಕಾಪಾಡಿ ಅಂತ ಆ ದೇವಿನೇ ಅಂಗಲಾಚೋ ಪರಿಸ್ಥಿತಿ ಬಂದಿದೆ.


ಅಸಲಿಗೆ ಈ ಮಹಾಲಕ್ಷ್ಮಿಯ ದೇಗುಲ ಇರೋದು ಗೊರವನಹಳ್ಳಿಯಲ್ಲಿ.. ಆದ್ರೆ ದೇವಾಲಯದ ಉಸ್ತುವಾರಿ ವಹಿಸಿಕೊಂಡಿರೋ ಕಮಿಟಿಯಲ್ಲಿ ಸ್ಥಳೀಯರಿಗಿಂತ ಬೇರೆಯವರೇ ಜಾಸ್ತಿ ಕಣ್ರಿ.. 14 ಮಂದಿ ಇರೋ ಕಮಿಟಿಯಲ್ಲಿ 12 ಮಂದಿ ಬೆಂಗಳೂರಿನವರೇ ಇದ್ದಾರೆ ಅಂದ್ರೆ ನಿಜಕ್ಕೂ ನೀವು ನಂಬ್ಲೇಬೇಕು.. ದೇವಸ್ಥಾನದ ಇತಿಹಾಸ ಗೊತ್ತಿಲ್ಲ.. ಗೊರವನಹಳ್ಳಿಗೂ ಅವ್ರಿಗೂ ಸಂಬಂಧಾನೇ ಇಲ್ಲ.. ಅಂಥವ್ರು ಕಮಿಟಿಯಲ್ಲಿ ಸೇರ್ಕೊಂಡು ದೇವಸ್ಥಾನದ ಸಂಪತ್ತನ್ನು ಲೂಟಿ ಮಾಡ್ತಿದ್ದಾರೆ. ಕೇವಲ ಇಬ್ಬರು ಸ್ಥಳೀಯರನ್ನು ಕಮಿಟಿಯಲ್ಲಿ ಸೇರಿಸಿಕೊಳ್ಳಲಾಗಿದೆ. ಅದೂ ನೆಪಕ್ಕೆ ಮಾತ್ರ..


ದೇವಸ್ಥಾನದ ಕಮಿಟಿಯಲ್ಲಿ ಪರ ಊರಿನವರು ಸೇರ್ಕೊಂಡು, ದೇವಿಯ ಆಸ್ತಿ ದೋಚ್ತಿದ್ದಾರಂತೆ. ಕಮಿಟಿಯಲ್ಲಿ ಸ್ಥಳೀಯರು ಇದ್ರೆ, ದೇಗುಲದಲ್ಲಿ ಗೋಲ್ ಮಾಲ್ ನಡೆಯೋದಕ್ಕೆ ಬಿಡೋದಿಲ್ಲ.. ಹೀಗಾಗಿ ಬೇರೆ ಊರಿನವರನ್ನು ಕಮಿಟಿಯಲ್ಲಿ ಸೇರಿಸಿಕೊಂಡ್ರೆ, ಯಾರದ್ದೋ ದುಡ್ಡು ಯಲ್ಲಮ್ಮನ ಜಾತ್ರೆ ಅನ್ನೋ ಹಾಗೇ, ದೇಗುಲದ ಆಸ್ತಿಯನ್ನು ಸುಲಭವಾಗಿ ನುಂಗಿ ಹಾಕ್ಬಹುದು.. ಕಮಿಟಿಯಲ್ಲಿ ಕೆಟ್ಟ ಹುಳುಗಳು ಸೇರ್ಕೊಂಡು, ಗೊರವನಹಳ್ಳಿಯನ್ನು ಗೆದ್ದಲು ತಿಂತಿವೆ. ಭಾರೀ ದೊಡ್ಡ ಗೋಲ್​ಮಾಲ್​ ನಡೆಸ್ತಿದ್ದಾರೆ ಅನ್ನೋದು ಸ್ಥಳೀಯರ ಆರೋಪ.. ಹೀಗಾಗಿ ಆಡಳಿತ ಮಂಡಳಿಯ ವಿರುದ್ಧ ಗೊರವನ ಹಳ್ಳಿ ಜನರು ಸಿಡಿದೆದ್ದಿದ್ದಾರೆ.


ದೇವಿ ಮೈಮೇಲಿರೋ ಚಿನ್ನಾಭರಣಗಳು ನಕಲಿ..!
ಧರ್ಮದರ್ಶಿಯ ಮನೆ ಸೇರಿತಾ ಅಸಲಿ ಬಂಗಾರ..?
10 ಕೆಜಿ ಬಂಗಾರ 100 ಕೆಜಿ ಬೆಳ್ಳಿ ನುಂಗಿದ್ನಾ ರಂಗಶಾಮಯ್ಯ..?


ಯಸ್.. ಒಂದಲ್ಲ ಎರಡಲ್ಲ ಸ್ವಾಮಿ.. ಮಹಾಲಕ್ಷ್ಮಿಯ ಮೈಮೇಲಿದ್ದ ಬರೋಬ್ಬರಿ 10 ಕೆಜಿ ಚಿನ್ನವನ್ನು ಈ ಧರ್ಮದರ್ಶಿ ರಂಗಶಾಮಯ್ಯ ನುಂಗಿ ಹಾಕಿದ್ದಾರಂತೆ.. 100 ಕೆಜಿಯಷ್ಟು ಬೆಳ್Lಈಯನ್ನು ನುಂಗಿ ನೀರ್​​ ಕುಡಿದಿದ್ದಾರಂತೆ.. ದೇವಿಯ ಮೈಮೇಲೆ ನಕಲಿ ಚಿನ್ನ ಮತ್ತು ನಕಲಿ ಬೆಳ್ಳಿಯನ್ನು ಹಾಕಿ, ಅಸಲಿಯ ಚಿನ್ನ ಮತ್ತು ಬೆಳ್ಳಿಯನ್ನು ತನ್ನ ಮನೆಗೆ ತಗೊಂಡ್ ಹೋಗಿದ್ದಾರಂತೆ. ಸದ್ಯಕ್ಕೀಗ ಗೊರವನಹಳ್ಳಿಯ ಈ ಲಕ್ಷ್ಮಿ ಮೈಮೇಲೆ ಇರೋದು  ಹಂಡ್ರೆಡ್ ಪರ್ಸೆಂಟ್​​ ನಕಲಿ ಒಡವೆಗಳು ಅನ್ನೋದು ಊರಿನವರ ಆರೋಪ..


ಹೊಲ ಕಾಯೋದಕ್ಕೆ ಅಂತ ಬೇಲಿ ಹಾಕ್ತಾರೆ.. ಇಲ್ಲಿ ಬೇಲಿನೇ ಎದ್ದು ಹೊಲ ಮೇಯ್ತಿದೆ. ದೇಗುಲದ ರಕ್ಷಣಗೆ ಅಂತ ಇರೋ ಕಮಿಟಿಯವ್ರೇ ದೇವರನ್ನು ದೋಚಿ, ಚಿನ್ನಾಭರಣಗಳಿಗೆ ಕನ್ನ ಹಾಕಿದ್ದಾರೆ.
ಅದ್ರಲ್ಲೂ ಧರ್ಮದರ್ಶಿ ರಂಗಶಾಮಯ್ಯ ಭಾರೀ ಗೋಲ್​ಮಾಲ್ ಮಾಡಿದ್ದಾರಂತೆ. ಮಹಾಲಕ್ಷ್ಮಿಯ ಸನ್ನಿಧಾನಕ್ಕೆ ಬರೋ ಭಕ್ತರು ತಾಯಿಗೆ ಕೇಜಿಗಟ್ಟಲೇ ಚಿನ್ನಾಭರಣಗಳನ್ನು ನೀಡ್ತಾರೆ.. ಆದ್ರೆ ಹಗಲಲ್ಲಿ ದೇವಿಯ ಮೈಮೇಲೆ ಇಟ್ಟಂತೆ ಮಾಡಿ, ರಾತ್ರಿ ಹೊತ್ತು ಅದನ್ನು ಎಗರಿಸಿಕೊಂಡು ಹೋಗ್ತಾರಂತೆ. ಜನರಿಗೆ ಅನುಮಾನ ಬರದೇ ಇರಲಿ ಅಂತ ಅಸಲಿ ಚಿನ್ನಾಭರಣಗಳ ಬದಲಿಗೆ ದೇವಿಯ ಮೈಮೇಲೆ ನಕಲಿ ಒಡವೆಗಳನ್ನ ಹಾಕಲಾಗಿದ್ಯಂತೆ.  ಗೊರವನಹಳ್ಳಿಯನ್ನು ಉದ್ಧರಿಸೋ ಮಹಾಲಕ್ಷ್ಮಿಗೇ ಇಂಥಾ ಮೋಸ ಆಗ್ತಿದೆ ಅಂದ್ರೆ, ಸ್ಥಳಿಯರು ಸುಮ್ನೇ ಬಿಡ್ತಾರಾ..? ತಾಯಿಯ ಸಂಪತ್ತ ಉಳಿಸೋದಕ್ಕೆ ಅಂತ ಗ್ರಾಮಸ್ಥರು ಹೋರಾಟಕ್ಕೆ ಇಳಿದೇ ಬಿಟ್ರು..


ಇದೇ ಕಾರಣಕ್ಕೆ.. ಇದೇ ಕಾರಣಕ್ಕೆ ಕಣ್ರಿ.. ಪವಿತ್ರ ತಾಣವಾಗಿ ಶಾಂತಚಿತ್ತದಿಂದ ಇದ್ದ ಗೊರವನಹಳ್ಳಿ ಕ್ಷೇತ್ರ, ರೌದ್ರ ನರ್ತನಕ್ಕೆ ಸಾಕ್ಷಿಯಾಗಿದ್ದು.. ದೇಗುಲವನ್ನು ಕಾಪಾಡ್ಬೇಕಾದೋರು, ಒಂದಲ್ಲ ಎರಡಲ್ಲ, ಕೋಟ್ಯಾಂತರ ರೂಪಾಯಿಗಳ ಗೋಲ್​ಮಾಲ್​ಗೆ ಸಾಕ್ಷಿಯಾಗಿದ್ದಾರೆ ಅಂತ ತಿಳಿದಿದ್ದಕ್ಕೆ. ಆಡಳಿತ ಮಂಡಳಿಗೆ ಬೀಗ ಹಾಕಿ ಪ್ರತಿಭಟನೆ ನಡೆಸಿದ್ದು..


ಈ ದೇಗುಲದಲ್ಲಿ ಬೇರೆ ಊರಿನವರದ್ದೇ ಕಾರ್​ಬಾರು ಕಣ್ರಿ.. ಅದಿಕ್ಕೆ ಇಷ್ಟೋಂದು ಪ್ರಮಾಣದ ಗೋಲ್​ಮಾಲ್​ ನಡೆದಿದೆ.. ಇದೇ ವಿಷ್ಯಕ್ಕೇನೇ ಇಲ್ಲಿನ ಸ್ಥಳೀತರು ಕಮಿಟಿ ಮೆಂಬರ್​ಗಳ ವಿರುದ್ಧ ತೊಡೆ ತಟ್ಟಿ ನಿಂತಿದ್ದು. ದೇವರ ಸಂಪತ್ತನ್ನು ಲೂಟಿ ಮಾಡೋಕೆ ನಿಂತಿರೋರ ವಿರುದ್ಧ ಕಿಡಿ ಕಾರಿದ್ದು.. ಚಿನ್ನಾಭರಣಗಳ ಗೋಲ್​ಮಾಲ್​ನಿಂದ ಹಿಡಿದು, ಏನೆಲ್ಲಾ ಅವ್ಯವಹಾರ ನಡೆದಿದೆ ಅನ್ನೋದನ್ನ ತನಿಖೆ ನಡೆಸಬೇಕು ಅಂತ ಪಟ್ಟು ಹಿಡಿದದ್ದು..


ಆದ್ರೆ ದೇವಾಲಯದಲ್ಲಿ ಅಂಥದ್ದೇನು ನಡೆದೇ ಇಲ್ಲ.. ಇದೆಲ್ಲಾ ಕೆಲವರು ಮಾಡೋ ಗಿಮಿಕ್ಕು.. ದೇವಸ್ಥಾನದ ಕಮಿಟಿಯಲ್ಲಿ ಯಾರು ಬೇಕಾದ್ರೂ ಸದಸ್ಯರಾಗಬಹುದು.. ಯಾರು ಬೇಕಾದ್ರೂ, ಅಧ್ಯಕ್ಷರಾಗಬಹುದು.. ಕಾನೂನಿನ ಪ್ರಕಾರವೇ ಎಲ್ಲಾ ಪ್ರಕ್ರಿಯೆ ನಡೆದಿದೆ ಅಂತಾರೆ ಕಮಿಟಿಯ ಅಧ್ಯಕ್ಷರು


ಇವ್ರು ಏನೇ ಹೇಳ್ಲಿ.. ಆದ್ರೆ ಬೆಂಕಿ ಇಲ್ದೇ ಹೇಗೆ ಹೊಗೆ ಆಡೋದಿಲ್ವೋ..? ಹಾಗೇನೇ ಇಲ್ಲೂ ಕೂಡ ಆಗ್ತಿದೆ. ಇಲ್ಲಿ ಸ್ಥಳೀಯರು ಈ ಪ್ರಮಾಣದಲ್ಲಿ ರೊಚ್ಚಿಗೆದ್ದಿದ್ದಾರೆ ಅಂದ್ರೆ, ಇಲ್ಲೊಂದು ಬಹುದೊಡ್ಡ ಗೋಲ್ ಮಾಲ್ ನಡೆದಿದೆ ಅನ್ನೋದು ಸ್ಪಷ್ಟವಾಗುತ್ತೆ. ಆದ್ರೆ, ಕಮಿಟಿಯವರೆಲ್ಲಾ ಸೇರಿ ಅದನ್ನು ಮುಚ್ಚಿ ಹಾಕೋದಕ್ಕೆ ಪ್ರಯತ್ನಿಸ್ತಿದ್ದಾರೆ ಕಣ್ರಿ.. ಇದು ಗೊರವನಹಳ್ಳಿಯ ಮಕ್ಕಳನ್ನು ಸಿಡಿದೇಳುವಂತೆ ಮಾಡಿದೆ.

ಈ ಪ್ರತಿಭಟನೆಯಿಂದಾಗಿ ಜಿಲ್ಲಾಧಿಕಾರಿಗಳು ಮಧ್ಯಪ್ರವೇಶಿಸುವಂತಾಗಿ, ಗೊರವನಹಳ್ಳಿ ದೇವಸ್ಥಾನವನ್ನ ಜಿಲ್ಲಾಡಳಿತ ತನ್ನ ಸುಪರ್ದಿಗೆ ತೆಗೆದುಕೊಂಡಿದೆ. ಆ ಮೂಲಕ ಸರ್ಕಾರದ ನೇರ ಆಡಳಿತಕ್ಕೆ ಒಳಪಟ್ಟಿದೆ ಗೊರವನಹಳ್ಳಿಯ ಶ್ರೀ ಲಕ್ಷ್ಮಿಯ ದೇವಸ್ಥಾನ

TV9 LIVE

Google Ads

Suvarna News Live

Google Ads

Public TV Live

Google Ads

News 18 Kannada

Google Ads

Google Ads

Google Ads

ಇತ್ತೀಚೆಗೆ ಹುಡುಕಿದ್ದು