Recent Movies

Share This Article To your Friends

Showing posts with label ಕಂಪ್ಲೀಟ್ ಸ್ಟೋರಿಗಳು. Show all posts
Showing posts with label ಕಂಪ್ಲೀಟ್ ಸ್ಟೋರಿಗಳು. Show all posts

ಬರಿ ಕೈನಲ್ಲಿ ಬಂದವನು ಲಾಟರಿಯಿಂದ ಕೋಟಿ ಕೋಟಿ ಸಂಪಾದಿಸಿದ


 ನರೇಂದ್ರ ಮೋದಿ.. ಕಾಂಗ್ರೆಸ್​​ನಲ್ಲಿರೋ ಭ್ರಷ್ಟ ನಾಯಕರ ಬಗ್ಗೆ ವಾಗ್ದಾಳಿ ಮಾಡ್ತಾ ಕೇಂದ್ರದಲ್ಲಿ ಕಮಲ ಅರಳಿಸಿದ ನಾಯಕ.. ಅಚ್ಚೇದಿನಗಳ ಕನಸನ್ನು ಬಿತ್ತಿದ ಬಿಜೆಪಿಯಲ್ಲೀಗ ತಳಮಳ ಶುರುವಾಗಿದೆ. ಅದಕ್ಕೆ ಕಾರಣ ಈಗ ಬಿಜೆಪಿ ಸೇರ್ಪಡೆಗೊಂಡಿರೋ ಚಾರ್ಲ್ಸ್​​ ಮಾರ್ಟಿನ್

    ಯಸ್.. ಚಾರ್ಲ್ಸ್​​ ಮಾರ್ಟಿನ್.. ಚೆನ್ನೈ ನಿವಾಸಿಯಾಗಿರೋ ಚಾರ್ಲ್ಸ್​ ಮಾರ್ಟಿನ್​ ಈಗ ಬಿಜೆಪಿಗೆ ಸೇರ್ಪಡೆಗೊಂಡಿದ್ದಾರೆ. ಇದು ಈಗ ಬಿಜೆಪಿಯಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಿದೆ. ಚಾರ್ಲ್ಸ್​ ಮಾರ್ಟಿನ್​ರನ್ನ ಬಿಜೆಪಿಗೆ ಸೇರ್ಪಡೆ ಮಾಡಿಕೊಂಡಿರೋದು ದೇಶಾದ್ಯಂತ ತೀವ್ರ ಚರ್ಚೆಗೆ ಗ್ರಾಸವಾಗಿದೆ.. ಪ್ರತಿಪಕ್ಷಗಳು ಬಿಜೆಪಿ ವಿರುದ್ಧ ಕಿಡಿ ಕಾರ್ತಿವೆ..

    ಅಷ್ಟಕ್ಕೂ ಬಿಜೆಪಿ ಪಕ್ಷಕ್ಕೆ ಇಷ್ಟೋಂದು ಇರುಸು ಮುರುಸು ಉಂಟು ಮಾಡಿರೋ ಈ ಚಾರ್ಲ್ಸ್​ ಮಾರ್ಟಿನ್​​ ಯಾರು ಗೊತ್ತಾ? ಬಹುಕೋಟಿ ಲಾಟರಿ ದಂಧೆಯ ಕಿಂಗ್​ಪಿನ್​ ಸ್ಯಾಂಟಿಗೋ ಮಾರ್ಟಿನ್​ರ ಮಗ..

        
    ಚಾರ್ಲ್ಸ್​​ ಮಾರ್ಟಿನ್​​ ತಂದೆ ಅಕ್ರಮ ಲಾಟರಿ ದಂಧೆಯಿಂದ ಸಾವಿರಾರು ಕೋಟಿ ಸಂಪಾದನೆ ಮಾಡಿ, ದೇಶದ ಖಜಾನೆಯನ್ನೇ ಕೊಳ್ಳೆ ಹೊಡದು ಅರ್ಥವ್ಯವಸ್ಥೆಯನ್ನೇ ಬುಡಮೇಲು ಮಾಡಿದ ಗ್ಯಾಂಗ್​​ಸ್ಟರ್​.. ಸರ್ಕಾರ ಮತ್ತು ಸರ್ಕಾರಿ ಅಧಿಕಾರಿಗಳಿಂದ ಹಿಡಿದು, ಎಂಥಾ ಪ್ರಾಮಾಣಿಕ ಪೊಲೀಸರನ್ನೂ ತನ್ನ ತಾಳಕ್ಕೆ ತಕ್ಕಂತೆ ಕುಣಿಸಬಲ್ಲ ಚಾಣಾಕ್ಷ ಈತ..

    ಈತನ ಅಕ್ರಮನ ಲಾಟರಿ ದಂಧೆಗೆ ಬಾರ್ಡರ್​ ಇಲ್ಲ.. ಇಡೀ ದೇಶಾದ್ಯಂತ ತನ್ನ ಅಕ್ರಮ ಲಾಟರಿ ದಂಧೆಯನ್ನ ವಿಸ್ತರಿಸಿದ್ದಾನೆ ಈ ಕಿಂಕ್​ಪಿನ್.. ರಾಜ್ಯದಲ್ಲಿ ನಡೀತಿದ್ದ ಅಕ್ರಮ ಲಾಟರಿ ದಂಧೆಯ ಕರಾಳ ಮುಖವಾಡವನ್ನ ಬಯಲು ಮಾಡಿದ ನಂತರ ಪಾರಿರಾಜನ್ ಅಂದರ್ ಆಗಿದ್ದ.

      ಕೋಟಿ ಕೋಟಿ ಅಕ್ರಮ ಸಂಪಾದನೆ ಮಾಡಿದ ಈ ಮಾಸ್ಟರ್​ ಮೈಂಡ್​ ಮಾರ್ಟಿನ್​​ 2011 ರಲ್ಲಿ ಪೊಲೀಸರ ಅತಿಥಿಯಾಗಿ ಜೈಲು ಸೇರಿದ್ದಾನೆ.. ಈ ಬಗ್ಗೆ ವಿಚಾರಣೆ ನಡೆಸಿದ ಪೊಲೀಸರಿಗೆ ಈತನ ಅಕ್ರಮ ಲಾಟರಿ ಜಾಲದ ವಿಸ್ತರಣೆ ಕಂಡು ಶಾಕ್ ಆಗಿತ್ತು.. ಒಂದಲ್ಲ ಎರಡಲ್ಲ.. ಒಟ್ಟು 12 ರಾಜ್ಯಗಳು ಮತ್ತು 5 ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಈತನ ಅವ್ಯವಹಾರ, ಅವ್ಯಾಹತವಾಗಿ ನಡೀತಿತ್ತು.

    ನಿಮಗೆ ಅಚ್ಚರಿಯಾಗೋ ಮತ್ತೊಂದು ವಿಷ್ಯ ಏನ್ ಗೊತ್ತಾ? ಚೆನ್ನೈನ ಮೂಲೆಯಲ್ಲಿ ಕೂತ್ಕೊಂಡು, ದೇಶಾದ್ಯಂತ ತನ್ನ ಅಕ್ರಮ ಲಾಟರಿ ದಂಧೆಯನ್ನ ವಿಸ್ತರಿಸಿದ ಈ ಸ್ಯಾಂಟಿಗೋ ಮಾರ್ಟಿನ್​, ಭಾರತದವನೇ ಅಲ್ಲ.. ಬರ್ಮಾ ದೇಶದಿಂದ ಬರಿಗೈನಲ್ಲಿ ಬಂದು, ಭಾರತದಲ್ಲಿ ಲಾಟರಿ ಸಾಮ್ರಾಜ್ಯವನ್ನೇ ಸ್ಥಾಪನೆ ಮಾಡಿದ್ದ.. ಸಾವಿರಾರು ಕೋಟಿಗಳ ಒಡೆಯನಾಗಿದ್ದ..

    ಬರ್ಮಾ ದೇಶದಲ್ಲಿ ಪ್ರವಾಹ ಬಂದು ಮನೆ ಮಠ ಕುಟುಂಬವನ್ನೆಲ್ಲಾ ಕಳ್ಕೊಂಡು, ಆಸರೆಗಾಗಿ ಭಾರತಕ್ಕೆ ಬಂದ ಅನಾಥ ಈತ.. ಬರೀ ಕೈನಲ್ಲಿ ದೇಶ ಬಿಟ್ಟು ಬಂದವನು, ಸೀದ ಹೋಗಿದ್ದು ತಮಿಳುನಾಡಿಗೆ.. ಇಲ್ಲಿನ ಕೊಯಮುತ್ತೂರಿನಲ್ಲಿ ನೆಲೆ ಕಂಡುಕೊಂಡ ಮಾರ್ಟಿನ್​, ತಿನ್ನೋಕೆ ಅನ್ನ ಇಲ್ಲದೆ ಒದ್ದಾಡ್ತಿದ್ದ ವ್ಯಕ್ತಿ.. ಹಸಿವನ್ನು ತಾಳೋಕೆ ಆಗದೇ ತುತ್ತು ಅನ್ನಕ್ಕಾಗಿ ಲಾಟರಿ ಅಂಗಡೀಗೆ ಕೆಲಸಕ್ಕೆ ಸೇರ್ಕೊತಾನೆ.. ಅಲ್ಲಿಂದ್ಲೇ ನೋಡಿ.. ಈತನ ಲಾಟರಿ ನಂಟು ಬೆಳೆಯೋದು..

    ಮೊದಲಿಗೆ ಲಾಟರಿ ಟಿಕೇಟ್ ಮಾರೋದಕ್ಕೆ ಶುರುಮಾಡಿದ ಮಾರ್ಟಿನ್​, ನಂತರ ತಾನೇ ಒಂದು ಲಾಟರಿ ಆಂಗಡಿ ಇಟ್ಕೊಳ್ತಾನೆ. ಆನಂತರ ಮಾರ್ಟಿನ್ ಬೆಳೆದು ನಿಂತ ಪರಿ ನಿಜಕ್ಕೂ ದೇಶದ ಎಂಥಾ ದೊಡ್ಡ ದೊಡ್ಡ ಉದ್ಯಮಿಗಳೂ ಕೂಡ ಮೂಗಿನ ಮೇಲೆ ಬೆರಳು ಇಟ್ಟುಕೊಳ್ಳುವಂಥಾದ್ದು..
   
    ಯಸ್, ಮಾರ್ಟಿನ್ ನೋಡ ನೋಡ್ತಿದ್ದಹಾಗೆ ತಮಿಳುನಾಡಿನಲ್ಲೇ ಕೂತು ದೇಶದ ಲಾಟರಿ ವ್ಯವಸ್ಥೆಯ ಮೇಲೆ ಎಂಥಾ ಹಿಡಿತ ಸಾಧಿಸೋಕೆ ಶುರುಮಾಡ್ದ ಅಂದ್ರೆ ಸರ್ಕಾರಿ ಲಾಟರಿಗಳನ್ನೇ ಮೂಲೆಗುಂಪು ಮಾಡಿ ಖಾಸಗಿ ಲಾಟರಿ ಟಿಕೇಟ್​ಗಳನ್ನ ಚಲಾವಣೆಗೆ ತರ್ತಾನೆ.. ಹಾಗೆ ಆತ ಶುರುಮಾಡಿದ್ದ ಮೊಟ್ಟಮೊದಲ ಖಾಸಗಿ ಲಾಟರಿ ಹೆಸರು ತಮಿಳ್ ಅರಸಿ..

    ನಂತರ ಅಸ್ಸಾಂ. ಸಿಕ್ಕೀಂ ಅರುಣಾಚಲ ಪ್ರದೇಶ, ಮಣಿಪುರ ಮೇಘಾಲಯ ಹೀಗೆ ಹತ್ತಾರು ರಾಜ್ಯಗಳ ಹೆಸರಲ್ಲಿ ಸ್ವತಃ ತಾನೇ 20ಕ್ಕೂ ಹೆಚ್ಚು ವಿವಿಧ ಲಾಟರಿ ಟಿಕೆಟನ್ನ ದೇಶದಾಂದ್ಯಂತ ಸುನಾಮಿಯಂತೆ ಶುರುಮಾಡಿದ್ದ. 12 ರಾಜ್ಯಗಳು 5 ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಈತನ ಲಾಟರಿ ದಂಧೆ ನಡೀತಾ ಇತ್ತು.. ಕರ್ನಾಟಕದಂತಹ ಲಾಟರಿ ನಿಷೇಧಿತ ರಾಜ್ಯಗಳಲ್ಲೂ ಈತ ತನ್ನ ಅಕ್ರಮ ಜಾಲವನ್ನ ಅವ್ಯಾಹತವಾಗಿ ಕಾರ್ಯ ನಿರ್ವಹಿಸ್ತಾನೇ ಇತ್ತು..

    ನೀವು ನಂಬ್ತೀರೋ ಬಿಡ್ತೀರೋ ಗೊತ್ತಿಲ್ಲ.. ಪ್ರತಿ ದಿನಕ್ಕೆ 1.2 ಕೋಟಿ ಲಾಟರಿ ಟಿಕೆಟ್ಗಳು ಮಾರಾಟವಾಗ್ತಿದ್ವು.. ಬರೀ ಕೈನಲ್ಲಿ ಬಂದು ತುತ್ತು ಅನ್ನಕ್ಕೂ ಪರದಾಡ್ತಿದ್ದ ಈತನ ವಾರ್ಷಿಕ ಆದಾಯ 14 ಸಾವಿರ ಕೋಟಿ ಮುಟ್ಟಿತ್ತು.. ಆಯಾ ರಾಜ್ಯಗಳಿಗೆ ತೆರಿಗೆ ವಂಚನೆ ಮಾಡಿ ವರ್ಷಕ್ಕೆ ಲಕ್ಷ ಲಕ್ಷ ಕೋಟಿಯ ವ್ಯವಹಾರ ನಡೆಸ್ತಾ ಇದ್ದ ಈ ಸ್ಯಾಂಟಿಗೋ ಮಾರ್ಟಿನ್​.
   
    ಯಾವಾಗ ಈ ಮಾರ್ಟಿನ್ ಎಗ್ಗುಸಿಗ್ಗಿಲ್ಲದೇ ಲಾಟರಿ ದಂಧೆಯನ್ನ ನಡೆಸ್ತಾನೋ, ಅದು ಆತನ ಬುಡಕ್ಕೇ ಬಂದು ಬಿಡುತ್ತೆ.. ಕೇರಳಾ ರಾಜ್ಯದಲ್ಲಿ ದೊಡ್ಡ ಸುದ್ದಿಯಾಗಿ, ಸರ್ಕಾರಕ್ಕೆ 40 ಕೋಟಿ ತೆರೆಗೆ ವಂಚನೆ ಮಾಡಿರುವ ಬಗ್ಗೆ ಕೇಸ್ ದಾಖಲಾಗುತ್ತೆ.. ಇದರ ಪರಿಣಾಮವಾಗಿ ಸಿಬಿಐ ಅಧಿಕಾರಿಗಳು ಈ ಸ್ಯಾಂಟಿಗೋ ಮಾರ್ಟಿನ್​ನನ್ನ ಬಂಧಿಸ್ತಾರೆ.

    ಸ್ಯಾಂಟಿಗೋ ಮಾರ್ಟಿನ್​ ಬಂಧನಕ್ಕೊಳಗಾದ್ರೂ ಈತ ಕಟ್ಟಿದ ಲಾಟರಿ ಸಾಮ್ರಾಜ್ಯ, ಇಂದಿಗೂ ಗುಪ್ತವಾಗಿ ಕಾರ್ಯನಿರ್ವಹಿಸ್ತಾನೇ ಇದೆ. ಇಂಥಾ ಲಾಟರಿ ಕಿಂಗ್​ಪಿನ್​​ ಮಗಾನೇ ಈಗ ಕೇಂದ್ರದಲ್ಲಿ ಸರ್ಕಾರ ರಚಿಸಿರೋ ಬಿಜೆಪಿ ಪಕ್ಷಕ್ಕೆ ಸೇರ್ಪಡೆಗೊಂಡಿದ್ದಾನೆ. ಬಿಜೆಪಿಯ ಹಿರಿಯ ಮುಖಂಡರು ರೆಡ್ ಕಾರ್ಪೆಟ್ ಹಾಕಿ ಮಾರ್ಟಿನ್​ ಮಗ ಚಾರ್ಲ್ಸ್​ ಮಾರ್ಟಿನ್​ರನ್ನ ಪಕ್ಷಕ್ಕೆ ಬರಮಾಡಿಕೊಂಡಿದೆ.
   
    ಇನ್ನೊಂದು ಅಚ್ಚರಿಯ ವಿಷ್ಯಾ ಏನ್​ ಗೊತ್ತಾ? ಕಳೆದ ಚುನಾವಣೆ ಟೈಮಲ್ಲಿ ಚೆನ್ನೈಗೆ ಬಂದಿದ್ದ ಮೋದಿ, ವೇದಿಕೆ ಹಂಚಿಕೊಂಡಿದ್ದು ಇದೇ ಲಾಟರಿ ಕಿಂಗ್​ಪಿನ್ ಪತ್ನಿ ಲಿಮಾ ರೋಸ್​​ ಜೊತೆ. ಈ ಎಲ್ಲಾ ಘಟನೆಗಳನ್ನು ನೋಡಿದ್ರೆ, ಲಾಟರಿ ಕಿಂಗ್​ಪಿನ್​ ಮಾರ್ಟಿನ್​​ ಮಗನನ್ನ ಪಕ್ಷಕ್ಕೆ ಸೇರಿಸಿಕೊಳ್ಳೋದಕ್ಕೆ ಬಿಜೆಪಿ ಹಿಂದಿನಿಂದಲೂ ಪ್ರಯತ್ನಿಸ್ತಾನೇ ಇತ್ತು ಅನ್ನೋದು ಕನ್ಫರ್ಮ ಆಗುತ್ತೆ. ಈ ಎಲ್ಲಾ ಪ್ರಯತ್ನಗಳ ಫಲವಾಗಿಯೇ ಈಗ ಬಿಜೆಪಿ ಸೇರ್ಪಡೆಗೊಂಡಿದ್ದಾನೆ ಲಾಟರಿ ದಂಧೆಯ ಕಿಂಗ್​ಪಿನ್​ ಮಗ ಚಾರ್ಲ್ಸ್​​ ಮಾರ್ಟಿನ್​..    
ಮೋದಿ ಅಡ್ವಾಣಿಯಂಥ ಘಟಾನುಘಟಿಗಳು ಇರೋ ಬಿಜೆಪಿಯಲ್ಲಿ ಚಾರ್ಲ್ಸ್​ ಮಾರ್ಟಿನ್​​ ಅಷ್ಟೋಂದು ಅನಿವಾರ್ಯಾನಾ? ವಿವಾದಗಳಿಗೂ ಕೇರ್ ಮಾಡದೇ ಚಾರ್ಲ್ಸ್​​ರನ್ನ ಪಕ್ಷಕ್ಕೆ ಸೇರಿಸಿಕೊಂಡಿದ್ಯಾಕೆ? ಅನ್ನೋ ಅನುಮಾನಗಳು ನಿಮ್ಮನ್ನು ಕಾಡಬಹುದು. ಆದ್ರೆ ಲಾಟರಿ ದಂಧೆಯಲ್ಲಿ ಮಿಂದೆದ್ದ ಈ ಕುಟುಂಬ, ಈ ಹಿಂದಿನಿಂದಲೂ ವಿವಿಧ ರಾಜಕೀಯ ಪಕ್ಷದ ಜೊತೆ ಗುರುತಿಸಿಕೊಂಡೇ ಬಂದಿತ್ತು

ಪಾರಿ ರಾಜನ್​​ ಬಲೆಗೆ ಬೀಳ್ತಿದ್ದಹಾಗೆ ಅಕ್ರಮ ಲಾಟರಿ ದಂಧೆಯ ತನಿಖೆ ಚುರುಕುಕೊಂಡಿತ್ತು.. ಹಿರಿಯ ಪೊಲೀಸ್ ಅಧಿಕಾರಿ ಅಲೋಕ್ ಕುಮಾರ್ ಸೇರಿದಂತೆ ರಾಜ್ಯದ ಉನ್ನತ ಅಧಿಕಾರಿಗಳ ತಲೆದಂಡ ಕೂಡ ಆಯ್ತು.. ಆಗ್ಲೇ ನೋಡಿ.. ಈ ಲಾರಿ ದಂಧೆ ಆಳವಾಗಿ ಬೇರೂರಿರೋದು ಬಯಲಾಗಿದ್ದು.. ಅದರ ಬೇರನ್ನು ಹುಡುಕಿಕೊಂಡು ಹೋದಾಗ್ಲೇ ನೋಡಿ.. ಅಕ್ರಮ ಲಾಟರಿ ದಂಧೆಯ ಕಿಂಗ್​ಪಿನ್​​ ಈ ಸ್ಯಾಂಟಿಗೋ ಮಾರ್ಟಿನ್​​ ಹೆಸರು ಬಯಲಾಗಿದ್ದು..

   ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಕರುಣಾನಿಧಿಯೊಂದಿಗಿನ ಈ ಫೋಟೋನೋಡಿದ್ರೆ ಎಂಥವರಿಗೂ ಅರ್ಥವಾಗುತ್ತೆ. ಲಾಟರಿ ಕಿಂಗ್ ಮಾರ್ಟಿನ್ ಮತ್ತು ರಾಜ್ಯವನ್ನಾಳೋ ಸಿಎಂಗಳ ನಡುವೆ ಸಂಬಂಧ ಇತ್ತು ಅಂತ.. ಅಷ್ಟೇ ಅಲ್ಲ, ತಮಿಳು ನಾಡಲ್ಲಿ ಲಾಟರಿ ನಿಷೇಧ ಮಾಡಿದ ಜಯಲಲಿತಾರನ್ನೂ ಬುಟ್ಟಿಗೆ ಬೀಳಿಸಿಕೊಂಡಿದ್ರು ಈ ಮಾರ್ಟಿನ್.
   
    ರಾಜ್ಯದ ಸಿಎಂಗಳನ್ನು ಬಿಟ್ಟಿಗೆ ಹಾಕಿಕೊಮಡಿದ್ದ ಮಾರ್ಟಿನ್​, ಬರೀ ಲಾಟರಿ ದಂಧೆ ಮಾತ್ರವಲ್ಲ.. ರಿಯಲ್ ಎಸ್ಟೇಟ್​ ದಂಧೆಯಲ್ಲೂ ತೊಡಗಿಸಿಕೊಂಡಿದ್ರು.. ಹೀಗಾಗಿ ಹಲವು ಭೂ ವಿವಾದಗಳಲ್ಲೂ ಈತನನ್ನ ಸುತ್ತಿಕೊಂಡಿವೆ. ಸದ್ಯಕ್ಕೆ ಜಾಮೀನಿನ ಮೇಲೆ ಬಿಡುಗಡೆಯಾಗಿರೋ ಮಾರ್ಟಿನ್​ ಮೇಲೆ 32 ಕೇಸುಗಳು ಕತ್ತಿಯಂತೆ ನೇತಾಡ್ತಿವೆ. ವಿಚಾರಣೆ ಇನ್ನೂ ನಡೀತಾನೇ ಇದೆ. ತನ್ನ ತಂದೆಯನ್ನ ಹೇಗಾದ್ರೂ ಮಾಡಿ ಈ ಎಲ್ಲಾ ಪ್ರಕರಣಗಳಿಂದ ಮುಕ್ತಗೊಳಿಸಬೇಕು ಅನ್ನೋದು ಚಾರ್ಲ್ಸ್​​ ಲೆಕ್ಕಾಚಾರ. ಇದೇ ಕಾರಣಕ್ಕೆ ಈಗ ಅಧಿಕಾರದಲ್ಲಿರೋ ಬಿಜೆಪಿಗೆ ಚಾರ್ಲ್ಸ್​​ ಸೇರ್ಪಡೆಗೊಂಡಿದ್ದಾನೆ ಅನ್ನೋದು ರಾಜಕೀಯ ತಜ್ಞರ ಲೆಕ್ಕಾಚಾರ.
   
    ಇನ್ನು ತಮಿಳುನಾಡಲ್ಲಿ ಡಿಎಂಕೆ ಮತ್ತು ಎಐಡಿಎಂಕೆ ಪಕ್ಷಗಳನ್ನ ಬಿಟ್ರೆ ಬೇರೆ ಯಾವ ಪಕ್ಷಕ್ಕೂ ಅಲ್ಲಿ ಸ್ಥಾನವಿಲ್ಲ.. ಹೀಗಾಗಿ ಈ ನೆಲದಲ್ಲಿ ಕಮಲ ಅರಳಿಸಬೇಕು ಅನ್ನೋದು ಬಿಜೆಪಿಯ ಲೆಕ್ಕಾಚಾರ.. ಈ ಕನಸು ನನಸಾಗಬೇಕಾದ್ರೆ, ಈ ಚಾರ್ಲ್ಸ್​ ಮಾಟಿರ್ನ್​ ಬಿಜೆಪಿಗೆ ಅನಿವಾರ್ಯ.. ಇದೇ ಕಾರಣಕ್ಕೆ ಕಣ್ರಿ.. ಚಾರ್ಲ್ಸ್​ ಮಾರ್ಟಿನ್​​ ತಂದೆ ಲಾಟರಿ ಕಿಂಗ್​ಪಿನ್ ಅಂತ ಗೊತ್ತಿದ್ರೂ, ಈತನನ್ನ ಬಿಜೆಪಿಗೆ ಸೇರಿಸಿಕೊಳ್ಳಲಾಗಿದೆ.

    ಆದ್ರೆ ಈ ಹಿಂದೆ ಸ್ವಲ್ಪ ಎಚ್ಚರ ತಪ್ಪಿ ಸುಷ್ಮಾ ಸ್ವರಾಜ್​, ಲಲಿತ್ ಮೋದಿಗೆ ಸಹಾಯ ಮಾಡಿದ್ದೇ ಈಗ ದೊಡ್ಡ ಕಂಟಕವಾಗಿ ಪರಿಣಮಿಸಿದೆ. ಬರೀ ಸುಷ್ಮಾ ಸ್ವರಾಜ್​ ಮಾತ್ರವಲ್ಲ.. ರಾಜಸ್ಥಾನ ಸಿಎಂ ವಸುಂಧರಾ ರಾಜೆಗೂ ಲಲಿತ್ ಕಂಟಕ ತಂದೊಡ್ಡಿದ್ದಾರೆ. ಈ ಸಮಸ್ಯೆಯಿಂದ ಪಾರಾಗೋ ಮುನ್ನವೇ, ಈಗ ಬಿಜೆಪಿ ಲಾಟರಿ ಕಿಂಗ್​ಪಿನ್​​ ಮಗ ಚಾರ್ಲ್ಸ್​ ಮಾರ್ಟಿನ್​ರನ್ನ ಪಕ್ಷಕ್ಕೆ ಸೇರಿಸಿಕೊಂಡಿದೆ.

    ಈಗಾಗಲೇ ಇದು ದೊಡ್ಡ ಬಿರುಗಾಳಿಯಂತೆ ದೇಶಾದ್ಯಂತ ಚರ್ಚೆಗೆ ಗ್ರಾಸವಾಗಿದೆ. ಲಾಟರಿ ಕಿಂಗ್​ಪಿನ್​ ಮಗನಿಗೆ ಬಿಜೆಪಿ ಮಣೆ ಹಾಕಿರೋದು ಮೋದಿ ಸರ್ಕಾರದ ಘನತೆಯನ್ನ ಕುಗ್ಗಿಸುವಂತೆ ಮಾಡಿದೆ.

    ಆದ್ರೆ ಪ್ರತಿಪಕ್ಷಗಳ ಈ ಟೀಕೆಗೆ ಬಿಜೆಪಿ ಸಮರ್ಥನೆ ನೀಡಿದೆ. ಸ್ಯಾಂಟೆಗೋ ಮಾರ್ಟಿನ್​ ಮೇಲೆ ಕೇಸುಗಳಿವೆ. ಆದ್ರೆ ಆತನ ಮಗ ಚಾರ್ಲ್ಸ್​ ಮಾರ್ಟಿನ್​ ಮೇಲೆ ಯಾವ ಕೇಸುಗಳೂ ಇಲ್ಲ.. ಈತ ಸ್ವಚ್ಛ ವ್ಯಕ್ತಿ.. ಹೀಗಾಗಿ ಚಾರ್ಲ್ಸ್​ ಮಾರ್ಟಿನ್​ರನ್ನ ಬಿಜೆಪಿಗೆ ಸೇರಿಸಿಕೊಂಡಿದ್ದೇವೆ ಅಂತ ಸಮಜಾಯಿಷಿ ನೀಡ್ತಾರೆ..

    ಬಿಜೆಪಿಯವರು ಏನೇ ಸಮರ್ಥನೆ ಮಾಡ್ಕೊಂಡಿರಬಹುದು. ಆದ್ರೆ, ಚಾರ್ಲ್ಸ್​​ ಮಾರ್ಟಿನ್​ರನ್ನ ಪಕ್ಷಕ್ಕೆ ಸೇರಿಸಿಕೊಂಡಿರೋದು ಬಿಜೆಪಿ ವರ್ಚಸ್ಸನ್ನ ಕುಗ್ಗಿಸಿದೆ. ಈಗಾಗಲೇ ಲಲಿತ್ ಮೋದಿಯಿಂದ ಇಕ್ಕಟ್ಟಿಗೆ ಸಿಲುಕಿದ ಬಿಜೆಪಿಗೆ ಚಾರ್ಲ್ಸ್​ ಮಾರ್ಟಿನ್​ ಸೇರ್ಪಡೆ ಮತ್ತಷ್ಟು ಕಂಟಕವಾಗಲಿದೆ ಅನ್ನೋದು ರಾಜಕೀಯ ವಿಶ್ಲೇಷಕರ ಲೆಕ್ಕಾಚಾರ.

    ತಮಿಳುನಾಡಿನಲ್ಲಿ ತಮ್ಮ ಸಾಮ್ರಾಜ್ಯ ಸ್ಥಾಪಿಸಬೇಕು ಅನ್ನೋ ಒಂದೇ ಉದ್ದೇಶದಿಂದ ಬಿಜೆಪಿ ಈ ನಿರ್ಧಾರ ತೆಗೆದುಕೊಳ್ತಾ? ಅಥವ ಆತನ ತಂದೆ ತಪ್ಪು ಮಾಡಿದ್ರೇನು ಚಾರ್ಲ್ಸ್​ ಮಾರ್ಟಿನ್​ ಸ್ವಚ್ಛ ವ್ಯಕ್ತಿ ಅಂತ ಈತನಿಗೆ ಮಣೆ ಹಾಕಲಾಯ್ತಾ? ಈ ಪ್ರಶ್ನೆಗಳು ಒಂದುಕಡೆ ಇರಲಿ.. ಆದ್ರೆ, ಚಾರ್ಲ್ಸ್​ ಮಾರ್ಟಿನ್​​ರನ್ನ ಪಕ್ಷಕ್ಕೆ ಸೇರಿಸಿಕೊಳ್ಳೋ ಮೊದಲು ಬಿಜೆಪಿ ಸ್ವಲ್ಪ ಯೋಚನೆ ಮಾಡ್ಬೇಕಿತ್ತು. ಯಾಕಂದ್ರೆ ಇದು ಮುಂದಿನ ದಿನಗಳಲ್ಲಿ ಬಿಜೆಪಿಗೆ ಹೊಸ ಸಂಕಷ್ಟ ತಂದೊಡ್ಡಿದ್ದು ಮಾತ್ರ ಸುಳ್ಳಲ್ಲ..

ಮೋದಿ, ಅಡ್ವಾಣಿಯವರಂಥ ಪ್ರಭಾವಿ ನಾಯಕರಿರೋ ಬಿಜೆಪಿ ಪಕ್ಷದಲ್ಲಿ ಲಾಟರಿ ದಂಧೆಯ ಕಿಂಗ್​ಪಿನ್​ನ ಮಗ ಕಾಣಿಸಿಕೊಂಡಿರೋದು ನಿಜಕ್ಕೂ ಶಾಗ್ತಿದೆ.. ತಂದೆ ಬಹುಕೋಟಿ ಲಾಟರಿ ಹಗರಣದಲ್ಲಿ ಜೈಲಿನ ಕಂಬಿ ಎಣಿಸ್ತಿದ್ರೆ, ಮಗ ಈಗ ಸ್ವಚ್ಛ ಆಡಳಿತದ ಸರ್ಕಾರದ ಜೊತೆ ಕೈ ಜೋಡಿಸಿದ್ದಾನೆ. ಚೆನ್ನೈನಲ್ಲಿ ಅಧಿಕೃತವಾಗಿ ಬಿಜೆಪಿ ಪಕ್ಷಕ್ಕೆ ಸೇರ್ಪಡೆಗೊಂಡಿದ್ದಾನೆ ಚಾರ್ಲ್ಸ್​​ ಮಾರ್ಟಿನ್​..

ಡಿಗ್ರಿ ಓದಿಲ್ಲ.. ಆದ್ರೂ ಸಿಕ್ತು ಸರ್ಟಿಫಿಕೇಟ್‌..!


ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಈಗ ಸಂಕಷ್ಟದಲ್ಲಿ ಸಿಲುಕಿದ್ದಾರೆ. ಅವ್ರ ಡಿಗ್ರಿ ಬಗ್ಗೆ ಈಗ ಸಾಕಷ್ಟು ಗೊಂದಲಗಳು ಮೂಡಿವೆ. ಇದಕ್ಕೆ ಕಾರಣ ಅವ್ರು ಚುನಾವಣೆ ಟೈಮಲ್ಲಿ ಸಲ್ಲಿಸಿರೋ ಅಫಿಡೆವಿಟ್​​.. ಎಲೆಕ್ಷನ್ಟೈಮಲ್ಲಿ ಸ್ಮೃತಿ ಇರಾನಿ ಸಲ್ಲಿಸಿದ ಆ ಅಫಿಡೆವಿಟ್ನಲ್ಲಿ ಏನಿದೆ? ಅಸಲಿಗೆ ಸ್ಮೃತಿ ಇರಾನಿ ಪಡೆದಿದ್ದು ಯಾವ ಡಿಗ್ರಿ? ಇಲ್ಲಿದೆ ನೋಡಿ ವಿವಾದಿತ ನಾಯಕರ ಪದವಿ ಕಹಾನಿ.
 
ಸ್ಮೃತಿ ಇರಾನಿ.. ಕೇಂದ್ರದ ಮಾನವ ಸಂಪನ್ಮೂಲ ಸಚಿವೆ.. ಮೋದಿಗೆ ಆಪ್ತರು ಅಂತ ಗುರ್ತಿಸಿಕೊಂಡಿರೋ ಸ್ಮೃತಿ ಇರಾನಿ ಈಗ ಸಂಕಷ್ಟದಲ್ಲಿ ಸಿಲುಕಿದ್ದಾರೆ.. ಯಾವ ಮಟ್ಟಕ್ಕೆ ಅಂದ್ರೆ ಅವರನ್ನ ರಾಜಕೀಯದಿಂದ ಕೆಳಗಿಳಿಸೋ ಮಟ್ಟಕ್ಕೆ ವಿವಾದದಲ್ಲಿ ಸಿಲುಕಿಸಿದ್ದಾರೆ.. ಇದಕ್ಕೆ ಕಾರಣ ಅವರ ಡಿಗ್ರಿ..!

ಯಸ್.. ಓದಿದ್ದೇನು? ಅವ್ರು ಯಾವ ವಿಷಯದಲ್ಲಿ ಡಿಗ್ರಿ ಮಾಡಿದ್ದಾರೆ? ಅಸಲಿಗೆ ಅವ್ರು ಡಿಗ್ರಿ ಮಾಡಿದ್ದು ನಿಜಾನಾ ಹೀಗೆ ನಾನಾ ಪ್ರಶ್ನೆಗಳು ಈಗ ಚರ್ಚೆಗೆ ಗ್ರಾಸವಾಗಿದೆ.

ಸ್ಮೃತಿ ಇರಾನಿ ಡಿಗ್ರಿ ಈಗ ವಿವಾದದ ಕೇಂದ್ರ ಬಿಂದುವಾಗಿದೆ. ಇದುವರೆಗೂ ಸುಮ್ಮನಿದ್ದ ಪ್ರತಿಪಕ್ಷಗಳು ಈಗ ಬಿಜೆಪಿ ನೇತೃತ್ವದ ಎನ್ಡಿಎ ಸರ್ಕಾರದತ್ತ ವಾಗ್ಬಾಣಗಳನ್ನ ಬಿಡ್ತಾ ಇವೆ. ಸ್ಮೃತಿ ಇರಾನಿಯನ್ನ ಮುಂದಿಟ್ಕೊಂಡು, ಬಿಜೆಪಿಯನ್ನ ಟಾರ್ಗೆಟ್ ಮಾಡಿರೋ ಪ್ರತಿಪಕ್ಷಗಳು ಸ್ಮೃತಿ ಇರಾನಿಯವ್ರ ತಲೆದಂಡಕ್ಕೆ ಆಗ್ರಹಿಸ್ತಿವೆ.

ಸ್ಮೃತಿ ಇರಾನಿಯವರ ಡಿಗ್ರಿ ಬಗ್ಗೆ ಗೊಂದಲ ಸೃಷ್ಟಿಯಾಗಿದ್ದು ಹೇಗೆ ಗೊತ್ತಾ? ಅವರ ಡಿಗ್ರಿ ಬಗ್ಗೆ ಇಷ್ಟೋಂದು ವಿವಾದಗಳು ಹುಟ್ಟಿದ್ದು ಹೇಗೆ ಅಂತ ಹೇಳೋದಕ್ಕೂ ಮುನ್ನ, ಸ್ಮೃತಿ ಇರಾನಿಯವ್ರ ರಾಜಕೀಯ ಪ್ರವೇಶದ ಬಗ್ಗೆ ಹೇಳ್ಲೇಬೇಕು.. ಯಾಕಂದ್ರೆ, ಈಗ ಕೇಂದ್ರ ಸಚಿವೆಯಾಗಿರೋ ಸ್ಮೃತಿ ಇರಾನಿ ಬಣ್ಣದ ಲೋಕದಲ್ಲಿ ಸೈ ಅನಿಸಿಕೊಂಡು ಬಂದ ರೂಪವತಿ..

ಸ್ಮೃತಿ ಇರಾನಿ ಹುಟ್ಟಿದ್ದು 1976 ರಲ್ಲಿ.. ದೆಹಲಿ ಸ್ಮೃತಿ ಇರಾನಿಯ ಹುಟ್ಟೂರು.. ಚಿಕ್ಕ ವಯಸ್ಸಿನಿಂದಲೂ ರೂಪವತಿಯಾದ ಸ್ಮೃತಿ ಇರಾನಿ 1998 ರಲ್ಲಿ ಮಿಸ್ ಇಂಡಿಯಾವನ್ನ ಮುಡಿಗೇರಿಸಿಕೊಂಡ್ರು.. ಆಗ್ಲೇ ನೋಡಿ.. ಕಿರುತೆರೆಯ ಹೆಬ್ಬಾಗಿಲು ಈಕೆಗಾಗಿ ತೆರೆದುಕೊಂಡಿದ್ದು..!

ಸಾಕಷ್ಟು ಸೀರಿಯಲ್ಗಳಲ್ಲಿ ನಟಿಸಿ ಸೈ ಅನಿಸಿಕೊಂಡ ಸ್ಮೃತಿ ಇರಾನಿ.. ಕೆಲವೇ ದಿನಗಳಲ್ಲಿ ಜನರ ಮನಸ್ಸಿಗೆ ಹತ್ತಿರವಾದ್ರು.. ಇದು ಸ್ಮೃತಿ ಇರಾನಿಗೆ ರಾಜಕೀಯ ಪ್ರವೇಶಕ್ಕೆ ಅನುಕೂಲ ಮಾಡಿಕೊಟ್ತು..

2003 ರಲ್ಲಿ ಮಹಾರಾಷ್ಟ್ರದಲ್ಲಿ ರಾಜಕೀಯ ಪ್ರವೇಶ ಮಾಡಿದ್ರು ಸ್ಮೃತಿ ಇರಾನಿ.. ಇದಾದ ನಂತರ ಒಂದೇ ವರ್ಷದಲ್ಲಿ ಅಂದ್ರೆ, 2004 ರಲ್ಲಿ ಲೋಕಸಭಾ ಚುನಾವಣೆಗೆ ಎಂಟ್ರಿ ಕೊಟ್ರು..

ಇಲ್ಲೇ ನೋಡಿ ಆಗಿದ್ದು ಮೊದಲನೇ ಯಡವಟ್ಟು.. ಈ ವೇಳೆ ಚುನಾವಣಾ ಆಯೋಗಕ್ಕೆ ನೀಡಿದ ಅಫಿಡೆವಿಟ್ನಲ್ಲಿ, ನಾನು ದೆಹಲಿ ವಿವಿಯಿಂದ ಬಿಎ ಪದವಿ ಪಡೆದಿದ್ದೀನಿ ಅಂತ ಸ್ಪಷ್ಟನೆ ನೀಡಿದ್ರು..

ಆದ್ರೆ 2004 ರ ಚುನಾವಣೆಯಲ್ಲಿ ಸ್ಮೃತಿ ಇರಾನಿ ಗೆಲ್ಲೋದಕ್ಕೆ ಆಗ್ಲಿಲ್ಲ.. ಸ್ಮೃತಿ ಇರಅನಿಯನ್ನ ಹಿಂದಿಕ್ಕಿ ಭರ್ಜರಿ ಜಯ ಗಳಿಸಿದ್ರು ಕಾಂಗ್ರೆಸ್​​​ನ ಹಿರಿಯ ಮುಖಂಡ ಕಪಿಲ್ ಸಿಬಲ್​..

ಸೋತ ಮಾತ್ರಕ್ಕೆ ಸ್ಮೃತಿ ಇರಾನಿ ಸುಮ್ಮನಾಗಲಿಲ್ಲ.. ರಾಜಕೀಯದಲ್ಲಿ ಗಟ್ಟಿಯಾಗಿ ಬೇರೂರಬೇಕು ಅಂತ ಪ್ರಯತ್ನ ಪಡ್ತಾನೇ ಇದ್ರು.. 2014 ರಲ್ಲಿ ರಾಹುಲ್ ಗಾಂಧಿ ವಿರುದ್ಧ ಸ್ಪರ್ದೇ ಮಾಡಿ ಮತ್ತೆ ಸೋಲುಂಡ್ರು.. ಆದ್ರೆ ಸೋಲಿನ ಸುಳಿಯಲ್ಲಿದ್ದ ಸ್ಮೃತಿ ಇರಾನಿಯನ್ನ ಕೇಂದ್ರದ ಸಚಿವೆಯಾಗಿ ಮಾಡಿದ್ದು ಪ್ರಧಾನಿ ನರೇಂದ್ರ ಮೋದಿ..

ಮೋದಿಗೆ ಆಪ್ತರಾಗಿದ್ದ ಕಾರಣ, ಸ್ಮೃತಿ ಇರಾನಿಯನ್ನ ರಾಜ್ಯಸಭೆಗೆ ಆಯ್ಕೆ ಡಿ ಸರ್ಕಾರದಲ್ಲಿ ಸ್ಥಾನ ಕಲ್ಪಿಸಿ ಕೊಡಲಾಯ್ತು.. ಈ ವೇಳೆ ಸ್ಮೃತಿ ಇರಾನಿ ಚುನಾವಣಾ ಆಯೋಗಕ್ಕೆ ಹೊಸ ಅಫಿಡೆವಿಟ್ಸಲ್ಲಿಸಿದ್ರು.. ಇದ್ರಲ್ಲಿ ನಾನು ದೆಹಲಿ ವಿಶ್ವ ವಿದ್ಯಾನಿಲಯದಿಂದ ಬಿಕಾಂ ಪಾರ್ಟ್​-1 ಓದಿರುವುದಾಗಿ ಉಲ್ಲೇಖಿಸಿದ್ರು..

ಇಲ್ಲೇ ನೋಡಿ ಮತ್ತೊಂದು ಯಡವಟ್ಟು ಆಗಿದ್ದು.. 2004 ರಲ್ಲಿ ಸಲ್ಲಿಸಿದ ಅಫಿಡೆವಿಟ್ನಲ್ಲಿ ದೆಹಲಿ ವಿವಿಯಿಂದ ಬಿಎ ಪದವಿ ಪಡೆದಿದ್ದೀನಿ ಅಂತ ಹೇಳಿದ್ರು.. ಆದ್ರೆ 2014 ರಲ್ಲಿ ಸಲ್ಲಿಸಿದ ಅಫಿಡೆವಿಟ್ನಲ್ಲಿ ಬಿಕಾಂ ಪಾರ್ಟ್​-1 ಓದಿರುವುದಾಗಿ ಉಲ್ಲೇಖಿಸಿದ್ರು.. ಹಾಗಿದ್ರೆ ಸ್ಮೃತಿ ಇರಾನಿ ನಿಜ್ವಾಗ್ಲೂ ಓದಿದ್ದೇನು? ಬಿಕಾಂ? ಅಥವ ಬಿಎ ನಾ? ಇದು ಈಗ ವಿವಾದಕ್ಕೆ ಕಾರಣವಾಗಿದೆ.

ಸ್ಮೃತಿ ಇರಾನಿ ತಪ್ಪು ಮಾಹಿತಿ ನೀಡಿದ್ದಾರೆಂದು ಆರೋಪಿಸಿ, ಲೇಖಕ ಅಹ್ಮೀರ್ ಖಾನ್ ಕೇಂದ್ರ ಚುನಾವಣಾ ಆಯೋಗಕ್ಕೆ ದೂರು ನೀಡಿದ್ರು.. ಈ ದೂರನ್ನು ಪರಿಶೀಲಿಸಿದ ನ್ಯಾಯಾಲಯ, ಸ್ಮೃತಿ ಇರಾನಿ ಪದವಿ ಪ್ರಮಾಣದ ಪತ್ರವನ್ನು ಪರಿಶೀಲಿಸುವಂತೆ ಆದೇಶೀಸಿದೆ. ಆ ಮೂಲಕ, ಸ್ಮೃತಿ ಇರಾನಿಗೆ ಶಾಕ್ ನೀಡಿದೆ.

ನ್ಯಾಯಾಲಯದ ಈ ಆದೇಶ ಬಿಜೆಪಿ ವಲಯದಲ್ಲಿ ಬಿರುಗಾಳಿ ಸೃಷ್ಟಿಸಿದೆ. ಪ್ರತಿಪಕ್ಷಗಳಿಗೆ ಇದೊಂದು ಅಸ್ತ್ರವಾಗಿ ಪರಿಣಮಿಸಿದ್ದು,. ಸ್ಮೃತಿ ಇರಾನಿಯ ರಾಜಿನಾಮೆಗೆ ಆಗ್ರಹಿಸಿದೆ.

ಇದೇ ಥರ ಚುನಾವಣಾ ಆಯೋಕ್ಕೆ ತಪ್ಪು ಮಾಹಿತಿ ಕೊಟ್ಟ ವ್ಯಕ್ತಿಯೊಬ್ಬ ಈಗ ಜೈಲಿಗೆ ಹೋಗಿದ್ದಾನೆ.. ನಕಲಿ ಪದವಿ ಪ್ರಮಾಣಪತ್ರ ಕೊಟ್ಟು, ಗೆದ್ದು ಕಾನೂನು ಮಂತ್ರಿಯಾಗಿದ್ದ ವ್ಯಕ್ತಿಯೇ ಈಗ ಕಂಬಿ ಎಣಿಸುವಂತಾಗಿದೆ. ಅದು ಬೇರೆ ಯಾರೂ ಅಲ್ಲ.. ಭ್ರಷ್ಟರ ವಿರುದ್ಧ ಪೊರಕೆ ಹಿಡಿದು ನಿಂತ ಕೇಜ್ರಿವಾಲ್ ಸರ್ಕಾರದ ಮಂತ್ರಿ, ಜೀತೇಂದ್ರ ಸಿಂಗ್ ತೋಮರ್​..


ಜೀತೇಂದ್ರ ಸಿಂಗ್ ತೋಮರ್​.. ದೆಹಲಿಯಲ್ಲಿ ಬಿರುಗಾಳಿ ಎಬ್ಬಿಸಿ ಕಾಂಗ್ರೆಸ್ಪಕ್ಷವನ್ನು ಧೂಳೀಪಟ ಮಾಡಿದ ಆಮ್ ಆದ್ಮಿ ಪಕ್ಷದ ಮುಖಂಡರಲ್ಲಿ ಇವ್ರೂ ಒಬ್ಬರು.. ಅರವಿಂದ್ ಕೇಜ್ರಿವಾಲ್ಜೊತೆ ಸೇರ್ಕೊಂಡು ದೆಹಲಿಯಲ್ಲಿ ಆಮ್ ಆದ್ಮಿ ಪಕ್ಷಕ್ಕೆ ಬುನಾದಿ ಹಾಕಿದ ಎಎಪಿ ನಾಯಕ..

2015 ರಲ್ಲಿ ನಡೆದ ಚುನಾವಣೆಯಲ್ಲಿ ಭರ್ಜರಿ ಗೆಲುವು ಸಾಧಿಸಿದ ಆಮ್ ಆದ್ಮಿ ಪಕ್ಷ, ದೆಹಲಿಯಲ್ಲಿ ಅಧಿಕಾರದ ಗದ್ದುಗೆ ಏರಿತು.. ಚುನಾವಣೇ ಟೈಮಲ್ಲಿ ನಾನು ಬಿಎಸ್ಸಿ ಪಾಸ್ ಮಾಡಿದ್ದೀನಿ.. ಜೊತೆಗೆ ಎಲ್ಎಲ್​​ಬಿ ಕೂಡ ಮಾಡಿದ್ದೀನಿ ಅಂತ, ತಮ್ಮ ಅಫಿಡೆವಿಟ್​​ ಸಲ್ಲಿಸಿದ್ರು ಎಎಪಿ ಮುಖಂಡ ಜೀತೇಂದ್ರಸಿಂಗ್ ತೋಮರ್​..

ಸ್ವಚ್ಛ ವ್ಯಕ್ತಿಗಳಿಗೆ ಮಾತ್ರ ನಮ್ಮ ಪಕ್ಷದಲ್ಲಿ ಸ್ಥಾನ.. ಅವರವರ ವಿದ್ಯಾರ್ಹತೆಗೆ ತಕ್ಕಂತೆ ಹುದ್ದೆ ಅಂತ ಹೇಳಿದ್ದ ಅರವಿಂದ್ ಕೇಜ್ರಿವಾಲ್, ಅವರವರ ವಿದ್ಯಾರ್ಹತೆಗೆ ತಕ್ಕಂತೆ, ಸರ್ಕಾರದಲ್ಲಿ ಸ್ಥಾನ ಕಲ್ಪಿಸಿಕೊಟ್ಟಿದ್ರು. ಜೀತೇಂದ್ರ ಸಿಂಗ್​​ ಎಲ್ಎಲ್ಬಿನಲ್ಲಿ ಪದವಿ ಪಡೆದಿದ್ದಾರೆ ಅಂತ ಅವ್ರಿಗೆ ಕಾನೂನು ಸಚಿವರನ್ನಾಗಿ ನೇಮಕ ಮಾಡಲಾಯ್ತು..

ಅಧಿಕಾರದ ಗದ್ದುಗೆ ಏರಿದ ಜೀತೇಂದ್ರ ಸಿಂಗ್ ತೋಮರ್​​, ಕಾನೂನು ಸಚಿವರಾಗಿ ಆಡಳಿತ ಶುರು ಮಾಡಿದ್ರು.. ಅಷ್ಟ್ರಲ್ಲೇ ನೋಡಿ.. ಕಾನೂನು ಸಚಿವರಿಗೇ ಕಾನೂನಿನ ತೊಡಕು ಶುರುವಾಗಿದ್ದು.. ಆಗ್ಲೇ ನೋಡಿ.. ಜೀತೇಂದ್ರ ಸಿಂಗ್​​ ಕುರ್ಚಿಯೇ ಬುಡಮೇಲು ಮಾಡುವಂಥ ಸುದ್ದಿ ಸ್ಫೋಟಗೊಂಡಿದ್ದು.. ಅಷ್ಟಕ್ಕೂ ಆ ಸ್ಫೋಟಕ ಸುದ್ದಿಯಾದ್ರು ಏನು ಗೊತ್ತಾ? ಕಾನೂನು ಸಚಿವ ಜೀತೇಂದ್ರ ಸಿಂಗ್ಪಡೆದಿದ್ದ ಬಿಎಸ್​​ಸಿ ಪದವಿ ಮತ್ತು ಕಾನೂನು ಪದವಿ ಎಲ್ಲವೂ ನಕಲಿ ಅಂತ..

ಯಸ್.. ಅವಧ್​​ ವಿವಿಯಿಂದ ಬಿಎಸ್ಸಿ ಪದವಿ.. ಮತ್ತು ಚೌದರ್ಯ ಚರಣ್​​ ಸಿಂಗ್ ವಿವಿಯಿಂದ ಕಾನೂನು ಪದವಿ ಪಡೆದಿದ್ದಾಗಿ ಜೀತೇಂದ್ರ ಸಿಂಗ್ ತೋಮರ್​​ ಚುನಾವಣಾ ಆಯೋಗಕ್ಕೆ ದಾಖಲೆಗಳನ್ನ ನೀಡಿದ್ರು.. ಆದ್ರೆ ನಮ್ಮಲ್ಲಿ ತೋಮರ್​​ಗೆ ಸಂಬಂಧಿಸಿದ ಯಾವ ದಾಖಲೆಗಳೂ ಇಲ್ಲ.. ತೋಮರ್ಈ ವಿವಿಗಳಲ್ಲಿ ಪದವಿ ಅಭ್ಯಾಸ ಮಾಡೇ ಇಲ್ಲ.. ನಮ್ಮ ವಿವಿಯಿಂದ ತೋಮರ್ಗೆ ಯಾವುದೇ ಪದವಿಯನ್ನ ಪ್ರದಾನ ಮಾಡಿಲ್ಲ ಅಂತ ಅವಧ್​​ ವಿವಿ ಮತ್ತು ಚೌದರ್ಯ ಚರಣ್​​ ಸಿಂಗ್ ವಿವಿ ಸ್ಪಷ್ಟನೆ ನೀಡಿವೆ. ಇದ್ರಿಂದಾಗಿ ಚುನಾವಣಾ ಆಯೋಗಕ್ಕೆ ನೀಡಿದ ಎಲ್ಲಾ ಶೈಕ್ಷಣಿಕ ದಾಖಲೆಗಳು ಹಂಡ್ರೆಡ್ ಪರ್ಸೆಂಟ್ನಕಲಿ ಅನ್ನೋದು ಸಾಬೀತಾಗಿದೆ. ಈ ಕಾರಣಕ್ಕೆ ತೋಮರ್ರನ್ನ ಬಂಧಿಸಿ ಜೈಲಿಗೆ ತಳ್ಳಲಾಗಿದೆ.

ಜೂನ್​ 9 ರಂದು ತೋಮರ್ರನ್ನ ಬಂಧಿಸಿದ ನಂತರ, ನ್ಯಾಯಾಂಗ ವಿಚಾರಣೆಗೆ ಒಳಪಡಿಸಲಾಗಿತ್ತು.. ವಿಚಾರಣೆ ನಡೆಸಿದ ನ್ಯಾಯಾಲಯ 14 ದಿನಗಳ ಕಾನೂನು ಬಂಧನ ವಿಧಿಸಿದೆ..

ಇನ್ನು ನಕಲಿ ಪದವಿ ಪ್ರಮಾಣಪತ್ರದ ಮಾಹಿತಿ ನೀಡಿದ್ದಕ್ಕಾಗಿ ತೋಮರ್ರನ್ನ ಕಾನೂನು ಸಚಿವ ಸ್ಥಾನದಿಂದ ಕೆಳಗಿಳಿಸಲಾಗಿದೆ. ಆಮ್ ಆದ್ಮಿ ಪಕ್ಷದ ಮುಖಂಡ ಹಾಗೂ ದೆಹಲಿ ಸಿಎಂ ಆಗಿರುವ ಅರವಿಂದ್ ಕೇಜ್ರಿವಾಲ್​, ತೋಮರ್ನೀಡಿದ ರಾಜಿನಾಮೆಯನ್ನ ಅಂಗೀಕಲರಿಸಿದ್ದಾರೆ. ಈ ಪ್ರಕರಣ ತೋಮರ್ರಾಜಕೀಯ ಜೀವನವನ್ನೇ ಬುಡಮೇಲು ಮಾಡಿದೆ.

ನಕಲಿ ಪ್ರಮಾಣಪತ್ರ ವಿವಾದ ತೋಮರ್ರಾಜಕೀಯ ಭವಿಷ್ಯವನ್ನೇ ನುಂಗಿ ಹಾಕಿದೆ. ಇಂಥದ್ದೇ ವಿವಾದ ಈಗ ಬಿಜೆಪಿಗೆ ಸುತ್ತಿಕೊಂಡಿದೆ. ಬರೀ ಸ್ಮೃತಿ ಇರಾನಿ ಮಾತ್ರವಲ್ಲ.. ಸ್ಮೃತಿ ಇರಾನಿ ಜೊತೆ ಮತ್ತೊಬ್ಬರ ರಾಜಕೀಯ ಮುಖಂಡನೂ ಪದವಿ ಗೊಂದಲದ ವಿವಾದದಲ್ಲಿದ್ದಾರೆ. ಅಷ್ಟಕ್ಕೂ ಪದವಿ ವಿವಾದಕ್ಕೆ ಸಿಲುಕಿದ ಆ ಬಿಜೆಪಿ ಮುಖಂಡ ಯಾರು ಗೊತ್ತಾ? ಮಹಾರಾಷ್ಟ್ರದ ಶಿಕ್ಷಣ ಮಂತ್ರಿ ವಿನೋತ್ ತಾವ್ಡೆ..

ಮಹಾರಾಷ್ಟ್ರದಲ್ಲಿ ಬಿಜೆಪಿ ಸರ್ಕಾರ ಅಧಿಕಾರದಲ್ಲಿದೆ. ಸಿಎಂ ದೇವೇಂದ್ರ ಫಡ್ನವಿಸ್​​ ನೇತೃತ್ವದ ಈ ಸರ್ಕಾರದಲ್ಲಿ ವಿನೋದ್ ತಾವ್ಡೆ ಶಿಕ್ಷಣ ಮಂತ್ರಿಯಾಗಿದ್ದಾರೆ. ಆದ್ರೆ ಈ ಶಿಕ್ಷಣ ಮಂತ್ರಿಯ ಶೈಕ್ಷಣಿಕ ದಾಖಲೆಗಳೇ ಈಗ ವಿವಾದದ ಕೇಂದ್ರ ಬಿಂದುವಾಗಿವೆ..

ವಿನೋತ್ ತಾವ್ಡೆ 1980 ರಲ್ಲಿ ಪುಣೆಯ ಧ್ಯಾನೇಶ್ವರ ವಿವಿಯಿಂದ ಪದವಿ ಪಡೆದಿದ್ದಾರೆ. ಆದ್ರೆ ಧ್ಯಾನೇಶ್ವರ ವಿವಿ ಒಂದು ನಿಷೇಧಿತ ವಿವಿಯಾಗಿದ್ದು, ವಿನೋದ್ ತಾವ್ಡೆ ಪ್ರಮಾಣಪತ್ರಗಳು ನಕಲಿ ಅಂತ ಹೇಳಲಾಗ್ತಿದೆ..

ಆದ್ರೆ ಈ ಬಗ್ಗೆ ವಿನೋದ್ ತಾವ್ಡೆ ಹೇಳೋದೇ ಬೇರೆ.. ನಾನು 1980 ರಲ್ಲಿ ಪುಣೆಯಲ್ಲಿರೋ ಧ್ಯಾನೇಶ್ವರ ವಿವಿಯಲ್ಲಿ ಪದವಿ ಪಡೆದಿದ್ದೇನೆ.. ಕೇಂದ್ರ ಸರ್ಕಾರ ಈ ವಿವಿಯನ್ನ ನಿಷೇಧಿಸಿದ್ದು 2002 ರಲ್ಲಿ.. ನಿಷೇಧಕ್ಕಿಂತಲೂ ಮೊದಲೇ ನಾನು ಪದವಿ ಪಡೆದಿದ್ದು, ನನ್ನ ಪದವಿ ಪ್ರಮಾಣಪತ್ರಗಳು ಅಸಲಿ ಅಂತ ತಾವ್ಡೆ ಹೇಳ್ತಿದ್ದಾರೆ..

ಒಟ್ನಲ್ಲಿ ಬಿಜೆಪಿಯ ವಿನೋದ್ ತಾವ್ಡೆ ಮತ್ತು ಕೇಂದ್ರ ಮಾನವ ಸಂಪನ್ಮೂಲ ಸಚಿವೆ ಸ್ಮೃತಿ ಇರಾನಿ ಈಗ ಪ್ರಮಾಣಪತ್ರದ ವಿವಾದಲ್ಲಿ ಸಿಲುಕಿದ್ದಾರೆ. ಇದನ್ನೇ ಅಸ್ತ್ರವನ್ನಾಗಿಸಿಕೊಂಡಿರೋ ವಿಪಕ್ಷಗಳು ಇವರ ರಾಜಿನಾಮೆಗೆ ಪಟ್ಟು ಹಿಡಿದಿವೆ. ಅದ್ರಲ್ಲೂ ಆಮ್ ಆದ್ಮಿ ಪಕ್ಷ ಮೋದಿಗೆ ಆಪ್ತರಾಗಿರೋ ಸ್ಮೃತಿ ಇರಾನಿಯವ್ರನ್ನೇ ಟಾರ್ಗೆಟ್ ಮಾಡಿದೆ. ನಕಲಿ ಪ್ರಮಾಣಪತ್ರಕ್ಕೆ ಸಂಬಂಧಿಸಿದಂತೆ ನಾವು ಜೀತೇಂದ್ರ ಸಿಂಗ್ ತೋಮರ್​​ರಿಂದ ರಾಜಿನಾಮೆ ಪಡೆದಿದ್ದೇವೆ.. ನೀವು ಸ್ಮೃತಿ ಇರಾನಿಯವರ ರಾಜಿನಾಮೆ ಪಡೆದು, ಸ್ವಚ್ಛ ಸರ್ಕಾರದ ಘನತೆಯನ್ನ ಉಳಿಸಿಕೊಳ್ಳಿ ಅಂತ ಕಿಡಿ ಕಾರಿವೆ.

ಒಟ್ನಲ್ಲಿ ಸ್ಮೃತಿ ಇರಾನಿಯ ಡಿಗ್ರಿ ವಿವಾದವನ್ನ ವಿಪಕ್ಷಗಳು ಅಸ್ತ್ರ ಮಾಡಿಕೊಂಡಿವೆ. ಆದ್ರೆ ಈ ಬಗ್ಗೆ ಯಾವುದೇ ಎಫ್ಐಆರ್ದಾಖಲಾಗಿಲ್ಲವಾದ್ರೂ, ಸ್ಮೃತಿ ಇರಾನಿ ಡಿಗ್ರಿ ಬಗ್ಗೆ ಎದ್ದಿರುವ ವಿವಾದವನ್ನು ಪರಿಶೀಲಿಸುವಂತೆ ನ್ಯಾಯಲಯ ಅಧಿಕಾರಿಗಳಿಗೆ ಸೂಚನೆ ನೀಡಿದೆ. ಈ ವೇಳೆ ಚುನಾವಣಾ ಆಯೋಗಕ್ಕೆ ತಪ್ಪು ಮಾಹಿತಿ ನೀಡಿದ್ದು ಸಾಬೀತಾದ್ರೆ, ಸ್ಮೃತಿ ಇರಾನಿಗೆ ಸಂಕಷ್ಟ ತಪ್ಪಿದ್ದಲ್ಲ.. ಮೋದಿ ಸರ್ಕಾರಕ್ಕೂ ಇದು ಕಂಟಕವಾಗೋ ಸಾಧ್ಯತೆ ಇದೆ..

ಮತ್ತೆ ಭಾರತದ ಸಂಸತ್ ಮೇಲೆ ದಾಳಿಗೆ ಉಗ್ರರ ಸಂಚು?



ಆಫ್ಘಾನಿಸ್ತಾನದಲ್ಲಿ ಉಗ್ರರು ರಕ್ತದೋಕುಳಿಯಾಡಿದ್ದಾರೆ. ಸಂಸತ್ತಿನ ಮೇಲೆ ದಾಳಿ ಮಾಡಿ ಸರ್ಕಾರವನ್ನೇ ಬೆಚ್ಚಿ ಬೀಳಿಸಿದ್ದಾರೆ ತಾಲಿಬಾನಿಗಳು.. ಆದ್ರೀಗ ಅವ್ರ ಕಣ್ಣು ಭಾರತದ ಮೇಲೆ ಬಿದ್ದಿದೆ.. ಭಾರತವನ್ನ ಟಾರ್ಗೆಟ್ ಮಾಡಿರೋ ಉಗ್ರರು ಈಗಾಗಲೇ ಭಾರತದತ್ತ ನುಗ್ಗಿ ಬರ್ತಿದ್ದಾರೆ. ಹಾಗಿದ್ರೆ ಭಾರತದಲ್ಲಿ ಇಂಥದ್ದೇ ದಾಳಿ ನಡೆಯುತ್ತಾ? ಆಫ್ಘಾನ್ ದಾಳಿಯಂತೆ ಭಾರತದ ಮೇಲೆ ದಾಳಿ ಮಾಡ್ತಾರಾ ಉಗ್ರರು? ಎಂಬ ಅನುಮಾನಗಳು ಈಗ ಗರಿಗೆದರಿವೆ

ಆಫ್ಘಾನಿಸ್ತಾನ ಬೆಚ್ಚಿ ಬಿದ್ದಿದೆ.. ಬರೀ ಜನರು ಮಾತ್ರವಲ್ಲ.. ಆಫ್ಘಾನಿಸ್ತಾನವನ್ನ ಆಳೋಕೆ ನಿಂತ ಜನಪ್ರತಿನಿಧಿಗಳು ಕೂಡ ಬೆಚ್ಚಿ ಬಿದ್ದಿದ್ದಾರೆ.. ಸೋಮವಾರ ನಡೆದ ಘಟನೆ, ಆಫ್ಘಾನಿಸ್ತಾನದ ಜನರನ್ನ ಜೀವ ಭಯದಲ್ಲಿ ಬದುಕುವಂತೆ ಮಾಡಿದೆ. ಘಟನೆ ಬೇರೆ ಯಾವುದು ಅಲ್ಲ.. ಆಫ್ಘಾನ್​​ ಸಂಸತ್ತಿನ ಮೇಲೆ ಉಗ್ರರು ನಡೆಸಿದ ದಾಳಿ..
ಯಸ್.. ಹೊಗೆಯಲ್ಲಿ ಮುಚ್ಚಿಕೊಂಡಿರೋ ಜನರನ್ನು ನೋಡಿ.. ಇದ್ಯಾವುದೋ ಬೆರೆ ಜಾಗ ಅಂತ ಅಂದುಕೋಬೇಡಿ.. ಇದು ಆಫ್ಘಾನಿಸ್ತಾನದಲ್ಲಿರೋ ಪ್ರಜಾಪ್ರಭುತ್ವದ ಶಕ್ತಿ ಕೇಂದ್ರ.. ಕಾಬೂಲ್ನಲ್ಲಿರೋ ಆಫ್ಘಾನಿಸ್ತಾನದ ಸಂಸತ್ತು..!

ಸೋಮವಾರ ಬೆಳಗ್ಗೆ 10.30 ಕ್ಕೆ ಉಗ್ರರು ಅಟ್ಟಹಾಸಗೈದಿದ್ದಾರೆ. ಸಂಸತ್ತಿನ ಮೇಲೆ ದಾಳಿ ನಡೆಸಬೇಕು ಅಂತ ಮೊದಲೇ ಸಜ್ಜಾಗಿ ಬಂದ ಉಗ್ರರು, ಬಾಂಬ್ಗಳು ಮತ್ತು ಮದ್ದುಗುಂಡುಗಳೊಂದಿಗೆ ಸಂಸತ್ತಿಗತ್ತ ನುಗ್ಗಿ ಬರ್ತಾರೆ. ಸಂಸತ್ತಿನ ಒಳಗೆ ನುಗ್ಗೋದಕ್ಕೂ ಮೊದಲು,. ಸಂಸತ್ತಿನ ಹೊರಗೆ ಕಾರ್​​ ಬ್ಲಾಸ್ಮಾಡ್ತಾರೆ.

ಸಂಸತ್ತಿನ ಹೊರಗೆ ಕಾರ್ಬ್ಲಾಸ್ಟ್ ಆದ ತೀವ್ರತೆಗೆ, ಸುತ್ತಮುತ್ತಲಿನ ಭೂಮಿ ಕಂಪಿಸಿತ್ತು. ಸಂಸತ್ತಿನ ಒಳಗೆ ಹೊಗೆ ಆವರಿಸಿತ್ತು.

ಹೊರಗೆ ಕಾರ್ ಬ್ಲಾಸ್ಟ್ ಆಗುತ್ತಿದ್ದಂತೆ ಸಂಸತ್ತಿನ ಒಳಗೆ ನುಗ್ಗಲು ಉಗ್ರರು ಪ್ರಯತ್ನಿಸಿದ್ರು,. ಆದ್ರೆ ರಕ್ಷಣಾಪಡೆಗಳು ಉಗ್ರರು ಒಳನುಗ್ಗುವುದನ್ನ ತಡೆಯೋದ್ರಲ್ಲಿ ಯಶಸ್ವಿಯಾದ್ರು.. ಸಂಸತ್ತಿನ ಬಾಗಿಲ ಮುಂದೇನೇ ಉಗ್ರರನ್ನ ಹೊಡೆದುರುಳಿಸಿದ್ರು..

ಒಂದಲ್ಲ ಎರಡಲ್ಲ.. ಒಟ್ಟು ಏಳು ಉಗ್ರರ ಹೆಣ ಉರುಳಿಸಿದ್ದಾರೆ ಆಫ್ಘಾನಿಸ್ತಾನದ ರಕ್ಷಣಾಪಡೆ.

ಸೋಮವಾರ ಬೆಳಗ್ಗೆ 10.30ಕ್ಕೆ ನಡೆದ ದಾಳಿಗೆ ಓರ್ವ ಮಹಿಳೆ ಮತ್ತು ಮಗು ಬಲಿಯಾಗಿದೆ. ಇನ್ನುಳಿದಂತೆ 40 ಮಂದಿ ಗಾಯಗೊಂಡಿದ್ದಾರೆ.

ಪಾರ್ಲಿಮೆಂಟ್ಗೇ ಉಗ್ರರು ನುಗ್ಗಿ ದಾಳಿ ನಡೆಸಿರೋದು ಆಫ್ಘಾನಿಸ್ತಾನದ ಪ್ರಜೆಗಳನ್ನ ಆತಂಕಕ್ಕೆ ನೂಡಕಿದೆ. ನಮ್ಮ ಪ್ರಾಣಕ್ಕೆ ಯಾರು ರಕ್ಷಣೆ ನೀಡ್ತಾರೆ ಅಂತ ಜೀವ ಭಯದಲ್ಲಿ ಬದುಕ್ತಿದ್ದಾರೆ.

ಇನ್ನು ದಾಳಿಯ ಹೊಣೆಯನ್ನ ತಾಲೀಬಾನಿ ಸಂಘಟನೆ ಹೊತ್ತುಕೊಂಡಿದೆ. ನಾವೇ ದಾಳಿ ನಡೆಸಿದ್ದು.. ಹೊಸ ರಕ್ಷಣಾ ಸಚಿವರ ಆಯ್ಕೆಯನ್ನು ವಿರೋಧಿಸಿ ದಾಳಿ ನಡೆಸಿದ್ದೇವೆ ಅಂತ ತಾಲಿಬಾನ್​​ ಸಂಘಟನೆಯ ವಕ್ತಾರ ಜಬೀವುಲ್ಲಾ ದೂರವಾಣಿ ಮೂಲಕ ತಿಳಿಸಿದ್ದಾನೆ

ದಾಳಿಯ ಹಿಂದೆ ಒಂದು ದೊಡ್ಡ ಸಂಚೇ ಇದೆ.. ಇಷ್ಟು ದಿನಗಳ ಕಾಲ ವಿಶ್ವಸಂಸ್ತೆಯ ನ್ಯಾಟೋ ಪಡೆ ಅಫ್ಘಾನಿಸ್ತಾನದಲ್ಲಿ ನೆಲೆಯೂರಿತ್ತು.. ಉಗ್ರರನ್ನು ಧಮನ ಮಾಡಿದ ನಂತರ, ಅಫ್ಘಾನ್ನಲ್ಲಿ ಶಾಂತಿ ನೆಲೆಸುವಂತೆ ಮಾಡಿ, ಕಳೆದ ಡಿಸೆಂಬರ್ನಲ್ಲಿ ನ್ಯಾಟೋ ಪಡೆ ನಿರ್ಗಮಿಸಿತ್ತು. ಆದ್ರೆ ತಮ್ಮ ಅಸ್ತಿತ್ವವನ್ನು ತೋರಿಸಿಕೊಳ್ಳುವ ಉದ್ದೇಶದಿಂದ ತಾಲಿಬಾನ್ಉಗ್ರ ಸಂಘಟನೆ ದಾಳಿ ನಡೆಸಿದೆ. ಯಾರು ನಮ್ಮ ಮೇಲೆ ದಾಳಿ ನಡೆಸಿದ್ರೂ, ನಮ್ಮ ಶಕ್ತಿ ಕುಂದೋದಿಲ್ಲ ಅಂತ ದಾಳಿ ಮೂಲಕ ಸಾರಿ ಹೇಳಿದ್ದಾರೆ..

ಆದ್ರೆ ಆಫ್ಘಾನಿಸ್ತಾನದ ಮೇಲೆ ನಡೆದಿರೋ ದಾಳಿಯ ಕರಿ ನೆರಳು ಭಾರತದ ಮೇಲೂ ಬೀಳ್ತಿದೆ. ಯಾಕೆ ಗೊತ್ತಾ? ಆಫ್ಘಾನಿಸ್ತಾನದ ಸಂಸತ್ಮೇಲೆ ನಡೆಸಿದ ದಾಳಿ ಕೇವಲ ತಾಲಿಬಾನಿಗಳ ಕೃತ್ಯವಲ್ಲ.. ಕೃತ್ಯದ ಹಿಂದೆ ತಾಲೀಬಾನಿಗಳ ಜೊತೆ ಕೈ ಜೋಡಿಸಿದ್ದು, ಆಧುನಿಕ ಜಗತ್ತಿನಲ್ಲಿ ರಕ್ತದೋಕುಳಿಯಾಡ್ತಿರೋ ಐಸಿಸ್ಉಗ್ರರು..

ಯಸ್.. ಐಸಿಸ್ಉಗ್ರರು ತಾಲಿಬಾನಿಗಳ ಜೊತೆ ಕೈ ಜೋಡಿಸಿ ಅಲ್ಲಿನ ಸರ್ಕಾರವನ್ನ ಅಲುಗಾಡಿಸ್ತಾ ಇದ್ದಾರೆ. ಅದೇ ರೀತಿ ಭಾರತದಲ್ಲೂ ದಾಳಿ ನಡೆಸಿ, ತಮ್ಮ ಸಾಮ್ರಾಜ್ಯ ವಿಸ್ತರಿಸೋದಕ್ಕೆ ಸಂಚು ರೂಪಿಸ್ತಿದ್ದಾರೆ ಅಂತ ಹೇಳಲಾಗ್ತಿದೆ. ಭಯಾನಕ ಸ್ಟೋರಿ ಬಗ್ಗೆ ಹೆಚ್ಚಿನ ಮಾಹಿತಿ ಮುಂದಿದೆ ನೋಡಿ

ಐಸಿಸ್ಉಗ್ರರು.. ಇಡೀ ಜಗತ್ತಿಗೆ ಕಂಟಕವಾಗಿರೋ ನರ ಹಂತಕರು.. ಅವರ ಕಣ್ಣು ಈಗ ಭಾರತದ ಮೇಲೆ ಬಿದ್ದಿದೆ. ಭಾರತದಲ್ಲಿ ಇಂಥದ್ದೇ ದಾಳಿ ನಡೆಸೋ ಸಾಧ್ಯತೆ ಇದೆ ಅಂತ ಹೇಳಲಾಗ್ತಿದೆ.

ಯಸ್.. ಐಸಿಸ್ಉಗ್ರರು.. ಆಧುನಿಕ ಜಗತ್ತಿನ ಕ್ರೂರಾತಿ ಕ್ರೂರ ಜನಗಳು. ಇಡೀ ಜಗತ್ತನ್ನೇ ತಮ್ಮ ಕಪಿ ಮುಷ್ಠಿಯಲ್ಲಿ ಇಟ್ಟುಕೊಳ್ಳಬೇಕು ಅಂತ ಸಾಮ್ರಾಜ್ಯ ವಿಸ್ತರಣೆಯಲ್ಲಿ ತೊಡಗಿರೋ ನರ ರಾಕ್ಷಸರು.

ಸಿಕ್ಕ ಸಿಕ್ಕವರ ಕತ್ತು ಕತ್ತರಿಸಿ, ಅದನ್ನು ಜಗತ್ತಿನ ಜನರಿಗೆ ತೋರಿಸಿ ವಿಕೃತ ಆನಂದ ಪಡೋ ರಾಕ್ಷಸರಿವರು.. ಇರಾಕ್ ಮತ್ತು ಸಿರಿಯಾದಲ್ಲಿ ರಕ್ತದೋಕುಳಿಯಾಡಿದ ಜನರು ಅಲ್ಲಿನ ಸರ್ಕಾರವನ್ನೇ ಬುಡಮೇಲು ಮಾಡಿದ್ದಾರೆ. ದಿನೇ ದಿನೇ ಸಿರಿಯಾದಲ್ಲಿ ತಮ್ಮ ಸಾಮ್ರಾಜ್ಯ ವಿಸ್ತರಣೆ ಮಾಡ್ತಿರೋ ಐಸಿಸ್ ಉಗ್ರರು, ಈಗ ಉಗ್ರ ಸಂಘಟನೆಗಳಿಗೆ ಗಾಡ್ ಫಾದರ್ ಆಗಿದೆ. ಇದೇ ಕಾರಣಕ್ಕೆ.. ತಾಲೀಬಾನ್​, ಲಷ್ಕರ್ ತೋಯ್ಬಾ ಸೇರಿದಂತೆ ಬಹುತೇಕ ಎಲ್ಲಾ ಉಗ್ರ ಸಂಗಟನೆಗಳು ಈಗ ಐಸಿಸ್​​ ಬೆನ್ನಿಗೆ ನಿಂತಿವೆ.

ಯಾವ ಯಾವ ದೇಶದಲ್ಲಿ ಉಗ್ರ ಸಂಘಟನೆಗಳು ತಮ್ಮ ವಿಧ್ವಂಸಕ ಕೃತ್ಯಗಳನ್ನು ನಡೆಸುತ್ತೋ, ಅಂಥಾ ಉಗ್ರ ಸಂಘಟನೆಗಳಿಗೆ ಬೇಕಾದ ಎಲ್ಲಾ ರೀತಿಯ ಸಪೋರ್ಟ್ನೀಡ್ತಾರೆ ಐಸಿಸ್ ಉಗ್ರರು..

ಉಗ್ರರಿಗೆ ಭಯ ಅನ್ನೋದೇ ಉಲ್ಲವಾಗಿದೆ.. ಅಮೆರಿಕ ಸೇನೆ ಈಗಾಗಲೇ 10 ಸಾವಿರಕ್ಕಲೂ ಹೆಚ್ಚು ಉಗ್ರರನ್ನ ಸದೆ ಬಡಿದಿದ್ರೂ, ಉಗ್ರ ಸಂಘಟನೆಯ ಶಕ್ತಿ ಕುಂದಿಲ್ಲ,.. ಬದಲಿಗೆ ರಕ್ತ ಬೀಜಾಸುರರಂತೆ ಇವರ ಸಂಖ್ಯೆಯಲ್ಲಿ ಮತ್ತಷ್ಟು ಹೆಚ್ಚಳವಾಗ್ತಿದೆ.

ಸಿರಿಯಾದಲ್ಲಿನ ಸರ್ಕಾರವನ್ನೇ ಕಿತ್ತೊಗೆದು ದಿನೇ ದಿನೇ ಸಿರಿಯಾವನ್ನ ಆಕ್ರಮಿಸಿಕೊಳ್ತಿದ್ದಾರೆ ಐಸಿಸ್ಉಗ್ರರು..

ಯಾವ ಮಟ್ಟಿಗೆ ಸಿರಿಯಾದಲ್ಲಿ ಇವರ ಅಬ್ಬರವಿದೆ ಅಂದ್ರೆ, ಇವರ ಅಟ್ಟಹಾಸಕ್ಕೆ ಸೋತು ಏನೂ ಮಾಡಲಾಗದೇ ಕೈಕಟ್ಟಿ ಕೂತ್ಕೊಂಡಿದೆ ಸಿರಿಯಾ ಸರ್ಕಾರ.. ಸಿರಿಯಾ ಮಿಲಿಟರಿ ಪಡೆ ಕೂಡ ದೈತ್ಯ ಸೇನೆಯ ಕ್ರೂರ ಕೃತ್ಯಕ್ಕೆ ನಲುಗಿ ಹೋಗಿದೆ.

ಇಂಥಾ ವಿಕೃತ ಉಗ್ರರು ಇದೀಗ ಒಂದೊಂದೇ ದೇಶದಲ್ಲಿ ತಮ್ಮ ಹಿಡಿತವನ್ನ ಸಾಧಿಸ್ತಾ ಇದ್ದಾರೆ.. ಅಫ್ಘಾನಿಸ್ತಾ ನದಲ್ಲಿ ತಮ್ಮ ಪ್ರಾಬಲ್ಯ ಸಾಧಿಸೋ ನಿಟ್ಟಿನಲ್ಲಿ ತಾಲೀಬಾನಿಗಳ ಜೊತೆಗೆ ಕೈ ಜೋಡಿಸಿದೆ ಐಸಿಸ್ಸಂಘಟನೆ.

ಸಿರಿಯಾ ಸರ್ಕಾರವನ್ನ ನಡುಗಿಸಿ ಮೂಲೆಗುಂಪು ಮಾಡಿದಂತೆ, ಆಫ್ಘಾನಿಸ್ತಾನದಲ್ಲಿರೋ ಪ್ರಜಾಪ್ರಭುತ್ವ ಸರ್ಕಾರವನ್ನೂ ಬುಡಮೇಲು ಮಾಡೋ ತಂತ್ರಗಾರಿಕೆ ಇವರದ್ದು.. ಇದೇ ಉದ್ದೇಶದೊಂದಿಗೆ ತಾಲೀಬಾನಿಗಳನ್ನ ಮುಂದಿಟ್ಟುಕೊಂಡು ಐಸಿಸ್ ಉಗ್ರರು ಅಫ್ಘಾನಿಸ್ತಾನದ ಪಾರ್ಲಿಮೆಂಟ್ಮೇಲೆ ದಾಳಿ ನಡೆಸಿದ್ದಾರೆ ಅಂತ ಹೇಳಲಾಗ್ತಿದೆ..

ಬರೀ ಆಫ್ಘಾನಿಸ್ತಾನ ಮಾತ್ರವಲ್ಲ.. ಐಸಿಸ್ಉಗ್ರರ ಹಿಟ್ ಲಿಸ್ಟ್ನಲ್ಲಿ ಭಾರತ ಕೂಡ ಇದೆ.. ಭಾರತದ ಮೇಲೂ ಇಂಥದ್ದೇ ದಾಳಿ ನಡೆಸೋದಕ್ಕೆ ಹಿಂದಿನಿಂದಲೂ ಸ್ಕೆಚ್ ಹಾಕ್ತಾನೇ ಬಂದಿದೆ. ಇದಕ್ಕಾಗಿ ನೂರಾರು ಮಂದಿಯನ್ನ ಐಸಿಸ್ಸಂಘಟನೆ ನೇಮಕ ಮಾಡಿಕೊಂಡಿದೆ. ಭಾರತದಲ್ಲಿ ಐಸಿಸ್ಉಗ್ರರು ಬೇರೂರೋದಕ್ಕೆ ಸಾಥ್ ನೀಡ್ತಾ ಇರೋದು ಯಾರು ಗೊತ್ತಾ? ಲಷ್ಕರ್ ತೋಯ್ಬಾ ಸಂಘಟನೆ ಇಂಡಿಯನ್ ಮುಜಾಹಿದ್ದೀನ್ ಸಂಘಟನೆ.

ಈಗಾಗಲೇ ಸಿರಿಯಾದಲ್ಲಿದ್ದ ಭಾರತೀಯರನ್ನ ಹತ್ಯೆ ಮಾಡಿ, ಭಾರತದಲ್ಲಿ ರಕ್ತದೋಕುಳಿಯಾಡೋದಕ್ಕೆ ಐಸಿಸ್ ಉಗ್ರರು ಸಿದ್ಧತೆ ನಡೆಸಿದ್ದಾರೆ. ಪಾಕಿಸ್ತಾನದ ಗಡಿ ದಾಟಿ ಭಾರತದತ್ತ ಹೆಜ್ಜೆ ಹಾಕ್ತಿದ್ದಾರೆ ಐಸಿಸ್ಉಗ್ರರು!

ಯಸ್.. ಭಾರತದ ಮೇಲಿನ ದಾಳಿಗೆ ಐಸಿಸ್ ಉಗ್ರರು ಪ್ಲಾನ್ ಹಾಕಿದ್ದಾರೆ. ಭಾರತದಲ್ಲಿ ಐಸಿಸ್ ಸಾಮ್ರಾಜ್ಯ ಸ್ಥಾಪಿಸೋದಕ್ಕೆ ಖತರ್ನಾಕ್ಪ್ಲಾನ್ ಒಂದು ರೆಡಿಯಾಗಿದೆ. ಅದೇನು ಅಂತ ಮುಂದಿದೆ ಓದಿ

ಪ್ರಜಾಪ್ರಭುತ್ವದ ತಳಹದಿಯ ಮೇಲೆ ಭಾರತ ಭದ್ರವಾಗಿ ನೆಲೆಯೂರಿದೆ. ಆದ್ರೆ ಇದು ಐಸಿಸ್ಉಗ್ರರಿಗೆ ನುಂಗಲಾರದ ತುತ್ತಾಗಿದೆ. ಇದೇ ಕಾರಣಕ್ಕೆ, ಭಾರತದಲ್ಲಿ ವಿಧ್ವಂಸಕ ಕೃತ್ಯ ನಡೆಸೋದಕ್ಕೆ ಪ್ಲಾನ್ ಮಾಡಿದ್ದಾರೆ.

ಆಫ್ಘಾನಿಸ್ತಾನದಲ್ಲಿ ನಡೆದಿರೋ ಪಾರ್ಲಿಮೆಂಟ್ದಾಳಿಯ ಬಗ್ಗೆ ನೆನೆಸ್ಕೊಂಡ್ರೆ ಮೈ ಜುಂ ಅನ್ನುತ್ತೆ.. ಅಷ್ಟೇ ಅಲ್ಲ, ಭಾರತದಲ್ಲಿ 2001ರಲ್ಲಿ ನಡೆದ ಸಂಸತ್ ದಾಳಿಯನ್ನ ನೆನಪಿಸುತ್ತೆ.

2001 ಡಿಸೆಂಬರ್ತಿಂಗಳಲ್ಲಿ ಲಕ್ಷರ್ ತೋಯ್ಬಾ ಸಂಘಟನೆ ಭಾರತದ ಸಂಸತ್ಮೇಲೆ ಇದೇ ರೀತಿ ದಾಳಿ ನಡೆಸಿತ್ತು. ದಾಳಿ ವೇಳೆ 6 ಮಂದಿ ಭದ್ರತಾ ಸಿಬ್ಬಂದಿಗಳು ಪ್ರಾಣ ತ್ಯಾಗ ಮಾಡಿ, ಐವರು ಉಗ್ರರನ್ನ ಹತ್ಯೆ ಮಾಡುವಲ್ಲಿ ಯಶಸ್ವಿಯಾದ್ರು..

ವೇಳೆ ಸೆರೆ ಸಿಕ್ಕ ಉಗ್ರ ಅಫ್ಜಲ್ ಗುರುನ್ನ 12 ವರ್ಷಗಳ ಬಳಿಕ 2013 ರಲ್ಲಿ ಗಲ್ಲಿಗೇರಿಸಲಾಯ್ತು.. ಭಾರತೀಯ ಜನತೆ ಇನ್ನೂ ಸಂಸತ್ದಾಳಿಯ ಗುಂಗಿನಿಂದ ಹೊರಬರಲು ಸಾಧ್ಯವಾಗಿಲ್ಲ.. ಹೀಗಿರುವಾಗ ಐಸಿಸ್ಉಗ್ರರು ಭಾರತದ ಪ್ರಜಾ ಪ್ರಭುತ್ವ ಬುನಾದಿಯನ್ನ ಬುಡ ಮೇಲು ಮಾಡಲು ಸಂಚು ರೂಪಿಸಿದ್ದಾರೆ ಎನ್ನಲಾಗ್ತಿದೆ.

ಐಸಿಸ್ಉಗ್ರರು ಭಾರತದ ಮೇಲೆ ಕೆಂಗಣ್ಣು ಬೀರೋದಕ್ಕೂ ಒಂದು ಕಾರಣ ಇದೆ. ಆಧುನಿಕ ಜಗತ್ತಿನಲ್ಲಿ ಭಾರತ ಪ್ರಭುತ್ವ ಸಾಧಿಸುತ್ತಿದೆ. ಜಗತ್ತಿನ ಜನರೆಲ್ಲಾ ಭಾರತದತ್ತ ತಿರುಗಿ ನೋಡುವಂತಾಗುತ್ತಿದೆ. ತಂತ್ರಜ್ಞಾನದಿಂದ ಹಿಡಿದು ಎಲ್ಲಾ ಕ್ಷೇತ್ರಗಳಲ್ಲೂ ಭಾರತ ತನ್ನ ವರ್ಚಸ್ಸನ್ನ ಹೆಚ್ಚಿಸಿಕೊಂಡಿದೆ. ಇದು ಉಗ್ರರ ನಿದ್ದೆಗೆಡಿಸಿದೆ.

ಮೋದಿ ಪ್ರಧಾನಿಯಾಗಿರೋದು ಉಗ್ರ ಸಂಘಟನೆಗಳಿಗೆ ನುಂಗಲಾರದ ತುತ್ತಾಗಿದೆ. ಇದೇ ಕಾರಣಕ್ಕೆ.. ಅಫ್ಘಾನ್ಸಂಸತ್ದಾಳಿಯಂತೆಯೇ ಭಾರತದಲ್ಲಿ ದಾಳಿ ನಡೆಸಿ, ಆತಂಕ ಸೃಷ್ಟಿಸುವ ಬಗ್ಗೆ ಉಗ್ರರು ಪ್ಲಾನ್ ಹಾಕ್ತಿದ್ದಾರೆ. 2001 ರಲ್ಲಿ ನಡೆದ ಸಂಸತ್ ದಾಳಿ ಪ್ರಕರಣ ಮತ್ತೆ ಮರುಕಳಿಸುವ ಸಾಧ್ಯತೆ ಇದೆ ಅನ್ನೋ ಲೆಕ್ಕಾಚಾರ ಕೂಡ ನಡೀತಿದೆ.

ಭಾರತದ ಏಳಿಗೆಯನ್ನು ಸಹಿಸದ ಕೆಲವು ಉಗ್ರ ಸಂಘಟನೆಗಳು ಭಾರತದಲ್ಲಿ ದಾಳಿ ನಡೆಸೋದಕ್ಕೆ ಸ್ಕೆಚ್ ಹಾಕಿವೆ. ಉಗ್ರ ಸಂಘಟನೆಗಳಿಗೆ ಐಸಿಸ್ ಬಾಹ್ಯ ಬೆಂಬಲ ನೀಡುತ್ತಿದೆ. ಐಸಿಸ್ನಿರ್ದೇಶನದಲ್ಲಿ ದಾಳಿ ನಡೆಸೋದಕ್ಕೆ ಇಂಡಿಯನ್ ಮುಜಾಹಿದ್ದೀನ್, ಲಷ್ಕರ್ ತೋಯ್ಬಾ, ಅಲ್ಖೈದಾ ಸಂಘಟನೆಗಳು ಸಜ್ಜಾಗಿವೆ.

ಇಂಡಿಯನ್ ಮುಜಾಹಿನ್ ಮುಂದಾಳತ್ವದಲ್ಲಿ ಐಸಿಸ್ ಸಂಘಟನೆಗೆ ಉಗ್ರರನ್ನನೇಮಕಾತಿ ಮಾಡಿಕೊಳ್ಳಲಾಗ್ತಿದೆ. ಅದ್ರ ಜೊತೆಗೆ ಸಿರಿಯಾದಲ್ಲಿದ್ದ ಐಸಿಸ್ಉಗ್ರರು, ಸಿರಿಯಾ ಗಡಿ ದಾಟಿ ಅಫ್ಘಾನಿಸ್ತಾ ಮತ್ತು ಪಾಕಿಸ್ತಾನದ ಗಡಿ ದಾಟಿ ಬಂದಿದ್ದು, ಭಾರತಕ್ಕೆ ನುಗ್ಗೋ ಯತ್ನದಲ್ಲಿದ್ದಾರೆ. ಇದು ಭಾರತದ ನಿದ್ದೆಗೆಡಿಸಿದೆ.

ಆದ್ರೆ ಉಗ್ರರ ಎಲ್ಲಾ ಚಟುವಟಿಕೆಗಳನ್ನು ಗುಪ್ತಚರ ಇಲಾಖೆ ಗಮನಿಸ್ತಾನೆ ಇದೆ. ಗಡಿ ಭಾಗದಲ್ಲಿ ಸೇನೆಯನ್ನ ಬಲಪಡಿಸಲಾಗಿದೆ. ದೆಹಲಿಯ ಸಂಸತ್ಭವನದ ಸುತ್ತಮುತ್ತ ಬಿಗಿ ಭದ್ರತೆಯನ್ನ ಕೈಗೊಳ್ಳಲಾಗಿದೆ. ದೇಶದೊಳಗಿನ ಉಗ್ರರನ್ನ ಹೆಡೆಮುರಿ ಕಟ್ಟಲಾಗಿದ್ದು, ಹೊರಗಿನ ಉಗ್ರರು ಗಡಿ ನುಸುಳದಂತೆ ಎಚ್ಚರವಹಿಸಲಾಗಿದೆ. ಹೀಗಾಗಿ ಭಾರತದಲ್ಲಿ ಉಗ್ರರು ಬಾಲ ಬಿಚ್ಚೋದು ಅಷ್ಟು ಸುಲಭವಲ್ಲ. ಹಾಗಂತ ಉಗ್ರರ ಹೆಜ್ಜೆಗುರುತುಗಳನ್ನ ನಿರ್ಲಕ್ಷಿಸೋದಕ್ಕೂ ಆಗೋದಿಲ್ಲ.. ಸದ್ಯಕ್ಕೆ ಸಂಸತ್ಭವನ ಸೇರಿದಂತೆ ಎಲ್ಲೆಡೆ ಬಿಗಿ ಭದ್ರತೆಯನ್ನ ಕೈಗೊಳ್ಳಲಾಗಿದೆ. ಉಗ್ರರ ಜಾಡು ಹಿಡಿದು ಗುಪ್ತಚರ ಇಲಾಖೆ ತನಿಖೆ ನಡೆಸ್ತಾ ಇದೆ.

TV9 LIVE

Suvarna News Live

Public TV Live

News 18 Kannada

ಇತ್ತೀಚೆಗೆ ಹುಡುಕಿದ್ದು